Morgunblaðið - 02.12.2003, Blaðsíða 11

FRÉTTIR
MORGUNBLAÐIÐ ÞRIÐJUDAGUR 2. DESEMBER 2003 11
Skólavörðust íg 7 , RVÍK, S ími 551-5814
Stærsta
töskuverslun landsins
verð kr. 10.200
9,200
6,200
Jólagjöfina færðu hjá okkur
25% afsláttur af öllum
fatnaði út vikuna
Nóatúni 17• sími 562 4217Gullbrá • Sendum í póstkröfu
Lithimnulestur
Með David Calvillo
fimmtudag og
föstudag
Lithimnulestur er gömul fræðigrein þar sem
upplýsingar um heilsufar, mataræði og
bætiefni eru lesnar úr lithimnu augans.
Á fimmtudag og föstudag mun David Calvillo
vera með lithimnulestur í Heilsubúðinni, Góð
heilsa gulli betri. Njálsgötu 1, uppl. og tímapantanir í s:561-5250.BÆKLINGURINN Staðreyndir um
HIV og alnæmi, sem út kom á vegum
sóttvarnasviðs Landlæknisembætt-
isins fyrir fáum vikum, hefur nú verið
þýddur á fimm tungumál. Voru þeir
gefnir út í gær á alþjóðlegum bar-
áttudegi gegn alnæmi. Erlendu
tungumálin eru enska, taílenska,
rússneska, pólska og serbó-króat-
íska.
Sigurlaug Hauksdóttir, yfirfélags-
ráðgjafi sóttvarnasviðsins, sagði við
kynningu bæklinganna að ákveðið
hefði verið að nálgast útlendinga sem
búa á Íslandi á þennan hátt. Erlendir
ríkisborgarar hérlendis eru um tíu
þúsund og um fjögur þúsund útlend-
ingar hafa fengið íslenskan ríkis-
borgararétt. Sagði Sigurlaug tungu-
málin valin annars vegar með
hliðsjón af því hvaða hópar væru hér
fjölmennir og hins vegar út frá því
hvar smitunartíðni HIV er hæst í
heiminum og fræðsla af skornum
skammti. Sex til tólf greinast árlega
hérlendis og sagði hún tvo þriðju
hluta hópsins tvö síðustu árin hafa
verið gagnkynhneigða. Haraldur
Briem sóttvarnalæknir sagði að inn-
flytjendur væru nú stærri hluti
þeirra sem greinast árlega hérlendis
með alnæmissmit. Hæsta smitunar-
tíðni alnæmis í heiminum er um þess-
ar mundir í fyrrum Sovétríkjunum
og Suðaustur-Asíu.
Fjallað um smit, meðferð
og tölur tilgreindar
Bæklingurinn nú er byggður á
fyrri útgáfum landlæknisembættis-
ins um efnið og hefur verið endur-
skoðaður verulega nú og útliti breytt.
Fjallað er um hvað sé HIV, hvernig
alnæmi smitast, hvernig koma megi í
veg fyrir smit, meðferð og mótefna-
próf. Þá er fjallað um afleiðingar al-
næmisfaraldursins og tilgreindar töl-
ur um Ísland og umheiminn. Stefnt
er að því að fylgja eftir útgáfu er-
lendu bæklinganna með því að bjóða
útlendingum upp á fyrirlestra. Þeim
verður dreift hjá Alþjóðahúsinu og
Fjölmenningarsetrinu í Reykjavík,
hjá Fjölmenningarsetrinu á Ísafirði
og Alþjóðastofunni á Akureyri. Einn-
ig verða þeir sendir á heilsugæslu-
stöðvar, til erlendra félaga, sérdeildir
fyrir útlendinga í framhaldsskólum
og félags erlendra stúdenta í Háskóla
Íslands.
Morgunblaðið/Árni Sæberg
Haraldur Briem sóttvarnalæknir, Einar Skúlason, framkvæmdastjóri Alþjóðahússins, og Sigurlaug Hauksdóttir,
yfirfélagsráðgjafi sóttvarnalæknis, við kynningu á nýju bæklingunum.
Fræðslurit um alnæmi
á erlendum tungum
UTANRÍKISRÁÐUNEYTIÐ og
Rauði kross Íslands ætla á næstu
fjórum árum að sameina krafta sína
í baráttu gegn alnæmisvandanum í
Afríku. Heit þessa efnis verður und-
irritað á Alþjóðaráðstefnu Rauða
krossins og Rauða hálfmánans sem
hefst í Genf í dag.
Ráðstefnan, sem fer fram fjórða
hvert ár, er samráðsvettvangur al-
þjóða Rauða krossins, landsfélaga
Rauða krossins og Rauða hálfmán-
ans og 190 ríkja sem hafa und-
irritað Genfarsamningana. Á ráð-
stefnunni strengja ríki og
Rauðakrossfélög heit til næstu fjög-
urra ára í því skyni að ná raunveru-
legum árangri í þeim mann-
úðarmálum sem þykja mest
aðkallandi hverju sinni.
Í sameiginlegri heitstrengingu ís-
lenskra stjórnvalda og Rauða kross
Íslands kemur meðal annars fram
að utanríkisráðuneytið ætlar að
styðja verkefni Rauða krossins sem
miða að fyrirbyggjandi aðgerðum
og aðstoð við alnæmissjúka og fjöl-
skyldur þeirra í sunnanverðri Afr-
íku.
Einn mesti mannúðarvandi
heimsins í dag
Halldór Ásgrímsson utanrík-
isráðherra segir alnæmisfarald-
urinn vera einn mesta mann-
úðarvanda heims í dag og
Íslendingar vilji gera allt sem hægt
er til að stemma stigu við honum.
Það sé meðal annars hægt með því
að aðstoða munaðarlaus börn og
vinna fyrirbyggjandi starf að því að
koma í veg fyrir alnæmissmit.
Þrjár milljónir manna í heiminum
hafa látið lífið úr alnæmi á þessu ári
og talið er að 40 milljónir manna
séu smitaðar af HIV-veirunni.
Rauði kross Íslands heldur úti al-
næmisverkefnum í Malaví og Suð-
ur-Afríku, auk heilbrigðisverkefnis
með Þróunarsamvinnustofnun Ís-
lands í Mósambík sem einnig er lið-
ur í baráttunni gegn alnæmi.
Sameiginlegt átak
gegn alnæmi í Afríku
FYLGI Vinstrihreyfingarinnar –
græns framboðs eykst um rúmlega
fjögur prósentustig frá því í síðasta
mánuði. VG fengju rúmlega 14% fylgi
ef kosið væri nú, og hefur fylgi þeirra
ekki verið meira frá því í september
2002, samkvæmt Þjóðarpúlsi Gallup.
Sjálfstæðisflokkurinn missir tæp-
lega 3 prósentustig og fengi rúmlega
36% fylgi ef kosið væri nú. Fylgi ann-
arra flokka hefur lítið breyst, Sam-
fylkingin mælist með rúmlega 28%
fylgi, Framsóknarflokkurinn með
tæplega 16% og Frjálslyndi flokkur-
inn með ríflega 5%.
Könnun Gallup á fylgi flokkanna
var gerð dagana 29. október til 25.
nóvember 2003. Úrtakið var 3.529
manns á aldrinum 18 til 75 ára, valið
með tilviljun úr þjóðskrá. Svarhlutfall
var um 65%, og vikmörk í könnuninni
á bilinu 1–3%.
Vinstri grænir bæta
við sig fylgi
JÓN Bjarnason, þingmaður Vinstrihreyf-
ingarinnar – græns framboðs, hyggst leggja
fram á Alþingi við þriðju umræðu um frum-
varp til fjárlaga 2004 tillögu um 500 millj-
óna kr. viðbótarframlag vegna örorkulíf-
eyris.
„Hér er gerð tillaga um að staðið verði
við samkomulag sem gert var á milli rík-
isstjórnarinnar og Öryrkjabandalagsins um
aukinn lífeyri til þeirra sem verða öryrkjar
snemma á lífsleiðinni og koma á til fram-
kvæmda 1. janúar 2004,“ segir í greinargerð
tillögunnar. „Fjárhæð þessi er til viðbótar
1.000 milljónum sem eru í frumvarpinu en
komið hefur í ljós að til þess að standa við
samkomulagið þarf 1.500 milljónir.“ Jón lagði
sams konar tillögu fram við aðra umræðu um
frumvarpið. Tillagan var hins vegar dregin
til baka og boðað að hún yrði lögð fram að
nýju við þriðju umræðu. Þriðja og síðasta
umræða um fjárlagafrumvarpið fer fram á
Alþingi á föstudag.
Öryrkjasamkomulagið til umfjöllunar á Alþingi
Tillaga um 500 milljóna
viðbót frá þingmanni VG
Jón Bjarnason