Morgunblaðið - 17.10.2003, Síða 20

SHMS - Leiðandi á heimsvísu í hótelstjórnun
Meðlimur í Sambandi hótelskóla í Sviss
Swiss Hotel Management School
“Caux-Palace”, 1824 Caux-Montreux (Switzerland)
SHMS, einn af stærstu og virtustu hótelstjórnunarskólunum í Sviss, býður þrjár
alþjóðlegar námsgráður í þriggja ára námi.
* Swiss Æðri diplóma í hótelstjórnun og ferðaþjónustu
* Bandaríkin AH og MA diplóma í hótelstjórnun
* Bretland BA gráða í hótel- og veitingastjórnun (Hospitality) / Ferðaþjónustu/
Umsjón viðburða og heilsulinda
Einnig í boði: Meistaragráða, MBA, framhaldsgráða, nám fyrir fólk með
starfsreynslu, sumarnám - möguleiki á mati úr öðrum skólum.
* Launaðar lærlingsstöður á hverju námsári
* Ráðningarþjónusta eftir námslok
* Frábær aðstaða á fyrrum 5* “Caux-Palace” hóteli.
Nánari upplýsingar fást hjá:
SMHS EUROPE, Rudolfplatz 6, 50674 Koeln, Þýskalandi,
sími: +49 - 221 - 258 5210,
fax +49 - 221 - 258 5211
NETFANG:
SHMSEUROPE@SHMS.COM
WWW.SHMS.COM
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Sáu bara rjúpur | Lögreglan á Blönduósi,
sem jafnan hefur fylgst með veiðimönnum í
Húnaþingi, var á eftirlits-
ferð í morgun og fór m.a.
upp á Arnarvatnsheiði án
þess að verða vör við
rjúpnaskyttur. Í gær fór
lögreglan á tveimur bíl-
um um Grímstunguheiði,
Eyvindarstaðaheiði og
Kjalveg upp að Hvera-
völlum. Ekki sáust neinir rjúpnaveiðimenn á
ferð, en lögreglumenn sáu hins vegar
rjúpnahóp, alhvítan, á Kjalvegi.
Samkvæmt upplýsingum frá lögreglunni
mun eftirliti verða haldið áfram í umdæminu
næstu daga. Þá hafa lögreglumenn í Borg-
arnesi, í Dölum og á Snæfellsnesi tekið upp
samstarf um eftirlit á rjúpnaslóð.
Rjúpnaveiðitímabilið hefði að óbreyttu átt
að hefjast í gær, en eins og flestir vita bann-
aði umhverfisráðherra rjúpnaveiði næstu
þrjú árin.
  
Úr
bæjarlífinu
HÉÐAN OG ÞAÐAN
Aukin samvinna? | Tillaga um aukna
samvinnu íþróttafélaganna Ármanns og
Þróttar í Reykjavík var lögð fram á fundi
Íþrótta- og tómstundaráðs Reykjavíkur
(ÍTR) á miðvikudag. Að sögn Kjartans
Magnússonar, fulltrúa Sjálfstæðisflokks í
ÍTR, var afgreiðslu tillögunnar frestað svo
að fulltrúar R-lista gætu gefið sér tíma til
að skoða málið.
„Það hefur mikið verið spáð og spek-
úlerað í nánari samvinnu íþróttafélaganna í
borginni. Það er talið að það þurfi að gera
félögin að sterkari einingum til að takast á
við ýmis vandamál, fjármál og annað. Það
eru sífellt meiri faglegar kröfur gerðar til
íþróttafélaga á sama tíma og menn geta
ekki reitt sig á sjálfboðastarf.“
Kjartan bendir á að Ármann og Þróttur
séu gamalgróin íþróttafélög sem vinna á
sama svæði og að íþróttastarf þeirra skarist
ekki. Félögin séu þegar með mikið sam-
starf. Kjartan segir hugmyndina vera að
flytja Ármann inn í Laugardal og nýta lóð
félagsins undir aðrar byggingar. Ármann
gæti þá byggt íþróttahús inni í Laugardal,
jafnvel með viðtengingu við Félagsheimili
Þróttar. „Þá værum við komin með gott fé-
lagsheimili og nýtt íþróttahús sem væri vel
í stakk búið til að takast á við þau verkefni
sem íþróttafélögin þurfa að inna af hendi.“
Kjartan bendir á að það sé oft viðkvæmt
að sameina íþróttafélög og að það standi
alls ekki til að skipa fyrir um slíkar samein-
ingar. „Þarna erum við komin með upp-
sprettu að góðu samstarfi og ættum að
hvetja félögin til að halda áfram á þeirri
braut,“ segir Kjartan.
Fyrstu tónleikarJazzklúbbs Ak-ureyrar á þessum
vetri verða á morgun,
laugardag 18. október, í
Ketilhúsinu kl. 21.30.
Tómas R. Einarsson
mætir á svæðið með sex
manna hljómsveit sína,
sem í eru Íslendingar og
Kúbverjar, þannig að
gestum gefst færi á að
heyra dillandi karabíska
kúbusveiflu á tónleik-
unum, enda munu lög af
nýjum diski Tómasar,
Havana, hljóma þar. Hús-
víkingar og nær-
sveitamenn eiga kost á að
hlýða á hljómsveitina
sama dag kl. 16 í Safna-
húsinu.
Dillandi kúb-
versk sveifla
í Ketilhúsinu
Bæjarráð Grindavík-ur hefur falið bæj-arstjóranum að
ítreka ósk bæjarstjórnar
til heilbrigðisráðherra um
að Grindavíkurbær fái
þjónustusamning um
rekstur heilsugæslunnar í
Grindavík.
Bæjarstjórnin hefur
unnið að málinu frá því
fljótlega eftir myndun nýs
meirihluta Samfylkingar
og Sjálfstæðisflokks þar
sem kveðið var á um þetta
í málefnasamningi. Síðast
var formlega óskað eftir
viðræðum um málið í apr-
íl. Þá sögðu forsvarsmenn
meirihlutans að tilgang-
urinn væri að bæta þjón-
ustu heilsugæslunnar við
íbúana. Svör virðast ekki
hafa borist frá ráðuneyt-
inu því nú hefur bæj-
arstjóra verið falið að
ítreka ósk bæjarstjórnar.
Vilja þjónustu-
samning um
rekstur heilsu-
gæslunnar
HITINN fór víða yfir 12 stig á
landinu í gær. Hlýjast var á
Hallormsstað, en þar var hit-
inn 16°C klukkan tvö. Á Egils-
stöðum var 14 stiga hiti og 13 í
Ásbyrgi. Í Húsafelli fór hitinn í
13,5 stig í gær og í Reykjavík
var hitinn 12 stig. Svalara var
vestan- og norðanlands. Á Ak-
ureyri var 10 stiga hiti og 7
stiga hiti í Bolungarvík. Veðrið
hefur sem sagt verið ákjós-
anlegt víða, eins og það best
gerist á haustin. En jafnvel
þótt tölurnar séu svo langt fyr-
ir ofan núllið getur verið nap-
urt að sitja kyrr og hugsa úti
undir beru lofti eins og fyr-
irsætan á myndinni gerði við
gömlu höfnina í Reykjavík í
vikunni. Þá er eins gott að
vera vel klæddur. Spáð er
heldur svalara veðri á landinu í
dag en var í gær.
Morgunblaðið/Jim Smart
Hugsað við höfnina
Hauststemmning
Hvammstanga | Björn Elíson, kaupfélags-
stjóri hjá Kaupfélagi Vestur-Húnvetninga
(KVH), hefur sagt upp störfum. Þorsteinn
Sigurjónsson, stjórnarformaður kaup-
félagsins, staðfesti þetta í samtali við
Morgunblaðið og segir hann að ástæða
uppsagnarinnar séu samstarfserfiðleikar
milli Björns og Hjalta Jósefssonar slátur-
hússtjóra. Björn hefur starfað sem kaup-
félagsstjóri á Hvammstanga sl. þrjú ár.
Þorsteinn sagði að Björn hefði stillt sér
upp við vegg, annaðhvort yrði Hjalta sagt
upp störfum eða hann færi sjálfur frá fé-
laginu. Þorsteinn sagðist ekkert hafa upp á
störf Hjalta fyrir kaupfélagið að klaga og
þess vegna hefði hann ekki viljað segja
honum upp störfum. Í framhaldi af þessari
niðurstöðu hefði Björn sagt upp með sex
mánaða fyrirvara. Hann er enn við störf en
óljóst er hvort hann kemur til með að vinna
út uppsagnartímann.
Hjalti Jósefsson hefur nokkuð verið í
fréttum síðustu daga vegna erfiðleika kjöt-
vinnslunnar Ferskra afurða, en Hjalti er
einn af eigendum og framkvæmdastjóri
þess fyrirtækis. Hjalti hefur ekki starfað
hjá Kaupfélagi V-Húnvetninga síðustu ár,
en vann hjá félaginu fyrir nokkrum árum.
Björn réði hann til starfa í haust en Þor-
steinn segir að hann hafi gert það fyrir sín
orð.
Kaupfélags-
stjóri KVH sagði
upp störfum
♦ ♦ ♦
Blábrystingur fannst í Skarðshlíð undir Eyjafjöll-um í vikubyrjun, en þetta er fremur sjaldséðurfugl á Íslandi og hafa aðeins 15 slíkir sést hér
áður, að sögn Yanns Kolbeinssonar, líffræðinema og
ritara Flækingsfuglanefndar.
Yann segir að þessi blábrystingur hafi væntanlega
komið frá Skandinavíu. Hann hafi sennilega verið á
farflugi suður á bóginn en lent í austanátt. „Undanfarin
ár hefur yfirleitt einn blábrystingur fundist hér á landi
á haustin,“ segir Yann og bætir við að evrópskir fuglar
komi gjarnan til landsins með austanáttinni.
Ljósmynd/Yann Kolbeinsson
Blábrystingur undir Eyjafjöllum
Egilsstöðum | Fyrsta sendingin af því kjöti
sem Austurlamb hefur selt á Netinu er farin
af stað til kaupenda. Þetta var kjöt frá fjór-
um af þeim tuttugu bæjum sem þátt taka í
verkefninu og í næstu viku fer annað eins.
Þegar er búið að selja um eitt tonn af aust-
firsku lambakjöti á Netinu.
Kjöt hefur verið valið fyrir þetta verkefni
um leið og slátrað hefur verið frá þeim fram-
leiðendum sem taka þátt. Búið er að sér-
vinna kjötið upp í þær pantanir sem borist
hafa og á þann hátt sem neytendur óska og
er afgreiðsla á því nú hafin. Kjötið er selt í
gegnum vef Austurlambs, www.austur-
lamb.is, og flutt með Landflutningum til
kaupenda.
Að sögn forsvarsmanna Austurlambs hef-
ur þessi nýjung í sölu á lambakjöti mælst vel
fyrir og pantanir tóku að berast um leið og
vefurinn var opnaður í byrjun september.
Sigurjón Bjarnason, framkvæmdastjóri
Sláturfélags Austurlands, sem stendur að
Austurlambsverkefninu, segir markmiðið
að gefa neytandanum kost á að kaupa upp-
runamerkt kjöt beint af bóndanum.
Búið að selja
tonn af kjöti
á vefsíðunni
FASTEIGNIR mbl.is