Morgunblaðið - 13.03.2004, Qupperneq 27

ÁRBORGARSVÆÐIÐ
MORGUNBLAÐIÐ LAUGARDAGUR 13. MARS 2004 27
Auglýsing um skráningu óverðtryggðra ríkisbréfa,
RIKB 10 0317 í Kauphöll Íslands.
RÍKISSJÓÐUR ÍSLANDS
Kauphöll Íslands hefur samþykkt að skrá nýjan flokk ríkisbréfa til 6 ára, enda
uppfylla bréfin skilyrði skráningar. Bréfin verða skráð 19. mars nk.
Skuldabréfin eru óverðtryggð og bera 7,00% flata ársvexti sem greiddir eru út
einu sinni á ári. Á lokagjalddaga, hinn 17. mars 2010, greiðist síðasta
vaxtagreiðslan, ásamt nafnverði bréfsins. Skráningarlýsingu er hægt að nálgast
í afgreiðslu og á heimasíðu Lánasýslu ríkisins.
Borgartún 21, 150 Reykjavík • Sími 540 7500, Fax 562 6068 • www.lanasysla.is
Nemendur | Helgina 5. til 7. mars
fóru nemendur Fsu í VGT (verk-
tækni grunnnáms) í námsferð til
Reykjavíkur og nágrennis. Nemend-
urnir eru fyrstu nemendur skólans
sem stunda nám á nýrri námsbraut
sem ber heitið grunnnám bygginga-
og mannvirkjagreina og er nú í
fyrsta sinn verið að kenna verklega
áfanga í veggfóðrun, pípulögnum,
málun og múrverki. Kennari í þess-
um greinum við skólann er Kristján
Þórðarson.
  
Kóramót í FSu | Á laugardaginn,
hinn 13. mars, heldur kór FSu fram-
haldsskólakóramót í skólanum. Tólf
kórar hafa boðað þátttöku og eru
hátt á fjórða hundrað söngelskir
framhaldsskólanemar væntanlegir í
skólann til að syngja, dansa og
skemmta sér allan liðlangan laug-
ardaginn. Frá kl. 14.30 er fólki vel-
komið að líta inn og hlusta.
Bæjarmál í Árborg
Selfoss | Það er enginn svo fatlaður
að hann eigi ekki að njóta mannrétt-
inda, voru lokaorð málþings Svæð-
isskrifstofu um málefni fatlaðra Suð-
urlandi og Þroskahjálpar Suðurlandi
sem fram fór 11. mars í tilefni Evr-
ópuárs fatlaðra. Á málþinginu fluttu
erindi Friðrik Sigurðsson, formaður
Þroskahjálpar, Hanna Björg Sig-
urjónsdóttir, Alda Árnadóttir og
Ragnheiður Hergeirsdóttir. Meg-
ininntak umræðna og erinda var að
hver maður ætti rétt á að njóta frið-
helgi og einkalífs
Málþingið hafði yfirskriftina. Bú-
seta fyrir alla – ný öld, ný hugsun.
Ragnheiður Hergeirsdóttir, fram-
kvæmdastjóri Svæðisskrifstofu, um
málefni fatlaðra á Suðurlandi sagði í
setningarávarpi að vitund almenn-
ings um réttindi fatlaðs fólks hefði
aukist til mikilla muna á síðustu ár-
um og að áhrif fatlaðra á eigið líf
færi vaxandi. Megininntak í störfum
á þessum vettvangi væri að fatlaðir
hefðu sama rétt og sömu tækifæri og
þeir ófötluðu. Áhersla væri á eitt
samfélag fyrir alla.
Áherslur á aukið
einkarými
Friðrik Sigurðsson sagði frá at-
hugun sinni á markmiðum laga um
húsnæðismál fatlaðra og fram-
kvæmd þeirra. Allar áherslur í bú-
setumálum fatlaðra væru á aukið
einkarými fólks og friðhelgi einka-
lífsins. Munur væri á kröfum um
einkarými fyrir fatlaða og það sem
kæmi fram sem almenn atriði í
byggingareglugerðum. Í reglugerð
frá 2002 væri gert ráð fyrir 10 fer-
metrum sem minnsta rými til einka-
nota fyrir fatlaða en í bygging-
arreglugerð væri gert ráð fyrir 18
fermetrum og minnsta rými 8 fer-
metrum. Nú væru á landinu 82 sam-
býli með 426 einstaklingum. 12,4%
þeirra væru með einkarými undir 10
fermetrum, 47% með einkarými 10–
14 fermetar, 12% með 14–18 fer-
metra og 16% höfðu einkarými með
herbergi og baði. Í Noregi væru 95%
þeirra sem nytu búsetuþjónustu í
fullgildum íbúðum, í Svíþjóð væri
hlutfallið 80% en hér á landi væru
einungis 12% í þessum aðstæðum.
„Að búa í fullgildri íbúð er grund-
völlur þess að lifa sjálfstæðu lífi.“
Hanna Björg Sigurjónsdóttir
sagði að þarfir fatlaðra væru skil-
greindar út frá fötlun þeirra en þarf-
ir ófatlaðra væru skilgreindar út frá
löngunum. Í þessu væri fólgin mikil
mismunun og uppi væru kenningar
um að hafa eflingu einstaklinganna
sem leiðarljós í allri umsýslu með
fatlað fólk. Það væri í raun ekki
skerðingin sem fatlaði fólkið heldur
félagslegt, efnahagslegt og menn-
ingarlegt umhverfi ásamt sam-
félagslegum viðhorfum. Kerf-
isbundin mismunun fatlaðra þyrfti
að minnka. Valdefling væri jákvæð
deiling á valdi einstaklinga til að
skilgreina líf sitt, langanir og að-
stæður óháð stofnunum. „Fatlaðir
þurfa að fá að skilgreina þarfir sínar
sjálfir,“ sagði Hanna Björg. Hún
sagði of lítið gert af því að kenna
fötluðum að vera sjálfstæðir og taka
ákvarðanir sjálfir en jákvæð sjálfs-
mynd væri lykillinn að valdeflingu.
Skörun á
þjónustuþáttum
Alda Árnadóttur, deildarstjóri
stoðþjónustu í Árborg, lagði í sínu
erindi áherslu á samstarf þeirra að-
ila sem sinntu þjónustu við fatlaða.
Um væri að ræða heimaþjónustu og
svonefnda frekari liðveislu. Þessir
þjónustuþættir sveitarfélaga og rík-
is skörðuðust en oft væri verið að
þjónusta sömu einstaklingana af
tveimur stofnunum. Samvinna væri
því mjög mikilvæg og hún yrði að
byggjast á þörfum einstaklinganna.
„Þjónustan þarf að vera á einni
hendi til að minnka misrétti og að
unnt sé að vinna út frá ein-
staklingnum,“ sagði Alda.
Allir hafi
sambærilega kosti
Ragnheiður Hergeirsdóttir sagði
það megináherslu að fatlað fólk hefði
sambærilega kosti varðandi búsetu
og annað fólk. Það þyrfti að eiga
þess kost að búa við bestu skilyrði á
hverjum tíma með þjónustu eftir
þörfum í því byggðarlagi sem það
kýs sjálft. Hún sagði nauðsynlegt að
taka tillit til óska og þarfa ein-
staklinganna, gera þyrfti þá meðvit-
aða um hvað væri í boði og fá þá til
að taka ákvarðanir fyrir sjálfan sig.
Hún fjallaði um áherslur á einkalíf
fatlaðra sem deildu heimili með öðr-
um. Líta þyrfti á fatlaða sem ein-
staklinga fremur en hóp. Hún sagði
nauðsynlegt að leiða hugann að
þessum atriðum og benti meðal ann-
ars á þær aðstæður sem koma upp
þegar einhver kemur í heimsókn á
heimili þar sem hópur fatlaðra býr,
þá væri fólk í raun að heimsækja alla
íbúana og alla starfsmennina. „Vill
einhver fara í svoleiðis heimsóknir,“
sagði Ragnheiður. Hún lagði meðal
annars áherslu á að samvinna væri
forsenda einstaklingsbundinnar bú-
setuþjónustu og það væri nauðsyn-
legt að eyða orkunni í að komast á
tindinn og veita einstaklingsbundna
gæðaþjónustu.
Morgunblaðið/Sigurður Jónsson
Frá málþingi um búsetuþjónustu fyrir fatlaða á Hótel Eldhestum í Ölfusi.
Hver maður njóti
friðhelgi og einkalífs
Þorlákshöfn | Grunnskólinn í Þor-
lákshöfn gekkst nýverið fyrir
menntaráðstefnu í Ráðhúsi Ölfuss.
Ráðstefnuna sóttu um 60 manns og
komu sumir um langan veg. Ráð-
stefnan, sem var öllum opin endur-
gjaldslaust, höfðaði til skólafólks,
nemenda og foreldra þeirra. Margar
ábendingar komu fram á ráðstefnu,
m.a. um samstarf foreldra og skóla
og heimavinnu nemenda.
Halldór Sigurðsson skólastjóri
setti ráðstefnuna en Jón H. Sig-
urmundsson aðstoðarskólastjóri,
sem hafði veg og vanda af undirbún-
ingi, stjórnaði ráðstefnunni. Stefán
Guðmundsson, formaður skóla-
nefndar og bæjarstjórnarfulltrúi, var
fyrsti ræðumaður og nefndi hann er-
indi sitt: „Grunnskóli í fóstri sveitar-
félags“. Fram kom í erindi Stefáns að
bæjarstjórn gerir tiltölulega vel við
skólann og eru óvíða jafnfáir nem-
endur á hvern starfsmann í skólum
landsins.
„Barnið þitt er nemandi minn“
Ingibjörg Auðunsdóttir, kennslu-
ráðgjafi á skólaþróunarsviði Háskól-
ans á Akureyri, flutti erindi sem hún
nefndi: „Þróun samstarfs skóla og
heimila.“ Hún talaði um að kennarar
töluðu um „erfitt, slakt“ samstarf við
foreldra. Allir vilja samstarf og rann-
sóknir sýna að samhengi er milli já-
kvæðs samstarfs og námsárangurs.
Á forsendum hverra er samstarfið,
það getur verið erfitt fyrir foreldra
að mæta á fundi í skólanum eins og í
yfirheyrslu, gott er að hafa sam-
starfsfundi stundum á heimilum
nemenda. Ingibjörg kynnti sam-
starfsáætlun við Oddeyrarskóla þar
sem foreldrasamstarf er.
Fjóla Kristín Hermannsdóttir,
kennari í 10. bekk við Oddeyr-
arskóla, kynnti hvernig þeim í Odd-
eyrarskóla hefði gengið með verk-
efnið. Erindið nefndi hún:
„Heimanám; samstarf foreldra og
kennara.“ Fjóla sagði að vissulega
hefði samstarf við foreldra batnað
en skil á heimavinnu hefðu áfram
verið góð hjá þeim sem voru góðir
fyrir og nokkur hópur bætti sig fljót-
lega en of stór hópur var enn með
óviðunandi heimavinnuskil.
Brynjólfur Magnússon, nemandi í
10. bekk, og Helga Guðbjarn-
ardóttir, nemandi í 9. bekk, bæði í
Grunnskólanum í Þorlákshöfn fluttu
erindi sem þau nefndu: „Áhrif
hvatningar kennara/foreldra á
námsárangur.“ Þau voru sammála
um að hvatning hvaðan sem hún
kæmi væri af hinu góða en tóku fram
að stöðugt nöldur og neikvæður eft-
irrekstur virkaði öfugt. Hrós gefur
aukið sjálfstraust. Það er ekki síður
mikilvægt að sýna unglingum eft-
irtekt og umhyggju en yngri börn-
um.
Sólveig Karvelsdóttir, lektor við
Kennaraháskóla Íslands, flutti erindi
sem hún nefndi: „Barnið þitt er nem-
andi minn.“ Erindið fjallaði um sam-
skipti og tengsl foreldra og kennara.
Sólveig sagði að kennarar ættu að
hitta foreldra í upphafi hvers skóla-
árs og stofna til samstarfs, tengsla
og mynda traust. Þetta samstarf og
traust ætti að endast alla skólagöngu
barnsins það má ekki sleppa hend-
inni af þó að börn breytist í ungling.
Börn lenda útundan í nútíma sam-
félagi. Foreldrar vilja gott samstarf
og vinna að velferð barnsins í skól-
anum en það er ekki alltaf auðvelt
því foreldrar vinna langan vinnudag
og skilningur vinnuveitenda mætti
vera meiri.
Að lokum voru pallborðs-
umræður.
Morgunblaðið/Jón H. Sigurmundsson
Fulltrúar æskunnar: Brynjólfur Magnússon og Helga Guðbjarnardóttir,
nemendur í Grunnskóla Þorlákshafnar, fluttu erindi á ráðstefnunni.
Margar ábendingar á menntaráðstefnu
Samstarf fjöl-
skyldna og skóla
Hveragerði | Garðyrkjuskólinn að
Reykjum í Ölfusi er sérhæfður í að
mennta fólk sem er áhugasamt um
garðyrkju og skógrækt. Næsta
haust á að auka enn námsframboðið
og bjóða upp á 30–45 eininga há-
skólanám í fræðunum. Þrjár náms-
leiðir verða í boði þ.e. garð-
yrkjutækni, skógræktartækni og
skrúðgarðyrkjutækni.
Að sögn Sveins Aðalsteinssonar,
skólameistara Garðyrkjuskólans,
verður hafist handa í haust að til-
skildum leyfum fengnum. „Ný
reglugerð sem tók gildi á sumardag-
inn fyrsta í fyrra gefur okkur svig-
rúm til að kenna á háskólastigi.“
Enn fremur segir Sveinn að skólinn
hafi í samvinnu við Háskóla Íslands
boðið upp á nám í garðyrkjutækni
frá árinu 2001 enda rannsóknir
Garðyrkjuskólans á sínum fagsv-
iðum verulegar og forsenda háskóla-
kennslu.
Reiknað er með að til að hefja
kennslu þurfi fjöldi nemenda að vera
átta á hverri braut. Varla þarf að
kvíða nemendaskorti því margir
hafa sýnt þessu nýja námi mikinn
áhuga.
Morgunblaðið/Margrét Ísaksdóttir
Garðyrkja og skógrækt: Nemendur
við vinnu að rannsóknum.
Háskólanám við
Garðyrkjuskólann