Morgunblaðið - 02.12.2003, Blaðsíða 23
LANDIÐ
MORGUNBLAÐIÐ ÞRIÐJUDAGUR 2. DESEMBER 2003 23
Blönduós | Þórhildur Ísberg, fyrr-
verandi skjalavörður Héraðs-
skjalasafns A-Húnavatnssýslu, af-
henti Héraðsskjalasafninu fyrir
skömmu 17 kassa sem hafa að
geyma bréfasafn Halldóru Bjarna-
dóttur frá árinu 1883 til 1980.
Halldóra Bjarnadóttir er lands-
þekkt fyrir störf sín sem kennari og
skólastjóri sem og fyrir ritstörf en
hún gaf út blaðið Hlín, og starf-
rækti Tóvinnuskólann og síðast en
ekki síst er hún sá Íslendingur sem
hæstum aldri hefur náð en Halldóra
varð 108 ára. Hún fæddist 14. októ-
ber 1873 og lést 27. nóvember 1981.
Þórhildur, sem hætti störfum við
safnið árið 2000, eftir 21 árs starf,
óskaði eftir því að fá að ljúka flokk-
un bréfa Halldóru og er því starfi
nú lokið. Fyrsta bréfið í safninu
sendi Halldóra Bjarnadóttir ömmu
sinni, Guðríði Ólafsdóttur á Ár-
bakka, og þessu bréfi svaraði Guð-
ríður með því að rita á bakhlið þess
enda pappír verðmætur í þá daga
og því vel nýttur.
Glöð og stolt
Þórhildur Ísberg sagði í samtali
við Morgunblaðið að hún væri fyrst
og fremst glöð og stolt að hafa
fengið að vinna við flokkun bréf-
anna og sagði jafnframt að enda-
laust væri hægt að gera betur og
vonandi yrði það gert í framtíðinni.
Þórhildur sagði að hún yrði ekki
verklaus þó þessu verki væri lokið
því verkefnin væru næg fram und-
an. Það var Þórarinn Torfason
skjalavörður sem veitti bréfunum
viðtöku.
Bréfasafn Halldóru Bjarnadóttur komið
á Héraðsskjalasafn A-Húnavatnssýslu
17 kassar af bréfum afhentir
Morgunblaðið/Jón Sigurðsson
Gjörðu svo vel: Þórhildur Ísberg afhendir Þórarni Torfasyni skjalaverði
hið yfirgripsmikla bréfasafn Halldóru Bjarnadóttur.
Mývatnssveit | Slysavarnadeildin
Hringur heitir öflugt félag kvenna
hér í sveit. Þær konurnar eru dug-
legar að afla fjár til góðra verka og
eru með fjölbreyttar fjáröflunarleið-
ir. Fyrir hver jól koma þær saman í
húsnæði sínu og útbúa kertaskreyt-
ingar, kransa og fleira jólalegt.
Þrátt fyrir heimilisannir gefa þær
sér tíma til að útbúa nær 200 skreyt-
ingar sem þær fara síðan með um
sveitina og selja okkur hinum sem
gjarnan bíðum eftir söluferð þeirra.
Menn vita orðið að þær munu
kveðja dyra þegar líður nær jólum
því þannig hefur það verið nú í ein
18 ár og þær eru hvarvetna aufúsu-
gestir. Vinnan við gerð þessar
skreytinga er mikil og oft eru þar
samankomnar 10 til 15 konur lung-
ann úr deginum. Þær segja að
skreytingarnar séu langstærsta ein-
staka fjáröflunarleið félagsins og
þeim afar mikilvæg.
Morgunblaðið/BFH
Jólin undirbúin í Mývatnssveit: Hringskonur við gerð jólaskreytinga.
Kveðja dyra þegar
líður nær jólum
Borgarnes | Kveikt var á ljósunum á
jólatrénu í Kveldúlfsgarði fyrsta
sunnudaginn í aðventu. Athöfnin
hófst á því að Lúðrasveit Akraness
lék nokkur jólalög og hýrnaði heldur
yfir Borgnesingum þegar þeir sáu að
einn meðlimur hljómsveitarinnar er
héðan. Helga Halldórsdóttir, forseti
bæjarstjórnar, flutti ávarp þar sem
hún minnist þess að árið sem er að
líða er ár fatlaðra. Hún rifjaði upp
nýlega söfnun Sjónarhóls þar sem
ungur Borgnesingur lék viðamikið
hlutverk. Það var Torfi Lárus Karls-
son og kom það í hans hlut að tendra
jólaljósin ásamt Helgu. Hljómsveitin
Þotuliðið tók þar næst við tónlistar-
flutningi og upp úr þurru birtust
jólasveinar sem gáfu öllum viðstödd-
um börnum epli. Jólaandinn virðist
vera kominn í Borgarnes.
Kveikt á
jólatré í
Borgarnesi
Morgunblaðið/Guðrún Vala
Tendruðu jólaljósin á trénu í Borgarnesi: Helga Halldórsdóttir, forseti bæj-
arstjórnar, Torfi Lárus Karlsson og Sigurbjörg Ólafsdóttir.
að aðsókn hefði gjarnan mátt vera meiri en það verður
bara næst.
Fljót | Félög sauðfjár- og kúabænda í Skagafirði gengust
fyrir fjölskyldudegi í reiðhöllinni Svaðastöðum fyrir
skömmu. Tilgangurinn var m.a. að fjölskyldur kæmu
saman dagstund, skemmtu sér og skiptust á skoðunum.
Fenginn var hoppukastali að láni fyrir krakkana og var
hann gríðarlega vinsæll hjá yngstu kynslóðinni. Jafnvel
þó grillaðar pylsur með tilheyrandi væru í boði gáfu ekki
allir sér tíma til að yfirgefa þetta vinsæla leiktæki.
Fyrir þá eldri var m.a. keppt í svokölluðum „sveitafitn-
is“ auk þess sem grillmatur var á boðstólum. Í fitnis-
keppninni kepptu tvö fjögurramanna lið frá hvoru félagi.
Þurftu keppendur að leysa ýmsar þrautir af hendi eins og
að velta stórum hjólbarða, stökkva yfir girðingu, reka
nokkra nagla í staur og skrúfa rær á bolta. Undir lokin
þurftu keppendur svo að borða eina kleinu og drekka
mjólkurglas með, því eins og þulurinn sagði; „fólk í sveit-
inni verður stundum að vera fljótt að borða“. En þessi
þraut reyndist hins vegar mörgum tímafrek enda bæði
kleinan og glasið stór. Þegar yfir lauk höfðu sauðfjár-
bændur sigur í keppninni. Þessi fjölskyldusamkoma sem
kúabændur áttu hugmyndina að þótti vel heppnuð þó svo
Vel heppnaður fjölskyldu-
dagur hjá bændum
Morgunblaðið/Örn Þórarinsson
Hoppukastalinn var vinsæll hjá yngri kynslóðinni.