Morgunblaðið - 06.03.2003, Qupperneq 53

MÚSÍKTILRAUNIR
MORGUNBLAÐIÐ FIMMTUDAGUR 6. MARS 2003 53
HLJÓMSVEITAKEPPNIN Músíktilraunir hefst í kvöld í Tóna-
bæ, en það verður í 21. sinn sem keppnin er haldin. Fleiri hljóm-
sveitir hafa skráð sig til leiks en áður, eða um sextíu sveitir. Í
kvöld keppa ellefu þeirra, hljómsveitir víða að, um sæti í úrslit-
unum sem fara fram 28. mars næstkomandi.
Músíktilraunir verða nú með nokkuð breyttu sniði. Enn er
höfuðmarkmið keppninnar að leyfa ungsveitum að spreyta sig í
von um að hreppa hljóðverstíma, en að þessu sinni fer keppnin
ekki bara fram í Tónabæ eins og jafnan áður heldur verður hluti
hennar haldinn í Hinu húsinu. Einnig leika engar hljómsveitir á
undan og eftir keppnissveitunum sjálf tilraunakvöldin, en úr-
slitakvöldið verða aftur á móti þrjár gestaveitir.
Fyrstu tvö tilraunakvöldin verða haldin í Tónabæ, fimmtudag-
ana 6. og 13. mars. Næstu þrjú tilraunakvöld verða aftur á móti í
Hinu húsinu, fimmtudaginn 20. mars, föstudaginn 21. mars og
fimmtudaginn 27. mars. Úrslit verða svo í Austurbæ við Snorra-
braut föstudaginn 28. mars en þá leika gestasveitirnar Búdrýg-
indi, sigursveit síðasta árs, Maus, sem sigraði fyrir níu árum, og
hollenska þungarokksveitin Instil.
Aðalverðlaun að þessu sinni sem áður eru hljóðverstímar, en
Edda – útgáfa býður sigursveitinni útgáfusamning. Fyrir annað
og þriðja sæti fást hljóðverstímar í Sýrlandi, Grjótnámunni eða
hljóðveri Geimsteins. Að auki verða besti gítarleikari, besti
bassaleikari, besti hljómborðsleikari/forritari, besti trommuleik-
ari og besti söngvari/rappari verðlaunaðir.
Í takt við breytta skipan, þar sem engin gestasveit hitar upp,
hefjast öll tilraunakvöld kl. 19.45 og fyrsta hljómsveit byrjar að
leika kl. 20. Músíktilraunir eru haldnar í samstarfi við Eddu – út-
gáfu og Rás 2.
Músíktilraunir hefjast sem sagt í Tónabæ í kvöld kl. 19.45 þeg-
ar ellefu hljómsveitir keppa um tvö sæti í úrslitum. Eina hljóm-
sveit velur salur áfram en dómnefnd eina. Að auki getur dóm-
nefnd hleypt fleiri hljómsveitum áfram sýnist henni sem svo.
Meðfylgjandi eru myndir af hljómsveitunum sem taka þátt
nema Veleno, sem ekki fékkst mynd af.
Veleno skipa þeir Óskar Kjartansson trommuleikari, Snorri
Sigurðarson gítarleikari og söngvari, Daníel Smárason bassa-
leikari og Baltasar Breki Samper gítarleikari. Þeir félagar eru
Reykvíkingar á fjórtánda árinu og leika alls konar melódískt
rokk.
Enn ein sólin
Enn ein sólin heitir hljómsveit af höfuðborgarsvæðinu skip-
uð þeim Agli Björgvinssyni, sem leikur á trommur, Baldri
Kristjánssyni, sem leikur á bassa, Almari Erni Halldórssyni,
sem leikur á gítar, og Unnari Geir Ægissyni, sem einnig leik-
ur á gítar. Sveitin leikur rokk-metal og liðsmenn eru rétt
rúmlega fjórtán ára.
Á sjötta tug sveita
Músíktilraunir eru nú haldnar í 21. sinn og aldrei hafa fleiri sveitir tekið
þátt. Árni Matthíasson segir frá hljómsveitakeppninni sem hefst í kvöld.
Fávitar í spennitreyju
Úr Rangárþingi eystra kemur hljómsveitin Fávitar í
spennitreyju. Hana skipa Árni Rúnarsson, sem sér um söng-
inn, Ómar Smári Jónsson, sem leikur á gítar og syngur, Jón
Óskar Björgvinsson, sem leikur á bassa, og Andri Geir Jóns-
son, sem leikur á trommur. Þeir félagar verða allir sextán ára
á árinu nema Andri Geir, hann verður fimmtán ára. Þeir segj-
ast leika létt rokk.
Út Exit
Út Exit heitir hljómsveit undan Eyjafjöllum. Hana skipa
Ólafur Hjörtur Kristjánsson, sem leikur á gítar, Orri Guð-
mundsson, sem leikur á trommur og syngur, Sverrir Guð-
mundssson, sem leikur á bassa, og Ævar Sigurðsson, sem leik-
ur á gítar og syngur einnig bakraddir. Þeir félagar leika
grungerokk og meðalaldur þeirra er rúm fimmtán ár.
Back Door Sluts
Úr Hrútafirði kemur hljómsveitin Back Door Sluts og
hyggst leika fremur þungt grunge. Hana skipa Daníel Trausti
Róbertsson trommuleikari, Benjamín Freyr Oddsson sem
syngur, Aron Stefán Ólafsson sem leikur á bassa, Frímann
Haukdal sem leikur á gítar og Andri Már Þorvarðsson sem
leikur einnig á gítar. Meðalaldur þeirra drengja er rúm fjór-
tán ár.
Zither
Úr Kópavoginum kemur hljómsveitin Zither. Hana skipa
Sigurður Kristinn Laufdal Haraldsson sem leikur á trommur,
Viktor Sigurjónsson sem leikur á bassa og syngur og Arnar
Hrafn Árnason og Jón Bragi Pálsson sem leika á gítara. Þeir
leika pönkrokk og eru allir á fimmtánda árinu.
Blackout
Norðan frá Dalvík kemur hljómsveitin Blackout sem skipuð
er þeim Aron Víðissyni trommuleikara, Snorra Guðlaugi Jó-
hannessyni bassaleikara, gítarleikurunum Sverri Má Ólafs-
syni og Óttari Jörgen Sigurðssyni og söngvaranum Jóhanni
Alexander Árnasyni. Sveitin leikur ís-metal en þeir verða allir
sextán á árinu nema Jóhann sem verður fimmtán.
Hadez
Hljómsveitin Hadez er ættuð úr Grindavík og leikur með-
alþungt rokk. Liðsmenn eru Björgvin Logi Daníelsson gít-
arleikari, Einar Helgi Helgason trommuleikari, Hafþór Ön-
undarson gítarleikari og söngvari, Hjörtur Pálsson
gítarleikari og Þórarinn Arnarson bassaleikari. Meðalaldur
sveitarmanna er rétt rúm sextán ár.
Heimskir synir
Eina hiphopsveit kvöldsins er Heimskir synir, sem að auki
státa af einu stúlkunni. Sveitina skipa annars rappararnir
Daníel Þór Bjarnason, Birkir Jakob Hansen og Stefán Þór
Kristinsson og söngkonan Ásta María Harðardóttir, en þeir
Daníel og Birkir sjá einnig um hljóðstjórn og -smíðar. Pilt-
arnir eru að verða sautján en stúlkan sextán. Heimskir synir
flytja fjölbreytt hiphop.
Amos
Amos er hljómsveit úr Reykjavík sem leikur melódískt
rokk. Félagar í Amos eru Jónas Már Einarsson gítarleikari,
Hermann Albert Ottósson bassaleikari, Sævar Hjörleifsson
trommuleikari og Þórður Gunnar Þorvaldsson söngvari og
gítarleikari. Meðalaldur þeirra er tæp sextán ár.
Denver
Denver heitir metalcore-sveit úr Garðabæ skipuð þeim
Viktor Kaldalóns Þórhallssyni söngvara, Fannari Þórssyni
gítarleikara, Gunnari Erni Heiðdal sem leikur einnig á gítar,
Árna Guðjónssyni bassaleikara og Sverri Ormssyni trommu-
leikara. Meðalaldur sveitarmanna er tæp sextán ár.