Morgunblaðið - 06.03.2003, Blaðsíða 21
AKUREYRI
MORGUNBLAÐIÐ FIMMTUDAGUR 6. MARS 2003 21
Body Creator
Aromatic grennningargel
LEGGÐU LÍNURNAR
Ný kynslóð grenningarkrema
byrjar með ilmi.
SHISEIDO hefur þróað BODY CREATOR
fyrir þig, til að endurmóta útlínur líkamans.
BODY CREATOR tímamótauppgötvun í
snyrtivöruheiminum, töfrandi grenningar-
meðferð, með ilmi, sem örvar fitubrennslu.
BODY CREATOR gengur lengra en að
brjóta niður fitu, það brennir hana burt.
Ertu hissa?
Komdu og prófaðu!
Útsölustaðir: Sigurboginn, Hygea Kringlan, Hygea
Smáralind, Hygea Laugaveg, Bylgjan, Jara Akureyri www.shiseido.com
BÖRN og ungmenni tóku ösku-
daginn að venju snemma í gær og
þustu út í rigninguna strax í být-
ið. Þau létu það ekki á sig fá þó
þau yrðu fljótlega holdvot í úr-
hellinu, heldur heimsóttu fyr-
irtæki og stofnanir, sungu nokk-
ur vel valin lög og þáðu að
launum sælgæti í poka.
Um hádegisbil var haldið heim
á leið og fengnum skipt bróð-
urlega á milli liðsmanna.
Hinn svonefndi köttur var sleg-
inn úr tunnunni á Ráðhústorgi og
þá gátu öskudagsliðin sungið há-
stöfum í verslunarmiðstöðinni
Glerártorgi þar sem herlegheitin
voru tekin upp og sýnd á sjón-
varpsstöðinni Aksjón.
Metþátttaka
í söngkeppni
Starfsmenn hjá Blikkrás mættu
í hinum margvíslegu gervum til
vinnu sinnar á öskudaginn en þar
var söngkeppni fyrirtækisins
haldin í fimmtánda sinn.
Metþátttaka var að þessu sinni,
en alls mættu 133 öskudagslið í
höfuðstöðvar fyrirtækisins með
552 söngvara innan sinna vé-
banda og var atgangurinn því all-
nokkur þegar mest var.
Þeir þrír hópar sem að mati
starfsmanna skara fram úr í söng
fá að launum pítsuveislu á Greif-
anum þannig að eftir nokkru var
að slægjast.
Morgunblaðið/Kristján
Börn og starfsfólk á leikskólanum Klöppum létu veðrið ekki á sig fá og fjölmenntu í bæinn í fullum öskudagsskrúða.
Mikill fjöldi barna var á ferð um bæinn í alls kyns búningum og tók lagið
fyrir starfsmenn fyrirtækja og stofnana.
Sungið
í rign-
ingunni
SKÍÐAVERTÍÐIN á Akur-
eyri hefur verið heldur léleg
það sem af er vetri. Vegna
snjóleysis hefur eitthvað verið
um að skíðafólk hafi afboðað
komu sína til bæjarins. Ekki er
þó neinn uppgjafartónn í fólki
enda framundan tveir stærstu
mánuðirnir í Hlíðarfjalli. Í gær
var úrhellis rigning á Akureyri
en á sama tíma snjóaði duglega
í Hlíðarfjalli.
Páll Sigurjónsson, hótel-
stjóri á Hótel KEA, Hótel
Björk og Hótel Norðurlandi,
sagði að frekar rólegt hefði
verið í hótelbransanum í bæn-
um í vetur. Þó kæmi þar fleira
til en snjóleysi og nefndi Páll
einnig almennt ástand í þjóð-
félaginu. Þá hefði verið minna
um að fyrirtæki færu með
árshátíðir sínar út á land. Und-
ir þetta tækju kollegar hans
víða um land. Páll sagði að
gistingin væri alla jafna mjög
dreifð um bæinn, fólk gisti í
heimahúsum, orlofsíbúðum,
sumarhúsum, gistiheimilum og
hótelum. Ástandið kæmi því
mun meira við veitingamenn.
Páll sagðist vilja fara að sjá
snjó, enda virtist það vera
meira spennandi fyrir fólk að
koma til bæjarins við þannig
aðstæður, þótt ekki færu allir á
skíði í fjallinu. „Maður heldur í
vonina og ég ætlast til þess að
hér verði snjór á páskum og á
Andrésar Andar leikunum,
sem eru hápunkturinn hjá okk-
ur.“
Sigríður Sigtryggsdóttir,
starfsmaður á Ferðaskrifstofu
Akureyrar, sagðist vita til þess
að skíðahópar sem hefðu pant-
að flug og gistingu hefðu hætt
við vegna snjóleysis í fjallinu.
„Við erum með frátekið á hót-
elum fyrir hóp í lok mars en ef
ekki verður snjór vill fólk geta
hætt við.“
Starfsmenn skíðastaða
gerðu tilraun með það í vikunni
að blása snjó með snjóblásara
úr jöðrum brekkunnar og yfir
auð svæði. Að sögn Guðmund-
ar Karls Jónssonar, forstöðu-
manns í Hlíðarfjalli, gafst það
vel og til viðbótar hefði svo far-
ið að snjóa í fjallinu og útlitið
því nokkuð bjart. Guðmundur
Karl sagði að snjóleysið að
undanförnu hefði vissulega
haft áhrif og ekki bara í fjall-
inu, heldur einnig hjá hótel- og
veitingamönnum. „Staðan hef-
ur ekki verið uppörvandi en við
erum ekki farnir að örvænta
enda tveir stærstu mánuðirnir
framundan.“
Enginn
uppgjafar-
tónn í fólki
Skíðavertíðin verið
léleg fram til þessa
Gylfi Jón Gylfason sálfræðingur
flytur fyrirlestur sem nefnist; Hver
er sameiginleg ábyrgð foreldra og
skóla gagnvart börnunum? Fyr-
irlesturinn verður í samkomusal
Lundarskóla í kvöld, fimmtudags-
kvöldið 6. mars, og hefst kl. 20.
Gylfi Jón mun fjalla um í hverju
ábyrgð foreldra gagnvart skóla er
fólgin og ábyrgð kennara gagnvart
foreldrum. Þá kemur hann einnig
inn á gildi hlýju, ástúðar og aga auk
mikilvægis þess að rækta sjálfan sig
til að geta verið góður uppalandi.
Í DAG
HLJÓMSVEITIN Blúsþrjótarnir er
að leggja lokahönd á tónleikaferð til
Akureyrar, sem hlotið hefur vinnu-
heitið „Blúslestin brunar“. Fyrsti
áfangastaður er hljóðver Rásar 2 í
Reykjavík í dag, fimmtudaginn 6.
mars og er ætlunin að smella upp
stuttum tónleikum víða á leiðinni
norður, á vinnustöðum og vega-
sjoppum.
Tvennir tónleikar verða svo á Ak-
ureyri, hinir fyrri á Græna hattinum
í kvöld, fimmtudagskvöld kl. 21.30 og
á föstudagskvöld verður leikið á veit-
ingahúsinu Kránni.
Blúslestin
brunar
Zontaklúbbur Akureyrar og Zonta-
klúbburinn Þórunn hyrna standa
fyrir sölu á barmnælu til styrktar
starfi Stígamóta gegn vændi og
verslun með konur á föstudag og
laugardag, 7. og 8. mars. Aflið, syst-
ursamtök Stígamóta á Norðurlandi,
verða einnig styrkt.
Zontakonur hafa látið að sér kveða á
Akureyri í yfir 50 ár og vonast kon-
urnar til að bæjarbúar taki vel á
móti þeim og snúist með þeim gegn
klámvæðingunni eins og segir í frétt
frá zontaklúbbunum.
Á MORGUN
♦ ♦ ♦