Morgunblaðið - 30.10.2003, Blaðsíða 6
FRÉTTIR
6 FIMMTUDAGUR 30. OKTÓBER 2003 MORGUNBLAÐIÐ
EINELTI meðal barna og unglinga – ráð-
leggingar til foreldra, er bæklingur sem verið
er að dreifa til foreldra barna í 45 grunn-
skólum landsins um þessar mundir. Skólarnir
45 taka allir þátt í eineltisáætlun sem byggð
er á hugmyndum og rannsóknum Dans
Olweusar. Áætluninni verður formlega lokið í
þessum skólum næsta vor en fljótlega verður
auglýst eftir umsóknum frá öðrum skólum
sem vilja taka áætlunina upp í sínu starfi.
Áætlunin er samstarfsverkefni menntamála-
ráðuneytisins, Samtaka sveitarfélaga, Kenn-
arasambands Íslands, Heimilis og skóla og
með sérstökum stuðningi Kennaraháskóla Ís-
lands. Verkefnið hófst í 45 grunnskólum
haustið 2002 og í kjölfarið var gerð einelt-
iskönnun meðal 4.–10. bekkinga í nóvember
sama ár. Sambærileg könnun verður gerð í
nóvember á þessu ári og fæst þá samanburð-
ur og mat á árangri verkefnisins.
Helmingur grunnskólabarna mun
fylgja kerfinu á næsta ári
Skólarnir eru um tvö ár að aðlagast og
kynnast verkefninu í gegnum fræðslu en eftir
það er litið svo á að þeir geti verið sjálfbærir
hvað varðar framkvæmd eineltisáætlunar
Olweusar.
Þorlákur Helgason, sem hefur umsjón með
áætluninni, sagði á kynningarfundi í gær að
eftir þann tíma hafi allir starfsmenn skól-
anna, í fimmtán manna teymum sem hittast
reglulega á tímabilinu, farið í gegnum einelt-
isáætlunina og það námsefni sem henni fylgir.
„Þetta er langstærsta símenntunarverkefni á
Íslandi,“ segir Þorlákur. „Í því hafa tekið þátt
þrjú þúsund starfsmenn, 14 þúsund nemend-
ur og nú um 30 þúsund foreldrar.“
Á næsta ári, þegar nýir skólar bætast í hóp
þeirra sem ætla að taka upp áætlun Olweus-
ar, má ætla að um helmingur allra grunn-
skólanemenda á Íslandi séu komnir í verk-
efnið. Þegar hafa stjórnendur um 40 skóla
lýst yfir áhuga á að taka þátt í verkefninu að
ári.
Allir vinna saman að settu marki
Í haust hefur farið af stað meiri vinna við
eineltisáætlunina inn í bekkjunum. Með út-
gáfu bæklingsins er svo komið að því að fá
foreldrana með afgerandi hætti að áætluninni
en þeir hafa þegar fengið margs konar
fræðslu varðandi eineltismálin í skólunum.
Þorlákur segir bæklinginn nokkurs konar
brú milli skólanna og heimilanna í eineltis-
áætluninni. „Í honum er farið yfir samvinnu
við skóla og foreldra, um að þeir séu á varð-
bergi um eineltismálin.“
Aðstandendur verkefnisins lögðu á fund-
inum í gær áherslu á mikilvægi þess að að
baki áætlun Olweusar liggja margra ára
rannsóknir á einelti. „Það gefur verkefninu
mikið vægi að það sé byggt á rannsóknum,“
segir Kristín Magnúsdóttir, verkefnisstjóri í
Austurbæjarskóla, Melaskóla og Vesturbæj-
arskóla. Hún tekur undir með öðrum aðstand-
endum verkefnisins að árangur þess sé nú
þegar sýnilegur, t.d. hvað varðar breyttan og
bættan skólabrag. „Áætlunin felst mikið í því
að allir starfsmennirnir hafa verið að fræð-
ast,“ segir Kristín. „Maður finnur að það er
breytt andrúmsloft í skólunum. Það eru allir
miklu meira á verði og að fylgjast með.“
Kristín segir mikilvægt að hafa nú fengið
bæklinginn svo að þeir geti orðið virkir þátt-
takendur í áætluninni.
Bæklingurinn verður á næstunni kynntur
foreldrum sérstaklega innan hvers bekkjar
þeirra 45 skóla sem taka þátt í áætluninni.
Foreldrar nemenda í 45 grunnskólum landsins fá bækling um eineltisáætlun Olweusar
SAMKOMULAG er milli selj-
enda íbúðarhúsnæðis og fast-
eignasala hvernig sýna á eignir
sem fasteignasalar hafa lykla að.
Fari seljandi fram á að fasteigna-
sali fari með hugsanlegum kaup-
endum og sýni þeim fasteignina
er því framfylgt. En standi íbúðir
aftur á móti tómar er oft heimilað
að fasteignasalar láni lykla að
þeim en þá er það talin góð venja
að menn kvitti fyrir móttöku á
lyklum.
Þetta segir Magnús Einarsson,
framkvæmdastjóri Félags fast-
eignasala, en sagt var í frétt
Morgunblaðsins í gær frá stuldi á
fartölvu úr íbúð sem fólk hafði þá
nýlega fengið afhenta. Þar var
sagt að ókunnugur maður hefði
farið inn íbúðina á sunnudaginn
en hið rétta er að atvikið átti sér
stað á mánudag.
Magnús segir atvik eins og
Morgunblaðið greindi frá vera al-
gera undantekningu. „Það er al-
ger undantekning að svona
vandamál hafi komið upp og það
hefur ekki verið kvartað til Fé-
lags fasteignasala vegna slíkra
mála.“
Magnús segir það vera góða
venju, sem yfirleitt sé viðhöfð, að
menn kvitti fyrir móttöku á lykl-
unum þannig að það liggi fyrir
hverjir hafi skoðað fasteignina og
þá sé auk þess auðveldara að ná
lyklunum aftur. „Ég hygg að
þetta sé almennt vinnuregla hjá
fasteignasölum.“
Góð venja að láta
kvitta fyrir lykli
TJÓNANEFND vátryggingafélag-
anna álítur að starfsmaður Nanoq í
Kringlunni, sem hælbrotnaði við fall
úr í klifursúlunni við verslunina í
janúar 2002, eigi að fá helming
tjónsins bættan. Vinnueftirlit ríkis-
ins komst að því að ein klifurfestan
hefði verið laus með þeim afleiðing-
um að klifrarinn datt í gólfið er hann
greip um hana.
Tjónanefndin segir í áliti sínu að
klifraranum hafi verið ljós sú hætta
sem fylgdi því að klifra upp vegginn
með þeim hætti sem hann gerði og
viðurkenndi hann að hafa fengið
áminningu vegna glæfralegs klifurs
í veggnum. Samt sem áður fékk
hann bætur þar sem ekki var sýnt
fram á að hann hefði fengið viðhlít-
andi leiðbeiningar við klifur á
veggnum. Ekki lá heldur fyrir hvaða
öryggisreglur giltu fyrir starfsmenn
auk þess sem handfestan hefði verið
laus. Þótti því rétt að hann fengi
tjónið bætt að hálfu en bæri hálfa
sök sjálfur.
Fær bætur
vegna slyss í
klifursúlu
Í BÆKLINGNUM Einelti meðal barna og
unglinga – Ráðleggingar til foreldra, setur
Dan Olweus, sem rannsakað hefur einelti í
áratugi á Norðurlöndum, fram þrjár skýrar
reglur um einelti sem geta reynst foreldrum
vel:
Við leggum ekki aðra í einelti.
Við eigum að aðstoða þá nemendur sem
verða fyrir einelti.
Við eigum líka að vera með nemendum
sem auðveldlega verða einir.
Í bæklingnum kemur fram mikilvægi þess
að kennarar og foreldrar leggist á eitt við að
bregðast við einelti, og taki ábyrgð á því að
fylgjast með því sem gerist í nemendahópn-
um.
Reglur gegn einelti
Brú milli skóla
og heimila
Morgunblaðið/Árni Sæberg
Þorlákur Helgason, umsjónarmaður Olweusaráætlunarinnar, kynnti foreldrabæklinginn.
DAGSTOFA á göngudeild Klepps-
spítala fyrir sjúklinga sem þjást af
langvinnum geðsjúkdómum var opn-
uð í gær. Í það athvarf getur fólk
leitað um leið og það sækir þjónustu
göngudeildar og fjölbreytta aðstoð
starfsfólks. Boðið verður upp á kaffi,
hægt verður að kíkja í dagblöðin og
spjalla við gesti og gangandi.
Kristófer Þorleifsson, sérfræð-
ingur á göngudeild, sagði í tilefni
opnunarinnar, að þetta væri lítið
skref af mörgum til að koma til móts
við skjólstæðinga deildarinnar.
Þarna gætu þeir komið á eigin for-
sendum án allra skilmála. Oft væru
þetta einangraðir einstaklingar sem
kysu að sækja ekki þjónustu ann-
arra aðila en væri samt sem áður
mikilvægt að hlúa að.
Guðlaug Sveinbjörnsdóttir, deild-
arstjóri, hefur staðið í ströngu við að
koma þessari aðstöðu upp ásamt
Guðríði Þorleifsdóttur verkefna-
stjóra. Hún segir að unnið hafi verið
að því síðast liðin misseri að bæta
aðstöðu sjúklinga. Á hverjum degi
komi á milli 20 og 30 einstaklingar á
göngudeildina til að fá stuðning og
eftirfylgd í framhaldsmeðferð. Slík
þjónusta sé þessum einstaklingum
mikilvæg og geri þeim kleift að lifa
sínu lífi utan stofnana.
Kristófer sagði að vel hefði tekist
til og vonaðist hann til að þetta kæmi
að góðum notum. Séra Birgir Ás-
geirsson mælti nokkur vel valin orð
af þessu tilefni og var efst í huga
þakklæti til allra sem lögðu hönd á
plóginn. Fjöldi gesta var viðstaddur
opnunina og bauð Halldór Kolbeins-
son, yfirlæknir, alla velkomna.
Dagstofa
á Klepps-
spítala
opnuð
Morgunblaðið/Árni Sæberg
Guðríður Þorleifsdóttir, Kristófer Þorleifsson, Guðlaug Sveinbjörnsdóttir og Halldór Kolbeinsson þegar dagstofa
fyrir sjúklinga sem þjást af langvinnum geðsjúkdómum var opnuð í gærdag. Bak við þau má sjá Birgi Ásgeirsson.