Morgunblaðið - 06.03.2003, Blaðsíða 2
FRÉTTIR
2 FIMMTUDAGUR 6. MARS 2003 MORGUNBLAÐIÐ
15 BIÐU BANA Í ÍSRAEL
Fimmtán manns biðu bana og 55
særðust þegar Palestínumaður
sprengdi sprengju, sem hann bar
innan klæða, í strætisvagni í borg-
inni Haifa í Norður-Ísrael. Ísr-
aelsher svaraði ódæðinu með að-
gerðum á Gazaströndinni í
gærkvöldi.
Álverksmiðja samþykkt
Alþingi samþykkti í gær sem lög
frumvarp um heimild til samninga
um álverksmiðju í Reyðarfirði. 41
þingmaður greiddi atkvæði með
frumvarpinu en níu voru á móti.
Þingflokkur Vinstrihreyfingarinnar
– græns framboðs greiddi allur at-
kvæði gegn frumvarpinu og það
gerðu einnig þær Katrín Fjeldsted,
Sjálfstæðisflokki, Þórunn Svein-
bjarnardóttir og Rannveig Guð-
mundsdóttir, Samfylkingu. Einn sat
hjá en tólf þingmenn voru fjarver-
andi við atkvæðagreiðsluna.
Stál í stál í Íraksdeilu
Frakkar, Þjóðverjar og Rússar
heita því að heimila ekki hernað
gegn Írak en hugsanlegt er að
greidd verði atkvæði um ályktun í
öryggisráði Sameinuðu þjóðanna í
næstu viku sem fæli slíkt í sér. Colin
Powell, utanríkisráðherra Banda-
ríkjanna, hélt því hins vegar fram að
ekkert benti til að Saddam Hussein,
forseti Íraks, hygðist í raun og veru
afvopnast, þó að hann reyndi sann-
arlega að telja fólki trú um að svo
væri.
Hlutur ríkis seldur
Ríkissjóður Íslands mun selja
39,86% hlut sinn í Íslenskum að-
alverktökum, ÍAV, í einu lagi til eins
aðila eða hóps fjárfesta. Landsbanki
Íslands mun hafa umsjón með söl-
unni en hlutur ríkisins er rúmar 552
milljónir króna að nafnverði.
Telja lögin of l ík
Trúnaðarmenn STEF telja hættu
á málsókn ef lagið „Segðu mér allt“
eftir Hallgrím Óskarsson verður
sent óbreytt sem framlag Íslendinga
í söngvakeppni sjónvarpsstöðva í
Evrópu. Þykir þeim það líkjast um
of lagi Bandaríkjamannsins Rich-
ards Marx, „Right here waiting“.
PRENTSMIÐJA MORGUNBLAÐSINS FIMMTUDAGUR 6. MARS 2003 Á netinu mbl.is/vidskipti BLAÐ B
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í F
BÓKHALD HUGBÚNAÐUR VERÐMÆTI
Hollenska matvörufyr-
irtækið Royal Ahold NV
hefur orðið fyrir hverju
áfallinu á fætur öðru.
Linux og annar opinn
hugbúnaður hefur hrist
ærlega upp í tölvuheim-
inum síðustu misserin.
Samstarf Ískerfa hf. með
rannsóknarstofnunum,
útgerðarmönnum og fisk-
vinnslum í Skotlandi.
SKJÁLFANDI/4 MILLJÓNASPARNAÐUR/6 FÁ/5
SÆPLAST hf. var rekið með rúmlega
9 milljóna króna hagnaði árið 2002. Árið
2001 nam hagnaður félagsins 6 milljónum
króna. Veltufé frá rekstri var um 168
milljónir króna og handbært fé frá
rekstri nam 234 milljónum. Hagnaður
fyrir afskriftir, fjármagnsgjöld og skatta
(EBITDA) var á síðasta ári 280 milljónir
króna, eða 10,8% af tekjum. Í tilkynn-
ingu frá Sæplasti kemur fram að afkoma
félagsins á síðasta ári valdi stjórn og
stjórnendum vonbrigðum en helstu skýr-
ingar á henni eru þær að sala úr Canada
verksmiðju félagsins var 30% undir áætl-
unum félagsins á fjórða ársfjórðungi og í
heild var sala í Canada um 10% lægri en
fyrir sama tímabil í fyrra vegna erfiðrar
stöðu á mörkuðum. Sala úr Noregsverk-
smiðjum félagsins var 10% undir áætl-
unum en sterk staða norsku krónunnar
var félaginu erfið. Félaginu tókst að
mæta þessum sölusamdrætti upp að
vissu marki með niðurskurði í kostnaði
en ekki að fullu. Þá mun Sæplast Canada
tapa nokkrum fjármunum vegna gjald-
þrots eins af stærstu viðskiptavinum fé-
lagsins í Norður-Ameríku í febrúar sl. en
tekið var tillit til þess í ársuppgjöri 2002.
„Rekstrarumhverfi í Noregi var erfitt á
síðasta ári, styrking norsku krónunnar
reyndist eins og áður segir félaginu erfið.
Mikið launaskrið var einnig í Noregi og
slæm staða norskra sjávarútvegsfyrir-
tækja hélt aftur af fjárfestingum í norsk-
um sjávarútvegi. Þrátt fyrir þetta náðist
að bæta EBITDA framlegð Sæplasts
Norge,“ að því er segir í tilkynningu.
Dótturfélög Sæplasts á Dalvík og á Ind-
landi gengu mjög vel á árinu þrátt fyrir
að styrking íslensku krónunnar hefði
haft mjög neikvæð áhrif á afkomuna á
Dalvík.
Gengistap samstæðunnar í rekstrar-
reikningi félagsins nam 20 m.kr á síðasta
ári á móti 14 m.kr gengishagnaði á síð-
asta ári.
A F K O M A
Sæplast
með 9
milljónir í
hagnað
Afkoman veldur vonbrigðum
RÍKISSJÓÐUR Íslands mun
selja 39,86% hlut sinn í Íslenskum
aðalverktökum, ÍAV, í einu lagi til
eins aðila eða hóps fjárfesta. Hlut-
ur ríkisins er rúmar 552 milljónir
króna að nafnverði. Sé miðað við
síðustu viðskipti með bréf ÍAV í
Kauphöll Íslands sem voru á geng-
inu 3,70 þá er söluvirði hlutabréf-
anna rúmir tveir milljarðar króna.
Landsbanki Íslands mun hafa
umsjón með sölunni en við mat á
tilboðum verður litið til verðs,
áhrifa sölu til viðkomandi tilboðs-
gjafa á samkeppni á íslenskum
verktakamarkaði, fjárhagslegs
styrks og fjármögnunar. Einnig
framtíðarsýn hvað varðar rekstur
og starfsmannamál fyrirtækisins
og stjórnunarlega reynslu og
þekkingu á þeim markaði sem fé-
lagið starfar á.
Tilboðum skilað
fyrir 21. mars
„Söluferlið er skipulagt með þeim
hætti að áhugasömum fjárfestum
verður boðið að sitja kynningar-
fundi fljótlega í kjölfar auglýsing-
ar um söluna. Skulu viðkomandi
tilkynna um þátttöku í slíkum
fundum til umsjónaraðila sölunnar
eigi síðar en kl 16. mánudaginn 10.
mars nk.,“ að því er segir í tilkynn-
ingu frá framkvæmdanefnd um
einkavæðingu.
Tilboðum skal síðan skila inn til
framkvæmdanefndar um einka-
væðingu í síðasta lagi föstudaginn
21. mars nk. kl. 16.
Framkvæmdanefnd um einka-
væðingu hefur að undanförnu unn-
ið að undirbúningi sölu alls hluta-
fjár ríkisins í ÍAV í samræmi við
þá stefnu sem ríkisstjórnin og ráð-
herranefnd um einkavæðingu hafa
markað. Í tilkynningu frá fram-
kvæmdanefnd um einkavæðingu
kemur fram að leitað er eftir fjár-
festi sem hefur áhuga á að við-
halda rekstri fyrirtækisins, efla
það og stuðla að virkri samkeppni
á íslenskum verktakamarkaði.
Skilyrði er af hálfu stjórnvalda að
eignarhaldstími á hlutnum verði
að minnsta kosti 12 mánuðir frá
kaupdegi.
Hagnaður Íslenskra aðalverk-
taka var 271 milljón króna eftir
skatta á síðasta ári eða sem nemur
um 49% aukningu frá árinu 2001.
Starfsmönnum ÍAV fækkaði á síð-
asta ári en árið 2001 voru þeir 643
en á síðasta ári voru starfsmenn
ÍAV 484 að meðaltali.
Á síðasta ári vann fyrirtækið að
nokkrum stórum verkefnum.
Meðal þeirra voru framkvæmdir
við byggingu 92 rúma hjúkrunar-
heimilis við Sóltún í Reykjavík og
framkvæmdir við Vatnsfellsvirkj-
un. Jafnframt vann félagið að
byggingu Vöruhótels fyrir Eim-
skip og innréttingar og innan-
húsfrágang í nýbyggingu Orku-
veitu Reykjavíkur.
Önnur helstu verk sem ÍAV
vinnur nú að eru bygging fjölbýlis-
húsa við Þórðarsveig í Grafarholti,
íbúðir við Klapparhlíð í Mos-
fellsbæ, bygging 60 íbúða fjölbýlis-
húss við Laugarnesveg, viðbygg-
ing við Menntaskólann í Kópavogi,
stækkun Grímsbæjar, endurbygg-
ing fjölbýlishúsa á Keflavíkurflug-
velli, rekstur malarnáms og al-
menn jarðvinna og margvíslegar
framkvæmdir á Keflavíkurflug-
velli.
Þá vinnur félagið nú við gerð um
720 metra langra jarðgangna við
Kárahnjúka, en gert er ráð fyrir
að þeim framkvæmdum ljúki í apr-
íl nk. og auk þess er eftir þar
lokafrágangur á 24 km aðkomu-
vegi sem félagið lagði fyrir Lands-
virkjun á haustmánuðum.
„Nú er að ljúka stærstu verk-
efnum sem félagið vann að á árinu
2002 og ekki hefur tekist að afla
sambærilegra verka að umfangi í
stað þeirra sem lokið var. Sam-
hliða minnkandi eftirspurn á
bygginga- og verktakamarkaði
hefur verð lækkað á tilboðsmark-
aði vegna harðnandi samkeppni og
því dregið úr framlegð verkefna.
Því er útlit fyrir að nokkur sam-
dráttur verði á starfsemi félagsins
á fyrstu mánuðum árs 2003 að
óbreyttu,“ samkvæmt upplýsing-
um frá ÍAV.
Fjárfestingarfélagið Kaldbak-
ur, sem átti 7,71% hlut í ÍAV, seldi
nýverið hlut sinn í félaginu en
Kaldbakur bauðst til þess í nóv-
ember sl. að kaupa hlut ríkisins í
ÍAV. Annar stærsti hluthafinn í
ÍAV á eftir ríkinu er Jón Ólafsson,
stjórnarformaður Norðurljósa, og
tengdir aðilar með tæplega 15%
hlut.
Ríkissjóður setur allan
hlut sinn í ÍAV í sölu
Hluturinn verður seldur í einu lagi til eins aðila eða hóps fjárfesta síðar í mánuðinum
Meðal stórra verkefna ÍAV á síðasta ári var bygging Vöruhótels fyrir Eimskip.
Miðopna: Milljónasparnaður fyrir fyrirtæki og stofnanir
Yf ir l i t
Með Morgunblaðinu í dag fylgir „Ak-
ureyri – skíði, menning og skemmt-
un“ og blaðið „Brúðkaup“.
Í dag
Sigmund 8 Viðhorf 34
Erlent 16/19 Minningar 38/41
Höfuðborgin 20 Bréf 44
Akureyri 21 Brids 45
Suðurnes 22 Kirkjustarf 36
Landið 23 Dagbók 46/47
Neytendur 24 Fólk 52/57
Listir 25/27 Bíó 54/57
Umræðan 28/35 Ljósvakamiðlar 58
Forystugrein 30 Veður 59
* * *
„ÞETTA var skemmtilegt mót, ég
kann vel við fyrirkomulagið og það
er ekki slæmt að fá 10.000 dollara
fyrir þriggja daga vinnu, það er ekki
slæmt tímakaup,“ sagði Michail
Gurevich eftir að hann hafði tryggt
sér efsta sætið á Edduatskákmótinu,
sem lauk í gærkvöld.
Michail Gurevich er frá Úkraínu
en hefur búið í Belgíu undanfarin 12
ár. Hann varð sovéskur meistari
ásamt tveimur öðrum 1985 og varð
stórmeistari árið eftir. Hann fékk
átta vinninga af níu mögulegum, tap-
aði engri skák en gerði tvö jafntefli.
Fyrir síðustu umferð hafði hann
hálfs vinnings forskot á Alexei Shir-
ov og Michael Adams og nægði því
jafntefli til að tryggja sér efsta sæt-
ið, einn eða með öðrum. „Ég reyni
alltaf að gera mitt besta og þegar
kom að síðustu skákinni ákvað ég að
hugsa ekki um verðlaunaféð heldur
það eitt að sigra,“ sagði hann. „Það
er viðbúið að maður tapi ætli maður
að leika upp á jafntefli og ég tala ekki
um á móti manni eins og Shirov. Ég
hefði örugglega tapað ef ég hefði
verið í einhverjum jafnteflishugleið-
ingum, en ég ákvað að berjast til sig-
urs og það gekk eftir.“
Meistarinn sagðist alltaf hugsa
um að sigra en hann hefði gert tvö
jafntefli á þriðjudag. „Ég slapp fyrir
horn á móti Adams og náði ekki að
sigra Sokolov, en ég lék vel þennan
síðasta keppnisdag, þrátt fyrir mikla
spennu. Sigrarnir á móti Sutovsky
og Shirov segja allt sem segja þarf.
Þetta eru stór nöfn.“
Ivan Sokolov og Emil Sutovsky
urðu í 2. til 3. sæti með 7 vinninga og
fengu 7.000 dollara til skiptanna eða
3.500 dollara hvor. Síðan komu níu
meistarar með 6½ vinning og svo
aðrir níu með 6 vinninga, en þar á
meðal voru Hannes Hlífar Stefáns-
son, Helgi Ólafsson og Sigurbjörn
Björnsson. Skákmennirnir í 4. til 12.
sæti fengu rúmlega 1.000 dollara
hver í verðlaun. Þeir sem urðu í 13.
til 21. sæti fengu liðlega 150 dollara
hver, en 29 skákmenn fengu verð-
laun í sex mismunandi flokkum. Þar
á meðal var Guðmundur Kjartans-
son, 15 ára félagi í Taflfélagi Reykja-
víkur, sem fékk 4 vinninga. Félagi
hans, Arnar Sigurðsson, sem er í 9.
bekk í Laugalækjarskóla, fékk 3
vinninga og var mjög ánægður með
árangurinn. „Þetta var mjög
skemmtilegt og sterkasta mót sem
ég hef tekið þátt í,“ sagði hann.
Hrafn Jökulsson, formaður
Hróksins, sagði að nú væri lokið 16
daga samfelldri skákveislu síðan
Stórmót Hróksins hófst á Kjarvals-
stöðum með viðkomu á Íslandsmóti
skákfélaga. „Þetta hefur verið ævin-
týri líkast.“
Michail Gurevich fékk 10 þúsund dollara fyrir sigurinn á Edduskákmótinu
„Ekki slæmt
tímakaup“
Morgunblaðið/Ómar
Bakhjarlarnir Björgólfur Guðmundsson í Eddu og Hrafn Jökulsson, for-
maður Hróksins, með meistarann Michail Gurevich, sem sigraði á Eddu-
mótinu í Borgarleikhúsinu. Gurevich fékk 8 vinninga af 9 mögulegum.
BANDARÍSKA álfyrirtækið Alcoa sendi í gær frá
sér tilkynningu þar sem þeirri ákvörðun Alþingis
er fagnað að samþykkja heimildarlög um samn-
inga um álver í Reyðarfirði.
Kevin G. Lowery, talsmaður álfyrirtækisins,
sagði í samtali við Morgunblaðið í gær að næsta
skref væri formleg undirritun samninga en dag-
setning undirritunarinnar hefði þó ekki verið
ákveðin. Sagði hann að gert væri ráð fyrir því að
hún færi fram á Íslandi um miðjan mars.
Nútímalegt og samkeppnishæft álver
„Niðurstöður atkvæðagreiðslu Alþingis í dag
hafa það í för með sér að brátt mun rísa eitt nú-
tímalegasta og samkeppnishæfasta álver heims
við Reyðarfjörð. Við erum þakklátir fyrir þann
stuðning sem verkefnið hefur fengið hjá Íslend-
ingum og kjörnum fulltrúum þeirra. Fjarðaál
verður hannað með það fyrir augum að starfsemi
álversins mæti ýtrustu umhverfisstöðlum. Við
hlökkum til að verða virkur þátttakandi í íslensku
atvinnulífi,“ er haft eftir Alain Belda, stjórnarfor-
manni og forstjóra Alcoa, í gær. Í tilkynningu Al-
coa segir að Fjarðaál sé hluti af einni umfangs-
mestu fjárfestingu sem ráðist hafi verið í á Íslandi,
en byggingarkostnaður álversins er áætlaður 1,1
milljarður Bandaríkjadala eða u.þ.b. 84 milljarðar
króna. Starfsemi Fjarðaáls muni styrkja og auka
fjölbreytileika í íslensku atvinnulífi á sama tíma og
hún muni styðja við framþróun á Austurlandi.
Fjarðaál mun gegna lykilhlutverki í áætlunum Al-
coa um aukin umsvif í framleiðslu áls, en ársfram-
leiðsla Fjarðaáls mun hljóða upp á 322.000 tonn.
Hefjast á handa við að byggja álverið árið 2005
og áætlað er að verksmiðjan hefji framleiðslu árið
2007.
Alcoa fagnar samþykkt
frumvarps um álver
Stefnt er að undir-
ritun samninga um
miðjan marsmánuð
Ráðherra segir/10
LOGI Már Kvaran var að veiða með
bróður sínum Antoni Orra Kvaran í
Hafnarfjarðarhöfn í fyrradag en
það var ekki mikið að hafa, bara
svona smátitti.
Það er samt engin ástæða til ann-
ars en að vera stoltur yfir fengnum
enda alveg hægt að nýta aflann,
þrátt fyrir smæðina. Hver veit
nema þeir bræður eigi kisu sem
sjálfsagt fúlsar ekki við slíkum
kræsingum, þótt smáar séu.
Bara tittir!
Morgunblaðið/Brynjar Gauti
MJÖG hvasst var í fyrrinótt og í
gærmorgun á Vestur- og Norð-
urlandi þegar norðanhvassviðri
gekk yfir landshlutana en ekki
var vitað um teljandi tjón af
þeim sökum. Óttast var að þak-
pappi á húsi kaupfélagsins á
Blönduósi losnaði í rokinu og
ylli tjóni en hættan leið hjá þeg-
ar vind lægði.
Éljagangur var á Vestfjörð-
um og rigning eða slydda á
Norður- og Austurlandi. Vind-
hraðinn fór í 36 metra á sek-
úndu á Fróðárheiði en lægja tók
er leið á daginn.
Fólksbifreið fór út af vegin-
um um Kirkjubólshlíð í Skutuls-
firði, rétt við Bása, í svartabyl í
gærmorgun. Bifreiðin stöðvað-
ist í snjódyngju en illa hefði get-
að farið ef hún hefði verið á
meiri ferð. Á Vestfjörðum var
ófært um Steingrímsfjarðar-
heiði og var gert ráð fyrir að
hún yrði opnuð í dag. Einnig var
ófært um Klettsháls.
Þá var rafmagnslaust víða á
Vestfjörðum um tíu mínútna
skeið í gærmorgun. Samkvæmt
upplýsingum frá Orkubúi Vest-
fjarða varð útsláttur í vesturlínu
sem olli rafmagnsleysi á sunn-
anverðum og norðanverðum
Vestfjörðum.
Hvasst á
Norður- og
Vesturlandi
TVEIR bræður um fertugt voru
dæmdir í fimm mánaða fangelsi hvor í
Héraðsdómi Reykjaness í gær fyrir
framleiðslu og sölu á kannabis í dreif-
ingarskyni. Lögregla fann 582 kanna-
bisplöntur í ræktun í iðnaðarhúsnæði
í Hafnarfirði í nóvemberlok 2001 en
auk þess fundust í vörslu bræðranna
samtals 673 grömm af maríjúana, 2,10
grömm af tóbaksblönduðu kannabis-
efni, hálffullt filmubox af kannabis-
fræjum og tæki og tól til ræktunar og
kannabisreykinga.
Voru fíkniefni og hráefni sem unnt
er að breyta í ávana- og fíkniefni,
kannabisplöntur og öll tæki og áhöld
sem fundust í ræktunarstöðinni og á
heimilum bræðranna gerð upptæk.
5 mánaða fangelsi
fyrir kannabisræktun