Morgunblaðið - 07.12.2003, Blaðsíða 4

FRÉTTIR
4 SUNNUDAGUR 7. DESEMBER 2003 MORGUNBLAÐIÐ
HALDIÐ var upp á 85 ára afmæli
skólans á Bifröst á föstudags-
kvöldið. Skólans sem starfað hefur
á tveimur stöðum undir fjórum
nöfnun, en er hins vegar einn og
sami skólinn, eins og Runólfur
Ágútsson, rektor Viðskiptaháskól-
ans á Bifröst, orðaði það í ræðu
sinni.
Runólfur Ágústsson sagði að
hlutverk skólans hafi þó ætíð verið
hið sama: Að mennta leiðtoga og
stjórnendur fyrir atvinnulíf og sam-
félag. Eina breytingin væri nálgun
skólans að samfélaginu á hverjum
tíma. Hann sagði að stjórnendur
skólans hefðu aldrei verið hræddir
við breytingar og þess vegna hafi
hann vaxið, dafnað og orðið öflugri
með hverju ári. Sóknarbaráttan
væri lykillinn að velgengni Bifrast-
ar í þau 85 ár sem skólinn hefði
starfað.
Runólfur minntist einnig á hvern-
ig Bifröst og Borgarfjörðurinn í
heild væri orðinn dæmi þess hvað
hægt er að gera á landsbyggðinni
þegar framtíð frumvinnslunnar í
landinu með tilliti til atvinnutæki-
færa væri ekki björt. „Hvernig
hægt væri að snúa vörn í sókn,
fólksfækkun í fólksfjölgun, sam-
drætti í vöxt.“
Bæði Ólafur Ragnar Grímsson,
forseti Íslands, og Halldór Ásgríms-
son utanríkisráðherra, sem síðar
tóku til máls á hátíðinni, voru sama
sinnis um Bifröst og skólastarfið
þar og voru bjartsýnir á framtíð
skólans.
Allir ræðumennirnir minntust
frumkvöðla skólans, þeirra Jónasar
Jónssonar frá Hriflu og sr. Guð-
mundar Sveinssonar sem tók við af
honum og þeim áhrifum sem þeir
höfðu á menntun í landinu og fram-
tíð skólans. Í lok dagskrárinnar
voru afhjúpaðar brjóstmyndir af
þeim, en þær eru við nýjan aðal-
inngang skólans.
Í tilefni afmælisins tók Ólafur
Ragnar Grímsson, forseti Íslands,
skóflustungu að nýju rannsókna- og
þekkingarhúsi sem byggt verður á
Bifröst. Steve Christer, arkitekt hjá
Stúdíó Granda, sem falið hefur ver-
ið að teikna nýja húsið, kynnti upp-
bygginguna á Bifröst, nýtt rann-
sóknar- og þekkingarhús og
framtíðarskipulag staðarins á
skemmtilegan hátt.
Mikill fjöldi gesta sótti
afmælishátíðina
Hann sýndi meðal annars loft-
myndir af staðnum fyrir uppbygg-
ingu og rakti síðan uppbygginguna.
Að síðustu sýndi hann framtíð-
armynd frá 2025 og gerir þá ráð
fyrir mikilli byggð með um 1.700
íbúum.
Einnig var sýnd ný heimild-
armynd um Bifröst sem Gísli Ein-
arsson, fréttamaður og fyrrverandi
nemandi skólans, gerði og lýsti með
miklum húmor skólastarfinu fyrr og
nú.
Að lokinni dagskrá steig hljóm-
sveitin Upplyfting, sem á sínum
tíma varð til á Bifröst, á svið og lék
fyrir dansi fram á nótt.
Fjöldi gesta sótti Bifröst heim á
afmælinu og tók þátt í hátíðinni.
Auk forsetans og utanríkisráðherr-
ans voru Jón Kristjánsson heil-
brigðisráðherra og nokkrir þing-
menn kjördæmisins meðal gesta.
Á afmælishátíðinni undirrituðu
fulltrúar Borgarbyggðar, Borg-
arfjarðarsveitar, Loftorku Borg-
arnesi hf., Sparisjóðs Mýrasýslu og
Eignarhaldsfélagsins Vesturlands
ehf. yfirlýsingu um vilja sinn til
samstarfs um byggingu og rekstur
á rannsókna- og þekkingarhúsi á
Bifröst sem jafnframt verður nem-
endagarðar með 50 íbúðum.
Í yfirlýsingunni sem undirrituð
var segir meðal annars: „Með ofan-
greindri framkvæmd verður mætt
þörfum háskólastarfs á Bifröst til
næstu ára fyrir rannsóknar- og
íbúðarhúsnæði og markar hún
þannig þáttaskil í þeirri miklu og
einstæðu uppbyggingu sem þar hef-
ur farið fram. Aðilar samstarfs-
yfirlýsingar þessarar vilja með
henni undirstrika sóknarfæri há-
skóla- og þekkingarstarfsemi á
landsbyggðinni og framtíð Borg-
arfjarðar sem vaxtarsvæðis.“
Gert ráð fyrir
1.700 manna byggð
á Bifröst árið 2025
Ljósmynd/Hólmfríður Sveinsdóttir
Að lokinni undirritun: Ólafur Kristjánsson frá Vesturlandi ehf., Gísli Kjartansson frá Sparisjóði Mýrasýslu, Guð-
jón Auðunsson, form. háskólastjórnar, Andrés Konráðsson frá Loftorku Borgarnesi, Linda Pálsdóttir frá Borg-
arfjarðarbyggð, Páll Brynjarsson frá Borgarbyggð og Runólfur Ágústsson, rektor Viðskiptaháskólans á Bifröst.
MAGNÚS Kristinsson, útgerðar-
maður í Vestmannaeyjum og for-
maður Útvegsbændafélags Vest-
mannaeyja, gagnrýnir harðlega
frumvarp sjávarútvegsráðherra um
línuívilnun.
„Þetta er algjört reiðarslag fyrir
okkur í sjávarútveginum, sem höfum
unnið samkvæmt heilbrigðu stjórn-
sýslukerfi fiskveiðistjórnunarlag-
anna að það skuli leika lausum hala á
Alþingi menn sem geta stillt allri rík-
isstjórninni upp við vegg, eins og
Kristinn H. Gunnarsson [alþingis-
maður] hefur gert í þessu tilfelli.
Hann hefur með yfirgangi sínum og
frekju haft það í gegn að þetta skuli
verða orðið að frumvarpsdrögum,
sem valda því að Vestmannaeyingar
tapa hátt í 2.000 þorskígildum ef það
tekur gildi 1. september á næsta
ári,“ segir Magnús.
Hann segir að Kristni hafi ekki að-
eins tekist að fá bróður sinn [Gunnar
Birgisson alþingismann] í lið með sér
heldur sé með ólíkindum að „þessir
blessaðir drengir á Vestfjörðum,
Einararnir báðir [Einar Oddur
Kristjánsson og Einar K. Guðfinns-
son alþingismenn] skuli líka hoppa
upp í skútuna.“ Magnús gagnrýnir
Einar Kristin harðlega og segir að
hann hlaupi alltaf á eftir litlum sér-
hagsmunahópum.
Tveir bátar hverfa
úr flota Eyjamanna
Magnús segir alveg ljóst að vænt-
anleg löggjöf um línuívilnun muni
bitna hart á Vestmanneyingum.
Hann segir að þessi aðgerð muni
þýða að tveir bátar hverfi úr flotan-
um.
,,Það á að færa þessar veiðiheim-
ildir til sérhagsmunahóps sem heitir
línuútgerðarmenn. Nú held ég að
komið sé að því að farið verði að
fylgjast gaumgæfilega með þessum
trillum. Þar ríkir meira og minna al-
gjör molbúaháttur. Það eru ekki
einu sinni kjarasamningar á þessum
trillum. Hvað ætlar verkalýðurinn að
líða þetta lengi og sjómannafélaga-
forystan að horfa lengi upp á að nú
sé verið að taka frá hinum hefð-
bunnda bátaflota og færa þetta yfir á
báta sem þurfa ekki einu sinni að
leggja til kjarasamninga,“ segir
Magnús Kristinsson, formaður Út-
vegsbændafélags Vestmannaeyja.
Línuívilnun er reiðarslag, segir Magnús Kristinsson
Segir Eyjamenn tapa
hátt í 2.000 tonnum
VINNSLA hófst á föstudag á
grænlensku hreindýrakjöti hjá
kjötvinnslufyrirtækinu Viðbót
ehf. á Húsavík, en landbúnaðar-
ráðuneytið gaf þá út bráðabirgða-
leyfi fyrir því að fimm tonn af kjöti
yrðu verkuð fyrir innanlands-
markað.
Frystigámar með 32 tonnum af
hreindýrakjötinu hafa staðið á
hafnarbakkanum á Húsavík í hálf-
an mánuð þar sem tilskilin leyfi
hafa ekki fengist til að vinna kjöt-
ið. Á föstudagsmorgun var inn-
sigli hans loksins rofið, að við-
stöddum heilbrigðisfulltrúa og
lögreglumönnum. Einungis mátti
losa það magn sem nemur innan-
landskvótanum að þessu sinni,
síðan var gámnum lokað aftur og
hann innsiglaður að nýju.
Að fyrirtækinu Viðbót ehf.
standa þeir bræður Gunnar Óli og
Örn Logi Hákonarsynir frá Árbót
í Aðaldal, ásamt Stefáni Hrafni
Magnússyni, hreindýrabónda á
Grænlandi.
Óvíst hvenær taka
má kjötið úr gámunum
Gunnar Óli sagði kjötið verða til
sölu í verslunum Hagkaupa, í
Bónus og Úrvali á Húsavík. Þegar
fréttaritari leit inn hjá þeim fé-
lögum í vikulokin var verið að
ljúka við að pakka fyrstu pöntun
sem átti að fara til Hagkaupa.
Gunnar Óli segir það ekki kom-
ið á hreint hvenær þeir fái leyfi til
að taka inn það kjöt sem ætlað er
á erlendan markað. Það sé baga-
legt því ætlunin hafi verið að
koma einhverju af því á markað
fyrir jól og því verði að hafa hrað-
ar hendur þegar leyfið verður í
höfn.
Morgunblaðið/Hafþór Hreiðarsson
Stefán Hrafn Magnússon tv. og Gunnar Óli Hákonarson voru ánægðir
þegar þeir fengu loks að losa grænlenskt hreindýrakjöt úr gáminum.
Grænlenska
hreindýrakjötið
á leið í verslanir
Húsavík. Morgunblaðið.