Morgunblaðið - 13.03.2004, Blaðsíða 28
LANDIÐ
28 LAUGARDAGUR 13. MARS 2004 MORGUNBLAÐIÐ
Vestmannaeyjar | Alla tíð síðan
1985 hefur Guðlaugssundið svokall-
aða verið synt en það er gert til að
minnast björgunar Guðlaugs Frið-
þórssonar en hann synti sex kíló-
metra leið til Heimaeyjar eftir að
bátur sem hann var skipverji á,
Hellisey VE, fórst aðfaranótt 12.
mars 1984. Í ár syntu sjö alla leið, á
fimmtudagskvöld byrjuðu þrjár
stúlkur úr Sunddeild ÍBV, þær
Berglind Brynjarsdóttir, Tinna Rún
Kristófersdóttir og Eva Ösp Örn-
ólfsdóttir að synda og voru þær all-
ar um eða rétt undir tveimur
klukkustundum að ljúka sundinu.
Það var svo um fjögurleytið í gær-
morgun sem þeir Magnús Krist-
insson, Jóhann Halldórsson, Óskar
Óskarsson og Allan Allisson lögðu
af stað í þessa löngu ferð sem er 240
ferðir í sundlaug Íþróttamiðstöðv-
arinnar í Vestmannaeyjum. Einnig
voru á ferð fjórir vaskir starfsmenn
Íþróttamiðstöðvarinnar sem syntu
boðsund og hver um sig synti einn
og hálfan kílómetra. Um talninguna
sáu þeir Guðlaugur Friðþórsson og
Friðrik Ásmundsson sem að öðrum
ólöstuðum hefur haldið þessu mikla
afreki á lofti í gegnum árin. Það var
svo um hálfsjö leytið um morguninn
sem kapparnir kláruðu sundið og
skelltu sér að sjálfsögðu í pottana á
eftir. Guðlaugur Friðþórsson hélt
svo stutta ræðu þar sem hann þakk-
aði sundköppunum fyrir og afhenti
Björgunarfélaginu 900 þúsund
krónur sem Magnús Kristinsson
hafði séð um að safna frá útvegs-
bændum í Eyjum. Sagði Guðlaugur
að sundið hefði alltaf verið til að
minna á öryggismál sjómanna og
því hefði þeim þótt vel við hæfi að
gefa þessa gjöf í tilefni tuttugu ára
afmælis björgunarinnar. Adolf
Þórsson formaður Björgunar-
félagsins tók við gjöfinni og sagði
hana koma sérstaklega vel að not-
um á þessum tíma enda væri verið
að gera björgunarbátinn Þór klár-
an fyrir næstu átök. Svo var boðið
upp á rjómatertu og kaffi og kom
það í hlut ábúandans á Suðurgerði
2, Atla Elíassonar að skera fyrstu
tertusneiðina ofan í konu sína,
Kristínu Frímannsdóttur en Guð-
laugur bankaði upp á hjá þeim
hjónum, kaldur og hrakinn eftir að
hafa gengið yfir hraunið.
Syntu Guðlaugssund á 20 ára afmæli
Morgunblaðið/Sigurgeir
Að loknu sundinu: Guðlaugur Friðþórsson afhenti félögum í Björgunarfélaginu 900 þúsund krónur, en Magnús Kristinsson hafði frumkvæði að því að
safna því hjá útvegsbændum í Eyjum. Guðlaugur þakkaði sundköppunum fyrir stuðninginn, en þeir syntu sex kílómetra í Vestmannaeyjalaug í gær.
Guðsþjónusta
í Þorgeirskirkju
Níu kirkju-
kórar syngja
saman
SUNNUDAGINN 14. mars
verður mikið um að vera í
Þorgeirskirkju að Ljósavatni.
Þar ætla söfnuðir úr þremur
prestaköllum að sameinast í
guðsþjónustu. Á þessu svæði
starfa 9 kirkjukórar og munu
kórfélagar úr þeim öllum
mynda öfluga söngsveit sem
syngur við messuna.
Yfirstjórnandi er Dagný
Pétursdóttir, en hún ásamt
söngstjórum kirkjukóranna á
svæðinu (Björgu Sigurbjörns-
dóttur, Petru Björk Pálsdóttur
og Juliet Faulkner) hafa æft
kórfélagana hver á sínum stað.
Síðastliðið fimmtudagskvöld
var sameiginleg æfing í Þor-
geirskirkju. Var tignarlegt að
heyra í þessum stóra kirkju-
kór, en hljómburður í Þor-
geirskirkju er sérstaklega
góður, segir í fréttatilkynn-
ingu.
Í messunni á sunnudaginn,
sem byrjar kl. 14, mun sr.
Gylfi Jónsson prédika, en sr.
Þorgrímur Daníelsson á
Grenjaðarstað og sr. Pétur
Þórarinsson í Laufási þjóna
fyrir altari. Allir eru velkomn-
ir í Þorgeirskirkju þennan
sunnudag.
MÁLVERKASÝNING fer nú fram á
óvenjulegum stað á Sauðárkróki,
nánar tiltekið á bílasölu Bifreiða-
verkstæðisins Áka. Um er að ræða
málverk Gunnars Friðrikssonar
sem munu standa uppi til 16. mars.
Frá þessu greinir á fréttavefnum
www.skagafjordur.com og talað
þar um listamanninn Gunna Frissa,
enda þekkjast Króksarar varla
undir þeirra upprunalegu skírn-
arnöfnum og þeir jöfnum höndum
kenndir við viðurnefni maka sinna
sem foreldra.
Málverkasýning
á bílasölu
Fljót | ,,Mér finnst þetta hafa verið
farsæll og góður tími hérna fyrir
norðan. Mér hefur líkað vel að búa
og starfa í Hofsós- og Hólapresta-
kalli. Ég kom inn í prestakall þar
sem mikið var og er af góðu sam-
starfsfólki sem ber umhyggju fyrir
kirkjunni og starfi hennar og svo hef
ég verið svo lánsöm að hafa góða
organista og kórfólk mér við hlið,“
sagði séra Ragnheiður Jónsdóttir,
sóknarprestur í Hofsós- og Hóla-
prestakalli, þegar fréttaritari hitti
hana í vikunni. Ragnheiður mun taka
formlega við prestsembætti í Mos-
fellsprestakalli nk. sunnudag.
„Ég var skipuð sóknarprestur í
Hofsósprestakalli 15. október 1998
Þjónustu minnar hefur verið ákaf-
lega vel tekið og fólk verið opið og
hvetjandi til samvinnu og í garð
kirkjunnar. Í því sambandi vil ég
sérstaklega nefna barnastarfið sem
ég hef verið með í grunn- og leik-
skólum í prestakallinu.“
Ragnheiður hefur undanfarið ver-
ið að kveðja söfnuðina sem hún hefur
þjónað í Skagafirði. Fyrstu tvö árin
tilheyrðu fjórar sóknarkirkjur
prestakallinu. Auk Hofsóskirkju
voru það kirkjurnar á Hofi á Höfð-
aströnd, Felli í Sléttuhlíð og Barði í
Fljótum. Auk þess eru bænhúsið í
Gröf og Knappstaðakirkja, en í þess-
um tveim húsum hefur verið ein
guðsþjónusta á ári. Árið 2001 var svo
tekin ákvörðun um að kirkjurnar í
Viðvík í Viðvíkursveit og Hóladóm-
kirkja í Hjaltadal skyldu færast und-
ir Hofsósprestakall og eftir það
nefnt Hofsós- og Hólaprestakall. Þó
svo að Ragnheiður hafi kvatt söfn-
uðina á hún nokkur embættisverk
eftir fyrir norðan, m.a. mun hún
koma og ferma börnin í vor.
Ragnheiður segir að henni sé
mjög minnisstætt þegar hún tók við
embættinu á Hofsósi í norðan stór-
hríð og vonskuveðri og snjóþungur
og rysjóttur vetur fylgdi í kjölfarið.
Hún var borgarbarn, hafði búið í
Reykjavík og Kaupmannahöfn. Ef-
laust hafi einhverjir hugsað, skyldi
hún hafa veturinn af?
Hún náði hins vegar að aðlaga sig
gerbreyttum aðstæðum og hefur nú
búið á Hofsósi í fimm vetur. Eitt ár
var hún fjarverandi, en þá stundaði
hún nám í sálgæslufræðum í Banda-
ríkjunum.
,,Mér er efst í huga á þessum tíma-
mótum mikið þakklæti til sóknar-
barna minna og raunar allra í Skaga-
firði fyrir góða og uppbyggilega
samvinnu og samstarf á þessum ár-
um. Hér er mannlíf gott og umhverfi
fagurt allan ársins hring sem ég á
eftir að sakna og bið Guð að blessa.
Ég vil einnig nefna að hér hefur ver-
ið ákaflega gott og öflugt samfélag
meðal prestanna sem ég tel afar dýr-
mætt. Einnig hef ég átt gott sam-
starf við vígslubiskupana á Hólum
þennan tíma,“ sagði Ragnheiður
Jónsdóttir að lokum.
Presturinn kvaddur: Sigurður Steingrímsson formaður sóknarnefndar
Barðskirkju afhenti séra Ragnheiði Jónsdóttur blóm í kaffisamsæti.
Efst í huga þakklæti fyrir
árin með Skagfirðingum
Hvammstangi | Tónlistarskóli V-
Hún. hélt upp á Tónlistardaginn
2004, með fernum tónleikum hinn 1.
mars á fjórum stöðum á Hvamms-
tanga; í tónlistarskólanum, sjúkra-
húsinu, íbúðum aldraðra og
Hvammstangakirkju. Voru tónleik-
arnir vel sóttir og þóttu góð tilbreyt-
ing í mannlíf héraðsins.
Skólastjórinn, Elínborg Sigur-
geirsdóttir, sagði í viðtali við Morg-
unblaðið frá starfseminni.
Tónlistarskóli V-Hún. hefur starf-
að í 35 ár. Nemendur eru 125 á vor-
önn 2004, þar af eru 11 í forskóla og
er þetta hæsta hlutfall nemenda frá
upphafi skólans. Kennt er á
strengjahljóðfæri, blásturshljóðfæri,
gítara, rafhljóðfæri, slagverk, harm-
onikku og söng. Bókleg fög eru tón-
fræði, tónlistarsaga og tónheyrn.
Starfsmenn eru átta auk skólastjóra.
Nemendur koma víða fram og má
þar nefna; Músíktilraunir, Söngv-
arakeppni Samfés, Söngvarakeppni
Grunnskólans, kirkjuhljómsveitir og
viðburði tengda kirkjustarfi héraðs-
ins, auk reglulegra tónleika í Tónlist-
arskólanum.
Í fjárhagsáætlunum Tónlistar-
skólans er alltaf gert ráð fyrir ákveð-
inni upphæð til endurnýjunar og við-
halds hljóðfæra. Nú væri æskilegt að
skólinn gæti eignast flygil. Skólinn á
marga velunnara og má nefna að í
árslok 2003 gaf Sparsjóður Húna-
þings og Stranda skólanum 100.000
krónur.
Morgunblaðið/Karl Sigurgeirsson
Hljómleikar í Hvammstangakirkju: Á myndinni eru, í efri röð frá vinstri,
Birkir Þór Þorbjörnsson, Sverrir Jónsson, Ásgeir Trausti Einarsson og
Kristinn Arnar Benjamínsson. Neðri röð f.v., kennarinn, Jóhann Bene-
diktsson, Sigrún Soffía Sævarsdóttir og Magnús Gunnar Hallmundsson.
Tónlistarskólinn blómstrar