Morgunblaðið - 30.11.2003, Blaðsíða 48
48 SUNNUDAGUR 30. NÓVEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FÖSTUDAGINN 14. nóvember
síðast liðinn fórum við þrjú saman
með Flugleiðum til Kastrup. För-
inni var heitið til suðurhluta Sví-
þjóðar.
Á Kastrup vantaði eina ferða-
tösku.
Við snerum okkur beint til
Ground Service á staðnum. Í tölv-
unni þar eru upplýsingar um allt
sem máli skiptir. Á svipstundu
upplýstist að umrædd taska hafði
ekki komið með vélinni til Kaup-
mannahafnar og upplýst var að
hún kæmi með morgunvélinni dag-
inn eftir. Yrði þá send umsvifa-
laust til Svíþjóðar og henni ekið
heim til okkar þar. Gott er að hafa
aðgang að svona góðum upplýs-
ingum. Það liðkar fyrir öllum mál-
um þegar eitthvað fer úrskeiðis.
Engar áhyggjur.
Afgreiðslukonan sagði aðspurð
að það væri 95% öryggi fyrir því
að þetta færi allt eftir. Taskan yrði
komin um hádegisbil á laugardeg-
inum. Í tæka tíð svo eigandinn
fengi upp úr henni sparifötin sín
og afmælisgjöfina og gæti komist í
níræðisafmælið á laugardags eft-
irmiðdeginum, en til þess var förin
gerð.
Já, gott að vita. Ekki þarf að
kaupa spariföt til að nota í afmæl-
inu. Athygli vakti raunar að ekki
skyldi áætlað að senda töskuna
með kvöldvélinni strax á föstudeg-
inum.
Til að gera langa sögu stutta er
vert að geta þess að takan skilaði
sér kl. 21:30 að staðartíma á
sunnudagskvöld! Sunnudagskvöld.
Þá vorum við búin að hringja 8
símtöl. Flest til Ground Service á
Kastrup.
Þegar litið er yfir framansagt
vakna fáeinar spurningar. Spurn-
ingar sem ég trúi að fleirum en
mér finnist áhugaverðar.
1. Með hvaða vél fór taskan?
2. Hvað voru farnar margar áætl-
unarferðir sem ekki voru not-
aðar til að koma töskunni til
skila?
3. Hvernig stendur á því, þegar
svona gerist, að gleymdi farang-
urinn fer ekki rakleiðis með
næstu vél?
4. Hversu langan tíma tók að koma
töskunni til Svíþjóðar, eftir að
hún var komin til Kastrup?
5. Hversu margar vélar fóru þar á
milli sem taskan hefði getað far-
ið með en gerði ekki?
6. Hvað tafði töskuna svo hún
komst ekki með fyrstu mögulegu
ferð frá Kastrup til Svíþjóðar?
Starfsmenn Ground Service á
Kastrup upplýstu uppúr kl. 15:30 á
sunnudeginum að taskan væri í til-
tekinni vél sem myndi lenda í Sví-
þjóð kl. 16:00. Taskan var þar ekki.
Fór með næstu vél.
7. Hvað fór þá úrskeiðis?
8. Er það kerfi sem notað er til að
koma eftirlegutöskum til skila
fullnægjandi að mati þeirra
stjórnenda Flugleiða sem málið
varðar?
Mér er ljóst að sumar spurn-
ingar varða Ground Service á
Kastrup.
Ég bíð glaður eftir svari meðan
Flugleiðir afla upplýsinga þaðan til
að hafa þau svör með. Það tekur
varla langan tíma.
Umrædd ferðataska bar númer-
ið: CPHFI 17494.
Með fyrirfram þökk fyrir grein-
argóð svör.
ÞÓR JENS GUNNARSSON,
Esjugrund 23,
Reykjavík.
Fyrirspurn til
Flugleiða
Frá Þór Jens Gunnarssyni
ÞAÐ hefur ekki farið framhjá nein-
um, sem horfir á kristilegu sjón-
varpsstöðina Omega að þar er mik-
il þörf á aðstoð fjárhagslega. Ég er
eldri borgari og er mikið heima og
má alls ekki til þess hugsa að
missa stöðina. Mér hefur alltaf ver-
ið það ljóst að sjónvarpið er stór-
kostlegur miðill til þess að dreifa
fagnaðarerindinu um Jesúm Krist.
Það er að mínum dómi jafnvel
stærsta kristniboðið. Þeir mögu-
leikar, sem eru að opnast í dag,
sanna það.
Ég vil hvetja alla sem kristnir
vilja vera, að styrkja stöðina fjár-
hagslega. Áhorf á aðrar stöðvar
kostar. Peningarnir eru afl þess
sem gera skal. Reglulegt framlag
margra getur verið mikil hjálp. Við
getum öll orðið „kristniboðar“ á
þann hátt.
Ekki er það mín meining að þú,
sem styrkir annað kristniboð eða
líknarstarf, eigir að draga úr þeirri
aðstoð, heldur að „sá“ einnig í
þetta starf og uppskera af því
ómælda blessun. Ég varð undr-
andi, er ég heyrði stöðvarstjóra
Omega upplýsa það að aðeins 300
manns styrktu stöðina mánaðar-
lega.
Elskulegu kristnu vinir, er ekki
kominn tími til að vakna upp og
verða þátttakendur í þessu mik-
ilvæga starfi? Prestar eða for-
stöðumenn. Hversu margir eru
skráðir meðlimir í söfnuðunum?
Líklega þyrfti aðeins uppörvun,
hvatningu, til þess að fólk gerði sér
ljóst mikilvægi stöðvarinnar og
kæmi inn með reglulegt framlag,
og blessunin myndi ekki láta á sér
standa. Öfluga unga fólk, komið
með í þetta. Margt smátt gerir eitt
stórt. Akrarnir eru hvítir – þá
verður yndislegt að gleðjast saman
við uppgjör allra hluta, vitandi það
að við lögðum okkar lóð á vog-
arskálina. Með kærleikskveðju.
JÓHANNA F. KARLSDÓTTIR,
Hlíðasmára 5,
Kópavogi.
Kristniboð
Frá Jóhönnu F. Karlsdóttur