Morgunblaðið - 02.03.2003, Qupperneq 29

LISTIR
MORGUNBLAÐIÐ SUNNUDAGUR 2. MARS 2003 29
LEIKHÚS um allan heim munu
sameinast í andófi gegn stríði á
morgun, mánudaginn 3. mars.
Þá munu að minnsta kosti 807
leikhús í 49 löndum leiklesa Lýs-
iströtu eftir Aristofanes. Aldrei hef-
ur nokkurt verkefni innan leik-
húsheimsins verið framkvæmt á
þennan hátt og þátttakan er gríð-
arleg.
Þjóðleikhúsið og Borgarleikhúsið
taka þátt í þessu heimsátaki og
munu leikarar beggja leikhúsanna
stíga á svið kl. 20 og leiklesa verkið í
þýðingu Kristjáns Árnasonar.
Lýsistrata er einn af vinsælustu
gamanleikjunum frá gullöld grískr-
ar leikritunar og segir frá því er
konur í Grikklandi taka sig saman
og neita körlum sínum um kynlíf
nema þeir leggi af stríðsrekstur og
semji frið. Leikritið var flutt í Þjóð-
leikhúsinu 1972 í rómaðri uppfærslu
Brynju Benediktsdóttur.
Í Borgarleikhúsinu fer flutning-
urinn fram á Nýja sviðinu og þátt-
takendur eru Marta Nordal, Nína
Dögg Filippusdóttir, Arnbjörg Hlíf
Valsdóttir, Katla Margrét Þorgeirs-
dóttir, Guðrún Ásmundsdóttir, Mar-
grét Helga Jóhannsdóttir, Bergur
Þór Ingólfsson, Gísli Örn Garð-
arsson, Björn Hlynur Haraldsson,
Theodór Júlíusson og Guðmundur
Ólafsson. Stjórnandi er Guðjón Ped-
ersen.
Þátttakendur í flutningi Þjóðleik-
hússins eru Halldóra Björnsdóttir,
Brynhildur Guðjónsdóttir, Þórunn
Lárusdóttir, Þröstur Leó Gunn-
arsson, Ólafía Hrönn Jónsdóttir,
Tinna Gunnlaugsdóttir, Guðrún
Gísladóttir, Ragnheiður Steindórs-
dóttir, Vigdís Gunnarsdóttir, Lilja
Guðrún Þorvaldsdóttir, Hjalti Rögn-
valdsson, Erlingur Gíslason, Sig-
urður Skúlason, Kristbjörg Kjeld,
Margrét Guðmundsdóttir, Þóra
Friðriksdóttir, Baldur Trausti
Hreinsson, Stefán Jónsson, Sig-
urður Sigurjónsson, Pálmi Gestsson
og Randver Þorláksson. Umsjón
með leiklestrinum hefur Vigdís Jak-
obsdóttir.
Í Borgarleikhúsinu er aðgangs-
eyrir kr. 500 en í Þjóðleikhúsinu er
aðgangur ókeypis en tekið á móti
frjálsum framlögum.
Allur ágóði af sýningum beggja
leikhúsanna mun renna til styrktar
átaks til hjálpar börnum í Palestínu
en því var hleypt af stokkunum hinn
1. janúar sl. og er samvinnuverkefni
Rauða krossins í Danmörku og
Rauða hálfmánans í Palestínu með
stuðningi Rauða krossins á Íslandi.
Nánar má lesa allt um þetta ein-
stæða leikhúsverkefni á http://
www.lysistrataproject.com.
Ljóð gegn stríði
Ljóð í myrkri nefnist dagskrá sem
hefst í Þjóðleikhúskjallaranum kl.
20.30 annað kvöld í boði ljóð.is og
Byond Borders. Dagskráin er liður í
alþjóðlegum mótmælum gegn stríð-
inu í Írak. Fram koma Þorsteinn frá
Hamri og Ingibjörg Haralds, Ísak
Harðarson, Margrét Lóa Jónsdóttir,
Bjarni Bernharður, Rúna K.
Tetzschner, Þorsteinn Mar, Viðar
Örn Sævarsson og Inga Jóna Krist-
jánsdóttir og munu öll flytja ljóð sín.
Birgitta Jónsdóttir mun flytja og
syngja ljóð við undirleik Óskar Ósk-
arsdóttur og jafnframt fagna útgáfu
10 smákvera sem koma út þennan
sama dag hjá útgáfunni Beyond
Borders. Ósk Óskarsdóttir mun að
auki flytja frumsamin lög á píanó.
Kristian Guttesen er kynnir kvölds-
ins.
„Myrkrið er margþætt hugtak,
upprunalega spratt hugmyndin að-
þessari uppákomu vegna þess hve
mikið myrkur grúfir yfir okkur Ís-
lendingum á þessum árstíma og
Ljóð í myrkri átti að vera einskonar
ljós fyrir sálartetrið,“ segir Birgitta
Jónsdóttir. „En margt hefur gerst í
heimsmálunum síðan þessi hug-
mynd kviknaði og má segja að við
lifum á tímum heimsmyrkurs, þar
sem stríðsvá og ótti sé yfirþyrm-
andi. Þess vegna hefur þemanu fyr-
ir þessa ljóða-tóna-veislu verið
breytt. Við trúum því að sem skáld
og tónlistarmenn getum við gefið
aðra sýn en þessa sem blasir við
okkur í fjölmiðlum. Út um allan
heim hafa skáld tekið sig saman og
efnt til mótmæla gegn þessu myrkri;
þessu stríði. Þessi uppákoma er lið-
ur í alþjóðlegum mótmælum, þó
fyrst og fremst liður í að auka birtu
í heimi okkar með ljóðum sem eru
óháð vertíð, ljóðum sem bara eru.“
Aðgangur er ókeypis.
Leikhús heimsins
sameinast gegn stríði
Halldóra Björnsdóttir leikur
Lýsiströtu í Þjóðleikhúsinu.
Marta Nordal leikur Lýsiströtu í
Borgarleikhúsinu.