Morgunblaðið - 02.12.2003, Blaðsíða 18

ÍS
LE
NS
KA
AU
GL
ÝS
IN
GA
ST
OF
AN
/S
IA
.IS
M
OR
22
76
4
11
/2
00
3
Smáauglýsing
á aðeins 500 kr.*
Alla daga
Sími 569 1111 eða augl@mbl.is
*5 línur; tilboðið gildir til 31. des.
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
VARLA fór framhjá neinum að Rás 2 átti
tuttugu ára afmæli í gær. Mikið var um
dýrðir á tíðninni níutíu og sex komma eitt-
hvað á fm-tækinu hjá mér, nánast allt að
vísu sent út úr „útibúinu“ fyrir sunnan.
Gestur var meira að segja þar. Þannig vildi
til að ég kíkti óvart inn í kjallarann í Efsta-
leitinu 1. desember 1983 þegar Rásin hóf
útsendingar og kunni því ekki við annað en
reka inn nefið í höfuðstöðvum stöðvarinnar
aftur í gær. Það var rólegt hjá þeim á Ak-
ureyri en staffið fékk þó tertusneið …
  
Oddur Helgi Halldórsson, bæjarfulltrúi
L-listans, kom með þá óvenjulegu hugmynd
á síðasta bæjarstjórnarfundi á Akureyri að
Íþróttahöllinni við Skólastíg yrði breytt í
menningarhús! Kannski ekki alveg jafngóð
hugmynd og þegar Eykon vildi breyta Út-
varpshúsinu við Efstaleiti í kartöflu-
geymslu á sínum tíma, en næstum því.
Oddur Helgi óttast að menningarhúsið,
sem á að rísa á uppfyllingunni á mótum
Strandgötu og Glerárgötu nýtist ekki eins
og flestir vona en bendir jafnframt á að skv.
tillögum eigi í húsinu að vera einn stór sal-
ur, um 900 fermetrar, annar minni, um 200
fermetrar og síðan það sem kallað er sam-
rými. Þarna er nánast verið að lýsa Íþrótta-
höllinni, segir Oddur, og vill vera grand!
Benti því á þennan möguleika, bæði í gamni
og alvöru. Höllin væri svo mikið notuð sem
menningarhús hvort sem er…
Og sem Þórsari var Oddur meira að
segja með lausn á því hvernig keppn-
isíþróttahúsið Höllin yrði leyst af hólmi: að
veggir litla íþróttahússins við Síðuskóla í
Glerárhverfi yrðu hreinlega brotnir niður
og stærra hús byggt en stendur til. Þar með
væri líka komið keppnishús í Þórshverfið,
þannig að stutt yrði fyrir þá að fara og sjá
lið sitt keppa. Góð hugmynd það!
  
Það mun eflaust koma mörgum á óvart
að ekki verður sett upp jólatré framan við
Akureyrarkirkju um komandi hátíðar.
KEA hefur um árabil gefið tré og einnig
sett upp jólaljós í kirkjutröppunum. Nú er
fyrirtækið hætt því, hefur afhent bæjaryf-
irvöldum seríurnar – sem þegar hafa verið
settar upp, sem og stjarnan sem lengi hefur
líka verið í gilinu um jól og áramót – en tré
verður ekki keypt.
Úr
bæjarlífinu
AKUREYRI
EFTIR SKAPTA HALLGRÍMSSON
BLAÐAMANN
Velunnarar Tónlist-arskóla Ísafjarðarkomu saman í eld-
húsi Menntaskólans á Ísa-
firði á laugardag til að
baka laufabrauð sem boðin
verða á árlegri jólatorgsölu
styrktarsjóðs skólans sem
fram fer á Silfurtorgi
næsta laugardag, skv. frétt
á heimasíðu Bæjarins
besta í gær.
Fjöldi manna kom að
verkinu en alls var bakað
úr 22 kílóum af hveiti. Dag-
inn áður hafði deigið verið
útbúið á heimili Elísabetar
Agnarsdóttur á Ísafirði en
síðan var það flatt út í vél-
um Gamla bakarísins.
Jafnt ungir sem aldnir
kepptust við að skera út en
þrautreynd sveit styrkt-
arsjóðs kvenna sá um
steikinguna. Torgsalan
hefur jafnan verið sjóðnum
drjúg tekjulind enda hafa
þeir fjármunir sem safnast
hafa í sjóðinn skipt sköpum
í uppbyggingu og velferð
Tónlistarskóla Ísafjarðar.
Laufabrauðssala
Jónas Erlendsson, ljósmyndari og bóndi í Fagradal,hefur opnað ljósmyndasýningu í Halldórskaffi íVík í Mýrdal. Sýndar eru 24 myndir sem allar eru
teknar á þessu ári og sýna ýmis tilbrigði í litadýrð nátt-
úrunnar á Suðurlandi. Sýningin mun standa fram yfir
áramót. Um þessar mundir eru 10 ár liðin frá því Jónas
byrjaði ljósmyndun en þá hóf hann störf sem fréttarit-
ari Morgunblaðsins í Mýrdalnum. Á þessum árum hef-
ur Jónas fengið nokkur verðlaun og viðurkynningar í
myndakeppnum sem hann hefur sent myndir í. Þá hef-
ur hann tekið þátt í sex samsýningum og er þetta þriðja
einkasýningin. Myndirnar eru allar til sölu.
Litadýrð náttúrunnar
Biskupinn predikaðium draugasetur,galdra og drauga-
fár á meðan séra Hjálmar
Jónsson dómkirkjuprest-
ur hitti alvöru galdra-
lækna í Afríku. Erlingur
Sigtryggsson orti:
Engan þarf að undra slíka frétt
að eitthvað styggist kirkja
þessa lands
er leikmenn þykjast eiga
einhvern rétt
til andskotans og myrkraverka
hans.
Þórir Jónsson segir að
við sauðkindarhörmung-
arnar bætist Árni úr Eyj-
um, djarftækur til grjóts.
Vá steðji að landinu:
Fyrst kemur rollan, af vonsku
hún sauðnagar svörðinn.
Svo kemur rokið, af hraunin’er
moldarflag sorfið.
Hvert sem við lítum er alls-
nakin, örfoka jörðin;
Árni með sleggju og meitil, –
og landið er horfið.
Björn Þorláksson gefur
nú út bókina Rottuholan,
en eitt sinn orti sveita-
skáld um upplestur hans:
Mývetnsk bók var kynnt í kveld
er kæti vakti mína.
Er hér komin að ég held
önnur Jakobína.
Landið hverfur
pebl@mbl.is
Mývatnssveit | Þegar komið er að jólaföstu
kemst rót á húsmæður í Þingeyjarsýslu. Ekki
síst er það þá laufabrauðsgerðin sem kallar á
samstillt átak hugar og handa allra á heimilinu.
Þá er algengt að fleiri heimili taki sig saman við
þetta verk sem kallar á margar iðnar hendur
við að hnoða upp í, fletja út, skera, bretta og
steikja laufabrauðið. Handtökin eru mörg og
mikilvægt að allir leggi hönd á plóg, þannig
verður verkefnið skemmtilegra og brauðið
bragðast betur.
Þær nágrannakonurnar Kristín Jónsdóttir í
Álftagerði og Bárðdælingur að uppruna og
Gerður Benediktsdóttir á Skútustöðum, hafa nú
í meir en 20 ár haft þann sið að hjálpa hvor ann-
arri við laufabrauðsgerðina. Þær fara þá hvor til
hinnar með fólk sitt, létta sér þannig verkið og
gleðjast með glöðum í skammdeginu.
Það var unnið í laufabrauði í Álftagerði á
laugardaginn en þar býr Kristín Jónsdóttir
ásamt dóttur sinni Lovísu, manni hennar Hólm-
geiri Hallgrímssyni og börnum þeirra. Kristín
er fædd 1924 á Stóruvöllum í Bárðardal þar sem
hún að sjálfsögðu ólst upp við laufabrauðsgerð.
Gerður Benediktsdóttir er fædd 1920 í Garði í
Aðaldal og er landskunn fyrir hannyrðir. Þessar
ágætu öldnu húsmæður eru fyrir löngu orðnar
fullgildir Mývetningar og hafa skilað kunnáttu
sinni í laufabrauðsgerð til dætra sinna sem í
dag starfa með þeim við þessa þjóðlegu iðju.
Morgunblaðið/BFH
Kristín lítur upp frá verki með barnabörnunum Gunnari Heimi og Jónu Kristjönu Hólmgeirsbörnum.
Hnoða, fletja út, skera og bretta
Laufabrauð
FUNDUR kennarafélags í Verkmennta-
skólanum á Akureyri skorar á mennta-
málaráðherra að verja lengri tíma í að
skoða breytingar á námi og námskipan ís-
lenskra framhaldsskóla en nú er áformað-
ur. Fram kemur í ályktun kennarafélags-
fundar í Verkmenntaskólanum á Akureyri
það álit að skýrsla verkefnisstjórnar
menntamálaráðherra um styttingu náms-
tíma til stúdentsprófs gangi algerlega á
svig við núverandi skólastefnu sem mörk-
uð var í ráðherratíð Björns Bjarnasonar og
að efni skýrslunnar geti engan veginn tal-
ist faglegur grunnur undir endurskoðun á
námi og námsskipan í framhaldsskóla eða
forsenda slíkra breytinga. Átelur kennara-
félagsfundurinn harðlega þau ófaglegu
vinnubrögð sem efni skýrslunnar vitnar
um og gagnrýnir um leið fyrirkomulag
menntamálaráðherra á frekari umfjöllun
um skýrslu verkefnisstjórnar í lokuðum
starfshópum aðila um málið og á lokuðum
umræðuvettvangi á menntagáttinni í stað
þess að efna til opinberrar og lýðræðislegr-
ar umræðu allra um efni hennar.
Fram kemur í ályktuninni að í skýrsl-
unni sé engin fagleg umræða um kosti þess
að styrkja starfs- og iðnnám í framhalds-
skólum heldur sé kapp lagt á að bera sam-
an brottfall í almennu bóknámi og starf- og
iðnnámi, námstíma þessara mismunandi
námsleiða og velta fyrir sér hvaða áhrif
stytting námstíma til stúdentsprófs hafi á
námsval framhaldsskólanemenda. Gagn-
rýnir fundurinn harðlega þá einföldu mynd
sem dregin er upp í skýrslunni af nem-
endahópi framhaldsskólanna, þar sem allir
eru mældir og vegnir með þröngum „sjón-
glerjum“ bóknáms.
„Fundurinn hafnar algerlega einhliða
niðurskurðartillögum í skýrslu verkefnis-
stjórnar um nám og námstíma til stúdents-
prófs. Þess í stað leggur fundurinn meg-
ináherslu á mikilvægi þess að ráðist verði í
faglega heildarendurskoðun á námi og
námskipan efstu bekkja grunnskólans og á
námi og námskipan framhaldsskólans til
að móta langtímaáætlun í menntamálum í
samræmi við innihald núgildandi skóla-
stefnu frá 1998,“ segir meðal annars í
ályktun kennarafélagsins í Verkmennta-
skólanum á Akureyri.
Allir mældir
með þröngum
„sjónglerjum“
bóknáms
Kennarafélagsfundur
í VMA