Morgunblaðið - 06.03.2003, Side 22

SUÐURNES
22 FIMMTUDAGUR 6. MARS 2003 MORGUNBLAÐIÐ
„ÞAÐ var bara stefna okkar að vera
með og hafa gaman af því. Það er
skemmtilegt að vera komin þetta
langt og hvað sem gerist á fimmtu-
dag (í kvöld) þá mun það standa upp
úr,“ sagði Gettu betur-lið Fjöl-
brautaskóla Suðurnesja (FS) í sam-
tali við Morgunblaðið. Liðið er skip-
að tveimur Keflvíkingum, þeim
Högna Þorsteinssyni og Árna Jó-
hannssyni og Grindvíkingnum Dan-
íel Pálmasyni. Liðsstjóri er Garð-
maðurinn Rúnar Dór Daníelsson.
„Hann lenti í 4. sæti í úrtakskeppn-
inni og fékk að því að liðsinna okk-
ar,“ segja keppendurnir þrír og
kíma.
Mjög góð stemning er í FS út af
velgengni liðsins og raunar á Suð-
urnesjum öllum, enda í fyrsta sinn
sem skólinn kemst í sjónvarpsúrslit-
in. Strákarnir fá mikinn stuðning og
nýverið var haldin eins konar Gettu
betur-keppni milli FS-liðsins og liðs
sem skipað var nokkrum embætt-
ismönnum búsettum í Reykja-
nesbæ, þeim Árna Sigfússyni bæj-
arstjóra, Hjálmari Árnasyni,
alþingismanni og fyrrverandi skóla-
meistara FS, og Unu Steinsdóttur,
útibússtjóra Íslandsbanka í Reykja-
nesbæ. „Það er skemmst frá því að
segja að við möluðum þau, 33–21 að
mig minnir,“ sagði Högni í samtali
við blaðamann.
Undanfarnar vikur hafa verið
strembnar fyrir liðið, mikið hefur
verið æft og keppendurnir reyna að
undirbúa sig sem best fyrir keppn-
ina á fimmtudag, þar sem þeir
mæta liði MS í Sjónvarpinu. „Einn
af kennurunum skólans, Atli Þor-
steinsson, hefur verið að þjálfa okk-
ur og við höfum mikið notað bóka-
safnið hér í skólanum,“ sagði
Daníel og Árni bætti við að þangað
færu þeir á morgnana til að æfa sig,
sem felst aðallega í lestri bóka, en
síðari hluta dags kæmu þeir saman
til að æfa hraðaspurningarnar.
„Þar liggja flest stigin og þar þurf-
um við að vera fljótir til svars,“
sagði Árni.
Suðurnesjamenn verða án efa
límdir við viðtækin til að hvetja sína
menn, en hvernig leggst kvöldið í
strákana?
„Bara vel. Það er mikil samheldni
í hópnum og við ætlum að hafa gam-
an af þessu. MS-ingar eiga margar
keppnir að baki og hefðin þar er
mikil en við ætlum að gera okkar
besta. Það er skemmtilegt að vera
komin þetta langt og það mun
standa uppúr, hvernig sem úrslitin
verða,“ sögðu piltarnir að lokum.
Morgunblaðið/Svanhildur Eiríksdóttir
Gettu betur-lið FS, þeir Daníel Pálmason, Högni Þorsteinsson og Árni Jó-
hannsson. Liðsstjórinn Rúnar Dór Daníelsson styður við bak sinna manna.
„Ætlum fyrst og
fremst að hafa
gaman af þessu“
Suðurnes
Lið Fjölbrautaskóla Suðurnesja í fyrsta sinn í sjónvarpsúrslitum Gettu betur
FJÖLDI barna var
í íþróttahúsinu í
Sandgerði í gær, á
sjálfan öskudag-
inn, þegar kött-
urinn var sleginn
úr tunnunni. Tvær
tunnur voru í hús-
inu, önnur fyrir
eldri börnin og
hin fyrir þau
yngri, en í báðum
leyndist eitthvert
góðgæti. Alls kon-
ar furðuskepnur
voru á ferðinni í
íþróttahúsinu og
víðar um bæinn
þennan dag, allt
frá glæponum til
prinsessna, og
raunar allt þar á
milli. Þá var mikill
atgangur við
tunnusláttinn,
eins og venja er,
enda höfðu börnin
mikinn áhuga á að
sjá hvað leyndist í
tunnunni. Morgunblaðið/Reynir Sveinsson
Furðuskepnur á ferðinni
FJÓLA Oddgeirsdóttir úr Njarðvík-
urskóla var valinn besti upplesarinn
á lokahátíð Stóru upplestrarkeppn-
innar á Suðurnesjum sem fram fór í
Ytri-Njarðvíkurkirkju fyrr í vikunni.
Keppnin hófst á Degi íslenskrar
tungu og tóku allir nemendur sjö-
unda bekkjar þátt í henni. Kennarar
leiðbeindu þeim í framsögn og þjálf-
uðu þau í að lesa vel upp. Að loknum
bekkjarkeppnum voru haldnar
skólakeppnir þar sem valdir voru
tveir fulltrúar úr hverjum skóla á
lokahátíðina. Þar kepptu því fjórtán
nemendur úr grunnskólunum í
Reykjanesbæ, Garði, Sandgerði og
Vogum og lásu upp sögur og ljóð.
Fjóla varð í fyrsta sæti. Í öðru
sæti varð Karólína Andrea Jónsdótt-
ir úr Holtaskóla í Keflavík og Hrafn-
hildur Ása Karlsdóttir úr Grunn-
skóla Sandgerðis varð í þriðja sæti.
Á hátíðinni í Ytri-Njarðvíkur-
kirkju sáu nemendur úr Tónlistar-
skóla Reykjanesbæjar um tónlistar-
atriði en það eru allt jafnaldrar
nemendanna sem kepptu í upplestr-
inum.
Valinn besti upplesarinn
Ljósmynd/Jóhannes Kr. Kristjánsson
Fjórtán börn tóku þátt í lokahátíð Stóru upplestrarkeppninnar í Ytri-
Njarðvíkurkirkju og voru þrjú þeirra heiðruð sérstaklega.
Njarðvík
TILLAGA átta fulltrúa í bæjar-
stjórn Reykjanesbæjar um að und-
irbúa bann við einkadansi á næt-
urklúbbum var samþykkt með sjö
atkvæðum á bæjarstjórnarfundi í
fyrrakvöld, þrír fulltrúar sátu hjá.
Einn flutningsmanna tillögunnar,
Sigríður Jóna Jóhannesdóttir, var
ekki á fundinum en varamaður
hennar, Garðar Vilhjálmsson, sat
hjá. Atkvæði féllu ekki eftir póli-
tískum línum.
Árni Sigfússon mælti fyrir tillög-
unni og auk hans greiddu henni at-
kvæði, Jóhann Geirdal, Björk Guð-
jónsdóttir, Sveindís Valdimars-
dóttir, Þorsteinn Erlingsson,
Steinþór Jónsson og Kjartan M.
Kjartansson. Hjá sátu þeir Ólafur
Thordersen, Guðbrandur Einars-
son, Böðvar Jónsson og Garðar Vil-
hjálmsson.
Sjö vilja banna
einkadans
Reykjanesbær
TRÚ, velferð og stjórnmál er
yfirskrift málþings um atvinnu-
og velferðarmál á Suðurnesjum
sem Björn Sv. Björnsson, sókn-
arprestur í Útskálaprestakalli,
boðar til í dag. Fundurinn verð-
ur í safnaðarheimilinu í Sand-
gerði og hefst klukkan 20.
Geirmundur Kristinsson,
sparisjóðsstjóri í Keflavík, og
Friðjón Einarsson, fram-
kvæmdastjóri Lífeyrissjóðs
Suðurnesja, ávarpa málþingið.
Framsögu hafa Árni Mathie-
sen, sjávarútvegsráðherra,
Guðni Ágústsson, landbúnaðar-
ráðherra, Steingrímur Sigfús-
son, formaður Vinstrihreyfing-
arinnar – græns framboðs og
Össur Skarphéðinsson, formað-
ur Samfylkingarinnar.
Að loknum framsöguræðum
verða pallborðsumræður með
þátttöku framsögumanna.
Fundarstjóri verður Guðjón
Guðmundsson, framkvæmda-
stjóri Sambands sveitarfélaga á
Suðurnesjum.
Málþing
um at-
vinnumál
Sandgerði