Morgunblaðið - 30.10.2003, Blaðsíða 34
UMRÆÐAN
34 FIMMTUDAGUR 30. OKTÓBER 2003 MORGUNBLAÐIÐ
Áskirkja. Opið hús kl. 14–17 í neðri safn-
aðarsal fyrir unga sem aldna. Organisti Ás-
kirkju leiðir söng. Allir velkomnir. Fræðslu-
kvöld kl. 20 í safnaðarheimilinu.
Sóknarprestur fjallar um sorg og trú.
Bústaðakirkja. Foreldramorgunn kl. 10–
12. Umsjón Lovísa Guðmundsdóttir.
Dómkirkjan. Foreldramorgunn kl. 10–12.
Umsjón Lovísa Guðmundsdóttir.
Hallgrímskirkja. Kyrrðarstund kl. 12. Org-
elleikur, íhugun. Léttur málsverður í safn-
aðarheimilinu eftir stundina.
Háteigskirkja. Taize-messa kl. 20. For-
eldramorgnar frá kl. 10–12. Vinafundir frá
kl. 13–15.
Landspítali – háskólasjúkrahús. Grensás-
deild. Guðsþjónusta kl. 20. Sr. Kjartan Örn
Sigurbjörnsson.
Laugarneskirkja. Kyrrðarstund kl. 12 á há-
degi. Gunnar Gunnarsson leikur á orgelið
frá kl. 12. Þjónustu annast Sigurbjörn Þor-
kelsson. Kl. 12.30 er léttur málsverður í
boði í safnaðarheimilinu. Samvera eldri
borgara kl. 14. Gerðubergskórinn kemur í
heimsókn og heldur uppi gleðinni. Umsjón
hefur þjónustuhópur kirkjunnar ásamt
kirkjuverði og sóknarpresti. Alfa-fundur kl.
19. Umsjón hefur Nína Pétursdóttir og með
henni hópur sjálfboðaliða, sem langar að
kynna gestum sínum grundvallaratriði krist-
innar trúar.
Neskirkja. Krakkaklúbburinn kl. 14.30.
Starf fyrir 8 og 9 ára börn. Sögur, leikir,
föndur o.fl. Stúlknakór Neskirkju kl. 16. Kór
fyrir 8 og 9 ára stúlkur. Stjórnandi Stein-
grímur Þórhallsson, organisti. Uppl. og
skráning í síma 896 8192. NEDÓ unglinga-
klúbburinn. 8. bekkur kl. 17. Spiderman-
fundur, 9. bekkur og eldri kl. 19.30. Styrk-
ingarfundur. Umsjón Munda og Hans.
Félagsstarf aldraðra laugardaginn 1. nóv.
kl. 14. Biskupshjónin, Ebba Sigurðardóttir
og Ólafur Skúlason, segir frá starfi sínu
meðal Vestur-Íslendinga í Norður-Dakóta.
Fram verður borin létt máltíð. Þeir sem ætla
að neyta matarins þurfa að tilkynna þátt-
töku í síma 511-1560 milli kl. 10–13 fram
á föstudag. Allir velkomnir. Sr. Frank M.
Halldórsson.
Seltjarnarneskirkja. Helgistund í íbúðum
aldraðra á Skólabraut kl. 13.30.
Óháði söfnuðurinn. Tólf sporin, andlegt
ferðalag í kvöld kl. 19.
Árbæjarkirkja. Kl. 15.15 STN – starf með
sjö til níu ára börnum í Selásskóla.
Breiðholtskirkja. Biblíulestrar í samvinnu
leikmannaskólans og Reykjavíkurprófasts-
dæmis eystra kl. 20–22. Kennari dr. Sig-
urjón Árni Eyjólfsson, héraðsprestur.
Digraneskirkja. Foreldramorgnar kl. 10.
Leikfimi ÍAK kl. 11.15. Bænastund kl.
12.10. Unglingakór Digraneskirkju kl.
16.30–19. Starf barna 6–9 ára kl. 17–
18.30. (Sjá nánar: www.digraneskirkja.is)
Fella- og Hólakirkja. Foreldramorgnar kl.
10–12. Stelpustarf fyrir stelpur í 3., 4. og 5.
bekk kl. 16.30. Biblíulestur og helgistund í
Gerðubergi kl. 10.30–12 í umsjá Lilju
djákna. Í kvöld kl. 20 hefst fjögurra kvölda
námskeið um efri árin í safnaðarheimili
Fella- og Hólakirkju. Sr. Svavar Stefánsson
fjallar um þær breytingar sem fylgja því að
eldast. Allir velkomnir án endurgjalds.
Grafarvogskirkja. Foreldramorgnar kl. 10.
Dagskráin er fjölbreytt. Boðið er upp á
áhugaverða fyrirlestra og skemmtilegar og
fræðandi samverustundir. Kirkjukrakkar fyr-
ir börn á aldrinum 7–9 ára kl. 17.30–18.30
í Grafarvogskirkju og einnig í Húsaskóla á
sama tíma. Æskulýðsfélag fyrir unglinga í
8. bekk í Grafarvogskirkju kl. 20.
Hjallakirkja. Opið hús kl. 12. Kirkjuprakk-
arar, 7–9 ára starf kl. 16.30.
Kópavogskirkja. Starf með eldra fólki kl.
14.30–16 í safnaðarheimilinu Borgum.
Umsjón Sigríður Baldursdóttir. Bæna- og
kyrrðarstund kl. 17. Fyrirbænaefnum má
koma til kirkjuvarðar eða presta. Kl. 17.30
Fyrstu árin. Sr. Ingþór Indriðason Ísfeld flyt-
ur fræðsluerindi um Postulasöguna í safn-
aðarheimilinu Borgum. Fyrirspurnir og um-
ræður að erindi loknu. Allir velkomnir.
Lindakirkja í Kópavogi. Kl. 19 Alfa-nám-
skeið í Salaskóla.
Seljakirkja. KFUM 9–12 ára kl. 17.30.
Vídalínskirkja. Bæna- og kyrrðarstund í
kirkjunni kl. 22. Bænarefnum er hægt að
koma til prestsins fyrir stundina.
Hafnarfjarðarkirkja. Opið hús fyrir 8–9 ára
börn í safnaðarheimilinu Strandbergi, Von-
arhöfn, frá kl. 17–18.30.
Víðistaðakirkja. Foreldrastund (sbr.
mömmumorgunn) í dag kl. 13. Kjörið tæki-
færi fyrir heimavinnandi foreldra til að koma
saman og eiga skemmtilega stund í nota-
legu umhverfi. Kaffi og léttar veitingar,
spjall, föndur, fyrirlestrar, kynningar og
fleira.
Fríkirkjan í Hafnarfirði. TTT-starf fyrir 10–
12 ára krakka kl. 16.30–18.
Keflavíkurkirkja. Fermingarundirbúningur í
Kirkjulundi: kl. 15.10–15.50 8.A í Holta-
skóla, kl. 15.55–16.35 8.B í Holtaskóla.
Þorlákskirkja. Bænastund kl. 9.30. For-
eldramorgnar kl. 10.
Landakirkja í Vestmannaeyjum. Kl. 8.30–
21. Fermingarmót í Landakirkju undir stjórn
Sjafnar Þór og presta kirkjunnar. Sýnd verð-
ur glæný íslensk kvikmynd og unnin verða
verkefni. Unglingarnir fá léttar veitingar í
kaffihléum en fara heim í hádeginu en
mæta aftur um klukkan eitt. Seinni partinn
fáum við góða heimsókn, Þorsteinn Haukur
og hundurinn Bassi koma í heimsókn.
Klukkan átta verður kvöldvaka með ferm-
ingarbörnum og foreldrum í safnaðarheimili
kirkjunnar, þar sem farið verður yfir afrakst-
ur dagsins og slegið á létta strengi. Kl. 10
Mömmumorgunn í safnaðarheimilinu. Sr.
Þorvaldur Víðisson. Kl. 20 Tólf spora-vinna
heldur áfram í KFUM&K-heimilinu. Fjöl-
skylduhópar hafa verið myndaðir og hefur
þeim verið lokað. Kl. 20. Kóræfing hjá
kirkjukór Landakirkju. Stjórnandi Guðmund-
ur H. Guðjónsson.
Kletturinn. Kl. 19 Alfa-námskeið. Allir vel-
komnir.
AD KFUM&K. Fundur í kvöld kl. 20. Kristin
viðhorf í „Lovestar“. Efni í umsjón Andra
Snæs Magnasonar, rithöfundar. Hugleið-
ing, sr. Ragnar Gunnarsson, skólaprestur.
Allir karlmenn velkomnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á vægu
verði í safnaðarheimili eftir stundina.
Glerárkirkja. Mömmumorgunn alla fimmtu-
daga kl. 10–12. Fjáröflunartónleikar vegna
flygilkaupa kl. 20.30.
Hjálpræðisherinn á Akureyri. Kl. 20 ung-
lingafundur fyrir 8. bekk og upp úr.
Safnaðarstarf
Í KVÖLD, fimmtu-
daginn 30. október,
kl. 20 hefst fjögurra
kvölda námskeið í
Fella- og Hólakirkju
um efri árin í lífi fólks.
Námskeiðið er að-
allega ætlað 60 ára og
eldri en allir eru að
sjálfsögðu velkomnir.
Auk fyrirlesara,
sem allir eru með
mikla sérþekkingu á
þessu sviði, þá er námskeiðið þannig
upp byggt að mikill tími gefst til um-
ræðna og fyrirspurna. Kaffiveit-
ingar verða í boði. Í lokin kl. 21.15 er
kvöldandakt í kirkjunni.
Námskeiðið er afar gagnlegt.
Teknar verða fyrir brýnar spurn-
ingar sem sækja á fólk á þessum
aldri og leitast verður við að finna
svör við þeim. Fyrsta kvöldið verður
fjallað um þær breytingar sem fylgir
því að eldast. Rætt um missi og
ávinninga, trúarlegan styrk og
nauðsyn samskipta. Leiðbeinandi:
Sr. Svavar Stefánsson. Annað kvöld
námskeiðsins fimmtudaginn 6. nóv-
ember verður fjallað um þjónustu
fyrir aldraða frá ríki og sveitarfé-
lagi. Hvaða réttindi eldra fólk hefur
og hvað er í boði. Leiðbeinandi:
Kristjana Sigmundsdóttir, fé-
lagsráðgjafi á Landspítalanum.
Þriðjudaginn 25. nóvember er
þriðja kvöld námskeiðsins. Þá verð-
ur fjallað um lífeyris- og trygginga-
mál. Greint verður frá bótum og að-
stoð sem eldra fólki stendur til boða.
Farið yfir hvernig á að sækja um og
hvaða skilyrði þarf að uppfylla til að
eiga rétt á ákveðnum bótum. Leið-
beinandi: Sæmundur Stefánsson,
deildarstjóri hjá Tryggingastofnun
ríkisins.
Fimmtudaginn 4. desember er svo
síðasta námskeiðskvöldið kl. 20 eins
og öll hin kvöldin. Þar verður fjallað
um mikilvægi félagsskapar á efri ár-
um og kynnt verður félags- og
kirkjustarf sem stendur til boða.
Guðrún Jónsdóttir, forstöðumaður
félagsstarfsins í Gerðubergi, kynnir
starfsemina þar. Lilja G. Hallgríms-
dóttir, djákni, kynnir safnaðarstarf
með fullorðnum í Fella- og Hóla-
kirkju og fulltrúi frá Samtökum
aldraðra kynnir starfsemi samtak-
anna.
Æskilegt er að þátttakendur skrái
sig á námskeiðið, sem er án endur-
gjalds, í síma 557 3280 sem fyrst.
Námskeið um efri árin
í Fella- og Hólakirkju
Morgunblaðið/Arnaldur Halldórsson
Fella- og Hólakirkja.
MÉR fannst dapurlegt að lesa
grein Gísla Jónssonar, dýralæknis
fisksjúkdóma, í Morgunblaðinu hinn
25. október. Þessi
ágæti maður, sem
umfram aðra er ætlað
að framfylgja ný-
breyttum reglum um
innflutning eldisdýra
hingað til lands, er
enn að túlka lög og
reglugerðir eins og hann vill að þau
séu eða telur að þau ættu að vera.
Hann virðist ófær um að skilja þær
breytingar sem urðu á skilyrðum fyr-
ir innflutningi eldisdýra með setningu
bráðabirgðalaga nr. 101/2003 og þeim
reglugerðum sem settar voru í kjölfar
þeirra. Tilskipun 91/67EBE var inn-
leidd í íslenskan rétt með áðurnefnd-
um bráðabirgðalögum. Henni er bein-
línis ætlað að innleiða frelsi í við-
skiptum með eldisdýr á öllu Evrópska
efnahagssvæðinu og þannig eru áhrif
hennar hérlendis sem og í öðrum
löndum EES, hvort sem dýralæknir
fisksjúkdóma kýs að viðurkenna það
eða ekki.
Báðir getum við Gísli véfengt laga-
skilning hvors annars. Þar stendur
orð gegn orði. En svo vill til að fyrir
liggja þrjár lögfræðilegar álitsgerðir
um áhrif títtnefndrar tilskipunar. Sú
fyrsta er frá Stefáni Má Stefánssyni,
prófessor, önnur frá Lilju Ólafs-
dóttur, lögfræðingi í utanríkisráðu-
neytinu og hin þriðja frá Lögmanns-
stofunni Lex ehf. Öllum ber þeim
saman um, að hvað varðar heilbrigð-
isþáttinn sé hvergi hægt að beita
hindrunum (magntakmörkunum) á
innflutning eldisdýra nema með vel
rökstuddum sönnunum á að slíkur
innflutningur stefni í hættu „vernd
lífs og heilsu manna eða dýra“ (sjá 13.
gr. EES-samningsins). Hverja slíka
aðgerð verður yfirdýralæknir sam-
stundis að tilkynna til allra aðildar-
landa samningsins sem og eftirlits-
stofnunar EFTA, sem ákveður hvort
aðgerðin og ástæðurnar teljist gildar.
Og takið eftir að þau heilbrigðisvott-
orð, sem innflutningur byggist á, eru
gefin út af heilbrigðisyfirvöldum í
upprunalandi. Vilji yfirdýralæknir
ekki heimila innflutninginn verður
hann að sýna fram á að slíku heil-
brigðisvottorði sé á einhvern hátt
ábótavant. Annars getur hann ekki
stöðvað hann. Órökstudd synjun á
innflutningi af hendi yfirvalda fisk-
sjúkdóma myndi skoðast sem ólög-
mæt viðskiptahindrun.
Gísli segir orðrétt í grein sinni þar
sem hann fjallar um hvort sækja þurfi
fyrirfram um leyfi til innflutnings lif-
andi fisks eða erfðaefnis: „Dettur
mönnum virkilega í hug að fisk-
sjúkdómayfirvöld myndu sætta sig
við slíkar breytingar? Ég held ekki.“
Því miður, Gísli. Ég tel að nefnd yf-
irvöld hafi nú þegar undirgengist slík-
ar breytingar. Og það er ekki aðeins
álit mitt, heldur einnig þeirra þriggja
lögfræðinga sem ég nefndi til hér að
ofan. Ég er þér sammála um að yfir-
dýralæknir þarf helst töluverðan tíma
til að fullvissa sig um að öll sett skil-
yrði séu uppfyllt. En – því miður –
það er vandi hans – ekki innflytjand-
ans. Við vitum báðir vel að reynt var
að setja ákvæði um umsóknarskyldu
inn í reglugerð 484/2003, en yfirvöld í
Brussel neituðu að fallast á slíkt. Þá
var þeirri reglugerð bara kippt burtu
og í nýju reglugerðinni, 526/2003, 4.
gr. stendur aðeins að innflytjandi
skuli tilkynna um innflutning með 24
klst. fyrirvara. Því miður eru hvergi í
viðeigandi lögum né reglugerðum
nein ákvæði þess efnis að sækja þurfi
um innflutningsleyfi. Fram hjá því
verður ekki komist.
Gísli minn: Þú hefur nú þegar dreg-
ið í land hvað varðar meintar heim-
ildir þínar til að krefjast þess að lif-
andi eldisdýr verði sett í sóttkví við
komu hingað. Ég held að það sé kom-
inn tími til að þú gerir það líka hvað
varðar ýmsar þær heimildir, sem þú
segir yfirdýralækni nú geta beitt
gegn innflutningi lifandi eldisdýra. Ef
þarna væri aðeins um að ræða þína
persónulegu samfæringu, þá væri
þetta kannske ekki mjög alvarlegt.
En því miður hafa landbúnaðarráð-
herra verið mjög mislagðar hendur í
allri meðferð þessara mála. Margt
bendir til að hann hafi byggt ákvarð-
anir sínar á fullyrðingum undirmanna
um að gildandi lög og reglugerðir
veiti fullnægjandi vörn gegn innflutn-
ingi á utanaðkomandi stofnum lax-
fiska. Slík staða færir málið yfir á nýtt
og alvarlegra svið, svið sem varðar
ekki aðeins vandamál dagsins í dag,
heldur tilveru villtra íslenska laxa-
stofna um alla framtíð.
Enginn vafi er á, að úr því sem
komið var, varð að innleiða tilskipun
91/67EBE í íslensk lög. Um það deil-
um við ekki, heldur um þá áhættu,
sem gildistökunni fylgir eða kann að
fylgja fyrir íslenska náttúru og dýra-
ríki. Þar greinir okkur á. Hitt vil ég
vona að við séum báðir sammála um
nauðsyn þess að lágmarka alla slíka
áhættu. Sem leið að því marki berst
nú Landssamband veiðifélaga af alefli
fyrir því að í lög verði leidd ákvæði
sem heimili bann við innflutningi lif-
andi laxfiska á grundvelli 2. mgr. í 1.
grein tilskipunar 91/67EBE um
verndun dýrategunda eða sérstakra
stofna, sem og ákvæði Ríó-sáttmálans
um viðhald á fjölbreytileika lífríkisins.
Sú barátta snertir í raun ekki ágrein-
ingsefni okkar hér að ofan. Því vonast
ég til – og skora á þig – að leggja okk-
ur kröftugt lið í því máli. Mikið er í
húfi.
Óskhygga
og veruleiki
Eftir Þorstein Þorsteinsson
Höfundur er formaður veiðifélags
Grímsár og Tunguár.
MORGUNBLAÐIÐ birti hinn 22. okt. sl. grein eftir Braga Ásgeirsson
sem hann nefndi „Manngöfgi“. Í greininni fjallar Bragi um myndlistar-
manninn Guðmundu Andrésdóttur, líf hennar, baráttu, list og styrktarsjóð-
inn höfðinglega sem ber nafn hennar. Sjóðinn skildi Guð-
munda eftir sig við andlátið og er honum æltað að hvetja og
styrkja unga og efnilega myndlistarmenn til náms.
Þótt ég geti tekið undir allt það góða sem Bragi segir um
þessa merku konu þá er það eitt atriði sem ég vil leiðrétta.
Bragi segist í grein sinni ekki vita til þess að Guðmundu
hafi verið sýndur neinn tiltakanlegur sómi af hinu opinbera
í lifanda lífi. Þetta er ekki rétt.
Reykjavíkurborg efndi til yfirlitssýningar á verkum Guðmundu á Kjar-
valsstöðum í mars-apríl 1990. Í formála sýningarskrár sem formaður
menningarmálanefndar Reykjavíkur ritar er þess getið að menningar-
málanefnd Reykjavíkur bjóði listakonuna velkomna í sali Kjarvalsstaða. Þá
stendur eftirfarandi orðrétt í formálanum:
„Verk hennar bera það sérstakt svipmót að engum blandast hugur um
að þar fer listamaður með mikla hæfileika til að rýna djúpt og opna okkur,
sem verkin skoðum, nýjar víddir.“
Árið 1995 tilnefndi menningarmálanefnd Reykjavíkur síðan Guðmundu
Andrésdóttur borgarlistamann þess árs en það er æðsta árlega viðurkenn-
ing nefndarinnar. Þessi titill er veittur listamanni sem markað hefur djúp
spor og haft sérstaka þýðingu fyrir listalífið í borginni.
Í báðum framangreindum tilvikum er um viðurkenningu að ræða af
hálfu opinberra aðila.
Sem formaður menningarmálanefndar 1994–2002 þykir mér sjálfsagt að
greina frá þessu og því einnig að menningarmálanefnd var einhuga um
þessa útnefningu.
Blessuð sé minning Guðmundu og þakkir færðar fyrir allt það sem hún
gerði fyrir myndlistina á Íslandi.
Viðurkenningin sem gleymdist
Eftir Guðrúnu Jónsdóttur
Höfundur er arkitekt.
KIRKJUSTARF
Bridsfélag Suðurnesja
Á mánudag var spiluð 3. umf. í
sveitarokki. Þessir fengu bronsstig.
Jóhannes Sigurðss. – Karl Herm. 63
Sigríður Eyjólfsd. – Birkir Jónss. 61
Kristj. Kristjánss. – Garðar Garðarss. 59
Gísli T. – Arnór R. – Svavar Jens. 56
Fyrir lokakvöldið er þetta staðan:
Krist. Kristjánss. – Garðar Garðarss. 170
Sigríður Eyjólfsd. – Birkir Jónss. 153
Svavar Jensen – Gísli Torfa – Arnór R. 152
Kristjáni formanni Kristjánssyni
er hugleikið spil sem kom fyrir á dög-
unum. Honum segist svo frá:
Í síðustu viku sýndi ég ykkur hendi
norðurs: ÁK7/ÁDG7/K876/65 eftir að
makker opnar á grandi endar hann í 6
sp. og fær út hjarta. Hendi suðurs
10652/K98/ÁD10/ÁK5. Eftir að hafa
trompað lauf í blindum tekur þú tvo
efstu í trompi og austur setur gosa í
seinna skiptið. Nú sýnist spilið öruggt
ef vestur á sex rauð spil. Þú spilar 3
tígli og allir fylgja. Lokastaðan er
þess suður á: 106 í spaða og 9 í hjarta.
Norður á 13. tígulinn og DG í hjarta.
Þú spilar tígli og bíður spenntur, því
trompbragð er frekar sjaldgæft.
Austur lætur hjarta í slaginn. Þú ger-
ir það einnig og færð áfall þegar vest-
ur trompar með áttu. Þá er bara eftir
að hrósa vestri fyrir fallega vörn.
Bridskvöld nýliða
Sunnudaginn 26. okt. mættu 7 pör.
Spilaður var tvímenningur, 21 spil.
Lokastaðan:
Ómar Ómarsson – Hlöðver Tómasson 65
Ásdís Ólafsd. – María K. Gunnarsd. 60
Guðmundur Gestss. – Sigurður Georgss. 59
Jórunn Kristinsd. – Hildur Valgeirsd. 52
Svandís Hauksd. – Ingibjörg Hauksd. 52
Spilað er öll sunnudagskvöld í Síðu-
múla 37, 3. hæð og hefst spila-
mennska kl. 19.30. Allir sem kunna
undirstöðuatriðin í brids eru vel-
komnir. Umsjónarmaður er Sigur-
björn Haraldsson og aðstoðar hann
við að finna spilafélaga fyrir þá sem
mæta stakir.
Sveitakeppni í Gullsmára
Fimmta og sjötta umferð í sveita-
keppni Bridsdeildar FEBK Gull-
smára vóru spilaðar mánudaginn 27.
október. Eftir sjöttu umferð er staða
efstu sveita þessi:
Sveit Kristins Guðmundss. 112
Sveit Guðjóns Ottóssonar 107
Sveit Einars Markússonar 107
Sveit Valdimars Lárussonar 101
Sveit Ara Þórðarsonar 100
Sjöunda og áttunda umferð verða
spilaðar fimmtudaginn 30. október.
Íslandsmót kvenna
í tvímenningi
Mótið verður haldið í Síðumúla 37
helgina 1.–2. nóvember. Mótið hefst
kl. 11.00 báða dagana. Skráning í s.
587 9360 eða www.bridge.is
Bridsfélagið Muninn, Sandgerði
Þegar tvö kvöld af þremur eru búin
í okkar árlega hausttvímenningi er
staðan þannig:
Kvöld 1:
Karl Hermannss. – Jóhannes Sig. 135
Gunnar Guðbjörnss. – Garðar G. 119
Þröstur Ólafsson – Heiðar Sigurjóns 116
Þorgeir Ver – Garðar Þór 114
Kvöld 2:
Jóhann Ben. – Sigurður Alberts. 105
Svala Páls – Grethe Íversen 95
Þorgeir Ver – Garðar Þór 89
Þröstur Ólafsson – Heiðar Sigurjóns 83
Þess má geta að Þröstur Ólafsson
er nýliði hjá félaginu.
Fimmtudaginn 30. okt. er síðasta
kvöldið í þessari keppni þar sem tvö
kvöld af þremur ráða. Spilamennska
hefst kl. 19.30. Nýir félagar velkomn-
ir.
Bridsfélag Hreyfils
Sl. mánudag var spilaður eins
kvölds tvímenningur og kom upp sú
sérstaka staða í lok keppni að aðeins
eitt par, Óskar Sigurðsson og Sigurð-
ur Steingrímsson, náði yfir 50% skor.
Skor þeirra félaga var 63,7%. Loka-
staðan:
Óskar - Sigurður 23
Flosi og Sigurður Ólafssynir 0
Jóhanna - Sveinn 0
Næsta keppni verður tvímenning-
ur sem ákveðið var að fresta fram yfir
áramótin. Spilað er í Hreyfilshúsinu á
mánudagskvöldum og hefst spila-
mennskan kl. 19.30.
BRIDS
Umsjón Arnór G.
Ragnarsson