Morgunblaðið - 21.01.2003, Blaðsíða 47

ÍÞRÓTTIR
MORGUNBLAÐIÐ ÞRIÐJUDAGUR 21. JANÚAR 2003 47

DAGNÝ Linda Kristjánsdóttir,
Skíðafélagi Akureyrar, vann FIS-
mót í risasvigi í Hafjell í Noregi á
laugardag. Dagný kom í mark á tím-
anum 1.26,13 mínútum og fékk fyrir
árangur sinn 52,38 FIS-stig. Ann-
iken Borgen, frá Noregi, varð önnur
á 1.27,28 og Ingrid Oldertreen frá
Noregi varð þriðja á 1.27,49.

DAGNÝ Linda er nú komin í 76.
sæti nýjasta heimslistans í risasvigi
og hefur bætt sig verulega en hún
var í 119. sæti síðasta þegar hann var
gefinn út og fyrir ári var hún númer
252 á listanum.

MAGNUS Wislander, hinn
þrautreyndi landsliðsmaður Svía í
handknattleik, telur Dani líklegasta
til að vinna heimsmeistaratitilinn á
HM í Portúgal.

KYUNG-Shin Yoon, handknatt-
leiksmaður fá S-Kóreu, hefur fram-
lengt samning sinn við Gummers-
bach, til vorsins 2006. Yoon hefur á
síðustu árum oftar en ekki verið
markahæsti leikmaður þýsku úr-
valdsdeildarinnar. Hann sló fyrst í
gegn með landsliði S-Kóreu á HM á
Íslandi fyrir átta árum.

TYRKINN Hakan Sükür getur
byrjað að leika með Blackburn eftir
3–4 vikur að sögn Graeme Souness
knattspyrnustjóra Blackburn en
Sükür varð fyrir því óláni að fót-
brotna fyrir mánuði, á síðustu æfing-
unni áður en hann átti að leika sinn
fyrsta leik með félaginu.

OLE Gunnar Solskjær er kom-
inn á sjúkralistann hjá Manchester
United en hann meiddist á hné eftir
viðskipti við Frakkann Marcel Desa-
illy undir lok leiks Manchester Unit-
ed og Chelsea á laugardaginn. Sol-
skjær missir af síðari
undanúrslitaleiknum við Blackburn í
deildabikarkeppninni sem fram fer á
Ewood Park í kvöld og verður
örugglega heldur ekki með þegar
United tekur á móti West Ham í bik-
arkeppninni um næstu helgi.

JUAN Pablo Angel, kólumbíski
framherjinn í liði Aston Villa, sárbið-
ur forráðamenn félagsins að leyfa
sér að yfirgefa liðið. Angel, sem
keyptur var til Villa fyrir 9,5 millj-
ónir punda, hefur ekki átt upp á pall-
borðið hjá Graham Taylor, knatt-
spyrnustjóra Villa, og hefur aðeins
fengið að byrja inni á í 8 leikjum á
leiktíðinni. Angel segist vera mjög
ósáttur við vinnbrögð Taylors og tel-
ur best að hann fái að fara frá liðinu.

BRIAN Clough, fyrrum knatt-
spyrnustjóri Nottingham Forest,
gekkst undir lifrarígræðslu í síðustu
viku. Clough, sem er 67 ára gamall
og stýrði liði Forest í tvígang til sig-
urs í Evrópukeppninni, var illa far-
inn eftir óhóflega neyslu áfengis um
langt árabil og tók aðgerðin á honum
sem framkvæmd var á Englandi um
10 klukkustundir. Að sögn sonar
Clough, Nigel, fyrrum framherja
Forest og Liverpool, heilsast föður
hans eftir atvikum vel.

ERNIE Els er í miklu stuði
þessa dagana á golfvellinum. S-Afr-
íkubúinn sigraði í fyrrinótt á opna
Sony mótinu sem fram fór í Honol-
ulu og sigraði hann þar með á öðru
PGA-mótinu í röð en Els bar sigur úr
býtum á Mercedes mótinu sem fram
fór á Hawai um síðustu helgi. Els og
Ástralinn Aaron Baddeley luku báð-
ir keppni á 264 höggum en Els
tryggði sér sigurinn á annarri holu í
bráðabana.

TAMPA Bay og Oakland leika
til úrslita í ameríska fótboltanum
sem fram fer um næstu helgi.
Tampa lagði Philadelphia, 27:10, í
úrslitum Þjóðardeildarinnar í fyrri-
nótt og í Ameríkudeildinni bar Oak-
land sigurorð af Tenessee, 41:24.

JIMMY Floyd Hasselbaink, fé-
lagi Eiðs Smára Guðjohnsen hjá
Chelsea, er ekki á leið til Barcelona
eins og þrálátur orðrómur hefur ver-
ið um. Úr herbúðum Börsunga bár-
ust þær fréttir í gær að ekki stæði til
að kaupa nýjan leikmann.
FÓLK
VIÐ erum mjög ánægðir með
hve einbeittir við vorum frá
upphafi til enda gegn Áströl-
um, enda mótspyrnan lítil og að
auki var gert hlé á leiknum eft-
ir að rafmagnið fór af í lok síð-
ari hálfleiks,“ sagði Einar Þor-
varðarson, framkvæmdastjóri
HSÍ og aðstoðarþjálfari ís-
lenska landsliðsins í handknatt-
leik, í gær eftir 55:15 sigurleik-
inn gegn Ástralíu. Einar sagði
að vissulega hefði mönnum
brugðið þegar ljósin fóru af í
íþróttahöllinni í Viseu en leik-
inn hefði þurft að klára. „Höllin
er ný og manni virðist að máln-
ingin á veggjunum sé varla
þornuð. Eflaust hefur ekki allt
verið klárt hjá heimamönnum
áður en keppnin hófst. Það eru
margar rafmagnssnúrur á víð
og dreif um höllina. Álagið hef-
ur kannski verið of mikið og
þar fyrir utan hefur rignt lát-
laust hér í tvo daga og kannski
hefur það haft einhver áhrif.
Við létum rafmagnsleysið hins
vegar ekki hafa áhrif á okkur,“
sagði Einar en hann fylgdist
einnig með leik Portúgala og
Grænlendinga þar sem heima-
menn unnu 34:19. „Grænlend-
ingar eru í allt öðrum gæða-
flokki en lið Ástralíu. Þar eru
leikmenn sem leika í Skandin-
avíu, þeir kunna ýmislegt og
við munum ekki slaka á gegn
þeim. Það var mikil stemning á
meðal áhorfenda enda fyrsti
leikur Portúgala í keppninni.
Heimamenn eru með gott lið og
sýndu gegn Grænlendingum
hvað í þeim býr,“ sagði Einar.
„Grænland er
mun sterkara
en Ástralía“JAKOB Jóhann Sveins-
son, sundmaður úr Ægi,
keppir í dag og á morgun
á heimsbikarmóti í
Stokkhólmi. Keppt verð-
ur í 25 m laug og spreytir
Jakob sig í sínum eft-
irlætisgreinum, þ.e. í 200
m bringusundi í dag en í
100 m bringusundi á
morgun. „Ég hef verið í
erfiðum æfingum upp á
síðkastið þannig að ég
veit ekki alveg við hverju
má búast,“ sagði Jakob í
samtali við Morgunblaðið
í gær. „Ég ákvað að fara
út og keppa í stað þess að
vera heima, hérna fæ ég
væntanlega hörku-
keppni.“
Jakob er eini íslenski
sundmaðurinn sem tekur
þátt í mótinu. Margir
bestu sundmenn heims
taka alla jafna þátt í
heimsbikarmótunum sem
eru röð móta sem haldin
eru víðsvegar í heiminum
yfir vetrarmánuðina.
Strax að keppni lokinni
í Stokkhólmi heldur Jak-
ob til Lúxemborgar þar
sem hann verður í eldlín-
unni á föstudag, laug-
ardag og sunnudag á al-
þjóðlegu móti í 50 m
laug. Þar hyggst Jakob
taka þátt í 100 og 200 m
bringusundi, 100 m skrið-
sundi og 200 m flugsundi.
Fleiri íslenskir sundmenn
en Jakob verða með á
mótinu í Lúxemborg,
meðal þeirra eru Örn
Arnarson, Jón Oddur
Sigurðsson, Kolbrún Ýr
Kristjánsdóttir, Íris Edda
Heimisdóttir og Louisa
Isaksen.
Jakob á
heimsbikar-
móti í Svíþjóð
Jakob Jóhann
Sveinsson
KRISTJÁN Helgason snóker-
spilari gerði sér lítið fyrir og
lagði David Roe að velli í 4.
umferð Schottis Regal-
atvinnumannamótsins í gær,
5:0, en leikið var í Blackpool
á Englandi. Kristján mun því
leika í 5. umferð mótsins sem
fram fer í apríl í Glasgow í
Skotlandi. Þar mun hann
mæta James Wattana frá
Taílandi en hann er í 32. sæti
á heimslistanum og hefur
verið atvinnumaður fra árinu
1989. Wattana er einn þekkt-
asti íþróttamaður Taílands.
Hann er einnig í fámennum
hópi atvinnumanna í íþrótt-
inni sem hafa unnið til 130
millj. ísl. kr. eða meira á ferli
sínum.
Peter Gentzel, markvörður Svía,kom inn á þegar 13 mínútur
voru liðnar af leiknum og átti stærst-
an þátt í að Svíar náðu að minnka
muninn og komast yfir í leiknum.
Þetta er í sjöunda sinn sem Svíar
sigra í opnunarleik sínum á heims-
meistaramóti en Magnus Wislander
gat ekki leikið með liðinu að þessu
sinni þar sem hann er veikur.
Í gærkvöld var sænska karlalands-
liðið í handknattleik valið sem lið árs-
ins í heimalandi sínu og sagði Jo-
hannson að það væri kærkomið.
„Evrópumeistaratitill okkar á heima-
velli hefur sitt að segja í þeim efnum
og við eigum það skilið,“ sagði Jo-
hannson.
Landslið Egypta þótti hafa leikið
agað og var skipulagt í leik sínum.
Sértaklega í vörn. Johannson sagði
enn fremur að leikurinn hefði snúist
Svíum í hag eftir að stórskyttan
Hussein Zaky var tekin úr umferð.
Danir tóku Slóvena í gegn
Danir sýndu styrk sinn gegn Slóv-
enum í D-riðlinum í gær og unnu
sannfærandi, 33:24, en staðan í hálf-
leik var 17:10 Dönum í vil. Íslenska
landsliðið lék gegn Dönum og Slóv-
enum í undirbúningi sínum fyrir HM
og má sjá á þessum úrslitum að lið
Dana er gríðarlega sterkt um þessar
mundir. Slóvenar vissu ekki hvaðan á
þá stóð veðrið í upphafi leiks og
gengu Danir á lagið með því að skora
úr hraðaupphlaupum í gríð og erg.
Torben Winther, þjálfari Dana, not-
aði flesta leikmenn liðsins í leiknum
og lagði upp með að leika hratt gegn
þunglamalegu liði Slóvena enda varði
Kasper Hvidt, markvörður þeirra,
mjög vel í upphafi leiksins.
Væntingar dönsku þjóðarinnar
ruku upp úr öllu valdi í gær eftir
sannfærandi sigur og er þess nú kraf-
ist að liðið komi til baka frá Portúgal
með verðlaunagrip að þessu sinni.
AP
Þýski landsliðsmaðurinn Dragunski í baráttu við Katarmanninn Al Sulati í Viseu í gærkvöldi.
Svíar og Danir
byrja vel á HM
í Portúgal
SVÍAR voru ekki sannfærandi til að byrja með í fyrsta leik sínum á
HM í handknattleik í gær er liðið lék gegn Egyptum. Staðan í hálf-
leik var 14:13, Svíum í vil, og var leikur þeirra ómarkviss í upphafi
þar sem Egyptar komust í 5:2. Lærisveinar Bengt Johannsons náðu
hins vegar að stoppa í hripleka vörn liðsins í síðari hálfleik og sigr-
uðu 29:23.
Kristján
leikur gegn
Wattana í
Glasgow