Morgunblaðið - 13.03.2004, Blaðsíða 10
FRÉTTIR
10 LAUGARDAGUR 13. MARS 2004 MORGUNBLAÐIÐ
„FJÓRFLOKKURINN verður að
minnka og við að stækka,“ sagði Guð-
jón A. Kristjánsson, formaður Frjáls-
lynda flokksins, við upphaf málþings
og landsráðsfundar Frjálslynda
flokksins á Hótel Loftleiðum í gær.
„Með fleiri flokkum kemst á virkara
lýðræði,“ sagði hann og minnti á að
lengi hefðu stjórnmál á Íslandi ein-
kennst af fjórflokknum svokallaða.
„Flokksvald ríkisstjórnarflokksins
sem ævinlega keyrir fram sín mál er
vont,“ sagði hann síðan. „Áratuga
völd sömu flokka minna á flokksræði
gamla Sovétsins; ráðstjórn sem ræð-
ur þinginu og afgreiðir aðeins sín mál.
Góð mál stjórnarandstöðu eru fótum
troðin árum saman en efni þeirra að
hluta einstöku sinnum sett í ráð-
herrafrumvörp löngu síðar.“
Guðjón sagði að til þess að brjóta
upp veldi fjórflokksins yrði Frjáls-
lyndi flokkurinn að halda velli og
stækka yfir 10 prósenta fylgi. Flokk-
urinn ætti að stefna að tólf prósenta
fylgi. „Markmið okkar er að breyta
völdum í íslensku þjóðfélagi og ná
þeim áhrifum að veldi fjórflokksins
verði minna og að hér þurfi í framtíð-
inni að taka mið af sjónarmiðum fleiri
stjórnmálaflokka. Sem sagt, að lýð-
ræði verði meira, en flokksræði og
ráðherravald minna.“
Þátttakendur á málþingi flokksins
munu starfa í málefnahópum í dag og
verður rætt um niðurstöðu hópanna
síðdegis. Þá hefst jafnframt lands-
ráðsfundur flokksins, en landsráð er
skipað af miðstjórn og sex fulltrúum
tilnefndum af hverju kjördæmis-
félagi.
Stefnir að þátttöku í sveit-
arstjórnarkosningum 2006
Guðjón sagði í setningarræðu sinni
að flokkurinn teldi brýnt að taka í
auknum mæli þátt í sveitarstjórnar-
málum. Sagði hann að flokkurinn
stefndi að framboði til sveitarstjórn-
arkosninga vorið 2006. „Það eru svo
ótal mörg hagsmunamál landsmanna
sem ráðast í sveitarstjórnum. Verk-
efnum hjá sveitarfélögum fjölgar á
næstu árum og því telur flokkurinn
brýnt að beita sér af auknum krafti á
þeim vettvangi. Frjálslyndi flokkur-
inn stefnir að framboðum til sveitar-
stjórnarkosninga vorið 2006 með list-
um í eigin nafni og/eða í samstarfi við
aðra stjórnmálaflokka samkvæmt
ákvörðun miðstjórnar og í fullu sam-
ráði við kjördæmisfélög á hverjum
stað.“
Guðjón ítrekaði að stefna flokksins
væri aukið lýðræði og valddreifing –
bæði í sveitarstjórnum og í landsmál-
um. „Það er ljóst að sveitarfélögum
mun halda áfram að fækka enda í takt
við betri samgöngur innan land-
svæða. Sveitarfélögin þurfa að
stækka til þess að takast á við ný
verkefni á fleiri sviðum sem færð
verða til þeirra á næstu árum. Þar má
nefna öldrunarmál og málefni geð-
fatlaðra sem líkleg verkefni sem færð
verða frá ríki til sveitarfélaga. Síðan
er einnig líklegt að viðhald og vetr-
arsamgöngur vega innan stærri
sveitarfélaga færist til þeirra þó ný-
byggingar vega, brúa og jarðganga
verði áfram hjá ríki.“
Efla byggð til sjávar og sveita
Guðjón gerði stefnumál flokksins
einnig að umtalsefni og vísaði því á
bug að flokkurinn væri einungis
kvótaflokkur eins og stundum væri
haldið fram. „Eins og þið sjáið, á lista
sem hér liggur frammi yfir þingmál,
hafa þingmenn Frjálslynda flokksins
komið víða við í málflutningi sínum og
flutt fjölda mála og tillögur af marg-
víslegum toga. Þeir hafa einnig tekið
virkan þátt í umræðum um ótal mála-
flokka á Alþingi.“ Hann sagði að
þingmenn hefðu þó einnig flutt þing-
mál um stjórnun fiskveiða, m.a. þing-
mál um aðskilnað veiða og vinnslu.
Að lokum sagði Guðjón að flokks-
menn tryðu því að hægt væri að
skapa réttlátara samfélag þar sem
auðlindum landsmanna væri skipt
meðal þeirra með sanngjarnari hætti
en nú er. „Við viljum land sem er í
byggð þar sem réttur fólks til búsetu
um allt land er tryggður, kjósi það
svo. Fólk hefur rétt til land- og sjáv-
arnytja og jafnræði til þeirra lífsgæða
að velja sér atvinnu. Ísland er vax-
andi ferðamannaland og innan fárra
ára verða ferðamenn á hverju ári tvö-
falt fleiri en Íslendingar. Ef við ætl-
um að efla ferðaþjónustuna þarf land-
ið að vera í byggð, sem er forsenda
þess að þjóna ferðamönnum.“ Hann
sagði að höfuðborgin væri lands-
byggðinni mjög verðmæt og að lands-
byggðin væri borgarbúum verðmæt.
Sagði hann síðan að það væri eitt
meginhlutverk þeirra sem störfuðu í
stjórnmálum að efla byggð til sjávar
og sveita.
Guðjón A. Kristjánsson setti málþing og landsráðsfund Frjálslynda flokksins
Vilja brjóta
upp veldi
fjórflokksins
Morgunblaðið/Jim Smart
Guðjón A. Kristjánsson, formaður Frjálslynda flokksins, lýsti í upphafi
ræðu sinnar hryggð yfir hinum hörmulegu hryðjuverkum á Spáni.
Bjóði fram til sveitarstjórna 2006
BARNAHJÁLP Sameinuðu þjóð-
anna (UNICEF) tók til starfa hér á
landi í gær þegar Halldór Ásgríms-
son utanríkisráðherra opnaði skrif-
stofu Miðstöðvar Sameinuðu Þjóð-
anna. Auk UNICEF munu Félag
Sameinuðu þjóðanna og UNIFEM
(styrktarsjóður SÞ fyrir konur í
þróunarlöndunum) heyra undir
Miðstöðina en bæði félögin hafa
starfað hér á landi um árabil.
Að sögn Stefáns Inga Stef-
ánssonar, framkvæmdastjóra
Barnahjálpar SÞ á Íslandi, eru von-
ir bundnar við að starfsemi Samein-
uðu þjóðanna hér á landi verði sýni-
legri með opnun Miðstöðvarinnar.
„Við erum bjartsýn á að félögin geti
stutt hvort annað og hjálpað hvort
öðru í innra og ytra starfi. Sömu-
leiðis er það von okkar að hægt
verði að nota þennan stað sem upp-
lýsingamiðstöð um þá starfsemi
sem tengist Sameinuðu þjóðunum
almennt og fólk geti leitað hingað
til að fá upplýsingar, hvort heldur
sem er um þessi þrjú félög eða Sam-
einuðu þjóðirnar í heild.“
Hann segir starfið framundan
mjög spennandi. „Undanfarin miss-
eri hefur verið mikil umræða um
þróunarmál og hlutverk Íslands á
alþjóðavettvangi. Við erum mjög
spennt og bjartsýn á að þessi mið-
stöð komi til með að spila þar ríku-
legt hlutverk. Tvö félaganna eru
mjög rótgróin hér á landi og þetta
nýja félag er fulltrúi stærstu hjálp-
arstofnunar í heimi fyrir börn
þannig að þetta eru öflugir aðilar
sem koma hér saman.“
Skrifstofa Miðstöðvarinnar er í
Skaftahlíð 24 og verður opin á
skrifstofutíma.
Skrifstofa Miðstöðvar SÞ opnuð í gær
Morgunblaðið/Golli
Meðal gesta voru Geir Haarde fjármálaráðherra og Halldór Ásgrímsson
utanríkisráðherra sem opnaði skrifstofuna formlega.
Þrjú öflug félög
á einum stað
ÍSLENSKA sjónvarpsfélagið, sem
rekur sjónvarpsstöðina Skjá 1,
hefur náð samningum um útsend-
ingu á enska boltanum til næstu
þriggja ára, og hefjast útsendingar
næsta haust. Ekki er ljóst hvort
sýnt verður í opinni eða læstri
dagskrá.
Magnús Ragnarsson, fram-
kvæmdastjóri Íslenska sjónvarps-
félagsins, segir að verðið, sem og
annar kostnaður við útsendingarn-
ar, sé trúnaðarmál milli viðsemj-
enda. Hann bendir á að aftur verði
samið eftir þrjú ár og því sé ekki
rétt að gefa upplýsingar sem muni
gagnast samkeppnisaðilanum þá.
Ekki er búið að taka ákvörðun
um hvernig dreifingin á efninu
verður, en Magnús segir ljóst að
það falli ekki að dagskrá Skjás 1
að setja allar útsendingar frá
enska boltanum inn í dagskrá
þeirrar stöðvar.
„Það er ekki búið að taka
ákvörðun um hvernig dreifingin á
efninu verður,“ segir Magnús, og
segir hann slíkrar ákvörðunar ekki
að vænta fyrr en með vorinu.
Hann segir þó að þetta verði ekki
til að blása aftur lífi í hugmyndina
um Skjá 2, sem hætti útsendingum
nýlega.
Passar ekki við
dagskrá Skjás 1
Spurður hvort enski boltinn
verði sýndur í heild sinni á Skjá 1
segir Magnús það ósennilegt, og
telur líklegra að hann verði sýndur
á annarri rás, a.m.k. að hluta til.
„Ég held það myndi verða mjög
truflandi fyrir þá dagskrá sem fyr-
ir er. Það er ekki hægt að bæta
þessu öllu inn á Skjá 1, ef það væri
reynt myndi dagskráin sem er á
Skjá 1 í dag – sem við erum mjög
ánægð með – þá myndi hún rask-
ast verulega,“ segir Magnús.
Ekki hefur verið tekin ákvörðun
um nákvæmlega hversu marga
íþróttafréttamenn þurfi að ráða til
að ráða við þetta nýja verkefni, en
Magnús segir ljóst að verulegan
fjölda þurfi að ráða.
Boltinn ekki í netinu
Sigurður G. Guðjónsson, fram-
kvæmdastjóri Norðurljósa, segir
að í raun sé enski boltinn ekki
kominn í netið hjá Íslenska sjón-
varpsfélaginu. Hann segir að nú
hafi forsvarsmenn deildarinnar 30
daga til að staðfesta að Íslenska
sjónvarpsfélagið ráði við verkið,
geti gert boltanum nægilega vel
skil og hafi fjárhagslegan styrk til
að standa við tilboð sitt.
Sigurður segir að Norðurljós
hafi boðið 195 milljónir króna fyrir
réttinn næstu þrjú
árin, sem er 21%
hærra en þeir hafa
greitt síðustu þrjú ár.
Hann segir ljóst að
boð Íslenska sjón-
varpsfélagsins hafi
verið a.m.k. 10%
hærra en það, annars
hefði komið til annars
útboðs. Ofan á það
segir hann að bætast
aðra eins upphæð fyr-
ir gervihnattanotk-
unn.
„Þá værum við
komnir í um 400
milljónir fyrir enska
fótboltann [fyrir þriggja ára samn-
ing]. Til að setja það í samhengi þá
kostar fréttastofan okkar um 120
til 130 milljónir á ári, og nánast öll
dagskrárgerð á Stöð 2 kostar á
bilinu 450 til 500 milljónir á ári.
Þannig að þetta verð er út úr kort-
inu, og er óþekkt í knattspyrnu-
heiminum í Evrópu,“ segir Sig-
urður.
Sigurður þvertekur fyrir að
hann hafi áhyggjur af framtíðinni
hjá Sýn, sem hefur sýnt enska
boltann undanfarin ár. Hann segir
að aðrar deildir sem stöðin sé með
séu ekki nýttar til fullnustu, og
áskrifendur hafi áhuga á góðum
íþróttum, ekki bara enska bolt-
anum.
Norðurljós náðu á sínum tíma
ensku knattspyrnunni af Ríkis-
sjónvarpinu sem sýndi frá henni í
mörg ár. Engar íþróttir hafa verið
á Skjá einum fram að þessu en lík-
ur eru á að nú verði breyting þar
á.
Ekki ljóst hvort boltinn
verður í opinni dagskrá
Íslenska sjónvarpsfélagið semur um sýningar á enska
boltanum, en Norðurljós buðu líka í sýningarréttinn
Magnús Ragnarsson Sigurður G. Guðjónsson
KAUPFÉLAG Árnesinga hefur
verið dæmt til að greiða Sparisjóði
Mýrasýslu 30 milljónir króna með
dráttarvöxtum og vaxtavöxtum, en
upphæðin var tekin að láni af fyrr-
verandi framkvæmdastjóra Hótel
Selfoss.
Forsvarsmenn Kaupfélags Ár-
nesinga héldu því fram að fram-
kvæmdastjórinn hefði ekki haft
heimildir til að taka lánið, og hefði
Sparisjóðnum átt að vera það full-
ljóst þegar tekin var ákvörðun um
að veita lánið. Þessu hafnaði Hér-
aðsdómur Vesturlands í dómi sín-
um, og segir ljóst miðað við um-
fang rekstursins að það teljist
innan eðlilegs starfssviðs fram-
kvæmdastjóra að taka lán að upp-
hæð 30 milljónir króna.
Eignarhaldsfélagið Brú, sem er í
eigu Kaupfélagsins, sá um rekstur
Hótel Selfoss út febrúar 2002 en
þá tók Kaupfélagið við rekstrinum
með leigusamningi við Brú. Brú
fékk greiðslustöðvun í júlí 2003, og
síðar var það tekið til gjaldþrota-
skipta. Kaupfélagið rak hótelið
sem Flugleiðahótel, og hafði þann-
ig aðild að greiðslumiðlun Flug-
leiða.
Veðréttur
staðfestur
Sparisjóður Mýrasýslu fór einn-
ig fram á að dómurinn staðfesti
veðrétt sparisjóðsins í greiðslum
frá greiðslumiðlun Flugleiða, og
féllst dómurinn á rök sparisjóðsins
fyrir því. Kaupfélag Árnesinga var
einnig dæmt til að greiða máls-
kostnað, alls 300.000 kr.
Dóminn kvað upp Símon Sig-
valdason héraðsdómari.
Framkvæmda-
stjóri dæmdur
hæfur til
að taka lán