Morgunblaðið - 12.06.2003, Blaðsíða 6

Falun Gong kvarta til
umboðsmanns Alþingis
UMBOÐSMANNI Alþingis hefur
verið send kvörtun vegna aðgerða ís-
lenskra stjórnvalda gegn rúmlega
200 Falun Gong iðkendum í
tengslum við komu Jiang Zemins
fyrrum forseta Kína til landsins í
fyrrasumar. Beinist kvörtunin gegn
öllum stjórnsýsluaðgerðum sem
gripið var til, m.a. að stjórnvöld hafi
útbúið og dreift „svörtum listum“,
sent erindreka sína á erlenda flug-
velli til að koma í veg fyrir að iðkend-
urnir kæmust til landsins, svipt þá
frelsi með ólögmætum hætti og sett
hömlur á ferðafrelsi þeirra innan-
lands.
Útilokar ekki dómstóla
Tveir fulltrúar hreyfingarinnar,
Peder Giertsen og Li Shao, héldu
blaðamannafund við styttuna af Ing-
ólfi Arnarsyni á Arnarhóli í gær.
Giertsen sagði tilganginn með kvört-
uninni til umboðsmanns vera þá að
freista þess að leiða allar staðreyndir
málsins í ljós og auka líkurnar á því
að íslensk stjórnvöld viðurkenndu
mistök sín. Einnig að þau greiddu
bætur vegna tjóns sem varð vegna
aðgerða þeirra. Aðspurður sagðist
Morgunblaðið/Arnaldur
Peder Giertsen, Ragnar Aðalsteinsson hrl. og Li Shao á Arnarhóli í gær.
hann frekar kjósa að beina kvörtun
til umboðsmanns Alþingis og að
leysa málið á „lýðræðislegan hátt“
en að leita til dómstóla. „En við úti-
lokum enga möguleika.“
Persónuvernd hefur þegar fjallað
um svörtu listana og komist að þeirri
niðurstöðu að dómsmálaráðuneytinu
hafi verið óheimilt að senda þá til
Flugleiða en lögreglu hafi á hinn
bóginn verið það heimilt. Aðgerðir
stjórnvalda gegn tveimur öðrum
Falun Gong iðkendum hafa verið
kærðar til ríkissaksóknara.
„Rödd andstöð-
unnar fengi ekki
að heyrast“
LI Shao hafði keypt sér ferð með
Flugleiðum til Íslands frá Heathr-
ow-flugvelli í London 12. júní í
fyrra en hann ætlaði að taka þátt í
friðsamlegum mótmælum vegna
heimsóknar Jiang Zemin, forseta
Kína, til landsins.
„Ég var beðinn um að stíga út úr
biðröðinni við innritunarborðið, lík-
lega af því að ég lít út fyrir að vera
kínverskur og mér sagt að nafn
mitt væri ekki á farþegalistanum.
Síðan var mér sagt að ég gæti ekki
farið um borð. Ég spurði um
ástæður en fljótlega var kallað á
lögreglu og tveir lögreglumenn
tóku undir handleggina á mér og
ýttu mér út úr byggingunni,“ sagði
hann. Æltlun Li Shao var að mót-
mæla komu „fyrrverandi einræðis-
herra“ Kína á friðsamlegan hátt.
Mágkona hans mátti dúsa í vinnu-
búðum í Kína í 14 mánuði af þeirri
ástæðu einni að hún iðkaði Falun
Gong en var leyst úr haldi eftir
mikið þref. Barátta hans gegn
þessum grófu mannréttindabrotum
kínverskra stjórnvalda héldi þó
áfram með friðsamlegum mótmæl-
um. Í Kína gæti enginn gert slíkt
án þess að verða handtekinn og
jafnvel þó mótmælendur yrðu látn-
ir óáreittir yrði gengið úr skugga
um að Zemin myndi hvorki heyra
þá né sjá. „Rödd andstöðunnar
fengi ekki að heyrast,“ sagði hann.
Li Shao, sem kennir bygginga-
fræði við háskólann í Nottingham,
segir ljóst að almenningur hafi
stutt málstað Falun Gong en að-
gerðir íslenskra stjórnvalda hafi
verið dapurlegar. Vonast hann til
þess að þau sjái að sér hið fyrsta.
Það yrðu stór skref í rétta átt ef ís-
lensk stjórnvöld lýstu því yfir op-
inberlega að þau hefðu haft rangt
fyrir sér og myndu gagnrýna ill-
virki kínverskra stjórnvalda gegn
Falun Gong-iðkendum. Aðrar kröf-
ur þeirra eru að stjórnvöld bæti
Falun Gong-iðkendum tjón sem
þeir urðu fyrir vegna aðgerða
stjórnvalda og loks að fullnægjandi
staðfesting fáist á því að „svörtu
listunum“ svokölluðu hafi verið
eytt.
FRÉTTIR
6 FIMMTUDAGUR 12. JÚNÍ 2003 MORGUNBLAÐIÐ
ALÞJÓÐALEIKAR Special
Olympics verða haldnir í Dyflinni
á Írlandi 21.–29. júní næstkom-
andi. Ísland mun eiga sína fulltrúa
á leikunum en Íþróttasamband
fatlaðra hefur átt aðild að Al-
þjóðasamtökum Special Olympics
síðan árið 1989 en leikarnir eru
mót fyrir þroskahefta og sein-
færa.
Þetta er í fjórða sinn sem Ísland
sendir keppendur en leikarnir eru
haldnir fjórða hvert ár. Þetta er
jafnframt í fyrsta sinn sem keppn-
in er haldin utan Bandaríkjanna
en þar voru samtökin stofnuð og
fyrstu leikarnir haldnir árið 1968.
Leikarnir skera sig frá Ólymp-
íumóti fatlaðra að því leyti að allir
mega taka þátt í keppninni. Að-
almarkmið keppenda er að vera
með og gera sitt besta og kjörorð
leikanna eftir því: „Láttu mig
sigra en ef ég næ ekki að sigra
megi ég þá vera hugaður í tilraun
minni.“
7.000 þátttakendur keppa á
mótinu í 21 íþróttagrein en auk
þeirra telja áhorfendur, aðstand-
endur, þjálfarar, fararstjórar
o.s.frv. hátt í 600.000.
Ísland sendir að þessu sinni 48
keppendur í allar greinar mótsins.
Íslensku keppendurnir eru á aldr-
inum 15–60 ára en öll félagslið
Íþróttasambands fatlaðra fengu
tækifæri til að tilnefna kepp-
endur. Til marks um tilgang leik-
anna má nefna að hinn frægi
sundmaður Íslendinga, Sigrún
Huld Hrafnsdóttir, mun keppa í
keilu fyrir Íslands hönd.
Rúnar Erlingsson, Sigurður
Valur Valsson og Hildur Hauks-
dóttir mynda keilulið Íslands
ásamt Sigrúnu Huld. Þau æfa að
jafnaði einu sinni í viku en hafa
fjölgað æfingum eftir því sem nær
dregur mótinu. Í dag koma þau
saman í síðasta sinn fyrir mótið
og halda svo utan á mánudaginn
ásamt öðrum keppendum, þjálf-
urum og aðstandendum.
Ólafur Ragnar Grímsson, forseti
Íslands, verður heiðursgestur á
opnunarhátíð leikanna og Tómas
Ingi Olrich, menntamálaráðherra,
hefur boðað komu sína á lokahá-
tíð leikanna en viðvera þeirra
þykir mikil viðurkenning á þess-
um stóra íþróttaviðburði.
Íþróttasamband fatlaðra hefur
hafið fjársöfnun til að gera ferð-
ina mögulega og mun á næstu
dögum senda út gíróseðla til
fólks.
Sigrún Huld Hrafnsdóttir, Rúnar Erlingsson, Hildur Hauksdóttir og
Sigurður Valur Valsson mynda keilulið Íslands.
Að vera með og
gera sitt besta
Ísland sendir 48 keppendur á
Ólympíuleika seinfærra og þroskaheftra
Morgunblaðið/Golli
leit að lausn málsins og munu þær
viðræður halda áfram.
„Starfsemi afeitrunardeildarinnar
hefur verið lítil allt frá áramótum,
eða allt frá því að við heyrðum að
það ætti að fara með okkur héðan,“
segir Guðmundur. „Við þorðum
aldrei að bæta neitt á en vorum að
taka inn fólk á deildina í bráða-
tilfellum.“
Mikil ásókn í meðferð hjá
Byrginu
Guðmundur segir að taka þurfi til
hendinni í Efri-Brú til að hægt sé
að fjölga rýmum fyrir skjólstæð-
inga. „Það er alveg rosalegt að
þurfa að vísa fólki frá. Það hringja
margir á hverjum degi og spyrja
hvort við séum búin að opna. Það
hefur verið mjög mikil ásókn í með-
ferð hjá okkur.“
Guðmundur segir að fólk sem
ekki á í önnur hús að venda gangi
fyrir í Byrginu en aðsókn annarra
sé orðin mikil. „Við getum ekki tek-
ið húsnæði austur að Efri-Brú undir
AFEITRUNARDEILD Byrgisins í
Rockville hefur verið óstarfhæf
undanfarna mánuði en málefni með-
ferðarheimilisins hafa verið í nokk-
urri óvissu frá áramótum. Nú hafa
Byrgismenn yfirgefið Rockville og
flutt starfsemina að hluta að Efri-
Brú í Grímsnesi.
Á Efri-Brú er hins vegar enn sem
komið er aðeins pláss fyrir 37 skjól-
stæðinga en 40 til viðbótar eru því á
götunni, að sögn Guðmundar Jóns-
sonar forstöðumanns. Hann segir
ekki koma til greina að hafa afeitr-
unardeild að Efri-Brú þar sem veð-
ur geti hamlað því á vetrum að
flytja þangað þá sem á meðferðinni
þurfa að halda.
Til stóð að deildin yrði á Vífils-
stöðum en að sögn Guðmundar
virðist sá möguleiki nú út úr mynd-
inni.
Í félagsmálaráðuneytinu fengust
þær upplýsingar að málefni afeitr-
unardeildar svo og alls Byrgisins
væru nú til skoðunar. Hafi viðkom-
andi aðilar fundað í gærmorgun í
afeitrunardeild. Það er ekki hægt,
ég tala nú ekki um að vetrarlagi.
Afeitrunardeildin verður að vera í
borginni. Við verðum að hafa ein-
hver tengsl við borgina. Fólk upp-
lifir sig annars eins og það hafi ver-
ið sett í geymslu.“
Breytt áform
varðandi Vífilsstaði
Guðmundur segir ekki lengur
standa til að hafa deildina að Vífils-
stöðum eins og ákveðið hafði verið í
samráði við heilbrigðisráðuneytið.
Hann segir málið hafa verið klapp-
að og klárt en svo virðist sem það
hafi strandað í fjármálaráðuneytinu.
„Ég vona að þetta sé einhver mis-
skilningur.“
Hann segir afeitrunardeild nauð-
synlega starfseminni en hún virðist
ekki lengur vera inni í myndinni.
Kastað hafi verið peningum til upp-
byggingar í Rockville og núna
stefni Byrgið í gjaldþrot vegna
skulda sem stjórnvöld áttu að taka
þátt í að greiða úr.
Afeitrunardeild Byrgisins óstarfhæf í marga mánuði
Fjörutíu skjólstæðing-
ar verða á götunni
lagsins við Eimskip um flutning á
sjóleiðinni milli Íslands og N-Am-
eríku bryti ekki gegn ákvæðum
samkeppnislaga. Að öðrum kosti
óskuðu Samskip eftir því að sam-
keppnisyfirvöld veittu skipafélög-
unum undanþágu vegna samkomu-
lagsins á grundvelli samkeppnis-
laga. Vísuðu Samskip til fyrri
úrskurða þar sem samkeppnisyf-
irvöld hefðu veitt þessum félögum
undanþágu frá lögum.
Í lok mars sl. skilaði samkeppn-
isráð þeim úrskurði að flutninga-
samkomulag Samskipa og Eim-
skips bryti í bága við sam-
keppnislög en með heimild í 16. gr.
laganna veitti ráðið undanþágu frá
bannákvæði í 10. gr. sömu laga.
ÁFRÝJUNARNEFND samkeppn-
ismála hefur staðfest þá ákvörðun
samkeppnisráðs að samningur
Samskipa og Eimskips um sam-
starf við flutninga milli Íslands og
N-Ameríku megi standa með þeirri
undanþágu sem samkeppnisráð
veitti félögunum fyrr á þessu ári.
Tók áfrýjunarnefnd fyrir kæru Atl-
antsskipa sem töldu að samkeppn-
isráð hefði með úrskurði sínum
gengið gegn því meginmarkmiði
samkeppnislaga að efla virka sam-
keppni í viðskiptum.
Málavextir eru þeir helstir að
með erindi til Samkeppnisstofnun-
ar í september árið 2002 óskuðu
Samskip eftir því að samkeppnisyf-
irvöld staðfestu að samkomulag fé-
Gildir undanþágan til 31. ágúst á
næsta ári og á meðan skulu félögin
tilkynna Samkeppnisstofnun allar
verðbreytingar og breytingar á
skilmálum í flutningum þeirra héð-
an og til N-Ameríku. Í lok apríl sl.
kærðu Atlantsskip svo þessa
ákvörðun samkeppnisráðs og
kröfðust þess að hún yrði felld úr
gildi.
Áfrýjunarnefndin staðfestir úr-
skurðinn og segir samkomulag
Samskipa og Eimskips líklegt til að
stuðla að bættri dreifingu vörunnar
þar eð að öðrum kosti sé viss hætta
á að sú þjónusta sem nú stendur til
boða af hálfu Samskipa hyrfi úr
höndum fyrirtækisins og keppi-
nautum fækkaði á markaðnum.
Áfrýjunarnefnd samkeppnismála um kæru Atlantsskipa
Samningur Samskipa
og Eimskips stendur