Morgunblaðið - 02.12.2003, Blaðsíða 35
MINNINGAR
MORGUNBLAÐIÐ ÞRIÐJUDAGUR 2. DESEMBER 2003 35
✝ Guðbjörg SvavaGuðnadóttir
fæddist á Skúmsstöð-
um á Eyrarbakka 5.
mars 1917. Hún lést á
hjúkrunarheimilinu í
Víðinesi 23. nóvem-
ber síðastliðinn. For-
eldrar hennar voru
Andrea Andrésdóttir
og Guðni Sigurðsson.
Hún átti tvo bræður,
Andrés og Sigurdór
Rafn, sem lést ungur.
Fjölskyldan flutti til
Vestmannaeyja og
ólust börnin þar upp
til fullorðinsára. Síðan fluttu þau í
Mosfellssveit.
Eiginmaður Svövu var Kristinn
Rögnvaldsson blikk-
smiður, d. 13.6.
1982. Þau áttu þrjú
börn, þau eru: Sigur-
dóra, f. 26.9. 1944,
maki Hrólfur Ingi-
mundarsson, þau
eiga þrjú börn, Þor-
steinn Sigurður, f.
19.10. 1956, var
kvæntur Karólínu
Árnadóttur, eiga
þau eina dóttur og
Guðmundur Börkur,
f. 14.8. 1959, maki
Kristín Jónsdóttir,
þau eiga þrjú börn.
Útför Svövu verður gerð frá
Lágafellskirkju í dag og hefst at-
höfnin klukkan 13.30.
Því fækkar óðum samferðafólkinu,
sem hefur fylgt manni í gegnum lífið.
Þegar ég kveð hana Svövu nágranna-
konu mína í meira en hálfa öld, er
margs að minnast. Það var 1946 sem
fjölskylda mín flutti í Ullarnes, sem
var braggi sem faðir minn keypti eftir
herinn. Á sama tíma var Guðni faðir
Svövu að innrétta húsið sitt sem var
líka frá hernum, hann nefndi það Mel-
stað. Þar sem þetta voru aðeins tvö
hús, að vísu sitthvorum megin við
Vesturlandsveginn, var strax mikill
samgangur á milli fjölskyldnanna.
Svava bjó hjá foreldrum sínum með
unga dóttur sína Sigurdóru. Eftir að
ég gifti mig byggðum við í næsta ná-
grenni við Melstað, svo við höfum ver-
ið nágrannar í öll þessi ár.
Synir Svövu voru á svipuðum aldri
og strákarnir mínir. Það fjölgaði
smám saman í hverfinu, og þetta var
gott samfélag sem ég minnist með
mikilli hlýju. Og allt þetta unga fólk
sem ólst þar upp, býr örugglega að
því alla ævi. Allt umhverfið var leik-
svæði þar sem maður gat verið örugg-
ur um börnin sín. Klettarnir heilluðu,
strákarnir smíðuðu sér vörubíla, og
gátu þeir dundað sér daglangt við að
leggja vegi. En stelpurnar áttu sér
þar bú.
Svava vann ekki utan heimilisins,
hún hugsaði um móður sína sem var
sjúklingur, síðan hugsaði hún um föð-
ur sinn þar til hann lést. Hún var
myndarleg húsmóðir, og leiðbeindi
hún mér með ýmislegt mín fyrstu bú-
skaparár. Á sjötugsaldri eftirlét hún
Guðmundi syni sínum Melstað. Hún
fór á dvalarheimilið á Hlaðhömrum,
þar bjó hún notalega um sig í litlu
íbúðinni sinni, þangað var gott að
heimsækja hana. Eftir að heilsu
hennar hrakaði, fór hún á hjúkrunar-
heimilið í Víðinesi þar sem hún lést 23.
nóvember.
Það er mikil gæfa að eiga góða ná-
granna. Ég og börnin mín sendum
börnum hennar og öllum afkomend-
um innilegar samúðarkveðjur og
þökkum þeim tryggð og vináttu í
gegnum árin. Blessuð veri minning
um góða konu.
Hulda Jakobsdóttir,
Litlagerði.
SVAVA
GUÐNADÓTTIR
Friðrik Pétursson
réðst ungur til starfa á
Tilraunastöð Háskóla
Íslands í meinafræði að
Keldum og starfaði þar
samfellt í fjóra áratugi eða þar til
hann lét af störfum fyrir þrettán ár-
um sjötugur að aldri. Hann fékkst
við skepnuhirðingar en sá jafnframt
um akstur á starfsfólki til og frá
vinnu, en þegar hann hóf störf var
Tilraunastöðin talin afskekkt þó að
hún sé sennilega nú nokkurn veginn
miðsvæðis á höfuðborgarsvæðinu.
Farskjótinn sem hann stýrði af ör-
yggi og mikilli stundvísi var lengstaf
steingrá rúta sem entist vegna natni
hans ótrúlega vel og hefði því getað
FRIÐRIK
PÉTURSSON
✝ Friðrik Péturs-son fæddist á
Bjarnastöðum í
Reykjarfirði 17.
ágúst 1920. Hann
lést á líknardeild
Landakots 17. nóv-
ember síðastliðinn
og var útför hans
gerð frá Grensás-
kirkju 25. nóvember.
borið nafnið Gamli
Gráni með sóma, þó að
það heiti hafi reyndar
verið notað um aðra
bifreið. Jafnframt
þessum störfum sinnti
hann bæjarferðum til
að reka margvísleg er-
indi fyrir stofnunina.
Hann var ekki orð-
margur maður, en það
sem hann tók að sér
innti hann af hendi af
stakri samviskusemi.
Stundum hummaði
hann aðeins þegar
hann var beðinn um
viðvik svo að maður var ekki viss um
að hann sinnti erindinu, en hummið
reyndist jafngildi heitstrengingar,
því að hann leysti að jafnaði það af
hendi sem farið var framá. Ég hélt
að í humminu fælist kerskni en eftir
á að hyggja komst ég að því að hann
var tregur til að lofa nokkru sem
hann var ekki fullviss um að geta
staðið við. Hann var maður ósérhlíf-
inn og ekki kvartsár. Hann var mjög
bagaður af slitgigt í hnjám á síðari
árum og þegar þáverandi skrifstofu-
stjóri vildi létta af honum snúning-
um í bænum vegna þess tók hann
þvert fyrir það. Hann vildi sinna
skyldum sínum meðan stætt væri.
Það er mikill akkur í slíkum mönn-
um sem Friðrik var Tilraunstöðinni.
Þeir undirstrika það að minni
hyggju að hvert það starf sem unnið
er af samviskusemi og trúmennsku
er merkilegt. Við samstarfsfólk
Friðriks á Keldum minnumst hans
með þökk og vottum ekkju hans,
Jónínu Jónasdóttur, og öðru skyldu-
liði samúð okkar.
Guðmundur Georgsson.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum.)
Þessi orð eiga svo vel við hann
Frissa frænda okkar sem við
kveðjum nú í dag. Hann var hljóð-
látur og hógvær en bar alltaf hag
okkar fyrir brjósti.
Við systurnar og fjölskyldur
okkar sendum Nínu okkar innileg-
ustu samúðarkveðjur.
Nína, þú varst ljós lífs hans.
Lilja, Guðlaug og Ragna.
HINSTA KVEÐJA
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi.
Lundi V/Nýbýlaveg
564 4566 • www.solsteinar.is
Elskulegur faðir okkar, tengdafaðir, afi og lang-
afi,
ÓLAFUR ÞÓRÐARSON
húsgagnabólstrari,
Stórholti 19,
Reykjavík,
lést á Landspítala Fossvogi föstudaginn
21. nóvember. Útförin fer fram frá Háteigs-
kirkju miðvikudaginn 3. desember kl. 13.30.
Gunnar Ólafsson, Sara Hjördís Sigurðardóttir,
Ástríður Ólafsdóttir,
barnabörn og barnabarnabörn.
Minningarkort
Krabbameinsfélagsins
540 1990
krabb.is/minning
Einstakir legsteinar
Sérhannaðar englastyttur
úti og inni
Verið velkomin
Legsteinar og englastyttur
Helluhrauni 10, 220 Hfj.
Sími 565 2566
Engl a s te ina r
Okkar ástkæri,
JÓEL KR. SIGURÐSSON,
Hrafnistu, Hafnarfirði,
áður Sunnuflöt 30, Garðabæ,
sem andaðist föstudaginn 28. nóvember sl.,
verður jarðsunginn frá Fossvogskirkju fimmtu-
daginn 4. desember kl. 13.30.
Dóra Jóelsdóttir, Ólafur Guðmundsson,
Snorri Jóelsson, Ásdís Björnsdóttir,
Jóel Jóelsson, Guðrún Brynjólfsdóttir,
Gerður Jóelsdóttir, Rafn Svanur Oddsson,
barnabörn og barnabarnabörn.
Innilegar þakkir fyrir auðsýnda samúð og hlý-
hug við andlát og útför föður okkar, tengda-
föður, afa og langafa,
GUÐJÓNS E. LONG
prentara.
Sérstakar þakkir til starfsfólks á hjúkrunar-
heimilinu Sunnuhlíð.
Jónína Guðjónsdóttir, Benny Jensen,
Sigurður R. Guðjónsson, Rebekka Kristjánsdóttir,
Georg Guðjónsson, Hrafnhildur Helgadóttir,
barnabörn og barnabarnabörn.
Ástkær eiginmaður minn, faðir okkar, tengda-
faðir og afi,
JÓN DALMANN ÁRMANNSSON,
Hjallalundi 14,
Akureyri,
lést á Fjórðungssjúkrahúsinu á Akureyri föstu-
daginn 28. nóbemver.
Hann verður jarðsunginn frá Akureyrarkirkju
mánudaginn 8. desember kl. 13.30.
Fyrir okkar hönd og annarra aðstandenda,
Ásta Björg Þorsteinsdóttir,
Sigríður Dalmannsdóttir,
Drífa Björk Dalmannsdóttir Radiskovic, Zoran Radiskovic,
Aleksandar Radiskovic, Sara Radiskovic.
Þökkum auðsýnda samúð og hlýhug við andlát
og útför ástkærrar móður okkar, fósturmóður,
tengdamóður, ömmu og langömmu,
HERDÍSAR EINARSDÓTTUR HÖJGAARD,
Lyngbergi,
Vestmannaeyjum.
Sérstakar þakkir til starfsfólks Sjúkrahúss
Vestmannaeyja.
Ólöf Díana Guðmundsdóttir, Njáll Sverrisson,
Jón Guðmundsson,
Viðar Guðmundsson, Lára L. Emilsdóttir,
Sæunn Helena Guðmundsdóttir, Haraldur Haraldsson,
Fanney Guðmundsdóttir,
Hrefna Guðmundsdóttir, Guðbrandur Eiríksson,
Már Guðmundsson, Jóhanna Kristjánsdóttir,
barnabörn og barnabarnabörn.