Morgunblaðið - 30.10.2003, Blaðsíða 10

FRÉTTIR
10 FIMMTUDAGUR 30. OKTÓBER 2003 MORGUNBLAÐIÐ
HALLDÓR Ásgrímsson utanríkis-
ráðherra sagði í umræðum um ut-
anríksimál á þingi Norðurlandaráðs
í gær að í ljósi stækkunar Evrópu-
sambandsins (ESB) væri mikilvæg-
ara nú en nokkru sinni fyrr að halda
uppi góðum samskiptum milli Ís-
lands, Noregs og hinna Norður-
landanna þriggja, þ.e. Danmerkur,
Svíþjóðar og Finnlands, sem væru
aðilar að ESB. „Stækkun ESB hefur
óhjákvæmilega í för með sér breyt-
ingar á skipulagi og vinnu ESB. Í
ljósi þess er mikilvægara nú en
nokkru sinni fyrr að halda uppi öfl-
ugum upplýsingasamskiptum milli
Íslands og Noregs annars vegar og
Danmerkur, Finnlands og Svíþjóðar
hins vegar,“ sagði hann.
Stofnanir ESB hafa breyst
Halldór sagði ennfremur að samn-
ingurinn um Evrópska efnahags-
svæðið væri byggður á aðstæðum
sem hefðu verið við lýði í Evrópu fyr-
ir tíu árum. Síðan þá hefðu stofnanir
ESB breyst og enn frekar breyting-
ar væru fyrirsjáanlegar á næstunni.
Ítrekaði hann að í því ljósi væru góð
samskipti Norðurlandanna enn mik-
ilvægari en áður.
Halldór vék í ræðu sinni einnig að
svonefndum Kankún-fundi Alþjóða-
viðskiptastofnunarinnar, en hann fór
fram um miðjan síðasta mánuð. Var
á fundinum stefnt að því að marka
ákveðinn áfanga í svonefndum Doha-
viðræðum um frekara frelsi í heims-
viðskiptum.
Vonbrigði í Kankún
Halldór sagði að fundurinn hefði
valdið miklum vonbrigðum. „Í upp-
hafi fundarins var álitið að árangur
myndi nást [í samningalotunni], sem
út af fyrir sig þjónaði ekki hagsmun-
um okkar í landbúnaði, en við verð-
um að viðurkenna að staða þróun-
arlandanna krefst þess að alþjóða-
samfélagið finni lausnir sem þau
geta sætt sig við. Það getur verið
mikilvægt að við á Norðurlöndunum
eigum frumkvæði að raunverulegu
samráði milli norðurs og suðurs,“
sagði Halldór.
Halldór Ásgrímsson á þingi Norðurlandaráðs
Samstarf mikilvægara
í ljósi stækkunar ESB
Ljósmynd/Lennart Perlenhem
Halldór Ásgrímsson
BJÖRN Bjarnason, dómsmálaráð-
herra og formaður Þingvallanefnd-
ar, segir ekki rétt að bannað sé að
sigla á Þingvallavatni. Hins vegar
hafi verið leitast við að sætta þá sem
hafi áhuga á að sigla á vatninu og þá
sem vilji veiða í því. Finna þurfi jafn-
vægi á milli þessara ólíku hagsmuna
og um það snúist málið.
Haraldur Örn Ólafsson, lögfræð-
ingur, sagði í Morgunblaðinu í gær
að landverðir í þjóðgarðinum hefðu
meinað honum að sigla á kajak á
Þingvallavatni í sumar. Vitnaði hann
til ákvæða í vatnalögum um rétt
manna til að ferðast um vötn og dró í
efa að reglur Þingvallanefndar um
siglingar á vatninu stæðust þau.
Björn segir Þingvallanefnd vilja
finna jafnvægi á milli þessara hags-
muna og bátafólk megi ekki sigla þar
sem stangveiðimenn eru að veiðum.
„Ef talið er að starfsfólk þjóðgarðs-
ins sé að ganga of langt í því að gæta
veiðisvæðisins þá er það álitamál. En
það er ekki verið að banna fólki að
vera á vatninu. Ef þörf er á að op-
inberir aðilar greiði úr slíkum deilum
þá verður að finna meðalhófið í því.“
Leyfilegt
að sigla á
vatninu
STEINGRÍMUR Þormóðsson,
lögmaður Ferskra afurða á
Hvammstanga, hefur kært
kyrrsetningu afurða Ferskra
afurða til Héraðsdóms Norður-
lands vestra. Hann segir að
eðlilegar skýringar séu á því að
kjötbirgðir fyrirtækisins séu
nú minni en þær voru í lok
ágúst þegar birgðir voru síðast
taldar.
Kristinn Hallgrímsson lög-
maður, sem gætir hagsmuna
Kaupþings-Búnaðarbanka í
máli Ferskra afurða, sagði í
Morgunblaðinu í gær að talning
hefði leitt í ljós að kjötbirgðir
fyrirtækisins væru 164 tonn og
verðmæti þeirra væri um 24
milljónir. Niðurstaða talningar
í lok ágúst hefði verið að fyr-
irtækið ætti 228 tonn af kjöti að
verðmæti 66 milljónir.
Mikil sala fram að
greiðslustöðvun
Steingrímur sagði að þó að
það væri rétt sem kæmi fram í
fréttinni að lítil sala hefði átt
sér stað eftir að Ferskar afurð-
ir fengu greiðslustöðvun yrði
að hafa í huga að fyrirtækið
hefði ekki fengið greiðslustöðv-
un fyrr en 23. september, en
talning hefði farið fram 30.
ágúst. Í september, fram að
þeim tíma sem fyrirtækið fékk
greiðslustöðvun, hefði verið
mikil sala hjá félaginu og því
væri ekkert óeðlilegt við þessar
tölur.
Steingrímur sagði að for-
ráðamönnum Ferskra afurða
hefði ekki verið gefið færi á að
vera viðstaddir talninguna, en
hún hefði verið unnin af mats-
mönnum frá Sölufélagi A-Hún-
vetninga, sem væri samkeppn-
isaðili Ferskra afurða.
Kærir
kyrr-
setningu
afurða
HÚSAFRIÐUNARNEFND hefur
samþykkt að kanna hvort efni séu til
að leggja til friðun Austurbæjarbíós
við menntamálaráðherra.
Að mati Magnúsar Skúlasonar,
forstöðumanns húsafriðunarnefnd-
ar, hefur húsið umtalsvert varð-
veislugildi. „Það var búið að skrifa
bréf til skipulags- og bygginga-
nefndar Reykjavíkurborgar í ágúst
þar sem áhersla var lögð á varð-
veislugildi hússins. Því bréfi var ekki
svarað fyrr en í gær. Í bréfinu var
bent á að þetta hús hefur bæði
menningarsögulegt gildi og gildi fyr-
ir umhverfi sitt. Þar var um leið lagt
til að Reykjavíkurborg reyndi að
tryggja varðveislu hússins.“
Magnús segist furða sig á þeim
andsvörum að ekki sé hægt að finna
grundvöll fyrir rekstri hússins. „Ef
það á að fara eftir þeim forsendum
hvort eitthvað ber sig eða ekki væri
kannski hægt að rífa Borgarleikhús-
ið strax. Það er sambærilegt sem
dæmi. Nefndin telur áform um nið-
urrif hússins alvarlegt mál og vill
skoða það nánar.
Hlutverk húsafriðunarnefndar er
að gæta að byggingararfleifð þjóð-
arinnar og þá er sama hvort hús eru
byggð fyrir eða eftir 1918. Það skipt-
ir ekki máli hvenær hús eru byggð
þegar kemur að mati á varðveislu-
gildi.
Fyrir ári kom líka fram það álit frá
borgarminjaverði að það bæri að
vernda þetta hús. Það barst okkur
hins vegar ekki, það týndist einhvers
staðar á leiðinni afrit sem við áttum
að fá. Ef það hefði komið í hendur
okkar fyrr hefðum við tekið afstöðu í
málinu mun fyrr.“
Erfiðar rekstrar-
aðstæður bíóhúss
Steinunn Valdís Óskarsdóttir,
borgarfulltrúi Reykjavíkurlistans og
formaður skipulags- og bygginga-
nefndar, ítrekar að Reykjavíkurborg
sé ekki beinn aðili að málinu að því
leyti að borgin á ekki húsið. „Það
liggur fyrir umsókn eiganda hússins
um niðurrif og byggingu íbúða. Það
hefur auðvitað verið ágreiningur um
menningarsögulegt gildi hússins og
ef húsafriðunarnefnd telur að húsið
hafi menningarsögulegt gildi hlýtur
það að snúa að eigendunum og ríkinu
sem felur í sér skuldbindingar fyrir
þessa aðila. Það eru skuldbindingar
sem borgin hefur hingað til ekki ver-
ið tilbúin að taka. Það stendur ekki
til af hálfu borgaryfirvalda að kaupa
húsið og reka þar bíó eða tónlistarsal
því við ætlum ekki að vera í sam-
keppni við einkaaðila.“
Steinunn segir það vera upp á nú-
verandi eiganda komið hvaða starf-
semi tekur við verði niðurrif hússins
ekki leyft en telur mjög mikilvægt að
ásýnd hússins verði löguð. „Þarna
hafa menn verið að reyna að halda
úti bíó- og tónlistarstarfsemi í ára-
tugi. Síðustu aðilar sem reyndu að
halda úti bíórekstri í húsinu gáfust
upp, ástæður voru ýmsar, meðal
annars bílastæðamál og breyttar að-
stæður á kvikmyndahúsamarkaði.
Ég er þeirrar skoðunar að það sé
mjög æskilegt að fá íbúðarhúsnæði á
þessum stað og þessu svæði því það
er lykilatriði fyrir miðborgina að
fjölga íbúum.“
Hugmyndir um friðun Austurbæjarbíós
Húsafriðunarnefnd
vill kanna málið nánar
FYRSTA eintakið af bókinni um
Harry Potter og Fönix-regluna var
afhent í Eymundsson síðdegis í
gær. Lucienne Claudette Jantjies,
sem er frá Namibíu, kom þá að
sækja eintakið sitt sem hún hafði
pantað í forsölu og tekur hér við því
úr hendi Sigrúnar Hermannsdóttur
í Eymundsson. Lucienne hefur búið
hér í fjögur og hefur náð góðum
tökum á íslenskunni.
Formleg sala á bókinni, sem er sú
fimmta í röðinni um Harry Potter
og félaga hans, hefst í bókaversl-
unum hér á landi laugardaginn 1.
nóvember kl. 11.11. Að sögn Snæ-
björns Arngrímssonar, útgáfu-
stjóra Bjarts, komu 15 þúsund ein-
tök af bókinni til landsins í tólf feta
löngum gámi sem opnaður var í
gær með viðhöfn.
Fyrst til
að fá Fönix-
regluna
Morgunblaðið/Ómar
VINNUBRÖGÐ fráfarandi stjórnar
Heimdallar í aðdraganda síðasta að-
alfundar félagsins eru hörmuð í
ályktun sem stjórn Varðar, fulltrúa-
ráðs sjálfstæðisfélaganna í Reykja-
vík, samþykkti á fundi í fyrrakvöld.
Öll félög sjálfstæðisflokks í borginni
eiga aðild að fulltrúaráðinu. Tillagan
var samþykkt samhljóða en þrír sátu
hjá.
Fráfarandi stjórn Heimdallar, fé-
lags ungra sjálfstæðismanna í
Reykjavík, frestaði að samþykkja
inntöku yfir þúsund nýrra félaga
daginn fyrir aðalfund félagsins sem
haldinn var 1. október síðastliðinn. Á
fundinum átti að kjósa nýja stjórn og
höfðu tveir menn boðið sig fram í for-
mannskjöri
Boðið velkomið í hópinn
Í ályktun Varðar segir: „Það er
skoðun stjórnarinnar að ofangreind-
ar aðgerðir samræmist ekki þeim
lýðræðislegu vinnubrögðum sem
eiga að gilda í starfi flokksfélaganna
í Reykjavík.
Stjórn Fulltrúaráðsins í Reykja-
vík býður þetta unga fólk (sem ósk-
aði inngöngu í Heimdall fyrir síðasta
aðalfund) hjartanlega velkomið í hóp
sjálfstæðismanna í borginni og skor-
ar á stjórn Heimdallar að veita þeim
undanbragðalaust inngöngu eins og
ætíð hefur tíðkast í félagsstarfi í
Sjálfstæðisflokknum.“
Vörður
harmar
vinnubrögð
Heimdallar
SEX varaþingmenn tóku sæti á Al-
þingi í upphafi þingfundar sl. þriðju-
dag. Þar með sitja ellefu varaþing-
menn á Alþingi um þessar mundir.
Hlutfall varaþingmanna á Alþingi er
því tæp 7%.
Árni Steinar Jóhannsson, vara-
þingmaður Vinstrihreyfingarinnar –
græns framboðs, tók í gær sæti fyrir
Jón Bjarnason, Ásgeir Friðgeirsson,
varaþingmaður Samfylkingarinnar,
tók sæti fyrir Þórunni Sveinbjarn-
ardóttur, Ásta Möller, varaþingmað-
ur Sjálfstæðisflokksins, tók sæti fyr-
ir Guðlaug Þór Þórðarson, Brynja
Magnúsdóttir, varaþingmaður Sam-
fylkingarinnar, tók sæti fyrir Björg-
vin G. Sigurðsson, Einar Karl Har-
aldsson, varaþingmaður Samfylk-
ingarinnar, tók sæti fyrir Mörð
Árnason og Lára Margrét Ragnars-
dóttir, varaþingmaður Sjálfstæðis-
flokksins, tók sæti fyrir Sólveigu
Pétursdóttur.
Fyrir á Alþingi sitja varaþing-
mennirnir Guðjón Ólafur Jónsson,
Framsóknarflokki, Kjartan Ólafs-
son, Sjálfstæðisflokki, Sigurlín Mar-
grét Sigurðardóttir, Frjálslynda
flokknum, Sigurrós Þorgrímsdóttir,
Sjálfstæðisflokki og Þórarinn E.
Sveinsson, Framsóknarflokki.
Hlutfall
varaþing-
manna 7%