Morgunblaðið - 30.10.2003, Side 23

DAGLEGT LÍF
MORGUNBLAÐIÐ FIMMTUDAGUR 30. OKTÓBER 2003 23
MIKIÐ hefur verið um tilboð á
svínakjöti að undanförnu og gefur
Sigurður Gíslason, aðstoðaryfir-
kokkur á veitingastaðnum Vox,
Hóteli Nordica, lesendum þrjár
einfaldar uppskriftir þar sem svín
er í aðalhlutverki. Uppskriftirnar
eru miðaðar við sex manns.
Svínakjöt í kúbverskum
kryddlegi
2 kg bóglæri eða innralæri
250 g brúnn sykur (helst
muscowado sykur)
4 læmur (lime)
3 stk. stjörnuanís
5 stk. kardimommur
4 hvítlauksgeirar
½ rauð eldpaprika
(chile)
½ græn eldpaprika
9 negulnaglar
½ negulstöng, eða
1 msk. negull
100 ml olía að eigin vali
½ stilkur sítrónugras (lemongrass)
1 msk. kóríanderfræ
Lime-ávextirnir eru skafnir og
safinn kreistur úr. Safinn og börk-
urinn er settur í matvinnsluvél,
ásamt kryddinu. Segir Sigurður
ekki skipta meginmáli að eiga allt
kryddið og vel hægt að sleppa 1–2
tegundum án þess að illa fari. Þeg-
ar lögurinn er tilbúinn er honum
makað á vöðvann og hann síðan
bakaður í ofnskúffu við lágan hita,
140–150 gráður. Lengd eldunartíma
fer eftir þyngd lærisins, en ef miðað
er við 2 kíló er hann um það bil 2½
tími.
Mælt er með því að smyrja
kryddleginum yfir nokkrum sinnum
meðan á steikingu stendur.
Einnig er hægt að leyfa kjötinu
að liggja í kryddleginum yfir dag og
nótt, að hans sögn.
Sem meðlæti stingur Sigurður
upp á góðu klettasalati. Kryddleg-
inum er hellt úr ofnskúffunni og
balsam-ediki og ólífuolíu bætt sam-
an við. Að því búnu má nota hann
sem sósu með kjötinu og yfir sal-
atið.
„Þetta er létt og einfalt með frísk
andi bragði og alger óþarfi að
bera fram kartöflur eða annað með-
læti. Þessi réttur er í algeru uppá-
haldi hjá mér og reyni ég að elda
hann að minnsta kosti einu sinni í
mánuði,“ segir hann.
Svínalundir
með hnetuskorpu
Lundir
100 g hnetur að eigin vali, þrjár
tegundir (helst saltaðar pistasíur
með)
200 g smjör
100 g brauðrasp
Lundirnar eru brúnaðar rólega á
pönnu og síðan þaktar með hnetu-
maukinu. Að því búnu eru þær bak-
aðar í ofni við 150 gráður. Tekur
um það bil 20 mínútur fyrir lundina
að eldast, að Sigurðar sögn. Hrá-
efnið í skorpuna er sett í blandara,
fyrst hneturnar, síðan smjörið og
loks raspið. Brauðraspið er notað til
þess að þykkja og því má bæta við
þar til maukið er passlega þykkt.
Með þessu má bera fram bakaða
kartöflu og hvítlaukssósu.
„Það þarf ekki sósu með kjötinu
en vel hægt að bera fram rifsberja-
sósu eða létta brúna sósu, ef fólk
vill.“
Að síðustu gefur Sigurður upp-
skrift að súpu.
Hvítbaunasúpa með
reyktu svínakjöti
200 g útvatnaðar hvítar baunir
150–200 g rifinn parmesan-ostur
3 hvítlauksgeirar
kjúklingakraftur
afgangur af reyktu svínakjöti
Baunirnar eru mauksoðnar í
vatni með kjúklingakrafti og hvít-
lauknum. Rifnum parmesan-osti
bætt saman við.
Kryddað til.
„Það þarf að passa að hafa súp-
una ekki of salta þar sem kjötið er
bragðmikið. Þessi súpa er sniðug
lausn daginn eftir svínakjötsveislu
og hægt að skera afganga niður og
setja út í súpuna. Magn kjöts fer
eftir smekk og mér þykir mjög gott
að bæta rifnum parmesan ofan á
súpuna og hella örlitlu af ólífuolíu
yfir,“ segir Sigurður Gíslason að
síðustu.
Einfaldir kjötréttir
fyrir heimilið
Morgunblaðið/Árni Sæberg
Sigurður Gíslason aðstoðaryfirkokkur heldur
mikið upp á svínakjöt í kúbverskum kryddlegi.

UPPSKRIFTIR
Létt og
einfalt
með frísk-
andi tóni.
FIMMTUDAGS-
TILBOÐ
Suðurlandsbraut
Sími 533 3109
Opið
mán.-fös. kl. 12-18
laugardaga kl. 10-16
Dömu ökklaskór
St. 36-45
Litur: Svartur
Verð áður 3.995
Verð nú 2.495
NÝTT Í HYGEU KRINGLUNNI
Sérfræðingur Kanebo veitir faglega ráðgjöf fimmtudag, föstudag og
laugardag í Hygeu Kringlunni. Allir viðskiptavinir fá fallega gjöf.
Spennandi nýjungar og húðgreiningartölva Kanebo.
Kringlunni
INTERNATIONAL
www.thjodmenning.is
Fréttasíminn
904 1100