Morgunblaðið - 30.10.2003, Blaðsíða 38
R A Ð A U G L Ý S I N G A R
NAUÐUNGARSALA
Uppboð
Framhald uppboðs á eftirfarandi eignum verður háð á þeim
sjálfum sem hér segir:
Aðalstræti 19, efsta hæð, Þingeyri, þingl. eig. Jaroslaw Piotr Winiecki,
gerðarbeiðendur Ísafjarðarbær, Lögmenn Suðurlandi ehf., sýslumað-
urinn á Selfossi og Tryggingamiðstöðin hf., mánudaginn 3. nóvem-
ber 2003 kl. 11:50.
Fjarðargata 16, Þingeyri, þingl. eig. Kristín Auður Elíasdóttir, gerðar-
beiðendur Íbúðalánasjóður og Tannlæknastofa Viðars Konr ehf.,
mánudaginn 3. nóvember 2003 kl. 12:20.
Hafraholt 36, Ísafirði, þingl. eig. Eggert Jónsson, gerðarbeiðandi
Landsbanki Íslands höfuðstöðvar, mánudaginn 3. nóvember 2003
kl. 10:00.
Íbúðarhús að Gerðhömrum, Ísafjarðarbæ, þingl. eig. Finnbogi Krist-
jánsson, gerðarbeiðendur Íbúðalánasjóður, Lífeyrissjóðir Bankastræti
7 og Sparisjóður Vestfirðinga, mánudaginn 3. nóvember 2003
kl. 13:10.
Móholt 2, Ísafirði, þingl. eig. Pálmi Sævaldur Stefánsson og Helena
Rakel Árnadóttir, gerðarbeiðendur Byggðastofnun, Íbúðalánasjóður
og Landsbanki Íslands höfuðstöðvar, mánudaginn 3. nóvember
2003 kl. 10:20.
Ólafstún 4, Flateyri, þingl. eig. Bjarni Harðarson, gerðarbeiðendur
Radíómiðun hf. og Vélasalan ehf., mánudaginn 3. nóvember 2003
kl. 14:30.
Ólafstún 6, Flateyri, þingl. eig. Páll Sigurður Önundarson, gerðarbeið-
endur Söfnunarsjóður lífeyrisréttinda og Vátryggingafélag Íslands
hf., mánudaginn 3. nóvember 2003 kl. 14:45.
Sætún 8, Suðureyri, þingl. eig. Margrét Hildur Eiðsdóttir og Jón
Arnar Gestsson, gerðarbeiðendur Íbúðalánasjóður og Íslandsbanki
hf., útibú 556, mánudaginn 3. nóvember 2003 kl. 15:30.
Vífilsmýrar l og ll, Mosvallahreppi, Ísafjarðarbæ, þingl. eig. Einar
Örn Björnsson, gerðarbeiðandi Ísafjarðarbær, mánudaginn 3. nóvem-
ber 2003 kl. 14:00.
Sýslumaðurinn á Ísafirði,
29. október 2003.
Ólafur Hallgrímsson, fulltrúi.
TILKYNNINGAR
Bókavinir
Opið til kl. 21 í kvöld.
Full búð af bókum.
Kaffi og kruðerí.
Gvendur dúllari — alltaf góður
Klapparstíg 35, s. 511 1925
SMÁAUGLÝSINGAR
FÉLAGSLÍF
Fimmtudagur 30. okt. 2003
Almenn samkoma í Þríbúðum,
Hverfisgötu 42, kl. 20:00.
Mikill söngur og vitnisburðir.
Predikun Þórir Haraldsson.
Föstudagur 31. okt. 2003
Opinn AA-fundur kl. 20:00.
Þriðjudagur 4. nóv. 2003
UNGSAM kl. 19:00.
Uppbyggileg þjálfun fyrir ungt
fólk í bata.
www.samhjalp.is
I.O.O.F. 5 18410308 9*0
Í kvöld kl. 20.00
Lofgjörðarsamkoma.
Umsjón Gestaheimilið.
Allir hjartanlega velkomnir.
Landsst. 6003103019 VIII Mh
I.O.O.F. 11 18410308½
38 FIMMTUDAGUR 30. OKTÓBER 2003 MORGUNBLAÐIÐ
OKTÓBERMÓT Dansíþróttasambands Ís-
lands fór fram laugardaginn 25. október sl. Þetta
mót var með nýju sniði. Einungis var keppt í
flokkum sem keppa með frjálsri aðferð og var
hugmyndin sú að halda stutta keppni þar sem
hægt væri að eiga skemmtilega stund og sjá það
besta í dansheiminum á Íslandi í dag. Staðsetn-
ingin var einnig óvanaleg þar sem keppnin fór
fram í Ými, tónlistarhúsi Karlakórs Reykjavík-
ur. Keppt var í báðum greinum samkvæmis-
dansins og voru veitt verðlaun í hvorri grein fyr-
ir sig. Sú nýjung var í skráningu á keppnina að
keppendur skráðu sig ekki fyrirfram í keppnina
heldur fór skráning fram á staðnum og voru það
19 pör sem mættu til leiks. Eitthvað vantaði af
pörum í keppnina vegna veikinda.
Yngsti hópurinn sem tók þátt í mótinu er hóp-
urinn Unglingar I (12–13 ára). Í fyrsta sæti í
standarddönsum voru Karl Bernburg og Ása
Karen Jónsdóttir. Þau sýndu meiri snerpu í
dansinum en áður og dönsuðu vel saman. Þetta
er það besta sem ég hef séð til þeirra. Að mínu
mati voru þau öruggir sigurvegarar. Í öðru sæti
voru Aðalsteinn Kjartansson og Edda Guðrún
Gísladóttir. Þarna eru kraftmiklir dansarar á
ferð en stundum finnst mér krafturinn of mikill á
kostnað fágunar. Þau ættu einnig að slaka meira
á hnjám til þess að mynda ekki of mikið bil á milli
þeirra. Í suður-amerískum dönsum sigruðu þau
Aðalsteinn og Edda Guðrún. Þau hafa eins og í
standarddönsunum mjög kraftmikinn stíl sem
grípur augað og gefa sig öll í dansinn. Mér finnst
að Aðalsteinn mætti nota gólfið betur og að hann
sé svolítið í lausu lofti. Í öðru sæti voru Karl og
Ása Karen. Þau eru með allt annan dansstíl en
sigurvegararnir. Þau eru hægari en eru með
meiri útgeislun. Þau eru greinilega ánægð með
hvort annað og hefði að mínu mati sigurinn getað
fallið þeim í skaut.
Fjölmennasti hópurinn í keppninni var hópur
Unglinga II (14–15 ára). Þar er jafnan mjög hörð
keppni og oft mjótt á munum á milli para. Sig-
urvegarar í standarddönsum voru Þorleifur Ein-
arsson og Ásta Bjarnadóttir. Mér fannst þau
ekki ná fram því besta í sínum dansi í undan-
úrslitum. Þorleifur missir vinstri handlegginn of
mikið fram. Í úrslitum náðu þau sér betur á strik
og dönsuðu mikið betur. Í öðru sæti voru Arnar
Georgsson og Tinna Pétursdóttir. Þau hafa
lengdina með sér til þess að mynda fallegar línur
og sýna góða mýkt. Það er gaman að geta þess
að þau fóru til Noregs fyrr í mánuðinum og tóku
þar þátt í opnu alþjóðlegu móti í standard-
dönsum. Þar fóru þau með sigur af hólmi. Í suð-
ur-amerískum dönsum sigruðu einnig Þorleifur
og Ásta. Þau voru öruggir sigurvegarar og eru
þrepi ofar en hinir dansararnir í þessari grein. Í
öðru sæti voru Björn Einar Björnsson og Sóley
Emilsdóttir. Ég held að fyrirfram hafi þau ekki
átt von á þessum úrslitum. Þau hafa tekið mikl-
um framförum undanfarið ár. Þau hefðu getað
sýnt meira öryggi en líklega kemur það eftir
þessi úrslit.
Í flokki Ungmenna (16–18 ára) skráði sig ein-
ungis eitt par til keppni í standarddönsum. Það
voru þau Jón Þór Jónsson og Laufey Karlsdótt-
ir. Þau eru vaxandi dansarar. Þegar ég horfði á
þau dansa þá fannst mér eins og það væri tölu-
verður hæðarmismunur á þeim. Það er ekki
reyndin heldur þarf Laufey að rétta betur úr sér
og þá sérstaklega bakinu. Í suður-amerískum
dönsum fóru með sigur af hólmi Björn Vignir
Magnússon og Björg Halldórsdóttir. Þetta er
besti dans sem þau hafa dansað á danskeppni.
Þau sýndu aukna gleði á dansgólfinu og eru
greinilega í uppsveiflu. Í öðru sæti höfnuðu Lár-
us Þór Jóhannsson og Sigrún Tinna Gunnars-
dóttir. Þau eru nýtt par á þessum vettvangi og er
það fagnaðarefni þegar pör bætast í hópinn.
Dansloturnar þeirra eru aðallega samsettar af
grunnsporum en á þeim byggjum við dansinn og
næsta skref hjá þeim er væntanlega að byggja
sig áfram upp. Vonandi eigum við eftir að sjá
meira frá þeim í framtíðinni.
Í flokki Fullorðinna skráði sig einungis eitt
par og kepptu þau bara í suður-amerískum
dönsum. Það voru þau Ísak Halldórsson Nguyen
og Helga Dögg Helgadóttir. Þau eru frábærir
dansarar en mér fannst eitthvað vanta hjá þeim
á þessari keppni. Það var eins og þau væru að
dansa einungis fyrir sig en ekki aðra í húsinu.
Kannski var þetta vegna þess að þeim var ekki
veitt nein keppni en það á ekki að hafa áhrif hjá
jafn vönum dönsurum og þeim.
Elsti hópurinn sem keppti á mótinu er flokkur
Seniora (35 ára og eldri). Þar fóru með sigur af
hólmi í báðum greinum þau Björn Sveinsson og
Bergþóra María Bergþórsdóttir. Þau höfðu sem
fyrr töluverða yfirburði í báðum greinum. Í
standarddönsum voru Jón Eiríksson og Ragn-
hildur Sandholt í 2. sæti. Þau sýndu ágætis dans
en Jón mætti rétta betur úr sér. Í suður-amer-
ísku dönsunum voru það Eggert Claessen og
Sigrún Kjartansdóttir sem höfnuðu í öðru sæti.
Þau voru fjörug að vanda á gólfinu og Eggert er
farinn að rétta betur úr sér sem gerir hann
sterkari á gólfinu.
Það er alltaf gaman að breyta til og tel ég að
Mótanefnd Dansíþróttasambands Íslands hafi
tekist vel til með þetta mót. Dómarar keppn-
innar voru að þessu sinni allir íslenskir dans-
kennarar með próf frá Dansráði Íslands. Það
voru þau Heiðar Ástvaldsson, Unnur Berglind
Guðmundsdóttir, Gerður Harpa Kjartansdóttir,
Ingibjörg Róbertsdóttir, Logi Vígþórsson,
Hulda Hallsdóttir og Hólmfríður Þorvaldsdóttir.
Næsta dansmót vetrarins verður Lottómót sem
haldið er af Dansíþróttafélagi Hafnarfjarðar
hinn 8. nóvember í Íþróttahúsinu við Strandgötu
í Hafnarfirði. Síðan mun Dansíþróttasamband
Íslands standa fyrir öðru móti með sama sniði og
nýafstaðið mót, Nóvembermót Dansíþróttasam-
bands Íslands hinn 23. nóvember í Ými, tónlist-
arhúsi Karlakórs Reykjavíkur.
Úrslit keppninnar voru eftirfarandi:
Unglingar I standarddansar
Karl Bernburg – Ása Karen Jónsdóttir, ÍR
Aðalsteinn Kjartanss. – Edda G. Gíslad., ÍR
Alexander Mateev – Erla B. Kristjánsd., ÍR
Unglingar I suður-amerískir dansar
Aðalsteinn Kjartanss. – Edda G. Gíslad., ÍR
Karl Bernburg – Ása Karen Jónsdóttir, ÍR
Alexander Mateev – Erla B. Kristjánsd., ÍR
Valdimar Kristjánss. – Hanna M. Óskarsd., Gulltoppi
Unglingar II standarddansar
Þorleifur Einarsson – Ásta Bjarnadóttir, ÍR
Arnar Georgsson – Tinna Pétursdóttir, ÍR
Baldur K. Eyjólfss. – Anna K. Vilbergsd., ÍR
Stefán Claessen – María Carrasco, ÍR
Björn E. Björnss. – Sóley Emilsd., Hvönn
Björn I. Björnss. – Ásta B. Magnúsd., Gulltoppi
Unglingar II suður-amerískir dansar
Þorleifur Einarsson – Ásta Bjarnadóttir, ÍR
Björn E. Björnss. – Sóley Emilsd., Hvönn
Baldur K. Eyjólfss. – Anna K. Vilbergsd., ÍR
Stefán Claessen – María Carrasco, ÍR
Björn I. Björnss. – Ásta B. Magnúsd., Gulltoppi
Jón E. Gottskálkss. – Elín H. Jónsd., ÍR
Fannar H. Rúnarss. – Lilja Guðmundsd., Gulltoppi
Ungmenni standarddansar
Jón Þór Jónsson – Laufey Karlsdóttir, ÍR
Ungmenni suður-amerískir dansar
Björn V. Magnúss. – Björg Halldórsd., Gulltoppi
Lárus Þ. Jóhannss. – Sigrún T. Gunnarsd., ÍR
Fullorðnir suður-amerískir dansar
Ísak Halldórss. Nguyen – Helga D. Helgad., Hvönn
Seniorar standarddansar
Björn Sveinss. – Bergþóra M. Bergþórsd., DÍH
Jón Eiríksson – Ragnhildur Sandholt, Gulltoppi
Seniorar suður-amerískir dansar
Björn Sveinss. – Bergþóra M. Bergþórsd., DÍH
Eggert Claessen – Sigrún Kjartansd., ÍR
Jón Eiríksson – Ragnhildur Sandholt, Gulltoppi
Hægt er að sjá nánari upplýsingar um úrslit á
heimasíðu Dansíþróttasambands Íslands sem er
www.danssport.is.
Dansað
í tónlist-
arhúsi
Keppendur sem tóku þátt í Októbermótinu.
DANS
Ýmir, tónlistarhús Karlakórs Reykjavíkur
OKTÓBERMÓT Í 5 OG 5 DÖNSUM
Laugardaginn 25. október fór fram Októbermót
Dansíþróttasambands Íslands.
Kara Arngrímsdóttir