Morgunblaðið - 06.03.2003, Blaðsíða 18

ERLENT
18 FIMMTUDAGUR 6. MARS 2003 MORGUNBLAÐIÐ
Noah s/l 2.490 990
Wex bolur 1.990 990
Calypso bolur 2.990 1.490
Massive buxur 3.990 1.990
Epsilon frakki 6.990 3.990
O.fl. tilboð
H L A U P K A U P
Uni ungbsængurfatn. 2.490 1.290
Apple jr bolur 1.990 1.290
Cargo buxur 3.490 1.990
Cargo peysa 2.990 1.990
Blues bam peysa 2.990 1.990
O.fl. tilboð
Kringlunni - Smáralind Smáralind
GEORGE W. Bush Bandaríkjafor-
seti, sem notar hvert tækifæri til
að tala um trú sína á Guð og vitna í
Biblíuna, mætir nú andstöðu úr
óvæntri átt því margir kirkjuleið-
togar hafa lagst gegn stefnu hans í
Íraksmálinu. Þeirra á meðal er Jó-
hannes Páll páfi sem hvatti í gær
kristna menn út um allan heim til
að biðja fyrir friði og taka höndum
saman um að „hlífa mannkyninu
við öðru afdrifaríku stríði“.
Margir af leiðtogum kaþólsku
kirkjunnar og mótmælenda hafa
látið í ljósi andstöðu við stríð í Írak
og hvatt til þess að deilan verði
leyst með friðsamlegum hætti.
Áhrifamestur þeirra er Jóhannes
Páll páfi sem sendi Pio Laghi kard-
inála á fund Bush í Hvíta húsinu í
gær.
Það er engin tilviljun að Laghi
kardináli skuli hafa verið valinn til
fararinnar því hann er gamall vin-
ur föður Bush, George Bush eldri,
fyrrverandi forseta. Laghi var
sendiherra Páfagarðs í Washington
á árunum 1980–88 og Bush eldri
var varaforseti í forsetatíð Ronalds
Reagans frá 1981 til 1989.
Bush forseti var í nokkuð vand-
ræðalegri stöðu vegna heimsókn-
arinnar þar sem hann vill ekki taka
þá áhættu að styggja kaþólska
kjósendur nú þegar tæp tvö eru til
forsetakosninga.
Fyrir fundinn sagði Ari
Fleischer, talsmaður Bandaríkja-
forseta, að hann myndi hlusta
grannt á orð kardinálans en hann
væri þó ósammála því mati Páfa-
garðs að ekki væri siðferðislega
réttlætanlegt að hefja stríð í Írak.
Að sögn Fleischers er það siðferð-
isleg og lagaleg skylda Bandaríkja-
forseta að beita hervaldi ef þörf
krefur til að vernda landið.
Fastað og beðið fyrir friði
Páfi hvatti í gær kristið fólk út
um allan heim að fasta og biðja
fyrir friði. Hann sagði að allir
þyrftu að „axla ábyrgð og taka
höndum saman um að hlífa mann-
kyninu við öðru afdrifaríku stríði“
og minnast „erfiðleikanna og þján-
inganna sem bræður okkar hafa
mátt þola vegna hungurs, hörm-
unga og stríðs“. Heimskirkjuráðið í
Genf og kirkjuráð ensku biskupa-
kirkjunnar hvöttu einnig til föst-
unnar.
Páfi hefur lýst stríði sem „ósigri
fyrir mannkynið“. Hann óttast að
mikið mannfall verði meðal
óbreyttra borgara og múslímar
kunni að líta á hernað í Írak undir
forystu Bandaríkjanna sem kross-
ferð hins kristna heims gegn íslam.
„Ég er hér í friðarferð og tel
ekki að stríð sé óhjákvæmilegt,“
sagði Laghi fyrir fundinn með
Bush en bætti við að hann við-
urkenndi að málið væri flókið og
forsetinn stæði frammi fyrir „mjög
erfiðum ákvörðunum“.
Vildi ekki ræða við
kirkjuleiðtogana
Stefna Bush, sem er meþódisti,
hefur mætt andstöðu margra ann-
arra kristinna trúfélaga í Banda-
ríkjunum. Bandaríska kirkjuráðið,
NCC, sem flestar kirkjur mótmæl-
enda í Bandaríkjunum eiga aðild
að, hefur einnig mótmælt hugs-
anlegu stríði og beðið án árangurs
um fund með forsetanum.
„Það eru forystumönnum NCC
mikil vonbrigði að Bush skuli hafa
hafnað beiðnum þeirra um fund
með honum til að ræða viðhorf
þeirra,“ skrifaði Fritz Ritsch,
prestur Bethesda-öldungakirkjunn-
ar, í The Washington Post. „For-
setinn virðist telja að hann geti tal-
að um guðfræði í krafti embættis
síns án þess að ræða við guðfræð-
inga. Stóra spurningin er því: hve-
nær varð forsetinn æðsti guðfræð-
ingur þjóðarinnar?“
Þegar Fleischer var spurður
hvers vegna Bush vildi ekki ræða
við forystumenn kirkjuráðsins
sagði hann aðeins að forsetinn
gerði sér far um að ræða við tals-
menn sem flestra hópa og menn
með ólíkar skoðanir. „Og hann mun
upplýsa ykkur um hverja hann
ræðir við.“
Páfi hvattur til að ávarpa
öryggisráðið
Ágreiningurinn við kirkjuleiðtog-
ana kemur sér illa fyrir Bush og
samræmist varla ímynd hans sem
hins trúrækna manns sem getur
vitnað í Biblíuna.
Andstaðan við stríð í Írak hefur
sameinað mótmælendur og kaþ-
ólska. Forystumenn bandaríska
kirkjuráðsins fengu áheyrn hjá
páfa í lok febrúar og báðu hann að
„fara til New York til að ávarpa ör-
yggisráð Sameinuðu þjóðanna og
gera um leið bandarískum almenn-
ingi grein fyrir andstöðu sinni við
stríð í Írak“.
Talsmaður Páfagarðs neitaði því
á mánudag að páfi hygðist ávarpa
öryggisráðið. Stjórnarerindrekar í
Páfagarði sögðu þó að páfi kynni
að vera tilbúinn til þess ef skilaboð
Laghis kardinála dygðu ekki til að
telja Bush hughvarf og hann hefði
rætt þennan möguleika við Kofi
Annan, framkvæmdastjóra Sam-
einuðu þjóðanna.
Páfi hefur rætt málið við marga
stjórnmálaleiðtoga sem styðja
stefnu Bush, meðal annars Tony
Blair, forsætisráðherra Bretlands,
og Jose Maria Aznar, forsætisráð-
herra Spánar. Á þriðjudag ræddi
hann við Silvio Berlusconi, for-
sætisráðherra Ítalíu.
Heimildarmenn í Páfagarði segja
að páfi, sem er 82 ára og heilsu-
veill, neyti allrar orku sinnar til að
reyna að koma í veg fyrir stríð.
Kirkjuleiðtogar upp á
kant við Bush forseta
Páfi hvetur til
þess að reynt
verði að afstýra
stríði í Írak
AP
Andstæðingar stríðs í Írak halda á 25 metra löngum friðarfána á Péturs-
torginu í Páfagarði eftir að Jóhannes Páll páfi hvatti alla kaþólikka til að
biðja fyrir friði og skoraði á stjórnmálamenn að gera allt sem þeir geta til
að „hlífa mannkyninu við öðru afdrifaríku stríði“.
Washington, Páfagarði. AFP, AP.
’ Ágreiningurinnkemur sér illa fyrir
Bush og samræmist
varla ímynd hans
sem hins trúrækna
manns sem getur
vitnað í Biblíuna. ‘