Morgunblaðið - 02.12.2003, Blaðsíða 6

FRÉTTIR
6 ÞRIÐJUDAGUR 2. DESEMBER 2003 MORGUNBLAÐIÐ
„Meistaratök“
„Meistaratök ... kemur
skemmtilega á óvart.“
– Soffía Auður Birgisdóttir,
Morgunblaðinu
„Skondin skáldævisaga -
skemmtilega björt lýsing á
bernsku á hrakhólum.“
– Páll Baldvin Baldvinsson, Stöð 2
Bjarni
Bjarnason
„ÞETTA frumvarp hefði ekki verið
flutt ef talið væri að með því yrðu
brotnar einhverjar reglur,“ segir
Björn Bjarnason dómsmálaráðherra
um frumvarp um framlengingu
einkaleyfis Happdrættis Háskóla Ís-
lands til 15 ára.
Eins og greint var frá í Morgun-
blaðinu í gær kemst Helga Melkorka
Óttarsdóttir hdl. að þeirri niðurstöðu
að frumvarpið standist að öllum lík-
indum ekki ákvæði EES-samnings-
ins um staðfesturétt og frjálsa þjón-
ustustarfsemi. Björn segist ekkert
hafa um þetta lögfræðiálit að segja
enda hafi hann ekki séð það.
„Þetta er skoðun sem menn geta
haldið fram,“ segir hann. „En það
liggur fyrir að lengi hefur verið unn-
ið að því að endurskoða almennt
ákvæðin um happdrættin í landinu
og verið er að vinna að því. Þetta mál
snýst um það að tryggja áframhald-
andi starfsemi Happdrættis Háskóla
Íslands. Það er flutt á þeirri for-
sendu að einkaleyfið gildi jafnlengi
og almenn happdrættislög heimila
slíkt.“
Björn segir að málið hafi verið ýt-
arlega rætt á Alþingi. Þar hafi hann
bent á að ljóst væri að álitamál væru
til staðar. „Það liggja fyrir mörg álit
um þessi happdrættismál frá nefnd-
um hér áður fyrr,“ segir hann en nú
séu þau og endurskoðun happdrætt-
islaga í höndum embættismanna inn-
an dómsmálaráðuneytisins en ekki í
nefnd eins og haft sé eftir Sigurði
Ágústi Sigurðssyni.
„Happdrætti DAS starfar á sínum
forsendum og ef það kennir Happ-
drætti Háskólans um að þær séu
brostnar finnst mér það töluverð ein-
földun.“ Hann segir að háskólastúd-
entar hafi sagt að það sé allt of mikið
að Háskólinn borgi 112 milljónir
króna á ári fyrir einkaleyfið og vilji
líka að leyfið verði afnumið.
Fulltrúar Happdrættisins hafi
hins vegar mælst eindregið til þess,
að hagsmuna Happdrættis Háskóla
Íslands yrði gætt með því að flytja
þetta frumvarp um framlengingu
einkaleyfisins og þeir hafi talið það
bráðnauðsynlegt til þess að happ-
drættið gæti starfað áfram frá og
með 1. janúar næstkomandi. Sama
eigi reyndar við um talsmenn Lott-
ósins en leyfi þess falli að óbreyttu
niður 1. janúar 2005.
Áframhaldandi starf-
semi HHÍ verði tryggð
NÝIR eigendur tóku við rekstri
sportbúðarinnar Títans við Krókháls
í Reykjavík í gær. Fyrri eigendur
höfðu lýst því yfir í fjölmiðlum að
þeir yrðu að loka búðinni um næstu
áramót vegna afleiðinga rjúpnaveiði-
bannsins eftir 13 ára rekstur.
Ekki fengust aðrar upplýsingar
um nýju eigendurna en þær að þetta
væru tveir einstaklingar sem hefðu
mikla reynslu af verslunarrekstri.
Þegar fréttir bárust af fyrirhugaðri
lokun Títans náðist samkomulag um
að þeir tækju við rekstrinum og
héldu honum áfram. Var gengið frá
því samkomulagi seinnipartinn í
gær.
Reksturinn verður fyrst um sinn
með óbreyttu sniði, á sama stað og
með sömu starfsmönnum. Nýir eig-
endur ætla fljótlega að auka vöruúr-
val með því að byggja ofan á þann
grunn sem fyrir er. Þeir áætla að
nokkurn tíma taki að koma vöruúr-
vali í jafngott horf og áður. Það verði
þó gert og gott betur svo kajakmenn,
skotveiðimenn og annað útivistar-
fólk fái það sem það leitar eftir.
Hætt við að loka
sportbúðinni Títan
Nýir eig-
endur tóku
við búðinni
MÁL drengjanna tveggja frá Sri
Lanka, sem sótt hafa um pólitískt
hæli hérlendis, er í vinnslu hjá Út-
lendingastofnun og dveljast dreng-
irnir á meðan í unglingaathvarfi
hjá Rauða krossi Íslands.
Georg Kr. Lárusson, forstjóri
Útlendingastofnunar, segir málið á
frumstigi og verið sé að senda fyr-
irspurnir til Þýskalands og athuga
hvort mál drengjanna heyri undir
hina svonefndu Dublinarreglugerð.
Samkvæmt reglugerðinni er stað-
fest að öllum sem leita hælis á
Schengensvæðinu skuli tryggð
örugg málsmeðferð í einhverju
samningsríkjanna. Í framkvæmd
þýðir þetta að ákveðin ríki eru
ábyrg fyrir því að veita viðkom-
andi umsækjendum meðferð á
grundvelli þeirrar mikilvægu reglu
m.a. að það ríki skuli bera ábyrgð
á öruggri málsmeðferð sem gefur
út vegabréfsáritun inn á Schen-
gensvæðið, í þessu tilviki Þýska-
land, að því gefnu að mál drengj-
anna heyri undir
Dublinarreglugerðina.
Mál Sri
Lanka-
drengja til
skoðunar
TALSVERÐUR verðmunur mældist
á verði ýmissa tegunda bætiefna þeg-
ar Samkeppnisstofnun kannaði verð í
lyfjaverslunum á höfuðborgarsvæð-
inu nýlega. Verðmunurinn mældist
allt að 55% á einstaka tegundum, en
minnstur var hann 4%.
Mestu munaði á verði Lýsis og liða-
míns og reyndist munurinn 55% á 30
dagskömtum. Verðið var hæst í Garð-
sapóteki 2.795 kr., en lægst í Hring-
brautarapóteki 1.798 kr. Sami munur
var á verði Samarins, sem notað er til
að draga úr magasýrum. 18 bréf kost-
uðu mest 356 kr. í Lyfjum og heilsu,
en minnst 230 kr. í Laugarnesapó-
teki, og munar þar 55%.
Einnig var mikill verðmunur á Aci-
dophilus 4x6, mjólkursýrugerlum
sem eru talsvert notaðir áður en fólk
fer til útlanda til að fyrirbyggja melt-
ingartruflanir. Munaði 50% á hæsta
og lægsta verði, verðið reyndist lægst
í Apótekaranum Mjódd, en hæst í
Garðsapóteki.
Svokallaður sólhattur, Echinacea
+ C vítamín, 20 töflur frá Frigg kost-
aði mest 495 kr. í Garðsapóteki en
minnst 356 kr. í Lyfjavali, og munaði
39%.
Algengt var að verðmunur á vin-
sælum fjölvítamínum væri á bilinu
11–28%. Minnstur verðmunur á þeim
vörutegundum sem kannaðar voru
reyndist á Original green tee tablets,
en munurinn á hæsta og lægsta verði
reyndist aðeins 4%. Rétt er að hafa í
huga að sumar lyfjaverslanir gefa
einstökum hópum afslátt af vörum,
og gefa t.d. Garðsapótek, Hring-
brautarapótek og Laugarnesapótek
lífeyrisþegum 10% afslátt, og Árbæj-
arapótek gefur lífeyrisþegum og fé-
lögum í Félagi eldri borgara 15% af-
slátt.
Lægra verð í stórmörkuðum
Töluvert framboð er af vörum sem
könnunin náði til í stórmörkuðum, og
þegar verð í lyfjaverslunum var borið
saman við verð í stórmörkuðum kom í
ljós að lægsta verð í stórmarkaði var
yfirleitt lægra en lægsta verð í lyfja-
búð eða í 27 tilvikum af 31.
Könnunin náði til 51 vörutegundar
í 15 apótekum á höfuðborgarsvæðinu,
Verð var kannað í tveimur apótekum
í hverri lyfsölukeðju, þ.e. tveimur
verslunum Apótekarans, Apóteksins,
Lyfju og Lyfja og heilsu auk þess
sem verð á umræddum vörum var
kannað í sjö apótekum sem ekki
tengjast umræddum lyfsölukeðjum.
Þar sem Skipholtsapótek flytur sjálft
að mestu leyti inni þau bætiefni sem
eru á boðstólum þar, og fáar vöruteg-
undir til þar sem eru með í þessari
könnun, er það apótek ekki haft með í
niðurstöðum könnunarinnar
Nánari upplýsingar um könnunina
má fá á vef Samkeppnisstofnunar,
www.samkeppni.is.
Samkeppnisstofnun kannar verð á bætiefnum á höfuðborgarsvæðinu
Allt að 55% verðmunur
var á milli lyfjaverslana
RÝMA varð aðalbanka Landsbanka Íslands í gær
þegar eldur kom upp á 4. hæð húsins. Slökkvilið
náði fljótt tökum á eldinum, en talið er að hann
hafi kviknað út frá rafmagni. Tjón á húsnæði af
völdum brunans var óverulegt og mun hafa sára-
lítil áhrif á starfsemi í húsinu.
Halldór J. Kristjánsson, bankastjóri Lands-
bankans, sagði í samtali við Morgunblaðið að
smávægilegur eldur hefði komið upp í herbergi
á fjórðu hæð, en þar hefur markaðsdeild bank-
ans aðsetur. Hann sagði að enginn hefði verið
inni í herberginu þegar eldurinn kom upp. Sem
betur fer hefði eldurinn verið afmarkaður og því
hefði slökkviliðinu gengið vel að ná tökum á hon-
um. Halldór sagði að nokkur röskun hefði eðli-
lega orðið á starfseminni í aðalútibúi Lands-
bankans á meðan slökkvilið var að störfum.
Í tilkynningu frá Landsbankanum segir að
áhrif eldsins á þjónustu bankans hafi orðið lítil.
Nokkur röskun hafi orðið á afgreiðslu þjón-
ustuvers, þar sem starfsmenn þess þurftu að yf-
irgefa starfsstöðvar sínar í stutta stund. Náðu
um 400 símtalsbeiðnir ekki í gegn.
Jón Helgi Guðmundsson, varðstjóri hjá
slökkviliðinu, sagði að eldurinn hefði komið upp
í millilofti á 4. hæð, en vel hefði gengið að ná tök-
um á honum. Til að komast að eldinum hefði
þurfti að rífa niður hluta af loftinu.
Tilkynning barst slökkviliði kl. 13:56 og var
hún þess efnis að starfsfólk finndi megna reykj-
arlykt. Jón Helgi sagði að útkall hefði verið sent
á allar stöðvar og sex bílar hefðu verið sendir á
staðinn. Sem betur fer hefði eldurinn verið lítill.
Lands-
bankinn
rýmdur
vegna elds
Morgunblaðið/Júlíus
Eldurinn kom upp í millilofti á efstu hæð. Fremst á myndinni er Jón Helgi Guðmundsson varðstjóri.
♦ ♦ ♦