Morgunblaðið - 01.02.2003, Blaðsíða 53
KIRKJUSTARF
MORGUNBLAÐIÐ LAUGARDAGUR 1. FEBRÚAR 2003 53
Á MORGUN, sunnudag, er fyrsta
fjölskylduhátíð ársins 2003 haldin í
Hafnarfjarðarkirkju.
Slík hátíð er haldin einu sinni í
mánuði yfir vetrartímann. Koma þá
báðir sunnudagaskólarnir saman í
kirkjunni kl.11 til fjölskylduguðs-
þjónustu ásamt öllum leiðtogum.
Hljómsveit skipuð leiðtogum sunnu-
dagaskólans leikur undir söng en
prestar eru sr. Þórhallur og sr. Þór-
hildur. Mikið er um söng, leiki og
glens og sögð er glærusaga.
Að þessu sinni munum við reka
endahnút á vetrarsöfnun barna-
starfsins til styrktar Hjálparstarfi
kirkjunnar. Af því tilefni fer öll
kirkjan í „andlegt“ ferðalag til Afr-
íku. Auk þessa kemur barnakór
kirkjunnar í heimsókn eins og venju-
lega þegar við höldum hátíð. Stjórn-
andi hans er Helga Loftsdóttir.
Barnakórinn mun dvelja í safn-
aðarheimilinu frá laugardegi til
sunnudags og alla nóttina með þann-
ig að þau verða bæði hress og vel
æfð og í miklu stuði með Guði!
Eftir fjölskylduguðsþjónustuna
heldur hátíðin áfram í safn-
aðarheimilinu þar sem boðið er upp
á nammi og annað góðgæti í tilefni
dagsins. Sunnudagaskólarútan ekur
að venju. Auk þess fer strætisvagn
frá Hvaleyrarskóla rétt fyrir 11 og
heim aftur að lokinni hátíðinni.
Þessar hátíðir Hafnarfjarðarkirkju
hafa ætíð verið ákaflega vel sóttar.
Fjölskylduhátíðin er fyrir alla ald-
urshópa og allir eru velkomnir.
Neskirkja – Alfa II
NÆSTA sunnudag, 2. febrúar, kl.
12.30 hefst Alfa II í Neskirkju. Um
er að ræða framhaldsnámskeið ætl-
að fólki sem þegar hefur sótt hefð-
bundið Alfa-námskeið. Kennt verður
í eina klukkustund hverju sinni.
Þátttakendur eru hvattir til að
mæta í messu kl. 11, fá sér kaffisopa
að henni lokinni og sitja síðan
fræðslufundinn frá 12.30–13.30.
Námskeiðið verður alla sunnu-
daga í febrúar og mars eða í 9 skipti.
Farið verður í Bréf Páls postula til
Filippímanna og byggt á bókinni Líf
á nýjum nótum eftir Nicky Gumbel
sem útgáfan Salt gaf út.
Þemu námskeiðsins eru sem hér
segir: 2. febrúar: Nýtt hjarta/ 9.
febrúar: Nýr tilgangur/ 16. febrúar:
Ný afstaða/ 23 . febrúar: Ný ábyrgð/
2. mars: Ný vinátta/ 9. mars: Nýtt
traust/ 16. mars: Nýr metnaður/ 23.
mars: Nýr auður/ 30. mars: Nýtt ör-
læti.
Námskeiðið er ókeypis og eru all-
ir velkomnir sem lokið hafa hefð-
bundnu Alfanámskeiði hvar í kirkju
sem er.
Skráning fer fram í síma 511 1560
eða með tölvupósti á netfanginu nes-
kirkja@neskirkja.is eða að lokinni
messu á sunnudaginn.
Kennarar verða, séra Örn Bárður
Jónsson og Elín Salóme Guðmunds-
dóttir og Rúnar Reynisson.
Eini drengjakór
landsins í Neskirkju
DRENGJAKÓR Neskirkju syngur
við messu kl. 11 á sunnudaginn.
Starf kórsins er með miklum blóma
en um 40 drengir æfa reglulega und-
ir stjórn Friðriks S. Kristinssonar.
Foreldrar drengjanna taka virkan
þátt í starfi kórsins, annast m.a. fjár-
öflun, söngferðir innanlands og til
útlanda. Kórinn syngur að jafnaði
við messu fyrsta sunnudag í mánuði
hverjum yfir veturinn, heldur tón-
leika á jólum og kemur víðar fram.
Einkunnarorð kórsins eru: Syngja
eins og englar, hegða sér eins og
herrar, leika sér eins og strákar.
Sameiginlegar
samkomur
SAMEIGINLEG samkoma með
Krossinum og Fíladelfíu í Fíladelfíu
Hátúni 2, Reykjavík, kl. 19:00.
Charles Ndifone predikar, beðið fyr-
ir sjúkum, lofgjörð. Allir velkomnir.
Minnum á samkomu á morgun
sunnudag kl. 16:30, Högni Valsson
predíkar, lofgjörð fyrirbænir og
brauðsbrotning.Ungbarnakirkja og
í Krakkakirkjunni verður mikið fjör
í dag, Lubba og Láki koma í heim-
sókn og einnig verður brúðuleikhús.
Flóa- og fatamarkaður
og kökubasar
LAUGARDAGINN 1. febrúar og
sunnudaginn 2. febrúar verður kór
Fríkirkjunnar í Hafnarfirði með
flóa- og fatamarkað í safnaðarheim-
ilinu á Linnetsstíg 6 milli kl. 11 og
16. Á laugardeginum verður jafn-
framt kökubasar á sama tíma.
Kór Fríkirkjunnar í Hafnarfirði
sem í dag eru 34 kórfélagar í mun
ásamt stjórnendum sínum og hljóm-
sveit halda í tónleikaferð til Dan-
merkur 29. maí nk. í tengslum við
vinarbæjarmót á Frederiksbergi í
Kaupmannahöfn.
Er þessi markaður í tengslum við
fjáröflun kórsins en kórinn hefur
meðal annars leikið í tveimur kvik-
myndum, þó aukahlutverk í fjáröfl-
unarskyni!
Vonast kórinn eftir því að Hafn-
firðingar og aðrir velunnarar kirkj-
unnar og kórsins fjölmenni í safn-
aðarheimili kirkjunnar og kynni sér
hvað þar er á boðstólum.
Fræðslumorgunn og
kvöldmessa í
Hallgrímskirkju
NK. SUNNUDAG, 2. febrúar, hefj-
ast að nýju fræðslumorgnar í Hall-
grímskirkju.
Að þessu sinni ræðir Steinunn Jó-
hannesdóttir rithöfundur um efnið
konur og islam.
Mót ólíkra menningarheima verð-
ur sífellt áleitnara viðfangsefni í
vestrænum ríkjum og því mikilvægt
að almenningi gefist kostur á
fræðslu um álitamálin. Þess er að
vænta að fyrirlestur Steinunnar
verði þarft innlegg í umræðuna um
þau. Fyrirlestur hennar hefst kl. 10
f.h. og lýkur með fyrirspurnum áður
en messa hefst kl. 11.
Á sunnudagskvöldið verður síðan
fyrsta kvöldmessa ársins með fyr-
irbænum og frjálslegu sniði.
Scola cantorum syngur við mess-
una undir stjórn Harðar Áskels-
sonar, kantors kirkjunnar.
Báðar messurnar eru í umsjá séra
Jóns Dalbú Hróbjartssonar.
Brúðubíllinn heimsækir
Laugarneskirkju
NÚ fá börnin í Laugarneshverfi
tækifæri á skemmtilegri tilbreyt-
ingu, þegar Helga Steffensen heim-
sækir sunnudagaskóla Laugarnes-
kirkju sunnudaginn 2. febrúar kl. 11
og sýnir leikritið Stein Bollason.
Brúðuleikhús er undraheimur og
boðskapur leikritanna sem Helga
setur upp er mannbætandi fyrir alla.
Hvetjum við fólk til að fjölmenna.
Gengið er inn um aðaldyr kirkju, því
börn og fullorðnir sameinast í upp-
hafi messunnar áður en sunnudaga-
skólinn hefst í safnaðarheimilinu.
Kostnaður fyrir hverja fjölskyldu er
500 kr. en séu ekki til peningar er
gjaldið fellt niður svo að öll börn fái
að njóta.
KK í Dómkirkjunni
Á SUNNUDAGSKVÖLD verður
messa kl. 20. Hún verður með ein-
földu sniði sem á að miðla kyrrlátri
nærveru og gleði á einföldum nót-
um. Um tónlist að þessu sinni sjá
tónlistamaðurinn alkunni KK og
Bræðrabandið (kunnugt úr æðru-
leysismessum). Sr. Jakob Ágúst
Hjálmarsson flytur stutta hugleið-
ingu og þjónar að altarisgöngu
ásamt sr. Hjálmari Jónssyni.
Um morguninn kl. 11 verður svo
almenn messa. Prestur sr. Jakob
Ágúst. Dómkórninn syngur undir
leiðsögn Marteins H. Friðrikssonar,
dómorganista.
Bjarni Ara, Silja Rut
og Óskar Einars
í léttmessu
ÞAÐ má með sanni segja að mikil til-
hlökkun ríki fyrir fyrstu léttmessu
ársins 2003 í Árbæjarkirkju en hún
fer fram sunnudagskvöldið 2. febr-
úar klukkan 20.
Gullbarkinn Bjarni Arason mun
leiða sönginn ásamt eiginkonu sinni
og stórsöngkonunni Silju Rut Ragn-
arsdóttur. Þeim til halds og traust
verða jafnframt söngkonur og
bassaleikari úr Fíladelfíu að
ógleymdum gospelmeistaranum og
píanósnillingnum Óskari Einarssyni
sem jafnframt útsetur tónlistina.
Lagavalið í messunni er einstakt
og má þar nefna lögin ,,Up were we
belong“ og „The Prayer“ sem þekkt
eru í flutningi Bjarna og Silju ásamt
fleiri þekktum og hrífandi gosp-
elperlum.
Sr. Óskar Ingi Ingason þjónar til
altaris og Guðni Már Harðarson
starfsmaður í unglingastarfi kirkj-
unnar flytur stutta hugvekju. Eftir
messu er boðið upp á kaffi í safn-
aðarheimilinu og félagar úr ung-
lingaklúbbi Árbæjarkirkju bjóða
rjúkandi vöfflur til sölu. Allir hjart-
anlega velkomnir.
Ekki vanrækja andlegu hliðina,
láttu sjá þig í léttmessu!
Árbæjarkirkja.
Fyrirlestur í Landakoti
SR. JÜRGEN Jamin býður upp á
fund fyrsta mánudag hvers mán-
aðar. Í þessari fyrirlestraröð verður
hver einasti hluti heilagrar messu
útskýrður með sérstökum kafla úr
ævisögu eins dýrlings. Næsti fundur
er 3. febrúar kl. 20 í safnaðarheim-
ilinu.
Erindið fjallar um Ignatíus frá
Loyola og dýrðarsöng heilagrar
messu: Ad maiorem Dei gloriam –
Guði til aukinnar dýrðar. Hlustað
verður einnig á ýmis dæmi um dýrð-
arsöng (Gloríu) í sögu kirkjunnar.
Friðarstund við Tjörnina
SUNNUDAGSKVÖLDIÐ 2. febrúar
verður kvöldstund í Fríkirkjunni við
Tjörnina klukkan 20.30.
Þema þessarar stundar verður
friður. Guðfræðinemarnir Ása Björk
Ólafsdóttir og Ólafur Jóhann Borg-
þórsson flytja okkur pistla um frið.
Tónlistin verður í höndum Önnu
Siggu og Carls Möller. Allir vel-
komnir
Fríkirkjan í Reykjavík,
Hreiðar Örn Stefánsson.
Fjölskylduhátíð
í Hafnarfjarð-
arkirkju
Hafnarfjarðarkirkja