Morgunblaðið - 06.03.2003, Blaðsíða 20

HÖFUÐBORGARSVÆÐIÐ
20 FIMMTUDAGUR 6. MARS 2003 MORGUNBLAÐIÐ
Með Morgunblaðinu
í dag fylgir ríkulega
myndskreytt
brúðkaupsblað.
Meðal efnisþátta
eru matur, förðun,
fatnaður, hárgreiðsla,
gjafir og skreytingar.
UNGIR sem aldnir fjölmenntu í
Laugardalshöllinni í gær á sér-
stökum leikdegi aldraðra sem Félag
áhugafólks um íþróttir aldraðra stóð
fyrir. Eldri borgarar sýndu þar listir
sínar í ýmsum æfingum og dansi í
bland við yngri íþróttaiðkendur.
Þar á meðal sýndu fimm fé-
lagsmiðstöðvar kunnáttu sína í kín-
verskri leikfimi, stignir voru íslensk-
ir dansar, dansað með boltum og
boðið upp á dans sem allir viðstaddir
gátu tekið þátt í. Þá héldu 10–12 ára
sýningarstúlkur úr fimleikafélaginu
Björk í Hafnarfirði dans- og fim-
leikasýningu.
Morgunblaðið/RAX
Áhugafólk um íþróttir aldraðra fjölmennti í Laugardalshöll í gær og bauð upp á fjölbreytta íþróttasýningu.
Kínversk leikfimi og dans
Reykjavík
ÍÞRÓTTA- og æskulýðsnefnd Hafn-
arfjarðar stóð í gær fyrir öskudags-
balli í Íþróttahúsinu v/Strandgötu í
samvinnu við Sparisjóð Hafnar-
fjarðar og Lionsklúbbinn Kaldá.
Skemmtiatriðin voru með hefð-
bundnu sniði eins og jafnan á ösku-
dag, kötturinn var sleginn úr tunn-
unni og var krökkunum skipt í þrjá
aldurshópa sem fengu að spreyta
sig á jafnmörgum tunnum til að
jafna leikinn. Verðlaun voru veitt
fyrir skemmtilegustu búningana.
Að sögn Steinunnar Þorsteins-
dóttur, upplýsinga- og kynning-
arfulltrúa bæjarins, fór skemmtunin
mjög vel fram í alla staði. Einhverjir
höfðu þó kvartað undan því að erf-
iðlega gengi að ná kettinum úr
tunnunni en það gekk að lokum.
Morgunblaðið/Brynjar Gauti
Einhverjir kvörtuðu undan því að erfiðlega gengi að slá köttinn úr tunn-
unni en það tókst að lokum. Til að jafna leikinn voru þrjár tunnur notaðar.
Morgunblaðið/Brynjar Gauti
Krakkar á öllum aldri skemmtu sér í Íþróttahúsinu í gær. Þeir sem ekki
komust á eigin vegum fengu aðstoð þeirra sem eldri eru.
Öskudagsgleði í Íþrótta-
húsinu við Strandgötu
Hafnarfjörður
ÁLFTANESHREYFINGIN hefur
lagt til að félagsmálastjóra hrepps-
ins verði falið að afla gagna um þörf
á hjúkrunarheimili fyrir aldraða í
Bessastaðahreppi í framtíðinni.
Oddviti hreyfingarinnar segir mann-
fjöldatölur benda til þess að öldruð-
um eigi eftir að fjölga verulega í
hreppnum á næstu árum.
Tillagan var lögð fram á hrepps-
nefndarfundi fyrir nokkru. Er þar
óskað eftir því að könnuð verði hugs-
anleg þörf á hjúkrunarheimili fram
til ársins 2025 með tilliti til íbúaþró-
unar og spár um aldurssamsetningu.
Aflað verði gagna um fjárhagslegan
grundvöll reksturs hjúkrunarheimil-
is, jafnt sem byggingu þess og við
fjárhagslega skoðun málsins verði
litið til hagræðis sveitarfélagsins
vegna þeirra starfstækifæra sem
fylgja munu rekstri hjúkrunaheim-
ilis. Þá er óskað eftir því að félags-
málastjóra verði falið að gera tillög-
ur um bætta heimahjúkrun.
Að sögn Sigurðar Magnússonar,
oddvita Álftaneshreyfingarinnar, er
hér fyrst og fremst um athugun að
ræða. „Síðast þegar gerð var talning
á fjölda þeirra hreppsbúa sem eru 67
ára og eldri voru þeir um 60 talsins.
Um þessi áramót voru þeir trúlega
um 80 og það má gera ráð fyrir að
innan 10–12 ára, geti þessi hópur
verið orðinn á þriðja hundrað manns
sé miðað við þá íbúaspá sem fyrir
liggur og þá aldurssamsetningu sem
hér er í hreppnum.“
Hlutfall aldraðra lægra
en annars staðar
Hann bendir á að aldursmeðaltalið
í Bessastaðahreppi sé talsvert undir
því sem gerist á höfuðborgarsvæð-
inu. „Víðast hvar eru 67 ára og eldri
átta til tíu prósent af mannfjöldanum
en hjá okkur hafa þetta verið rúm
þrjú prósent. Mér sýnist hins vegar
að á næstu 10–15 árum jafnist þetta
mikið út og þetta verði ekki ósvipað
og hér í nágrenninu. Fyrir nokkrum
árum var ekki grundvöllur fyrir
þessu og Bessastaðahreppur gerði
þá samning við Garðabæ um hjúkr-
unarrými í Holtsbúð.
Hins vegar er alveg ljóst að þetta
kemur til með að breytast og þörfin
að aukast og mér kæmi ekkert á
óvart að á árunum 2010 eða upp úr
því yrði kominn grundvöllur fyrir
rekstri á litlu hjúkrunarheimili í
hreppnum.“
Sem allra lengst í heimahúsum
Sigurður bendir á að tillagan sé
sett fram nú í þeim tilgangi að gögn
liggi fyrir á þessu ári þannig að hægt
væri að hafa þau til hliðsjónar við
gerð aðalskipulags sem nú stendur
fyrir dyrum. Sömuleiðis verði litið til
þeirra við gerð næstu þriggja ára
fjárhagsáætlunar sem verður 2004–
2007. „Menn myndu svo vera tilbúnir
að hefjast handa einhvern tímann á
árunum þar á eftir.“
Tillögunni var vísað til umræðu í
hreppsráði og á Sigurður ekki von á
öðru en að málið verði skoðað með
jákvæðum augum. „Við viljum endi-
lega að fólk geti dvalist sem allra
lengst í heimahúsum og því er mik-
ilvægt að styrkja heimaþjónustu.
Eigi að síður finnst okkur að það séu
grundvallarréttindi að þeir, sem
þurfa að fara inn á stofnanir af þessu
tagi, geti gert það í sinni heimasveit
ef það er nokkur möguleiki á að
koma því fyrir hvað rekstur varðar.“
Álftaneshreyfingin segir að öldruðum muni fjölga mjög
Vilja að þörf á hjúkrunar-
heimili verði könnuð
Bessastaðahreppur
BÆJARSTJÓRN Kópavogs hefur
samþykkt tillögu bæjarfulltrúa
Samfylkingarinnar um að kanna
áhrif þess að leiguverð félagslegra
íbúða verði jafnað þannig að það
miðist við meðalleigu í viðkomandi
íbúðarstærð. Að mati bæjarfulltrúa
Samfylkingar er hér um mikið rétt-
lætismál að ræða, enda sé mikill
munur á leiguverði íbúða af sömu
stærð.
Bæjarstjórn hefur falið húsnæðis-
fulltrúa og húsnæðisnefnd að taka
saman greinargerð um áhrif þess að
leiguverð verði jafnað.
Í greinargerð bæjarfulltrúa Sam-
fylkingar segir að fyrir liggi að mikill
munur sé á leiguverði á sömu stærð
félagslegra leiguíbúða í bænum. Í
tveggja herbergja íbúðum sé lægsta
leiga tæpar 16.000 kr. en hæsta leiga
tæpar 60.000 kr. á mánuði. Í fimm
herbergja íbúðum sé leigan lægst
tæplega 44.000 kr. og hæst rúmar
67.000 krónur. „Þetta er mikill mun-
ur og það hlýtur að teljast óeðlilegt
að svo mikill munur sé innan þessa
kerfis. Fyrir utan þá staðreynd að
það hlýtur að teljast óeðlilegt að fólk
sem þarf á félagslegu húsnæði að
halda þurfi að greiða svo háa húsa-
leigu sem ofangreindar tölur segja
okkur,“ segir í greinargerðinni.
Þá segir að í því yfirliti sem nú sé
komið fram liggi fyrir að af 119 íbúð-
um sé leiguverð lægra en meðalleiga
í viðkomandi stærð sé. Hins vegar
komi ekki fram hve margir greiði
hærri leigu en sem nemur útreikn-
aðri meðalleigu.
Sigrún Jónsdóttir, bæjarfulltrúi
Samfylkingarinnar, sagðist í samtali
við Morgunblaðið vonast til þess að
greinargerð húsnæðisfulltrúa liggi
fyrir sem allra fyrst þannig að hægt
verði að taka málið föstum tökum.
Leiguverð fé-
lagslegra íbúða
verði jafnað
Kópavogur
BÆJARRÁÐ Garðabæjar hefur
samþykkt að nýr skóli fyrir Grund-
ir, Ása og Sjáland skuli rísa á Sjá-
landi og á svæði norðan við Arn-
arneslæk.
Formaður bæjarráðs lagði fram
tillögu þess efnis á fundi bæjarráðs
í vikunni og var hún samþykkt með
tveimur atkvæðum gegn einu.
Einar Sveinbjörnsson bæjar-
fulltrúi lagði fram tillögu um að
gengið yrði til samninga við eig-
endur Héðins um kaup á eignum og
réttindum á um 20.000 m² lóðarinn-
ar og jafnframt að vinnu yrði hrað-
að við hönnun 1. áfanga skólans.
Skóli byggður á Sjálandi
Garðabær