Morgunblaðið - 02.03.2003, Blaðsíða 46
MINNINGAR
46 SUNNUDAGUR 2. MARS 2003 MORGUNBLAÐIÐ
KIRKJUSTARF
Háteigskirkja. Eldri borgarar. Félagsvist
á morgun í Setrinu kl. 13.
Árbæjarkirkja. Æskulýðsfélagið Lúkas
með fund í safnaðarheimilinu kl. 20.
Fella- og Hólakirkja. Mánudagur: Kl.
13–15.30 opið hús fyrir fullorðna í safn-
aðarheimili kirkjunnar. Spilað, fræðst,
kaffi og spjall. Bænastund kl. 15.15 í
kirkjunni. Fyrirbænaefnum má koma til
djákna í síma 557 3280. Þeir sem óska
eftir akstri láti vita í sama síma fyrir há-
degi á mánudögum. Æskulýðsstarf fyrir
8.–10. bekk á mánudagskvöldum kl. 20.
Grafarvogskirkja. Bænahópur kl. 20.
Tekið er við bænarefnum alla virka daga
frá kl. 9–17 í síma 587 9070.
Hjallakirkja. Æskulýðsfélag fyrir 9. og
10. bekk kl. 20.
Seljakirkja. Mánudagur: KFUK fundur
fyrir stelpur 9–12 ára kl. 17.15 í kirkj-
unni. Fjölbreytt fundarefni. Allar stelpur
velkomnar.
Reykjavíkurprófastsdæmi: Hádegisfund-
ur presta verður á morgun, mánudag 3.
mars, í Bústaðakirkju kl. 12.
Fríkirkjan í Reykjavík. Barnastarf kl.
11. Bangsadagur. Þá koma allir með
bangsana eða dúkkurnar með sér í
messuna. Öndunum gefið brauð eftir
messu. Allir velkomnir.
Fríkirkjan í Hafnarfirði. Mánudagur: Ung-
lingar 16 ára og eldri kl. 20–22.
Bessastaðasókn. TTT-starf fyrir 10–12
Safnaðarstarf
FASTAN er sérstakur tími kirkju-
ársins, þ.e. síðustu 7 vikurnar fyr-
ir páska.
Á þessum tíma er píslarsaga
Krists lesin og íhuguð, Pass-
íusálmar sr. Hallgríms Péturs-
sonar eru lesnir og sungnir og
gjarnan eru fjölmargir tónleikar
á þessum tíma með efni tengdu
píslarsögunni.
Í Hallgrímskirkju verður hefð-
bundið helgihald á þessum tíma,
en auk þess verður bætt við helgi-
haldi í tilefni föstunnar eins og
endranær. Löng hefð er fyrir
föstumessum á miðvikudags-
kvöldum, en að þessu sinni hefur
verið ákveðið að bjóða upp á ann-
an hátt, sem m.a. felst í eftirfar-
andi atriðum.
1. Á miðvikudagsmorgnum
verður morgunmessa kl. 8 með
altarisgöngu.
2. Hvern virkan dag föstunnar
verða lesnir passíusálmar í hádegi
þ.e. kl. 12.15, fyrst mánudaginn 3.
mars. Einn sálmur verður lesinn
hvern dag. En á föstudaginn
langa verða síðan allir pass-
íusálmarnir lesnir eins og komin
er hefð fyrir. Að þessu sinni
munu félagar úr Mótettukórnum
lesa sálmana á föstudaginn langa,
en um þessar mundir á kórinn 20
ára afmæli og vill kórinn m.a.
minnast afmælisins með þessum
hætti.
3. Á fimm sunnudagskvöldum
föstunnar í röð, frá og með 9.
mars verða kvöldmessur með tón-
list, söng og íhugun. Kammerkór
kirkjunnar, Schola cantorum og
Mótettukórinn syngja undir stjórn
Harðar Áskelssonar, þá verða
einnig ungir einsöngvarar og
hljófæraleikarar kallaðir til.
4. Á fimmtudögum er ávallt
kyrrðarstund í hádegi með tón-
list, íhugun og bæn. En að kyrrð-
arstund lokinni er boðið upp létt-
an hádegisverð á vægu verði.
5. Listvinafélag Hallgrímskirkju
stendur fyrir tvennum tónleikum
á þessum föstu- tíma, þ.e. 30.
Morgunblaðið/Ásdís
Langafastan í
Hallgrímskirkju
✝ Árni Ragnarssonfæddist á Flat-
eyri við Önundar-
fjörð 16. maí 1935.
Árni lést á Spáni 17.
desember síðastlið-
inn. Foreldrar hans
voru Ragnar Jakobs-
son útgerðarmaður,
ættaður frá Æðey við
Ísafjarðadjúp, f. 18.
mars 1904, d. 1. apríl
1992, og Margrét
Jónsdóttir kennari
frá Eyri í Seyðisfirði,
f. 21. sept. 1906, d.
26. júní 1987. Árni
átti þrjá bræður. Þeir eru: Jó-
hann, f. 21. febr. 1934, d. 23. sept.
1973, Kristján, f. 1938, og Krist-
inn, f. 1941.
Árni giftist 13. apríl 1957 eft-
irlifandi eiginkonu sinni Guðfinnu
Halldórsdóttur frá Ísafirði, f. 5.
júlí 1936, dóttir Halldórs Gunn-
arssonar, skipstjóra á Ísafirði, f.
12. júlí 1911, d. 5. febr. 1984, og
Guðbjargar Bárðardóttur kenn-
ara frá Bolungarvík, f. 15. nóv.
1912, d. 19. mars 1983. Börn
þeirra Árna og Guðfinnu eru: 1)
Ragnar, f. 1957, ókvæntur en á
dóttur frá fyrra sambandi, Elínu
Guðfinnu, f. 1992, sem búsett er í
Noregi ásamt móður sinni Lene
Hovland, f. 1966. 2) Halldór Jak-
ob, f. 1959, kvæntur Guðfinnu
Jónsdóttur, f. 1956, og börn þeirra
eru Guðfinna, f. 1984, og Gunnar
Páll, f. 1990. 3) Margrét Hanna, f.
1960, gift Eyþóri Ó. Karlssyni, f.
1960, og börn þeirra eru Árni
Snær, f. 1984, Ragn-
ar Örn, f. 1987, og
Kristín Eva, f. 1992.
4) Árni Þór, f. 1969,
sambýliskona er
Ingigerður Laugdal
Bragadóttir, f. 1969
og eiga þau saman
Vilhjálm Baldvin, f.
2000, en Árni Þór á
dóttur frá fyrra sam-
bandi Agnesi Láru,
f. 1993, með Önnu
Katrínu Einarsdótt-
ur, f. 1969. Fyrir átti
Ingigerður soninn
Ingvar Örn, f. 1993.
Árni fór suður til Reykjavíkur
eins og þeir sem hugðu á frekara
nám eftir skyldunámið. Hann
stundaði nám við Kennaraskólann
og lauk þaðan prófi árið 1956. Síð-
an lá leið hans til Englands þar
sem hann stundaði nám við versl-
unarskóla í eitt ár. Eftir það fór
hann til Edinborgar og vann þar
um tíma en þar kynntist hann eft-
irlifandi eiginkonu sinni og giftu
þau sig þar. Árni vann í Ölgerð-
inni og Heklu um tíma en árið
1965 keypti hann Hljóðfærahús
Reykjavíkur og rak hann það til
1988. Hann keypti síðan Express
litmyndir á Hótel Esju ásamt eig-
inkonu sinni sama ár og rak það
til ársins 1997. Síðustu ár ævi
sinnar var hann búsettur ásamt
eiginkonu sinni á Spáni.
Bálför Árna fór fram á Spáni.
Kveðjuathöfn um hann var haldin
í kapellunni í Fossvogi 21. febr-
úar.
Þegar vinir og samferðamenn
hverfa úr þessum heimi hvarflar
hugurinn til baka.
Fyrstu kynni mín af Árna mági
mínum, fyrir 43 árum, eru mér
minnisstæð. Ég var að koma til
tengdaforeldra minna í fyrsta sinn
og öll fjölskyldan samankomin til
þess að líta á og kynnast stúlkunni
sem Kristján, bróðir Árna, var að
koma með í sunnudagskaffi. Þetta
var ósköp erfitt fyrir mig en ég man
eftir uppörvandi brosi frá ungum
manni sem hélt á nýfæddum syni
sínum Halldóri í fanginu. Ég var
feimin við fólkið og beindi því allri
minni athygli að litla barninu. Árni
sá hvað mér leið og kímdi. Gerði
þetta atvik mér augnablikið eftir-
minnilegt. Á þessum tíma voru eldri
bræðurnir, Jóhann og Árni, kvæntir
menn með fjölskyldur en þeir yngri,
Kristján og Kristinn, ennþá í heima-
húsum.
Þeir bræður ólust upp á Flateyri
við Önundarfjörð. Faðir þeirra,
Ragnar Jakobsson, var útgerðar-
maður og vann sínu plássi vel og
lengi og var allt í öllu eins og sagt er
um athafnamenn í þorpum landsins.
Hann var einstaklega geðþekkur og
fallegur maður. Móðir þeirra, Mar-
grét Jónsdóttir kennari, var sann-
kallaður dugnaðarforkur. Man ég
ekki eftir neinu sem hún gat ekki
gert. Hún tók þátt í öllu sem var að
gerast auk þess að sjá um stórt og
gestkvæmt heimili þeirra hjóna sem
rómað var fyrir gestrisni.
Eldri bræðurnir fóru til mennta í
Héraðsskólann í Reykholti í Borg-
arfirði og Árni síðar að Núpi í Dýra-
firði. Síðan lá leið hans til Reykjavík-
ur í Kennaraskóla Íslands og lauk
hann þaðan kennaraprófi. Það átti
ekki fyrir honum að liggja að stunda
kennslu því áhugi hans beindist að
verslun og viðskiptum. Árni dvaldi í
Englandi við nám og var síðar í
Skotlandi og þar kynntist hann konu
sinni, Guðfinnu Halldórsdóttur frá
Ísafirði. Þau giftu sig í Edinborg 13.
apríl 1957. Sama dag, hér heima,
giftist Jóhann bróðir hans unnustu
sinni, Sigríði Ólafsdóttur, og var
þetta einning brúðkaupsdagur for-
eldra þeirra bræðra. Þetta var stór
dagur fyrir þau Margréti og Ragn-
ar.
Árni hafði mörg áhugamál. Hann
var góður skíðamaður og mikið fyrir
útivist. Um tíma átti hann sportbát
og sigldi um sundin blá, veiddi fisk
og fugla. Hann var líka laxveiðimað-
ur og skaut sínar jólarjúpur. Var svo
sannarlega í essinu sínu við þessa
iðju, frjáls og glaður. Sumarbústað-
urinn í Skorradal var líka mikið not-
aður og undu þau Guðfinna sér vel
þar.
Eftir heimkomuna starfaði Árni
um skeið hjá Heklu hf. en síðan
keyptu þeir bræður Hljóðfærahús
Reykjavíkur og rak Árni það síðar
einn um langa hríð. Er hann mjög
mörgum kunnur fyrir störf sín þar
og sem kaupmaður um langan tíma
við Laugaveginn.
Árni var ljúfur maður, glaðlegur
og lipur. Brosið hans var bjart og
augun glettin enda maðurinn spaug-
samur og hafði notalega nærveru.
Hann gat líka verið fastur fyrir og
fylginn sér.
Á þessum árum vorum við oft
saman fjölskyldurnar í ferðalögum
og við aðra skemmtan. Tengda-
mamma var oftast driffjöður við að
ná fjölskyldunum saman, útbúa
nesti og fara með teppi út í lautir,
fara í leiki og skemmta börnum sem
og fullorðnum. Þetta eru ógleyman-
legar stundir sem við eigum góðar
minningar um. Það hefur nú ekki
verið neitt smámál að fá á stuttum
tíma fjórar tengdadætur sem
„rændu“ sonunum frá henni, en hún
var okkur ákaflega góð og lærðum
við margt af henni. Fjórða tenga-
dóttirin er Elín Jóhannsdóttir, eig-
inkona Kristins.
Eftir að Árni seldi Hljóðfærahúsið
ráku þau hjónin um árabil framköll-
unarfyrirtækið Express.
Þau eignuðust hús á Spáni enda
elskuðu þau að vera í sól og hita.
Eina yndislega viku áttum við hjónin
með þeim og var þá farið á fallegu
golfvellina sem voru rétt við bæj-
ardyrnar. Þeir bræður nutu sín vel
en hitinn var of mikill fyrir okkur
svilkonurnar svo við vorum bara í
golfbílaleik.
Eftir sölu Express fluttu þau til
dvalar á Spáni og voru þar síðustu
árin. Því miður nutu þau þess ekki
sem skyldi. Heilsa Árna var ekki góð
síðustu árin. Tvö síðastliðin sumur
dvöldu þau hér um tíma og leitaði
hann sér lækninga. Hann tók veik-
indum sínum af miklu æðruleysi og
karlmennsku og gerði að gamni sínu
til síðasta dags. Þeir bræður, Árni
og Kristján, töluðu saman kvöldið
áður en Árni dó og sagði hann að sér
liði bara vel. Mig bað hann nokkru
áður að skila kveðju til móður minn-
ar, sem honum þótti mjög vænt um,
en hún lést 18. janúar sl.
Guðfinna studdi hann vel og gerði
allt sem hægt var til að honum liði
sem best. Hans tími var liðinn og
hinn 17. desember lést hann á
sjúkrahúsi á Spáni. Við söknum hans
mikið og nú eru þeir farnir tveir
bræðurnir. Jóhann lést aðeins 39 ára
að aldri árið 1973.
Árni og Guðfinna eignuðust fjögur
börn, Ragnar, Halldór Jakob, Mar-
gréti Hönnu og Árna Þór.
Innilega samúð vottum við þeim
öllum og barnabörnunum níu.
Við fjölskyldan þökkum Árna
samfylgdina og biðjum honum bless-
unar.
Kristín Möller.
ÁRNI
RAGNARSSON
Það var haustið l974 sem við
hjónin ákváðum að fara til Banda-
ríkjanna til dvalar í nokkra mán-
uði þar sem ég átt tvo bræður í
Seattle og marga ættingja, þar á
meðal er Mary frænka mín sem
við kveðjum nú. Málin æxluðust
þannig að hún útvegaði okkur íbúð
í Tacoma rétt hjá sér og var því
mikill samgangur á milli okkar.
Við vorum með tvo yngstu syni
okkar með okkur og fóru þeir í
skóla með frændum sínum sem
voru á sama aldri. Þarna áttu
Mary og hennar elskulegi maður
Joseph stóran þátt í því að dvölin
varð eins ógleymanleg og raun bar
vitni. Á þessum tíma rak Mary
ferðaskrifstofu og var búin að
MARY
GILLIGAN
✝ Mary MilnerGilligan fæddist
í Reykjavík 22. nóv-
ember l935. Hún
lést í Tacoma í
Washingtonfylki í
Bandaríkjunum 21.
janúar síðastliðinn.
Foreldrar hennar
eru Guðbjörg Krist-
jánsdóttir og Kjart-
an Milner heildsali,
sem er látinn.
Systkini Mary eru
Elisabeth og John,
bæði búsett í Seattle
í Bandaríkjunum.
Eiginmaður Mary er Joseph
Gilligan og börn þeirra eru
Marilyn, Catherin og John.
Útför Mary var gerð frá South
Yakima Avenue Chapel 25. jan-
úar.
ferðast út um allan
heim.
Mary var bæði
glæsileg, vel gefin og
talaði mörg tungumál.
Á sínum yngri árum
var hún mikil keppn-
ismanneskja í sundi
og hafði stundað bal-
let. Hún var flug-
freyja hjá Loftleiðum
áður en hún gifti sig
og hélt til Bandaríkj-
anna en hún hafði
kynnst Joseph eigin-
manni sínum í einni af
ferðunum. Þau
bjuggu um tíma hér í Reykjavík
en fluttu síðan til Bandaríkjanna
til heimabæjar hans, Tacoma. Þau
voru ólöt að við að bjóða okkur
með sér bæði í ferðalög og út að
borða þegar við bjuggum í ná-
grenni þeirra.
Eitt sinn smalaði hún saman
bræðrum mínum og fjölskyldum
þeirra og var farin dagsferð á
fimm bílum upp í fjöllin. Mary var
hrókur alls fagnaðar hvar sem hún
kom og þær minningar munum við
geyma. Hún hefur átt við mikla
vanheilsu að stríða hin síðari ár en
var dyggilega studd af sínum góða
eiginmanni og fjölskyldunni allri.
Móðir hennar Guðbjörg sem er
systkinabarn við mig lifir hana 92
ára að aldri. Hún bjó í nálægð við
hana og voru þær mæðgur mjög
nánar og því missir hennar mikill.
Við Inga sendum Joseph, Guð-
björgu og allri fjölskyldunni inni-
legar samúðarkveðjur.
Guðmundur Jónsson.
Elsku Maggi minn.
Til hamingju með
daginn. Ég vildi óska
að ég gæti smellt á þig
kossi en ég verð lík-
lega að bíða með það í
smá. Ég er svo ósátt og reið yfir að
þú skulir vera farinn og að þú hafir
þurft að fara með svo hörmulegum
hætti. Ég vona að þú finnir ein-
hvern tímann frið þar sem þú ert.
Það er allavega langt í að ég
finni frið innra með mér, hvort það
verðureinhvern tímann veit ég ei.
Daginn sem þú fórst var ég búin
að tala við Laufeyju og fá leyfi til
að heimsækja þig, en þú kvaddir
áður en ég komst til þín. Eftir sit
ég með minningar, eins og þegar
ég sá þig fyrst í Sjallanum á Ísa-
firði 4. júní 1999. Ég var að syngja
á sjómannaballinu og sá er þú labb-
aðir inn í salinn. VÁ!! Ég trúi á ást
MAGNÚS FREYR
SVEINBJÖRNSSON
✝ Magnús FreyrSveinbjörnsson
fæddist á Seyðisfirði
hinn 2. mars 1980.
Hann lést á Land-
spítalanum í Foss-
vogi 2. júní síðastlið-
inn og var útför hans
gerð frá Ísafjarðar-
kirkju 8. júní.
við fyrstu sýn og þú ...
svo fallegur, sólbrúnn,
í hvítu jakkafötunum
og vel til hafður, eins
og þú varst alltaf. Ég
get svo svarið það,
Maggi, að þessari sýn
á ég aldrei eftir
gleyma því þú varst
eins og engill ... og ert
eflaust fallegasti eng-
illinn í ríki hins æðri
máttar.
Þetta kvöld kynnt-
umst við, ég og þú, en
eitt stóð í veginum
fyrir lokadansinn og
við tvö vitum hvað það var. Það líð-
ur ekki einn dagur að ég hugsi ekki
til þín. Endalaust getur maður sagt
,,ef“ og spurt „af hverju“. Ef ég
hefði beðið aðeins lengur á þeim
stað þar sem ráðist var að þér, því
ég var þar fimm mínútum áður, þá
... Af hverju beið ég ekki aðeins
lengur ... en hugsanlega er engin
svör að fá. Við verðum kannski
seinna... Hvað sem því líður, til
hamingju með afmælið, elsku
Maggi minn, hvar sem þú ert. Góða
ferð, elsku vinur. Elska þig í dag, á
morgun og að eilífu.
Þín
Edda.
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein.