Morgunblaðið - 17.10.2003, Side 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 17. OKTÓBER 2003 VERÐ Í LAUSASÖLU 190 KR. MEÐ VSK.
DONALD Rumsfeld, varnarmálaráðherra
Bandaríkjanna, sagði á blaðamannafundi í gær að
líklega væri Bandaríkjastjórn búin að ljúka þriðj-
ungi þess ferlis sem nauðsynlegt væri að fara í
gegnum áður en hægt væri að taka ákvörðun um
breytingar á herafla Bandaríkjanna í Evrópu.
Hann sagði á döfinni að ræða við ríkisstjórnir
Evrópulanda um breytingar á varnarkerfinu.
Rumsfeld lét þessi ummæli falla á blaðamanna-
fundi í Pentagon þar sem hópur íslenskra blaða-
manna var staddur.
Bandaríkin lýstu því yfir fyrr á þessu ári að þau
vildu gera breytingar á starfsemi varnarstöðvar-
innar í Keflavík og að ákveðið hefði verið að flytja
orrustuþotur Bandaríkjahers frá Keflavíkurflug-
velli. Í ágúst greindi Davíð Oddsson forsætisráð-
herra hins vegar frá því að sú ákvörðun hefði verið
afturkölluð. Samkvæmt ákvörðun George W.
Bush Bandaríkjaforseta yrðu málefni Íslands ekki
skoðuð í einangrun heldur í samhengi við heildar-
endurskoðun á herafla Bandaríkjanna í Evrópu.
Rumsfeld sagði á blaðamannafundinum í gær
að varnarmálaráðuneytið væri nú að ljúka endur-
skoðun á herafla sínum um allan heim og væri
næsta skref að taka málið upp í viðræðum milli
stofnana í bandaríska stjórnkerfinu. Hann sagðist
hafa rætt þessi mál við bandamenn sína í NATO á
fundi í Colorado Springs í vikunni og þar hefði
verið greinilegt að mörg bandalagsríkjanna væru
að framkvæma svipaða endurskoðun á herafla sín-
um.
Rumsfeld sagði mörg bandalagsríkjanna því
gera sér fyllilega grein fyrir þeim vandamálum
sem væru samfara því að færa sig frá fastbundnu
varnarkerfi yfir í sveigjanlegra kerfi. Hann sagði
ríki í Austur-Evrópu skilja þetta mjög vel. Þá
hefði þýski varnarmálaráðherrann greint frá því
að Þýskaland væri að ganga í gegnum ferli sem
þetta, raunar væru mörg ríki að gera það.
„Við munum ræða við ríkisstjórn Íslands og rík-
isstjórn Þýskalands jafnt sem við ríkisstjórnir
allra annarra Evrópuríkja þar sem við teljum að
við séum með hugmyndir um hvernig gera megi
breytingar. Þar til við höfum rætt þessi mál við
Bandaríkjaþing og vini okkar og bandamenn
munum við ekki komast að endanlegri niðurstöðu.
Ætli við séum ekki búnir að klára um þriðjung af
þessu ferli,“ sagði Rumsfeld.
Varnarmálaráðherra Bandaríkjanna um varnarsamstarf innan NATO
Ræða á við ríkisstjórn
Íslands um breytingar
Washington. Morgunblaðið.
AFLI félagsmanna í Landssam-
bandi smábátaeigenda varð á síðasta
fiskveiðiári 69.328 tonn eða nærri 5
þúsund tonnum meiri en fiskveiðiár-
ið þar á undan. Að viðbættum grá-
sleppuhrognum má ætla að útflutn-
ingsverðmæti afla sem veiddur var á
smábátum hafi verið um 15 milljarð-
ar á síðasta fiskveiðiári. Þetta kom
fram í máli Arnar Pálssonar, fram-
kvæmdastjóra LS, á aðalfundi sam-
bandsins í gær.
Alls stunduðu 1.046 smábátar
veiðar á síðasta fiskveiðiári og hafði
fækkað um einn frá fyrra ári. Í afla-
markskerfi voru 218 bátar og hafði
fækkað um 26 báta. Þeir veiddu alls
7.878 tonn, þar af var þorskur 5.897
tonn. Meðalafli á hvern bát var rúm
36 tonn sem er smávægileg aukning
frá fyrra fiskveiðiári.
Í krókaaflamarki voru 532 bátar
eða 17 fleiri en fiskveiðiárið þar á
undan. Sagði Örn að við stækkun
bátanna hafi verið tilhneiging til að
menn færðu sig úr aflamarkskerfi
yfir í krókaaflamarkskerfi. Heildar-
afli krókaaflamarksbáta varð á síð-
asta fiskveiðiári 44.274 tonn sem er
aukning um 5.606 tonn frá fyrra ári.
Þar af var þorskur 24.401 tonn. Í
sóknardagakerfi stunduðu 296 bátar
veiðar og varð heildarafli þeirra
11.716 tonn eða 1.218 tonnum minni
en á fyrra ári. Þorskur var 94%
aflans eða 11.015 tonn. Afli á hvern
bát minnkaði um tæp 12%, varð tæp
40 tonn. Nýting sóknardaga var 92%
en var 84% á fyrra fiskveiðiári.
Hlutdeild smábáta í
heildarþorskafla var 24%
Heildarþorskafli allra báta innan
LS var 41.313 tonn sem er minnkun
um 2.813 tonn eða um 6,4%. Hlut-
deild smábáta í heildarþorskafla hef-
ur hins vegar aldrei verið meiri eða
24% af öllum þorski sem veiddur var
við Ísland á síðasta fiskveiðiári.
Ýsuafli krókabáta var á síðasta
fiskveiðiári 9.443 tonn sem er 64%
aflaaukning milli ára.
Útflutningsverðmæti afla
smábáta um 15 milljarðar
Smábátar/14
ið við fyrirhuguð frárennslisgöng Kára-
hnjúkavirkjunar við erfiðar aðstæður. Þar
sem hætta getur verið á að molni úr berg-
inu er steypustyrktarjárn rekið inn í það.
Bergið er síðan múrhúðað og járnnet lagt
yfir til hlífðar.
AÐ MÖRGU þarf að hyggja þegar unnið er
að stórframkvæmdum á hálendinu. Páll
Pálsson var að vinna að því að styrkja berg-
Morgunblaðið/Kristinn
Bergið styrkt við Kárahnjúka
BANKAR eiga ekki að vera
stefnuráðandi fjárfestar nema í
fyrirtækjum á sviði fjármála-
þjónustu að mati Erlends Magn-
ússonar, framkvæmdastjóra al-
þjóðasviðs Íslandsbanka.
Erlendur sagði þetta í erindi
á fundi Félags viðskipta- og
hagfræðinga á Grand Hóteli í
gær.
„Það er mín skoðun að það
samræmist ekki hagsmunum
banka að vera stefnuráðandi
fjárfestar nema í fyrirtækjum á
sviði fjármálaþjónustu. Það get-
ur leitt til hagsmunaárekstra,
bæði í viðskiptum við þessi fyr-
irtæki og ekki síður við aðra við-
skiptavini,“ sagði Erlendur.
Jafet Ólafsson, framkvæmda-
stjóri Verðbréfastofunnar, hélt
einnig erindi á fundinum og
ræddi hann um reynslu Þjóð-
verja á þessu sviði.
„Reynslan í Þýskalandi, þar
sem bankarnir hafa mjög mikið
farið inn í fyrirtækjarekstur, er
slæm og þeir hafa játað það. Og
nú eru þeir á hraðri útleið úr
þeim fyrirtækjum sem þeir geta
ekki selt,“ sagði Jafet á fund-
inum.
Bankar verði aðeins
stefnuráðandi fjárfestar
í fjármálafyrirtækjum
Bankarnir/12
ÍSAFJARÐARBÆR fær úthlutað mestu
af byggðakvóta sjávarútvegsráðuneytis-
ins á þessu ári, eða tæpum 119 tonnum.
Sandgerðisbær fær úthlutað tæpum 93
tonnum af byggðakvótanum og minna fer
á aðra staði.
Sjávarútvegsráðuneytið hefur alls
1.500 tonna byggðakvóta til úthlutunar á
yfirstandandi fiskveiðiári til stuðnings
byggðarlögum sem lent hafa í vanda
vegna samdráttar í sjávarútvegi. Á síð-
asta fiskveiðiári var umræddur byggða-
kvóti 2.000 þorskígildistonn. Þá kom
mestur kvóti í hlut Suðureyrar, eða alls
160 tonn.
Ráðuneytið hefur nú tilkynnt ein-
stökum sveitarstjórnum hversu mikið
kemur í hlut hvers sveitarfélags. Sveit-
arstjórnir hafa hins vegar frest til 1. nóv-
ember til að leggja fram tillögur til sjáv-
arútvegsráðuneytisins um ráðstöfun
byggðakvótans innan hvers sveitarfélags.
Við ákvörðun ráðherra til einstakra
byggða var tekið mið af tekjum, íbúa-
fjölda, fólksfækkun, breytingum á afla-
heimildum, lönduðum afla og afla í
vinnslu í einstökum sjávarbyggðum.
Alls fá 38 sveitarfélög úthlutað byggða-
kvóta að þessu sinni. Mest kemur í hlut
Ísafjarðarbæjar eins og áður sagði en
minnst fær Grýtubakkahreppur, alls 4,1
tonn.
Ísafjarðarbær
fær mestan
byggðakvóta
HLJÓMSVEITIN Sigur Rós fær já-
kvæða umfjöllun gagnrýnenda fyrir
frammistöðu sína í verkinu Split Sid-
es eftir Merce Cunningham, sem
frumsýnt var í Brooklyn Academy of
Music í New York á þriðjudags-
kvöld. Að mati Clive Barnes, hins
virta gagnrýnanda New York Post,
var tónlist Sigur Rósar hljómsterk-
ari og meira grípandi en tónlist
Radiohead.
Jón Þór Birgisson, söngvari og
gítarleikari Sigur Rósar, segir flutn-
inginn hafa gengið vonum framar
„Þetta gekk allt mjög vel og okk-
ur tókst að koma fólki til að hlæja
sem er ansi gott því annars voru allir
alvarlegir og fínir með sig,“ segir
Jón Þór.
Gagnrýn-
endur lofa
Sigur Rós
Lofa/58