Morgunblaðið - 02.02.2003, Blaðsíða 4

FRÉTTIR
4 SUNNUDAGUR 2. FEBRÚAR 2003 MORGUNBLAÐIÐ
Götumarkaðsstemmning
Útsölulok
um helgina
Opið kl. 13.00-17.00 í dag
GAMLA apótekið á Ísafirði, sem
er kaffi- og menningarhús ungs
fólks á norðanverðum Vest-
fjörðum, mun í ár og næsta ár fá
6 milljóna króna styrk frá ráðu-
neytum félags-, dóms- og heil-
brigðismála og Ísafjarðarbæ. Var
skrifað undir samkomulag þess
efnis í Þjóðmenningarhúsinu á
föstudag, en hver af þessum fjór-
um leggur 1,5 milljónir króna til
reksturs Gamla apóteksins árlega
næstu tvö ár. Samtals er styrk-
urinn því upp á tólf milljónir
króna.
Til stóð að undirrita samning-
inn í Gamla apótekinu á Ísafirði
en þar sem veðurútlit var slæmt í
fyrradag var ákveðið að und-
irritun samningsins færi fram í
Reykjavík. Halldór Hlöðversson,
forstöðumaður Gamla apóteksins,
segir að Ísfirðingar og nær-
sveitamenn hafi haldið sína hátíð í
Gamla apótekinu þrátt fyrir það.
„Þetta er gríðarleg viðurkenning
og stórt skref. Þetta er staðfest-
ing á því sem Gamla apótekið hef-
ur haldið á lofti,“ segir Halldór. Í
Gamla apótekinu er rekið kaffi-
hús þar sem fólk getur komið og
fengið sér kaffi en að auki er þar
ýmislegt starf í boði fyrir yngra
fólkið. Þar er t.d. aðstaða fyrir
tónlistarfólk sem vill æfa sig,
framköllunaraðstaða, borðtenn-
isborð og tölvuver. Einnig er þar
rekin útvarpsstöð hluta úr ári.
„Það er klárt mál að Gamla
apótekið hefur haft góð áhrif á
samfélagið. Mikil velvild í garð
þess endurspeglar hvað sam-
félagið er ánægt með þetta starf
og hvað starfið er merkilegt í
heild sinni.“ Segir Halldór að síð-
ustu ár hafi miklar breytingar
sést í samfélaginu, nemendur á
svæðinu hafi sýnt betri náms-
árangur og minna sé um að ungt
fólk reyki og neyti áfengis- og
vímuefna.
Reksturinn tryggður
Halldór segir að Gamla apótek-
ið hafi ekki verið rekið á föstum
fjárlögum heldur hafi Rauði
krossinn, Ísafjarðarbær, Holl-
vættir menntaskólans, fyrirtæki,
einstaklingar, félagasamtök og
stofnanir tekið höndum saman til
að tryggja reksturinn. Styrkurinn
dekki stóran hluta af rekstr-
arkostnaði hússins og gefi starfs-
mönnum Gamla apóteksins því
færi á innra starfi en til þessa hafi
mikil orka og vinna farið í að afla
fjár til að tryggja rekstur hússins.
Menningarhúsið Gamla apótekið á Ísafirði fær 12 milljóna króna styrk
Hefur haft góð áhrif á samfélagið
Morgunblaðið/Kristinn
Halldór Halldórsson, bæjarstjóri á Ísafirði, Sólveig Pétursdóttir dómsmálaráðherra, Páll Pétursson félagsmála-
ráðherra og Jón Kristjánsson, heilbrigðis- og tryggingamálaráðherra, innsigluðu samkomulagið í Þjóðmenning-
arhúsinu. Á eftir var fagnað í Gamla apótekinu á Ísafirði.
LÖGBANN var lagt sl. miðvikudag
við opinberum tónflutningi á veit-
inga- og skemmtistaðnum Kaffi
Reykjavík, sem Háaleiti ehf. rekur,
vegna síendurtekinna brota á
samningi við Samband tónskálda
og eigenda flutningsréttar, STEF.
Lögbannið var lagt á þar sem Háa-
leiti ehf. hefur ekki greitt höfund-
arréttargjald í tvö ár. Samkvæmt
STEF þurfa allir sem leika tónlist
opinberlega að fá leyfi og greiða
fyrir það svokallaðan höfundarrétt.
Kaffi Reykjavík óskaði ekki eftir
leyfi árið 2001 þegar það hóf að
leika þar tónlist. Háaleiti ehf.
samdi við STEF árið 2002 en hefur
ekki staðið við samninginn. „Þegar
við gerðum samninginn áttum við
von á því að þetta gengi,“ sagði
Gunnar Stefánsson innheimtustjóri
STEFs. STEF ákvað svo í desem-
ber að rifta samningnum og fékk
lögbann lagt á skemmtistaðinn á
miðvikudaginn.
„Þetta er fyrsta lögbannið sem
við fáum lagt á hér í Reykjavík,“
sagði Gunnar en benti á að slík lög-
bönn væru alvanaleg í Danmörku.
Lögbannið þýðir einfaldlega að
ekki megi leika tónlist á veitinga-
húsinu, hvorki íslenska né erlenda
þar sem STEF gætir bæði hags-
muna íslenskra og erlendra höf-
unda.
„Ef þeir leika tónlist er það til-
kynnt til sýslumanns. Sýslumaður
heldur uppi lögbanninu og hann
getur fengið lögregluna sér til að-
stoðar í því,“ sagði Gunnar og
sagði að STEF ætlaði að athuga
hvort veitingahúsið stæði við sitt.
Ekki samið fyrr en skuldir
eru greiddar
Gunnar sagði jafnramt að Guð-
ríður Svavarsdóttir sem upphaf-
lega var veitingaleyfishafi og
stjórnarformaður Háaleitis ehf.
segist ekki lengur starfa fyrir fé-
lagið. Hún hefur nú sótt um leyfi
til STEF til að leika tónlist á Kaffi
Reykjavík undir nafni nýs rekstr-
araðila, TLT ehf.
„Við ætlum ekki að fallast á það.
Við getum ráðið hvort við veitum
leyfi. Þau þurfa að ganga frá
skuldinni áður en þau fá leyfið að
nýju.“ Ársfjórðungsgjald STEF er
um 40.000 krónur.
Lögbann á tónlist
á Kaffi Reykjavík
FYRSTA flugs félagið, félag áhuga-
manna um flugmál, efnir til ýmissa
uppákoma á árinu í tilefni af því að
100 ár eru liðin frá því Wright-
bræðrunum bandarísku tókst að
fljúga fyrstum manna. Efna á til út-
sýnisflugs með Boeing 747 breiðþotu
og er m.a. ráðgert að bjóða slíkt flug
frá Egilsstöðum ef næg þátttaka
fæst. Yrði það í fyrsta sinn sem slík
þota lenti á Egilsstaðaflugvelli.
Gunnar Þorsteinsson, formaður
Fyrsta flugs félagsins, segir há-
punkt dagskrárinnar verða ferð til
Bandaríkjanna um miðjan desember
þegar minnst verður aldarafmælis
flugsins í Kitty Hawk, þar sem
Wright-bræður flugu fyrst. Þá segir
Gunnar í ráði að bjóða félagasam-
tökum að fulltrúar félagsins komi í
heimsókn og flytji dagskrá um
Wright-bræður.
Útsýnisflugið frá Egilsstöðum er
ráðgert fyrstu helgina í apríl og síð-
ustu helgina í apríl eru ráðgerðar
tvær til þrjár slíkar ferðir frá Kefla-
vík.
Ýmsir aðrir dagskrárliðir eru í
undirbúningi hérlendis til að minn-
ast flugafmælisins en Gunnar segir
það verða að bíða betri tíma að
greina nánar frá þeim. Fyrsta flugs
félagið hefur síðasta áratuginn stað-
ið fyrir ýmsum ferðum innanlands
og utan til að taka þátt í flugsýn-
ingum og öðrum flugatburðum.
Ráðgera
útsýnisflug
í breiðþotu
LÖG takmarka starfsemi sjóntækja-
fræðinga hér á landi mun meira en í
nágrannalöndunum, þar sem íslensk-
um sjóntækjafræðingum er ekki
heimilt að mæla sjón fólks og eru tak-
markanir á starfsemi löggiltra sjón-
tækjafræðinga hér meiri en ástæða er
til miðað við þá menntun sem þeir
hafa aflað sér. Þetta er álit Daggar
Pálsdóttur hæstaréttarlögmanns sem
hún hefur unnið fyrir stjórn Félags ís-
lenskra sjóntækjafræðinga.
Sjóntækjafræðingar hafa í mörg ár
barist fyrir að fá heimild til að annast
sjónlagsmælingar en skv. gildandi
lögum hafa augnlæknar einir heimild
til að annast augnmælingar.
Kristinn Kristinsson, stjórnarmað-
ur í Félagi íslenskra sjóntækjafræð-
inga, segir sjóntækjafræðingum í nær
öllum löndum Evrópu heimilað að
mæla sjón en hér á landi hafi augn-
læknar staðið gegn því og þrátt fyrir
ítrekaðar tilraunir hafi heilbrigðisyf-
irvöld ekki fallist á óskir sjóntækja-
fræðinga.
Dögg telur í áliti sínu hugsanlegt að
takmarkanir sem lög setja starfsemi
sjóntækjafræðinga standist ekki
ákvæði samkeppnislaga.
Brot á samkeppnislögum?
„Ljóst er að nú ríkir samkeppni
milli augnlækna varðandi sjónlags-
mælingar. Samkvæmt 2. gr. laganna
[samkeppnislaga] taka þau til hvers
konar atvinnustarfsemi s.s. fram-
leiðslu, verslunar og þjónustu. Sjón-
tækjafræðingar sem fengið hafa
menntun til sjónlagsmælinga eru hins
vegar hindraðir í því að taka þátt í
þessari samkeppni við augnlækna.
Virðist sú hindrun hugsanlega brot á
1. gr. samkeppnislaga, þó vissulega
verði að hafa í huga að hindrunin
byggist á ákvæði sérlaga,“ segir í
álitsgerðinni.
„Við erum ekki að fara fram á ann-
að en að fá að mæla sjón og ef eitthvað
óeðlilegt kemur upp á þá er það
skylda okkar sem löggiltrar heil-
brigðisstéttar að vísa fólki til augn-
læknis. Það er enginn að taka neitt af
augnlæknunum. Það má einnig benda
á að biðtími hjá augnlæknum getur
verið gríðarlega langur. Ég er sann-
færður um að ef við fengjum að mæla
sjón þá kæmust fleiri að,“ segir Krist-
inn.
„Það stóð til að landlæknir kallaði
saman fund með okkur og augnlækn-
um til að finna flöt á þessu máli og
höfum við beðið eftir bréfi frá honum
frá síðast liðnu vori. Við höfum sent
honum ítrekunarbréf en höfum ekki
fengið neitt svar. Þetta sýnir hvað
þeir eru velviljaðir í okkar garð,“ seg-
ir Kristinn. Að sögn hans eru milli 30
og 40 sjóntækjafræðingar hér á landi
og hafa nær allir öðlast löggilt réttindi
sem viðurkennd eru á öllu Evrópska
efnahagssvæðinu.
Sjóntækjafræðingar vilja fá heimild til að mæla sjón
Meiri hindranir hér
en í nágrannalöndum
FULLTRÚARÁÐ Samfylkingar-
innar í Reykjavík samþykkti fram-
boðslista flokksins í Reykjavíkur-
kjördæmunum á fundi sínum í gær.
Samkvæmt heimildum Morgun-
blaðsins lagði uppstillingarnefnd
flokksins til eftirfarandi röð fram-
bjóðenda í 11 efstu sætunum í
Norðurkjördæminu: 1. Össur
Skarphéðinsson alþingismaður. 2.
Bryndís Hlöðversdóttir alþingis-
maður. 3. Guðrún Ögmundsdóttir
alþingismaður. 4. Helgi Hjörvar
varaborgarfulltrúi. 5. Ingibjörg Sól-
rún Gísladóttir, fyrrv. borgarstjóri.
6. Ellert Schram, fyrrv. ritstjóri. 7.
Eiríkur Bergmann Einarsson
stjórnmálafræðingur. 8. Sigrún
Grendal, form. Félags tónlistar-
kennara. 9. Melkorka Óskarsdóttir
háskólanemi. 10. Þórhildur Þorleifs-
dóttir leikstjóri. 11. Heimir Már
Pétursson blaðamaður.
Í Suðurkjördæminu verða eftir-
taldir í 11 efstu sætunum: 1. Jó-
hanna Sigurðardóttir alþingismað-
ur. 2. Ásta Ragnheiður Jóhannes-
dóttir alþingismaður. 3. Mörður
Árnason íslenzkufræðingur. 4.
Ágúst Ólafur Ágústsson háskóla-
nemi. 5. Einar Karl Haraldsson
ráðgjafi. 6. Kristrún Heimisdóttir
lögfræðingur. 7. Jakob Frímann
Magnússon tónlistarmaður. 8.
Bryndís Nielsen, leiðbeinandi á
leikskóla. 9. Hólmfríður Garðars-
dóttir háskólakennari. 10. Valgerð-
ur Schram Gunnarsdóttir sjúkra-
þjálfari. 11. Halldór Gunnarsson
félagsráðgjafi.
Samkvæmt upplýsingum Morg-
unblaðsins var ekki gert ráð fyrir
neinum átökum um tillögu uppstill-
ingarnefndar á fundinum og var bú-
izt við að hún yrði samþykkt
óbreytt.
Samfylkingin
gengur frá list-
um í Reykjavík