Morgunblaðið - 12.06.2003, Blaðsíða 2
FRÉTTIR
2 FIMMTUDAGUR 12. JÚNÍ 2003 MORGUNBLAÐIÐ
VARGÖLD Á NÝ
Að minnsta kosti tuttugu og sex
manns biðu bana í blóðugu ofbeldi
í Mið-Austurlöndum í gær. Átján
ára gamall Palestínumaður drap
sig og sextán Ísraela er hann
sprengdi sprengju í strætisvagni í
Jerúsalem um miðjan dag og Ísr-
aelar svöruðu tilræðinu með eld-
flaugaárásum á skotmörk í Gaza-
borg. Níu manns féllu í þeim að-
gerðum Ísraelshers í gær. Mikil
óvissa ríkir nú um friðarumleit-
anir í heimshlutanum en ekki er
nema vika síðan þeim var ýtt úr
vör á nýjan leik.
Stærsti s igurinn
Íslendingar unnu Litháen 3:0 í
Evrópukeppni landsliða í knatt-
spyrnu í gærkvöldi. Leikurinn fór
fram í Kaunas og er þetta stærsti
sigur Íslands á útivelli í Evrópu-
keppninni frá upphafi.
Ný ís lensk ópera
Í ágúst á næsta ári verður ný
íslensk ópera eftir Þorkel Sig-
urbjörnsson um útlagann Gretti
Ásmundarson frumflutt á al-
þjóðlegri hátíð ungra tónlistar-
manna, sem haldin er í tengslum
við hina heimsþekktu Wagner-
hátíð í Bayreuth í Þýskalandi.
Óperan er við texta Böðvars Guð-
mundssonar en þetta verður í
fyrsta sinn sem íslensk ópera
verður flutt í Bayruth.
Ekki rétt verklag
Rannsóknarnefnd flugslysa í
Danmörku telur m.a. að flugmenn
flugvélar Jórvíkur ehf. yfir austur-
strönd Grænlands í byrjun ágúst
2002 hafi ekki beitt réttu verklagi
samkvæmt neyðargátlista vélar-
innar þegar hreyflarnir misstu afl.
Þá eru nokkrar athugasemdir
gerðar í skýrslu nefndarinnar við
undirbúning flugsins, m.a. hafi
jafnvægisútreikningar ekki verið
réttir og ekki haganlega gengið
frá fluggögnum.
Blix harðorður
Hans Blix, fráfarandi yfirmaður
vopnaeftirlitsnefndar Sameinuðu
þjóðanna, fer hörðum orðum um
„óþokka“ í Washington, sem hann
segir hafa tekið þátt í rógsherferð
á hendur sér fyrir stríðið í Írak.
Morgunblaðið/Hafþór
Rússneska fiskflutningaskipið Ikar kom
með rússafisk til Jökuls á Raufarhöfn sl.
fimmtudag, 5. júní.
ERFIÐLEIKANA í rekstri Jökuls á Rauf-
arhöfn má m.a. rekja til undirboða Kínverja á
fiskmörkuðum í Evrópu og Bandaríkjunum.
Sterkt gengi íslensku krónunnar hefur einnig
mikil áhrif. Vinnsla á pækilsöltuðum flökum
hefst eftir sumarfrí að afloknum miklum
breytingum í vinnslusal.
Margrét Vilhelmsdóttir, framkvæmdastjóri
Jökuls ehf. á Raufarhöfn, segir að fyrirtækið
eigi um 230 tonn af hráefni sem dugi fram að
sumarlokun, 30. júní, og eitthvað eftir sumar-
frí, sem lýkur 11. ágúst. Hún segir að margir
pólsku starfsmannanna fari utan í fríinu og
heimafólk fari í frí sem ráðist af lokunum skóla
og leikskóla og að ekki hafi tekist að manna
sumarafleysingastöður.
Fiskur frá Kína og of hátt gengi
Margrét segir að erfiðleikarnir í rekstrinum
séu mikið til vegna undirboða Kínverja en
vandinn sé ekki bundinn við Raufarhöfn. Hún
segir jafnframt að alls staðar í venjulegum
frystihúsum séu erfiðleikar vegna mjög sterks
gengis krónunnar, sem lækki afurðaverð í er-
lendri mynt. „Kínverjar kaupa fisk frá Bar-
entshafi og að mér skilst vinna þeir líka al-
askaufsa. Þeir vinna orðið flestar fisktegundir
og bjóða vöruna á mun lægra verði á mörk-
uðunum í Evrópu og sérstaklega í Bandaríkj-
unum.“
Margrét segir Kínverja samkeppnishæfa í
gæðum en þó sé eitthvað enn um að þeim sé
ekki fyllilega treyst þegar komi að gæðamál-
um. Kínverjar séu ekki alltaf reiðubúnir til
þess að upplýsa um allt ferlið. „En launahlut-
fallið virðist nánast ekki vera neitt hjá þeim.
Þeir handskera allan fisk og það virðast engin
vandamál vera þegar kemur að skurði, það
liggur við að þeir geti skorið lógó viðskiptavin-
anna út í fiskinn.“ Hún segir að Kínverjarnir
hafi verið að selja á verði sem menn skilji ekki,
verðið sé nánast það sama og hráefnið sé selt
á. Þeir reikni sér ekkert í rekstur. Margrét
segist ekki vita hvort Kínverjar hafi undirboð-
ið markaðinn til þess að koma sér inn á hann.
„Við ætlum að snúa okkur að annarri
vinnslu, að vinna pækilsöltuð flök fyrir Suður-
Evrópumarkað,“ segir Margrét. Þessi breyt-
ing þýði fækkun starfsfólks, stöðugildi verði
um tuttugu í vinnslunni. Hráefnið verði hvort
tveggja rússafiskur og bátafiskur. „En við eig-
um eftir að sjá hvernig okkur gengur að fá
bátafisk. Ef eitthvað verður úr öllum loforð-
unum sem voru gefin fyrir kosningar breytir
það aðstæðum á þessu svæði,“ segir Margrét
og rifjar upp hluta kosningaloforðanna. „Það
var talað um að hækka löndunarskyldu á
bátana og einnig var talað um einhverja línuí-
vilnun sem þýddi að þá yrði meira landað af
aflanum og það ekki bara hér heldur á Norð-
austurlandi.“
Pækilsöltuðu flökin eru unnin þannig að
fiskurinn er flakaður og flökin síðan snyrt með
roði og beini, lögð í pækil, ýmist yfir nótt eða
tvær. Síðan er hann lausfrystur og fluttur til
S-Evrópu. Margrét segir að sér skiljist að
pækilsaltaði fiskurinn sé „notaður af hag-
kvæmnisástæðum af húsmæðrum“ í staðinn
fyrir saltfisk, sem þurfi að útvatna. Hún segir
jafnframt að þessi markaður hafi farið vax-
andi. „Þessi vinnslumáti er ekki eins frekur á
starfsfólk og fyrri vinnsla og því verður starfs-
fólki fækkað,“ segir Margrét. „Vinnslan er
hraðari bæði í snyrtingu og pökkun. Við byrj-
um með 20 manns en hvað verður eftir ár er
aldrei að vita.“ 50–60 tonn af hráefni muni fara
í gegnum húsið á viku eins og verið hafi, veltan
og magnið verði svipað en mun færra starfs-
fólk þurfi til að vinna hráefnið.
Vinnslan í Kína veldur erfiðleikum
12. júní 2003
Tillögur Hafró um hámarksafla,
raunir bátsmannsins, staðsetning
fiskiskipanna og góð rækjuveiði.
Landið og miðin
Sérblað um sjávarútveg
úrverinu
KRISTJÁN G. Jóakimsson, framkvæmda-
stjóri vinnslu- og markaðsmála hjá Hrað-
frystihúsinu-Gunnvöru hf., segir að til lengri
tíma litið sé líklegt að þorskeldi í stórum stíl
verði aðeins rekið á þann hátt að framleidd
séu seiði úr hrognum til sláturhæfs fisks sem
aftur byggist á kynbættum eldisstofnum.
Fyrirtækið mun setja út um 30.000 þorskseiði
nú í júní.
H-G hefur mótað stefnu sína í þorskeldi.
Gert er ráð fyrir einu öflugu fyrirtæki í seiða-
framleiðslu. Þetta fyrirtæki mun væntanlega
afhenda seiði sem eru 3–5 g. Þessi seiði þarf
síðan að ala áfram þar til þau eru orðin hæf til
að fara í flotkvíar.
Hjá H-G hf. er miðað við að hægt verði að
kaupa 3 til 5 g seiði, sem eru alin áfram í
strandeldi áður en þau eru sett í sjókvíar til
áframeldis.
„Þar sem við vitum í raun mjög lítið um eldi
á þorski úr u.þ.b. 5 grömmum og upp í slátur-
hæfan fisk fengum við í samstarfi við útibú
Hafró á Ísafirði leyfi hjá sjávarútvegsráðu-
neytinu til tilraunaveiða á þorskseiðum í Ísa-
fjarðardjúpi. Í desember árið 2002 og janúar
2003 fórum við í fyrstu tilraunaveiðarnar.
Þótt aflinn hafi ekki verið meiri en um 1.200
seiði á tveimur dögum urðu nánast engin af-
föll við veiðar og flutning.
Síðastliðið haust fékkst aftur leyfi til veiða
á þorskseiðum í Ísafjarðardjúpi til tilrauna-
eldis. Veidd voru um 65.000 þorskseiði á um
tveimur vikum,“ sagði Kristján í erindi sem
hann flutti á aðalfundi Félags fiskeldisstöðva
í Neskaupstað.
H-G setur út 30.000 þorskseiði nú í júní
Morgunblaðið/Alfons Finnsson
HAGNAÐUR þeirra tólf útgerðar-
og fiskvinnslufyrirtækja, sem birta
afkomu sína á vef Kauphallar Íslands,
varð um þremur milljónum króna
minni fyrstu þrjá mánuði þessa árs en
á sama tíma í fyrra. Tekjurnar nú
námu 3.779 milljónum króna, en 6.730
krónum í fyrra.
Heildartekjur eru 17,9 milljarðar
nú á móti 23 milljörðum í fyrra.
Tekjuminnkunin alls nemur 22,4%
milli ára. Rekstrargjöld eru 13,9 millj-
arðar króna, en voru 16 milljarðar í
fyrra. Vergur hagnaður, fyrir af-
skriftir og fjármagnsliði, minnkar úr
sjö milljörðum á síðasta ári í tæpa
fjóra milljarða.
Þessi samantekt er birt í Útvegi,
fréttablaði LÍÚ, sem nú er að koma
út: „Ástæðurnar eru þær helstar að
verð sjávarafurða hefur farið lækk-
andi á sama tíma og gengi íslensku
krónunnar hefur styrkst umtalsvert á
milli ára. Þá hefur borist mun minni
afli að landi á umræddu tímabili.“
Sem dæmi um tekjusamdráttinn
má nefna að frystitogari sem nú land-
ar sama farmi af úthafskarfa og á
sama tíma í fyrra, fær 20% minna fyr-
ir fiskinn. Sé litið tvö ár aftur í tímann
er munurinn enn meiri.
„Það er ekkert annað að gera í
þessari stöðu en að hagræða í rekstr-
inum og reyna að lifa við þessar erfiðu
aðstæður. Það eru engar töfralausnir
til,“ segir Eiríkur Tómasson, fram-
kvæmdastjóri Þorbjarnar Fiskaness.
Þess vegna höfum við ákveðið að
selja línubátinn Skarf vestur á Rif og
taka Ágúst GK í staðinn inn í veið-
arnar en honum hefur nýlega verið
breytt frá grunni í afkastamikið línu-
skip. Þá munum við hætta ísfiskveið-
um togaranna Sturlu og Þuríðar Hall-
dórsdóttur. Sturlu verður lagt og
hann settur á sölulista, en framtíð
Þuríðar er óákveðin að öðru leyti en
því að hún hættir ísfiskveiðunum.
Þessir togarar hafa veitt í gáma til út-
flutnings, en það er afar ótrygg leið.
Því færum við veiðiheimildirnar af
þessum skipum yfir á önnur í eigu
okkar til að auka nýtingu á þeim,“
segir Eiríkur Tómasson .
Tekjutap vegna hás
gengis krónunnar
!
"#
$
"%
Þorbjörn Fiskanes hættir veiðum tveggja ísfisktogara
ÞETTA er óábyrgt og ófaglegt. Ef til vill hafa Íslendingar haldið að þeir
hefðu tak á okkur vegna loðnunnar. En það er bara ekki raunin.“ Þessi orð
eru höfð eftir Audun Maråk hjá Fiskebåtredernes Forbund í Noregi, hlið-
stæðu LÍÚ í Noregi, í norska dagblaðinu Fiskeribladet sl. þriðjudag, 10.
júní. Tilefnið var að viðræðum íslenskra og norskra stjórnvalda um nýjan
síldarsamning hafði verið frestað í annað skipti á stuttum tíma.
Í viðtalinu við Fiskeribladet segir Audun Maråk jafnframt að hann hafi á
tilfinningunni að Íslendingar hafi talið að Norðmenn yrðu fúsir til að
skipta á loðnu og síld. „En við erum ekki tilbúnir til þess,“ segir hann.
„Það er ekki komin nein dagsetning,“ sagði Árni M. Mathiesen sjáv-
arútvegsráðherra þegar hann var hvort dagsetning væri komin á samn-
ingaviðræður við Norðmenn um loðnukvóta.
Engin dagsetning ákveðin
Aflatölur
MEÐ tilkomu Versins á ný hafa
orðið ýmsar breytingar frá því sem
verið hefur. Til að auka rými í
blaðinu hefur kortið með staðsetn-
ingu fiskiskipanna verið minnkað
og hið vikulega yfirlit yfir afla skip-
anna verið fært yfir á netið á mbl.is.
Þar er það öllum opið. Til að finna
það er fyrst farið á mbl.is. Síðan er
smellt á reitinn Morgunblaðið. Þar
neðst til hægri er reitur sem heitir
aukaefni og í honum er svo smellt á
aflatölurnar.
SR-mjöl hf. er nýtt félag í eigu
Síldarvinnslunnar hf. og mun það
sjá um sölu á mjöli og lýsi fyrir
Síldarvinnsluna. Einnig mun það
sjá um sölu á mjöli og lýsi fyrir
Samherja hf. á sama hátt og SR-
mjöl gerði fyrir sameiningu við
Síldarvinnsluna hf. Að auki mun
félagið sjá um sölu á lýsi og mjöli
fyrir Hraðfrystistöð Þórshafnar
hf.
Á síðasta ári nam lýsisfram-
leiðsla fyrrnefndra fyrirtækja
51.150 tonnum og mjölframleiðsl-
an var 137.000
tonn. SR-mjöl hf.
hefur ennfremur
annast sölu á af-
urðum nokkurra
erlendra fram-
leiðenda. Á síð-
asta ári nam
heildar-
söluverðmæti
mjöls og lýsis hjá
SR-mjöli um tíu milljörðum króna.
Gert er ráð fyrir að Samherji hf.
og Hraðfrystistöð Þórshafnar hf.
geti orðið hluthafar í SR-mjöli hf.
Finnbogi Jónsson, stjórn-
arformaður Samherja hf. og
stjórnarmaður Síldarvinnslunnar
hf., verður framkvæmdastjóri hins
nýja fyrirtækis.
Síldarvinnslan hf.
stofnar sölufyrir-
tækið SR-mjöl hf.
Finnbogi Jónsson
PRENTSMIÐJA MORGUNBLAÐSINS FIMMTUDAGUR 12. JÚNÍ 2003 Á netinu mbl.is/vidskipti BLAÐ B
ÁSTANDIÐ á íslenskum fjár-
málamörkuðum er einstakt um
þessar mundir að mati Eddu
Rósar Karlsdóttur, forstöðu-
manns greiningardeildar
Landsbankans. Segir hún að
það sé sama hvort menn séu að
fjárfesta í skuldabréfum eða
hlutabréfum, hvorutveggja sé
að hækka og hafi hækkað mikið
frá áramótum.
Úrvalsvísitalan hefur hækkað
um 7,9% frá áramótum. Gengi
flokks 40 ára húsbréfa með
gjalddaga árið 2037, sem sýnt
er á meðfylgjandi korti, hefur
hækkað um 10,7% frá áramót-
um.
Edda segist í samtali við
Morgunblaðið telja að áhugi á
íslenskum hlutabréfum erlendis
frá sé enginn og hækkanir á
hlutabréfum séu um garð
gengnar nema eitthvað óvænt
komi upp á. Undir þetta tekur
Þórður Pálsson, forstöðumaður
greiningardeildar Kaupþings
Búnaðarbanka, en hann segist
búast við að bréf lækki almennt
lítillega frekar en hækki, en þó
með þeirri undantekningu að
fyrirtæki með mikil umsvif er-
lendis gætu komið á óvart eins
og hann orðar það.
Hækkanirnar á hlutabréfa-
markaði skýrast að mati beggja
af afskráningum félaga úr
Kauphöllinni og því að fjárfest-
ar hafi leitað með fé sitt úr þeim
félögum og í önnur félög, eink-
um stór félög með mikla veltu.
Um 19 milljarðar króna hafa
streymt inn á hlutabréfamark-
aðinn í kjölfar afskráninga fé-
laga úr Kauphöll Íslands.
Þórður segir að íslenski
hlutabréfamarkaðurinn sé orð-
inn ákaflega þröngur. Athygli
veki að hlutabréf einungis tíu af
félögunum fimmtán, sem voru
valin inn í Úrvalsvísitöluna fyrr
í vikunni, hafi verið með veltu
yfir einn milljarð króna.
Áfram skuldabréfaáhugi
Öðru máli gegnir um skulda-
bréfamarkaðinn en hlutabréfa-
markaðinn hvað áhuga erlendis
frá varðar, en þar hefur áhugi
erlendra fjárfesta haldið uppi
stighækkandi verði og sífellt
lægri ávöxtunarkröfu, en ávöxt-
unarkrafa skuldabréfa hefur
ekki verið lægri síðan síðla árs
1999, sem þýðir að verð bréf-
anna hefur ekki verið hærra frá
sama tíma.
Edda Rós segir að fjárfestar
muni halda áfram að koma inn
svo lengi sem ávöxtunarkrafan
lækkar, en það sé m.a. háð
áframhaldandi eftirspurn og
væntingum um alþjóðavæðingu
bréfanna, það er að þau verði
skráð í erlend uppgjörskerfi,
eins og hugmyndir hafa verið
lengi um í bönkunum að sögn
Eddu, og talað er um í nýlegu
minnisblaði félagsmálaráðherra
um húsbréfakerfið.
Edda telur einnig að þegar
tekið sé mið af vöxtum sam-
bærilegra erlendra ríkisbréfa
þá geti íslensk skuldabréf enn
lækkað.
Bjartsýnn á skuldabréfin
Þórður Pálsson segist bjart-
sýnni á skuldabréfamarkaðinn
en hlutabréfamarkaðinn, enda
raunvextir mjög háir í bæði
sögulegu ljósi og alþjóðlegum
samanburði.
„Slakinn í hagkerfinu virðist
líka vera meiri en almennt var
gert ráð fyrir og því búumst við
t.d. ekki við að seðlabankavextir
verði hækkaðir í ár, raunar telj-
um við frekar umhugsunarefni
hvort vaxtastigið sé ekki enn of
hátt, þótt e.t.v. sé of seint að
lækka vexti vegna yfirvofandi
stóriðjuframkvæmda,“ sagði
Þórður.
Miklar hækkanir á ís-
lenskum verðbréfum
Einungis tíu af þeim fimmtán fyrirtækjum sem koma til með að mynda Úrvalsvísitölu
Kauphallar Íslands frá 1. júlí næstkomandi eru með meira en einn milljarð í ársveltu
!"#$%&
'
( )* +
,$ $- VIÐSKIPTABLAÐ MORGUNBLAÐSINS
TIL Árósa í Danmörku sækir fjöldi Ís-
lendinga ár hvert. Sigrún Þormar hagfræð-
ingur hefur verið búsett í Árósum síðastliðin
22 ár og í fyrrasumar setti hún á laggirnar
þjónustu til aðstoðar Íslendingum sem þang-
að stefna. Sigrún fékk hugmyndina fyrir
tveimur árum en fyrirtæki hennar,
www.sigrunthormar.dk, býður upp á al-
hliða þjónustu við Íslendinga. Ásamt eigin-
manni sínum hefur hún rekið markaðsráð-
gjafarfyrirtækið Sibba Aps í 13 ár.
„Ég er búin að reka fyrirtæki hérna og
stofna nokkur til viðbótar fyrir aðra Íslend-
inga hérna. Ég hef því komið nálægt ýmsum
rekstri og þekki kerfið vel. Fólk hefur verið
að biðja mig að hjálpa sér með eitt og annað.
Fyrir tveimur árum kom kunningjakona mín
til mín og vildi komast til Danmerkur í lista-
nám. Hana vantaði húsnæði, bíl, góðan skóla
fyrir dóttur sína, bankareikning, tryggingar,
síma og allt hvað eina. Ég hjálpaði henni að
útvega þetta allt saman og hún gat flutt inn
um leið og hún kom,“ segir Sigrún.
Hún segir þetta hafa spurst út og í kjölfar-
ið hafi hún ákveðið að koma upp fyrirtæki í
kringum þjónustuna. „Í fyrrasumar hafði
maður frá Hornafirði samband við mig sem
var að koma hingað með alla fjölskylduna.
Hann spurði hvort ég vildi hjálpa sér að
koma sér upp heimili hér í Árósum og sagð-
ist vilja borga mér fyrir þessa þjónustu. Þar
kviknaði hugmyndin að rekstrinum.“
Starfsemin fór rólega af stað að sögn Sig-
rúnar en frá áramótum hefur síminn vart
stoppað. „Nú fæ ég minnst eina eða tvær
fyrirspurnir á dag, flestar frá náms-
mönnum.“
Sigrún segist reyna að veita fólki alla þá
þjónustu sem það þarfnast, hvort sem það er
húsnæði, atvinna, aðstoð við skattframtal,
bílakaup, nettengingu eða eitthvað annað.
„Ég reyni að finna út hvað það vantar og geri
tilboð út frá því. Það er alltaf gert sam-
komulag fyrirfram um greiðslu fyrir þjón-
ustuna,“ segir Sigrún.
Þ J Ó N U S T A
Aðstoð við
flutninga til
Danmerkur
Námsmenn leita mikið eftir að-
stoð við húsnæðisleit í Árósum
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Orka úr iðrum jarðar
Vetni og jarðvarmi sem orkugjafi 8
Verslun á Netinu
Árangur fyrirtækja á Netinu er misjafn 4
HAFÞÓR TEKUR
FLUGIÐ HJÁ ATLANTA
Yf ir l i t
Í dag
Sigmund 8 Þjónustan 31
Erlent 12/15 Viðhorf 32
Höfuðborgin 16 Minningar 32/38
Akureyri 16/17 Bréf 40
Suðurnes 18 Kirkjustarf 41
Landið 19 Dagbók 42/43
Neytendur 20 Íþróttir44/47
Listir 21/25 Fólk 48/53
Menntun 26 Bíó 50/53
Umræðan 27 Ljósvakamiðlar 54
Forystugrein 28 Veður 55
* * *
HNÚFUBAK má sjá víða í sjónum í
kringum landið. Hnúfubakar eru að
jafnaði 12 til 19 metrar á lengd og
vega 25 til 48 tonn, en sporðaköst
þeirra vekja jafnan hrifningu sem
og blásturinn, enda tilkomumikil
sjón. Þessi glæsilegi hnúfubakur
sýndi sínar bestu hliðar í Eyjafirði á
dögunum og spókaði sig í kvöldsól-
inni – alsæll í kyrrum sjónum. Fjær
má sjá Hrólfssker í mynni fjarð-
arins.
Morgunblaðið/Friðþjófur
Hnúfubakur spókar sig í kvöldsólinni
PILTUR um tvítugt var í gær
úrskurðaður í gæsluvarðhald
fram á föstudag vegna gruns
um að hafa skorið karlmann í
andlitið í Bankastræti að
morgni sunnudags.
Pilturinn var handtekinn á
mánudag og hefur játað að nota
hníf í átökum þeirra á milli.
Í haldi vegna
árásar
KARLMAÐUR sem lögreglan
í Ísafirði sleppti lausum í gær
sagði við yfirheyrslur að hann
hafi sjálfur ætlað að nota 76
grömm af hassi og fjögur
grömm af amfetamíni sem
fundust á honum þegar hann
kom til Ísafjarðar í gær. Málið
var rannsakað með tilliti til
þess að um tilraun til sölu og
dreifingar á fíkniefnum hafi
verið að ræða.
Tekinn með
76 g af hassi
RÚMLEGA fertugur karlmaður var í gær dæmd-
ur í sex mánaða skilorðsbundið fangelsi fyrir að
falsa peningaseðla, samtals að fjárhæð 696.000
krónur, og fyrir að falsa undirskrift á 600.000
króna sjálfskuldarábyrgð vegna yfirdráttar á
tékkareikningi sínum.
Maðurinn notaði falsaða seðla að fjárhæð tæp-
lega 50.000 krónur í ýmsum viðskiptum og gaf fé-
laga sínum nokkra seðla en meginhlutann afhenti
hann lögreglu þegar hún gerði húsleit á heimili
hans. Maðurinn játaði peningafölsunina greiðlega
og kvaðst hafa notað tölvu og skanna við verkið.
Seðlana prentaði hann með tölvuprentara á ljós-
ritunarpappír. Hann kvaðst ekki hafa ætlað að
setja þá í umferð en kenndi annarlegu ástandi og
lyfjaneyslu um.
Maðurinn neitaði á hinn bóginn að hafa falsað
undirskrift fyrrverandi eiginkonu sinnar á sjálf-
skuldarábyrgðina. Rithandarsérfræðingur taldi
að rithöndin væri fölsuð og þótti dómnum að eng-
um öðrum væri til að dreifa en ákærða.
Tölva og prentari gerð upptæk
Við ákvörðun refsingar var litið til þess að mað-
urinn játaði peningafölsunina en einnig var litið til
þess að brot hans beindust gegn miklum þjóð-
hagslegum hagsmunum. Þá hefði hann verið
„nokkuð stórtækur“ við fölsunina. Auk skilorðs-
bundinnar refsingar voru tölvan og prentarinn
gerð upptæk.
Guðjón Magnússon, fulltrúi lögreglustjórans í
Reykjavík, sótti málið en Gissur Kristjánsson hdl.
var skipaður verjandi. Hjördís Hákonardóttir,
héraðsdómari í Reykjavík, kvað upp dóminn.
„Nokkuð stórtækur“
við peningafölsun
Sex mánaða skilorðsbundið fangelsi fyrir fölsun
MAÐURINN var dæmdur fyrir að nota átta
5.000 króna seðla, þrjá 2.000 króna seðla og
einn 500 króna seðil í ýmsum viðskiptum í
febrúar og mars árið 2001.
16. febrúar Við kassauppgjör á bensínstöð
ESSO í Hveragerði kom í ljós falsaður 500
króna seðill.
7. mars Greitt með fölsuðum 5.000 króna seðli
á bensínstöð ESSO við Grandaveg í Reykja-
vík.
9. mars Veitingamaðurinn á nektarstaðnum
Café Bóhem kærði peningafals til lögreglu.
Lagði hann fram fjóra 5.000 króna seðla og
einn 2.000 króna seðil sem hann sagði að
hefðu verið notaðir til að greiða fyrir drykk
og einkadans. Sama kvöld greiddi nektar-
dansmey á Bóhem fyrir heimsenda pitsu frá
Pizzahöllinni með fölsuðum 5.000 króna seðli.
12. mars Piltur notaði falsaðan 5.000 króna
seðil til að kaupa vörur í söluturni. Kvaðst
hann hafa fengið seðilinn á veitingahúsinu
Mónakó á Laugavegi. Sama dag var tilkynnt
um falsaða 5.000 og 2.000 króna seðla í
vörslu Búnaðarbankans í Glæsibæ.
10. apríl Falsaður 2.000 króna seðill fannst í
uppgjöri frá skíðasvæðinu í Bláfjöllum.
Einkadans og bensín
Á FUNDI bæjarstjórnar Hafnar-
fjarðar í fyrradag lagði Lúðvík
Geirsson bæjarstjóri fram tillögur
um rammafjárhagsáætlun fyrir ár-
in 2004 til 2006 og stjórnsýslu-
breytingar. Í tillögunum er gert
ráð fyrir allmiklum skipulags-
breytingum á rekstri Hafnarfjarð-
arbæjar. Breytingarnar munu hafa
í för með sér nokkra fækkun á
starfsmönnum á bæjarskrifstofu.
Gera má ráð fyrir að nokkrum
verði sagt upp; aðrir fluttir til í
starfi auk þess sem ekki verði ráð-
ið nýtt fólk í stað þess sem hættir.
Breytingarnar fela í sér að
kjarnasvið hjá Hafnarfjarðarbæ
verða þrjú: fjölskyldusvið, fræðslu-
svið og umhverfissvið. Rekstrar-
svið og þjónustusvið munu starfa
þvert á þessi þrjú grunnsvið.
Skipulagsbreytingarnar eru til
meðhöndlunar hjá ráðum og nefnd-
um bæjarins en gert er ráð fyrir
að málið verði afgreitt á bæjar-
stjórnarfundi 24. júní nk.
Tilfærslur og uppsagnir
Á fundi bæjarstjórnar á þriðju-
dag var samþykkt að vísa fram-
komnum tillögum til síðari um-
ræðu og frekari umfjöllunar í
ráðum bæjarins og síðari umræðu í
bæjarstjórn með sex atkvæðum
fulltrúa meirihlutans en minnihlut-
inn sat hjá.
„Það er ljóst að þær tillögur sem
lagðar voru fyrir eru síðari áfangi í
ákveðinni uppstokkun og hagræð-
ingarvinnu sem við höfum boðað.
Meginþátturinn í tillögunum miðar
að því að gera rekstrar- og þjón-
ustusviðin að stoðsviðum í okkar
stjórnkerfi. Það verður því um þó
nokkrar tilfærslur á starfsfólki að
ræða af rekstrar- og þjónustu-
deildum á öðrum sviðum yfir á
þessi aðal rekstrar- og þjónustu-
svið. Það liggur líka fyrir að það
verður um nokkrar breytingar að
ræða þannig að það verða lagðar
niður einstaka stöður og breytt í
stjórnsýslu, fyrst og fremst á
tæknisviði. Það er engin launung
að þessu munu fylgja einhverjar
uppsagnir. Hversu miklar þær
verða læt ég ósagt en hugsanlega í
kringum tíu manns,“ segir Lúðvík
Geirsson bæjarstjóri.
Skipulagsbreytingar
hjá Hafnarfjarðarbæ
Líklegt að
um tíu manns
verði sagt upp