Morgunblaðið - 30.10.2003, Síða 4

FRÉTTIR
4 FIMMTUDAGUR 30. OKTÓBER 2003 MORGUNBLAÐIÐ
Glitnir kemur flér í samband
vi› rétta bílinn
– traustur samstarfsa›ili í fjármögnun
ÁRNI Sigfússon, bæjarstjóri í
Reykjanesbæ, segir hópuppsagnir
Varnarliðsins vissulega koma sér illa
enda sé atvinnuleysi talsvert hátt á
Suðurnesjum. Á fjórða hundrað
manns séu á atvinnuleysisskrá og
þar hafi konur í leit að þjónustustörf-
um verið fjölmennar. „Ég geri þó ráð
fyrir að flestir hafi búist við einhvers
konar aðhaldsaðgerðum hjá Varnar-
liðinu þótt óljóst væri hversu miklar
þeir yrðu og er raunar enn óljóst.“
Árni leggur þó áherslu á að horfur
í atvinnumálum á Suðurnesjum séu
almennt fremur bjartar.
Milljarðaframkvæmdir
handan við hornið
Árni minnir á að Suðurnesjamenn
hafi áður þurft að ganga í gegnum
hópuppsagnir, t.d. þegar BYKO hafi
ákveðið að flytja gluggasmiðju sína
úr landi.
„Ég hef þó viljað leggja áherslu á
að hér er verið að vinna hratt og
markvisst að uppbyggingu atvinnu-
mála og þá sérstaklega að því að
skjóta fleiri stoðum undir atvinnulíf-
ið. Ég hef nefnt að framundan er 80
megavatta virkjunarframkvæmd á
Reykjanesi. Það er framkvæmd upp
á átta til níu milljarða sem er verið að
ráðast í og hefði einhvern tíma þótt
frétt til næsta bæjar. Þá gengur upp-
bygging á iðnaðarsvæðinu í Helgu-
vík mjög vel og grunnurinn að því er
pípuverksmiðja sem Bandaríkja-
menn eru að setja upp. Ef áætlanir
þeirra ganga fram má ætla að farið
verði að ráða í störf þar um mitt
næsta ár. Það er talað um allt að 200
störf í þessari verksmiðju og fram-
kvæmdakostnaður er áætlaður fjórir
til fimm milljarðar króna.“
Árni segir aðrar jákvæðar vís-
bendingar vera fyrir hendi í Helgu-
vík þótt þar sé ekki verið að tala um
eins mörg störf eins og t.d. hjá Ál-
vinnslunni sem verði formlega opnuð
innan nokkurra vikna. „Við horfum
líka til alþjóðaflugvallar og uppbygg-
ingar í alþjóðaflugi sem getur aldrei
annað en aukist. Það er nýbúið að
opna hér sérstakt flugþjónustusvæði
sem ætlað er undir flugfrakt og
flutninga. Einn þátturinn í flugþjón-
ustunni er ferðaþjónusta og við ger-
um ráð fyrir að fá hluta af ferða-
mönnunum til okkar. Við erum að
skapa segul sem er m.a. Íslendingur,
naust hans og Víkingaheimur. Það er
verkefni sem skapar ferðaþjónustu-
störf og það eru fleiri konur en karl-
ar sem sækja í þau störf.“
Árni segir sama gilda um heil-
brigðisstofnun Suðurnesja. „Hingað
kom heilbrigðisráðherra fyrir nokkr-
um dögum með mjög jákvæða skoð-
un á uppbyggingu heilbrigðisstofn-
unar Suðurnesja. Þar eru einnig
störf sem konur hafa sóst eftir um-
fram karla,“ segir Árni.
Góðar atvinnuhorfur
„ÞETTA er mjög sterkt mót á al-
þjóðavísu og verður örugglega
mjög spennandi,“ segir Bent Lar-
sen, stórmeistari í skák og heið-
ursgestur á Mjólkurskákmótinu
2003, sem hófst á Hótel Selfossi í
gær. „Ég held ég veðji á það að
efstu menn á mótinu í fyrra verði
það einnig nú en maður veit aldr-
ei, þetta verður mjög spennandi.“
Hlynur Gylfason, formaður
Skákfélags Selfoss, lék fyrsta
leikinn í skák Regínu Pokorna,
stórmeistara frá Slóvakíu, og
Stefáns Kristjánssonar, al-
þjóðlegs meistara og eins efnileg-
asta skákmanns landsins, og þar
með hófst keppnin.
Hrafn Jökulsson sagði það sér-
staklega ánægjulegt að Mjólk-
urskákmótið væri nú haldið í ann-
að sinn. „Við höfum notið frábærs
stuðnings bæjaryfirvalda í Ár-
borg og starfsfólksins á Hótel
Selfossi. Við viljum sjá Selfoss
verða að Hastings norðursins en
sá bær er þekktastur fyrir skák-
mótin og í 150 ár hefur skákin
varpað ljósi á bæinn,“ sagði
Hrafn í ávarpi sínu við upphaf
mótsins. Hann sagði að Mjólk-
urskákmótið nú væri mun sterk-
ara en nokkurt mót hefði verið í
Hastings og þetta væri eitt sterk-
asta mót sem haldið hefði verið á
Íslandi.
Skákskóli verður starfræktur á
fyrstu hæð hótelsins í tengslum
við mótið. Þá verður skákmót í
íþróttahúsinu á Selfossi á laug-
ardag fyrir krakka í 1.–10. bekk
og sagðist Hrafn vonast til að fá
200 þátttakendur á mótið. „Við
viljum endilega að krakkarnir
komi hingað í hótelið til að fylgjast
með,“ sagði Hrafn.
Einar Njálsson setti mótið með
ávarpi. „Svona atburður lyftir
ímynd staðarins og menning-
arlegri ásýnd, eykur baráttuvilja
og trú fólks á samfélagið,“ sagði
hann og kvaðst vonast til að Mjólk-
urskákmótið festist í sessi og yrði
árlegur viðburður.
Augljóst merki um skákáhuga
barnanna sem kviknaði í fyrra
með Mjólkurskákmótinu kom
fram á göngum Hótel Selfoss en
þar gripu telpurnar í Barnakór
Selfosskirkju, sem sungu við
mótssetninguna, tækifærið og
settust að tafli.
Bent Larsen um Mjólkurskákmótið á Selfossi
Morgunblaðið/Sigurður Jónsson
Einar S. Einarsson, yfirdómari Mjólkurskákmótsins 2003, fylgdist með
þegar Hlynur Gylfason, formaður Skákfélags Selfoss, lék fyrsta leikinn
í skák Regínu Pokorna, stórmeistara frá Slóvakíu, og Stefáns Krist-
jánssonar, alþjóðlegs meistara. Mótið er haldið á Selfossi.
„Þetta verður mjög spennandi“
Selfossi. Morgunblaðið.
VEGNA framkvæmda við gangstétt og
bílastæði hefur Ingólfsstræti í Reykjavík
verið lokað milli Bankastrætis og Hverf-
isgötu, en opnað verður fyrir umferð um
leið og hægt verður og áður en fram-
kvæmdum lýkur í lok nóvember.
Framkvæmdirnar eru í framhaldi af við-
haldsframkvæmdunum í Bankastræti í
sumar, en búið er að taka niður umferð-
arljósin á mótum Bankastrætis og Ingólfs-
strætis og verið er að endurnýja gangstétt-
ina við Ingólfsstræti að vestanverðu fyrir
framan Kaffi Sólon, Íslensku óperuna og
101 Hótel. Sigurður I. Skarphéðinsson,
gatnamálastjóri, segir að bílastæðin verði
flutt og stöðumælar settir upp að vest-
anverðu. Hins vegar verði aðstaða fyrir
framan hótelið og óperuna til að stöðva bíla
og skila af sér farþegum eða taka farþega,
en þar verði ekki leyft að leggja bílum.
Áfram verður tvístefna á milli Bankastræt-
is og Hverfisgötu.
Morgunblaðið/Þorkell
Bílastæði í Ing-
ólfsstræti færð
TÖLUVERÐAR skemmdir
hlutust af í eldsvoða í íbúðar-
húsi við Austurgötu í Hafnar-
firði í fyrrinótt. Fjórir voru
fluttir á slysadeild með grun
um reykeitrun en fólkið hafði
bjargað sér út af sjálfsdáðum
áður en slökkvilið kom á vett-
vang. Slökkvilið höfuðborgar-
svæðisins sendi tvo dælubíla og
sjúkrabíla ásamt einum neyð-
arbíl á vettvang. Útkallið kom
klukkan 3.40 eftir miðnætti og
voru tveir reykkafarar sendir
inn í húsið og slökktu eldinn á
skammri stund. Slökkvistarfi
var lokið klukkan 3.53. Elds-
upptök eru ókunn en eru í
rannsókn hjá lögreglunni í
Hafnarfirði. Að sögn varðstjóra
hjá slökkviliðinu urðu töluverð-
ar skemmdir vegna hita og
reyks.
Heimilis-
fólk bjarg-
aði sér út af
sjálfsdáðum
GUNNAR Snorri Gunnarsson, ráðu-
neytisstjóri í utanríkisráðuneytinu,
telur að Varnarliðið hafi farið heldur
geyst í uppsögnum sínum á 90
starfsmönnum og ekki virt þau
ákvæði laga um hópuppsagnir að
raunverulegar viðræður fari fram
við fulltrúa verkalýðsfélaganna.
Ráðuneytið hafi þess vegna skilning
á þeim sjónarmiðum sem fram komi í
bréfi til þess frá ASÍ, sem telur að
lög um hópuppsagnir hafi verið brot-
in. Gunnar Snorri segir að þessum
sjónarmiðum hafi verið komið á
framfæri við sendiherra Bandaríkj-
anna á Íslandi.
„Sendiherrann er ekki beinn aðili
að málinu því þetta er mikið rekið í
gegnum varnarmálaráðuneytið
bandaríska þaðan sem ákveðnar
kröfur koma. Hann ítrekaði að
ásetningur væri að fara að lögum og
þeir ætla að fara yfir málið með sín-
um lögfræðingum. Við verðum að
bíða og sjá hverju það skilar,“ segir
Gunnar Snorri.
Hann telur að vegna krafna til
Varnarliðsins um niðurskurð og hag-
ræðingu í rekstri verði ekki hjá upp-
sögnum komist. Þetta sé hins vegar
spurning um hvernig að málum sé
staðið. Trúnaðarmenn starfsmanna
verði að fá tækifæri til að koma sjón-
armiðum sínum á framfæri. „Ég
vona að þeir gefi sér tíma til að ræða
þetta af meiri alvöru,“ segir Gunnar
Snorri.
Utanríkisráðu-
neytið tekur
undir sjónar-
mið ASÍ
UTANRÍKISRÁÐHERRA segir að unnið sé að
ákveðinni lausn á deilum Liechtenstein og Tékka og
Slóvaka og sú lausn feli í sér að öll EFTA-löndin
þrjú muni undirrita samninginn um aðlögun Evr-
ópska efnahagssvæðisins að stækkun Evrópusam-
bandsins. Halldór Ásgrímsson fundaði á þriðjudag
með Jan Petersen, utanríkisráðherra Noregs og
frestaði för sinni heim frá Ósló í gær.
„Við [utanríksráðherra Íslands og Noregs] erum
búnir að stilla saman okkar strengi og erum að
reyna að vinna að ákveðinni lausn sem við getum
ekki greint frá á þessari stundu. Hún á þó að reyna
að tryggja að löndin geti öll skrifað undir. En við
munum hittast aftur í kvöld [gærkvöld] og meta
stöðuna,“ sagði Halldór.
Liechtenstein neitaði að skrifa undir samninginn
á þeirri forsendu að Tékkland og Slóvakía hefðu
ekki viðurkennt sjálfstæði furstadæmisins með full-
nægjandi hætti, sem aftur tengist eignakröfum
liechtensteinsku furstafjölskyldunnar vegna eigna-
upptöku í Tékkóslóvakíu. Norskir fjölmiðlar sögðu í
gær að á fundi Halldórs og Jans hefði sá möguleiki
verið ræddur að Íslendingar og Norðmenn skrifuðu
undir samninginn til að setja þrýsting á Liechten-
stein en Halldór sagði það ekki vera lausn á málinu;
lausnin fælist í því að öll löndin gerðu það. Halldór
segir málið vissulega vera mjög viðkvæmt. „Það eru
miklar tilfinningar tengdar málinu, bæði hjá Liecht-
enstein og Tékklandi og Slóvakíu enda snertir það
fullveldi og sjálfstæði þessara þjóða. Hins vegar að
því er varðar þær eignakröfur sem uppi eru af hálfu
Liechtenstein er það mál sem við tökum enga af-
stöðu til enda er það óviðkomandi þessum samn-
ingum.“
Haft var eftir utanríkisráðherra Tékklands, Cyril
Svoboda, í Aftenposten að Tékkland mundi aðeins
undirrita samninginn um aðlögun EES óbreyttan.
Það væri eina lausnin og bæði ESB og hin EFTA-
löndin væru sammála um það. Hann segir Liechten-
stein blanda saman tveimur óskyldum málum.
EFTA-ríkin þrjú
undirriti öll í einu
♦ ♦ ♦
BÚIÐ er að ganga frá nauðasamningum við
flesta lánardrottna DV og stefnt er að því að
ná samningum við alla í síðasta lagi á morgun,
en þá rennur greiðslustöðvun félagsins út. Jó-
hannes Rúnar Jóhannsson, tilsjónarmaður fé-
lagsins á greiðslustöðvunartímanum, segir að
auk þess bendi allt til þess að nýir fjárfestar
komi að félaginu á næstu dögum og gera megi
ráð fyrir hlutafjáraukningu upp á um 250
milljónir fyrir utan skuldbreytingar.
Jóhannes Rúnar Jóhannsson segir að verið
sé að safna saman samningum sem kröfuhafar
hafi gert við útgáfufélag DV. „Það gengur
mjög vel og flestir hafa skilað inn sínum samn-
ingum,“ segir hann og bendir á að menn taki á
sig skerðingu og fái greidd 20% krafna, taki
höfuðstól sinna krafna í auglýsingum á verð-
listaverði eða breyti kröfunum í hlutafé á
genginu tveimur. „Örfáir eiga eftir að skila og
þar af eru nokkrir sem eru búnir að sam-
þykkja samninga munnlega,“ segir hann.
Að sögn Jóhannesar Rúnars er stefnt að að-
komu nýrra fjárfesta að félaginu og það ráðist
á næstu dögum. Verið sé að tala um í kringum
250 milljónir í því sambandi fyrir utan skuld-
breytingar. Hann segir það hafa legið fyrir í
upphafi að hluthafar Framtíðarsýnar væru til-
búnir að koma að hlutafjáraukningu.
Stefnt er að
nauðasamning-
um vegna DV