Morgunblaðið - 02.12.2003, Blaðsíða 44

ÍÞRÓTTIR
44 ÞRIÐJUDAGUR 2. DESEMBER 2003 MORGUNBLAÐIÐ
BRESKA knattspyrnusambandið er
komið í hálfgerða sjálfheldu í máli
Rio Ferdinands, leikmanns Man-
chester United, sem mætti ekki í
boðað lyfjapróf í september.
Forráðamenn sambandsins segja
engar reglur til um hvað eigi að
gera við þá sem mæta ekki í lyfja-
próf og hafa fengið Sebastian Coe,
einn fræknasta hlaupara Bretlands,
til að aðstoða sérstaka nefnd sem
sett hefur verið á laggirnar til að
fara yfir reglugerðir vegna lyfja-
mála.
David Davies, framkvæmdastjóri
sambandsins, segir engar reglur til
um svona mál og á meðan leikur
Ferdinand með United eins og ekk-
ert hafi í skorist þrátt fyrir að Al-
þjóðaknattspyrnusambandið hafi
hótað að gera eitthvað í málinu ef
engin niðurstaða fæst heima fyrir.
Raunar sagði Sepp Blatter í gær að
Ferdinand ætti ekki að leika á með-
an hann bíður eftir framvindu mála.
„Við erum alls ekki ánægðir með
hversu langan tíma þetta hefur tek-
ið, en við verðum að vinna sam-
kvæmt þeim leiðum sem okkur eru
færar. Það eru engar reglur sem ná
til mála sem þessa og því er málið
mjög erfitt. Sérstök nefnd hefur
hafið störf og hún á að fara yfir
reglugerðirnar og lagfæra þær, en
eins og er þá ná þær ekki yfir menn
sem mæta ekki í lyfjapróf,“ sagði
Davies.
Í gær var tilkynnt að Rio Ferdin-
and ætti að mæta fyrir sérskipaðan
dómstól 18. og 19. desember.
Coe aðstoðar í
máli Rio Ferdinands
Rio Ferdinand, leikmaður Manchester United.
MIKIL viðskipti hafa verið með hlutabréf enska
úrvalsdeildarliðsins Manchester United undan-
farna daga og hafa sérfræðingar á fjármála-
markaði sagt að Malcolm Glazer, eigandi
bandaríska ruðningsliðsins Tampa Bay, hafi
áhuga á því að eignast meirihluta í enska liðinu
ásamt hópi fjárfesta sem hann fer fyrir. Glazer
ræður nú yfir 14,3% hlut í félaginu en á föstu-
dag tilkynnti þýskur banki að hann hafi sýslað
með 4,5% hlut í Manchester United fyrir ónafn-
greindan viðskiptavin sem seldi sinn hlut.
Glazer er sagður vera í 244. sæti yfir ríkustu
menn Bandaríkjanna en hann hefur hagnast vel
á olíu- og gassölu undanfarin ár.
Írsku fjárfestarnir John Paul „J.P.“ Mc-
Manus og John Magnier eiga stærsta hlutinn í
Manchester United, 23,15 %, en þeir eru sagðir
vilja eignast fleiri hlutabréf í félaginu.
Bandarískur
auðjöfur sýnir
United áhuga
ROMAN Abramovitsj, aðaleigandi
enska knattspyrnuliðsins Chelsea,
bauð um 400 ættingjum, vinum og
kunningjum á leik liðsins gegn
Manchester United á sunnudaginn
en leikurinn fór fram á Stamford
Bridge, heimavelli Chelsea. Hinn
rússneski auðkýfingur greiddi um
80 millj. kr. fyrir ferð félaga sinna
sem komu allir frá Rússlandi til
þess að fylgjast með risaslagnum í
ensku úrvalsdeildinni.
Eftir 1:0 sigur Chelsea er liðið í
efsta sæti deildarinnar með 35
stig, Arsenal er með 34 stig og
Manchester United er í þriðja sæti
með 31 stig. Veðbankar á Bret-
landseyjum breyttu allir sem einn
vinningshlutföllum í veðmálum
um að Chelsea verði enskur meist-
ari. Þeir sem telja að Chelsea
verði enskur meistari fá ekki mik-
ið til baka frá enskum veðbönkum
í vor verði það raunin.
Sálfræðistríð knattspyrnustjóra
liðanna sem áttust við á sunnu-
daginn heldur áfram. Claudio
Ranieri knattspyrnustjóri
Chelsea, sagði að Manchester
United væri með besta liðið á
Bretlandseyjum þessa stundina(!),
og kollegi hans Sir Alex Ferguson
segir að staða liðanna í dag skipti
litlu máli þegar upp er staðið.
„Það skiptir mestu að vera á
toppnum í mars og apríl og auð-
vitað þegar síðasta umferðin er
búin. Það eru aðeins 14 umferðir
búnar,“ segir Ferguson.
Bauð 400 manns frá Rússlandi
CHELSEA, sem skaust í topp-
sæti ensku úrvalsdeildarinnar
með sigri á Englandsmeistur-
um Manchester United í fyrra-
dag, hefur ekki fengið mark á
sig í síðustu sex leikjum, eða í
565 mínútur. Sá síðasti til að
skora í mark Chelsea var Stall-
ard, leikmaður Notts County,
þegar Chelsea sigraði 2. deild-
arliðið í deildarbikarkeppn-
inni, 4:2, hinn 29. október.
Chelsea hefur haldið marki
sínu hreinu í fjórum deildar-
leikjum í röð eða frá því það
tapaði fyrir Arsenal á High-
bury hinn 18. október, 2:1. Síð-
an þá hefur liðið sigrað Ever-
ton, 1:0, Newcastle, 5:0, South-
ampton, 1:0 og Manchester
United, 1:0, og í Meistara-
deildinni burstaði Chelsea lið
Lazio í Róm, 4:0, og gerði 0:0
jafntefli við Sparta Prag. Þá
eru ótaldir sigrar á móti Notts
County í deildarbikarnum, 4:2,
og gegn Lazio, 2:1.
Uppskera Lundúnarliðsins í
síðustu níu leikjum eru átta
sigrar og eitt jafntefli.
Af leikjunum 14 í úrvals-
deildinni hefur Chelsea unnið
átta leiki með eins marks mun.
Fimm þeirra hafa endað 1:0 og
þrír með markatölunni 2:1.
Haldið
hreinu í 565
mínútur
Lampard segir að sigurinn á mótiManchester United hafi verið
hápunkturinn á ferli hans hjá
Chelsea. „Liðsandinn er frábær hjá
Chelsea og ég held að hann geti orðið
lykillinn að velgengni okkar. Það eru
allir að vinna hver fyrir annan og þó
svo að samkeppnin um stöður í liðinu
sé ákaflega hörð þá bitnar það ekki á
frammistöðu liðsins. Þeir leikmenn,
sem gengu í raðir Chelsea fyrir tíma-
bilið, hafa smollið vel inn í liðið en allir
hafa þessir leikmenn lagt hart að sér
bæði á æfingum og í leikjum.
Manchester United er enn besta lið
landsins enda meistaraliðið og þó svo
að við séum í toppsætinu í dag þá
verðum við að halda okkur á jörð-
inni,“ segir Lampard.
Erum enn á eftir
United og Arsenal
Claudio Ranieri, knattspyrnustjóri
Chelsea, vill sem minnst tala um
möguleika sinna manna á titlinum en
Ítalinn hefur verið ákaflega klókur
við að halda aftur af væntingum
stuðningsmanna félagsins. Ranieri
segir að Chelsea skorti enn nokkuð á
að komast í sama gæðaflokk og Eng-
landsmeistarar Manchester United
og Arsenal.
„Ég vil gjarnan vinna titilinn en
það er svo mikið eftir af mótinu að það
er ómögulegt að segja til um hvaða lið
stendur uppi sem sigurvegari í vor.
Ég er enn þeirrar skoðunar að Man-
chester United og Arsenal hafi for-
skot á okkur en takist okkur að saxa á
það þá getur allt gerst,“ segir Ranieri.
48 ár eru liðin síðan Chelsea hamp-
aði enska meistaratitlinum síðast en
árið 1955 varð Chelsea meistari í
fyrsta og eina sinn.
Frank Lampard segir Chelsea ætla að halda sig við toppinn
Margir sigurveg-
arar í okkar hópi
Reuters
Eiður Smári Guðjohnsen og Frank Lampard, leikmenn
Chelsea, fagna marki í Evrópuleik gegn Lazio á Ítalíu.
FRANK Lampard, miðjumaður-
inn snjalli hjá Chelsea sem
tryggði sínum mönnum sigurinn
á Manchester United í fyrradag,
segir að Chelsea ætli ekki að
gefa eftir á toppnum. „Að sigra
meistarana var ákaflega sérstök
en góð tilfinning og gerir ekki
annað en að efla sjálfstraustið í
liðinu. Ég held að fólk sé nú farið
að átta sig á því að ætlum að
berjast til þrautar um meistara-
titilinn. Við lentum í fjórða sæt-
inu á síðustu leiktíð en í ár ætl-
um við okkur alla leið. Það eru
margir sigurvegarar í okkar hópi
sem vilja afreka meira en þeir
hafa gert,“ segir Lampard við
London Evening Standard.

PATRICK Vieira, fyrirliði Arsen-
al, kemur að öllum líkindum inn í lið-
ið á nýjan leik í kvöld þegar það
mætir Wolves í deildarbikarkeppn-
inni. Vieira hefur verið frá vegna
meiðsla frá því í leik Arsenal á móti
Dynamo Kiev í Meistaradeildinni í
október. Þá er líklegt að Sylvain
Wiltord verði í liði Arsenal en hann
hefur verið frá síðustu vikur vegna
nárameiðsla.

LUIS Felipe Scolari, þjálfari
landsliðs Portúgals í knattspyrnu,
getur skrifað nafn sitt í sögubækurn-
ar á næsta ári ef gestgjafar úrslita-
keppni Evrópumóts landsliða standa
uppi sem sigurvegarar. Hinn 55 ára
gamli Scolari segir að hann vilji
verða fyrsti Brasilíumaðurinn til
þess að verða heims- og Evrópu-
meistari.

SCOLARI stýrði landsliði Brasilíu
til sigurs á heimsmeistaramótinu
sem fram fór í Japan og S-Kóreu sl.
sumar.

ÚLFARNIR, Kjölur, Númi og ÍV
sigruðu hvert í sínum riðli í 4. deild á
Íslandsmótinu í innanhússknatt-
spyrnu um helgina og leika því í 3.
deildinni að ári. HK/Víkingur og
Grótta sigruðu í sínum riðlum í 2.
deild kvenna og og leika í 1. deild á
næsta ári.

FORRÁÐAMENN enska úrvals-
deildarliðsins Manchester United og
talsmenn símafyrirtækisins Voda-
fone hafa komist að samkomulagi
um samstarf næstu fjögur árin.
Enska liðið hefur haft auglýsingar
frá fyrirtækinu á búningum sínum
undanfarin þrjú ár og er talið að nýr
samningur gefi félaginu rúma 4,6
milljarða í tekjur á næstu fjórum ár-
um. Það hefur verið mikið um að
vera á fjármálasviðinu hjá Man-
chester United undanfarnar vikur
og hafa hlutabréf í félaginu ekki ver-
ið hærri sl. þrjú ár.

FORRÁÐAMENN ítalska liðsins
AC Milan sendu frá sér yfirlýsingu í
gær þar sem fram kemur að lands-
liðsmaðurinn frá Brasilíu, Rivaldo,
sé á förum frá félaginu þegar leik-
mannamarkaðurinn í Evrópu verður
opnaður á ný í janúar.

FÉLAGIÐ og leikmaðurinn hafa
komist að samkomulagi um að samn-
ingi hans verði rift en allt frá því í
september hefur Rivaldo staðið í
deilum við forráðamenn liðsins.

HANN hefur lítið fengið að
spreyta sig með aðalliðinu frá því að
hann var keyptur frá Barcelona á
Spáni. Rivaldo er sagður hafa verið
með rúmar 15 millj. kr. á viku í laun
og hefur hann verið launahæsti leik-
maður veraldar á þessum tíma. Leik-
maðurinn hefur verið orðaður við
mörg lið í Evrópu og má þar nefna
ensku liðin Liverpool, Chelsea og
Tottenham.
FÓLK