Morgunblaðið - 13.03.2004, Blaðsíða 61

ÍÞRÓTTIR
MORGUNBLAÐIÐ LAUGARDAGUR 13. MARS 2004 61
STEFÁN Hallgrímsson úr ÍR, varð í fyrrakvöld heims-
meistari í fimmtarþraut í flokki 55–59 ára heimsmeist-
aramóti öldunga í frjálsum íþróttum sem stendur yfir
þessa dagana í Sindelfingen í Þýskalandi. Auk Stefáns
keppa á mótinu Kristján Gissurarson og Árný Heiðars-
dóttir. Keppendur í fimmtarþrautinni voru 21 alls tals-
ins og hlaut Stefán 4.051 stig, 148 stigum meira en
næsti keppandi.
Stefán var á árum áður einn fremsti frjálsíþrótta-
maður þjóðarinnar og átti Íslandsmetin í tugþraut og í
400 m grindahlaupi um nokkurra ára skeið.
Stefán hljóp 60 metra grindahlaup á 10,31 sek.
Stökk 4,85 metra í langstökki, varpaði kúlunni 13,04
metra, stökk 1,52 metra í hástökki og hljóp 1.000 metr-
ana á 3.27,80 mínútu.
Árný varð í 9. sæti í langstökki í flokki 45–49 þegar
hún stökk 4,06 metra, fimmta í þrístökki me 9,50
metra og hún lenti í 11. sæti í 60 metra hlaupi á 8,60
sek. Í dag keppa þeir Stefán og Kristján í stangar-
stökki.
Stefán varð
heimsmeistari
LOGI Gunnarsson, körfuknattleiksmaður hjá
þýska úrvalsdeildarliðinu Giessen 46’ers, fór
enn og aftur úr axlarlið á æfingu liðsins í vik-
unni og nú er útséð með að hann þarf að gang-
ast undir aðgerð og leikur því ekki meira með
liði sínu á yfirstandandi leiktíð. Þetta var í
þriðja sinn sem Logi fer úr axlarlið en hann
var rétt búinn að jafna sig eftir að hafa farið
úr axlarlið í nóvember. Logi átti mjög góðan
leik um síðustu helgi og skoraði 14 stig í tap-
leik gegn Leverkusen en á æfingu á þriðju-
dagskvöldið tóku meiðslin sig upp á nýjan leik.
Logi segir á heimasíðu Njarðvíkinga að illa hafi gengið að koma öxlinni í
liðinn og hafi hann þurft að dvelja eina nótt á sjúkrahúsi þar sem hann var
svæfður meðan öxlinni var kippt í liðinn. Logi segir ennfremur að hann
fari í aðgerð á næstunni en enn sé ekki ljóst hvort hún verði framkvæmd
hér heima eða í Þýskalandi.
Logi er samningsbundinn Giessen 46’ers til ársins 2005. Liðinu hefur
vegnað illa í þýsku úrvalsdeildinni og er í næstneðsta sæti af 16 liðum með
tíu stig eftir 19 leiki.
Logi enn og
aftur úr axlarlið
Logi Gunnarsson
KNATTSPYRNUDEILD Fylkis hefur hafið samstarf
við Knattspyrnu Akademíu Íslands, KAÍ, (knattspyrnu-
skóla Arnórs Guðjohnsen), fyrst allra liða. Samstarfið
er með þeim hætti að 3. flokkur félagsins, bæði karlar
og konur alls um 70 einstaklingar, hafa í tvo mánuði
æft 2–3 í vikur í séræfingum hjá skólanum. Fylkis-
menn nýta sér styrk sem KSÍ veitir vegna barna- og
unglingaþjálfunar til að niðurgreiða fyrir sína iðk-
endur.

Arnór Guðjohnsen, skólastóri knattspyrnuskólans,
segir að viðræður standi yfir við fleiri félög en hann
segir að þau kunni vel að meta knattspyrnuskólann og
telja hann hreina viðbót við æfingarnar hjá félögunum.

Guðni Bergsson, einn meðlimur í KAÍ, hefur komið
á samstarfi skólans við enska úrvalsdeildarliðið Bolton
enda hæg heimatökin hjá Guðna sem lék um árabil
með liðinu. Guðni segir að samstarf sé að vænta við
fleiri úrvalsdeildarlið á Englandi og eins við þýsk lið
en Eyjólfur Sverrisson hefur verið í viðræðum fyrir
hönd Akademíunar við nokkur lið þar í landi.
Fylkir í samstarf
með skóla Arnórs
NÍNA Ósk Kristinsdóttir, markadróttning úr Val og annar af nýlið-
unum í íslenska landsliðinu í knattspyrnu, segist hafa orðið mjög hissa
en ánægð þegar hún fékk þau skilaboð að hún hefði verið valin í
landsliðshópinn fyrir leikinn á móti Skotum sem fram fer í Egilshöll-
inni í dag.
Nína, sem er 19 ára gamall Sandgerðingur, hefur farið mikinn með
liði Vals og hún gerði sér lítið fyrir og skoraði 21 mark fyrir Val á
Reykjavíkurmótinu í sex leikjum, þar af skoraði hún sjö í einum leik
gegn KR og sex á móti ÍBV.
„Þetta kom mér mjög á óvart og ég átti alls ekki von á að verða val-
in í landsliðið. Ég hef stefnt að þessu síðan ég byrjaði að æfa níu ára
gömul svo ég er auðvitað rosalega ánægð,“ sagði Nína Ósk við
Morgunblaðið.
„Ég vonast innilega eftir því að fá tækifæri í leiknum og ég mun þá
reyna að gera mitt besta til að skora en aðalmálið er að liðinu gangi
vel.“
„Valið kom mér á óvart“
ENSKI knattspyrnumaðurinn Rio
Ferdinand, leikmaður Manchester
United, ætlar að áfrýja átta mánaða
leikbanni sem hann var úrskurð-
aður í fyrir að mæta ekki í lyfja-
próf. Mun Ferdinand m.a. leggja
fram hársýni sem hann segir að
sanni að hann hafi aldrei neytt
ólöglegra lyfja og segja enskir fjöl-
miðlar að leikmaðurinn voni að
hann verði sýknaður á grundvelli
þessa. Ferdinand hóf að afplána
keppnisbannið í janúar en áfrýjun
hans verður tekin fyrir í næstu
viku. Frá því Ferdinand hóf bannið
hefur hvorki gengið né rekið hjá
Englandsmeisturunum. Þeir eru
níu stigum á eftir Arsenal í barátt-
unni um titilinn og féllu úr leik í
Meistaradeildinni í vikunni. Rann-
sóknir á hári manns geta leitt í ljós
hvort hann hefur tekið steralyf en
þetta er ekki í fyrsta skipti sem hár
hefur verið notað í lyfjamáli.
Christoph Daum var rekinn sem
þjálfari þýska liðsins Bayer Lever-
kusen árið 2000 þegar hann féll á
svipuðu prófi, sem hann vonaði að
myndi afsanna fullyrðingar tíma-
rits um að hann hefði tekið kókaín.
Verði leikbann Ferdinands staðfest
mun hann ekki geta leikið með liði
sínu, Manchester United, og enska
landsliðinu, fyrr en 20. september.
Bjargar hárið Ferdinand?
 GUÐMUNDUR E. Stephensen,
landsliðsmaður í borðtennis, og sam-
herjar hans í norska liðinu B-72 eru
komnir í úrslit í norsku úrvalsdeild-
inni. Þeir fögnuðu sigri á Modum í
undanúrslitum og mæta Fokus í úr-
slitum.
 AC Milan hyggst reyna að krækja
í ítalska markvörðinn Carlo Cudicini
frá Chelsea í sumar. Félagið er sagt
reiðubúið að punga út 5 milljónum
punda fyrir Cudinini en Chelsea
festi nýlega kaup á tékkneska mark-
verðinum Peter Chec fyrir 12 millj-
ónir punda. Hitt Mílanóliðið, Inter,
hefur einnig áhuga á að fá Cudicini
en forráðamenn Inter vilja fá hann
til að leysa Francesco Toldo af
hólmi.
 MICHAEL Biegler, þjálfari Gylfa
Gylfasonar handknattleiksmanns
hjá þýska 1. deildar liðinu Wil-
helmshaverner, framlengdi samn-
ing sinn við félagið í gær til tveggja
ára. Biegler tók við liðinu í desem-
ber í slæmu ástandi og hefur náð að
laga stöðuna en það er þó enn á með-
al neðstu liða deildarinnar. Sigur
Wilhelmshaverner á Magdeburg á
miðvikudaginn lagaði stöðuna, all-
tént um stund.
 TONY Pulis, knattspyrnustjóri
Stoke, vill fá nýjan samning við fé-
lagið. Pulis tók við liði Stoke fyrir 14
mánuðum og hefur liðinu vegnað
ágætlega undir hans stjórn.
 PULIS er á höttunum eftir Mark
Crossley markverði Fulham en
meiðsli hafa verið að hrjá báða
markverði Stoke-liðsins þá Ed de
Goey og Neil Cutler. Crossley er
ekki alveg ókunnugur herbúðum
Stoke en í tvígang á síðustu tveimur
árum hefur hann verið hjá liðinu
sem lánsmaður.
 JAMIE Redknapp, fyrirliði Tott-
enham, er óðum að ná sér eftir erfið
hnémeiðsli og möguleiki er á að
hann verði í leikmannahópi liðsins í
leiknum við Newcastle á morgun.
Redknapp hefur ekkert leikið með
aðalliði Tottenham síðan í septem-
ber en hann lék með varaliðinu í vik-
unni og komst klakklaust frá honum.
 HOLLENSKI landsliðsmaðurinn
Arjen Robben, sem leikur með PSV
en gengur í raðir Chelsea í sumar,
meiddist á hné í leik PSV og Aux-
erre í UEFA-keppninni í fyrra-
kvöld. Talið er að Robben verði frá
æfingum og keppni næstu vikurnar
en hann og Marc Overmars hjá
Barcelona hafa barist hart um sæti í
byrjunarliði Hollendinga.
 SIR Alex Ferguson, knattspyrnu-
stjóri Manchester United, gekkst
undir smáaðgerð á dögunum þar
sem græddur var í hann hjartagang-
ráður. Ferguson fann fyrir óreglu-
legum hjartslætti seint á síðasta ári
og í kjölfarið var ákveðið að hann
þyrfti að fá gangráð.
FÓLK
Leikurinn við Skota er einn liður íundirbúningi liðsins fyrir loka-
baráttuna í undankeppni EM en ís-
lensku konurnar
eiga þrjá leiki eftir í
riðlinum. Þær mæta
Ungverjum ytra í lok
maí, fá Frakka í
heimsókn í júní og taka síðan á móti
Rússum í ágúst. Fyrir þessa leiki
verður vináttuleikur við Hollendinga
ytra hinn 15. maí. Ísland er í efsta
sæti síns riðil með 10 stig eftir fimm
leiki, Frakkar hafa 9 stig eftir þrjá
leiki og Rússar eru í þriðja sæti með
7 stig að loknum þremur leikjum.
Morgunblaðið leit inn á æfingu
landsliðsins í Fífunni og spurði Hel-
enu Ólafsdóttur fyrst hvort ekki
væri skrítið að undirbúa liðið undir
leik á þessum árstíma?
„Jú, ég verð að segja það en það er
frábært að fá þetta verkefni. Við tök-
um fegins hendi þeim leikjum sem
við fáum upp í hendurnar. Tímasetn-
ingin er kannski ekkert frábær.
Stelpurnar eru rétt komnar af stað
en það breytir því ekki að leikurinn
er góður liður í undirbúningi okkar
fyrir stóru leikina í sumar.“ Helena
segir að ástand leikmanna sé mis-
gott. Hún segir að nokkrir leikmenn
hafi átt í meiðslum en almennt sé
ástandið í góðu lagi.
„Það vantar í liðið að þessu sinni
Þóru Helgadóttur og Eddu Garðars-
dóttur. Það er auðvitað slæmt að
vera án þeirra enda tveir af lykil-
mönnum liðsins. En það fá bara aðrir
leikmenn tækifæri og það er hið
besta mál. Breiddin hjá okkur er
alltaf að aukast og þessar stelpur eru
alltaf að taka framförum. Það er ekki
sjálfgefið hvernig á að velja lands-
liðið í dag. Það eru margar sem gera
tilkall í liðið og það er skemmtilegt
verkefni fyrir mig að velja úr stærri
hópi leikmanna.“
Hvað veist þú um styrk skoska
liðsins?
„Skotarnir hafa spilað töluvert
meira en við og ég held að þetta sé
þeirra fimmti leikur á árinu. Þeir eru
því í betri leikæfingu en við. Við er-
um ofar á styrkleikalistanum en mér
skilst að þetta skoska lið sé nokkuð
sterkt. Leikmenn eru líkamlega
sterkir og við sjáum að þessar
skosku stelpur sem hafa spilað með
ÍBV hafa komið vel út. Þetta verður
örugglega hörkuleikur og við þurf-
um tvímælalaust að taka á öllu okkar
til að ná góðum úrslitum.“
Tveir nýliðar eru í hópi Helenu;
Guðbjörg Gunnarsdóttir, markvörð-
ur úr Val, og Nína Ósk Kristinsdótt-
ir, framherji úr Val, sem hefur farið
á kostum með Val að undanförnu.
„Mér finnst mjög jákvætt að velja
í landsliðið leikmenn sem standa sig.
Guðbjörg er mjög efnilegur mark-
vörður og Nína Ósk hefur slegið í
gegn að undanförnu. Hún á ekki
marga leiki með yngri landsliðunum
og hún þarf sinn tíma. Það er hins
vegar gott fyrir hana að fá að kynn-
ast þessu umhverfi og enn betra ef
hún fær að spila. Hún hefur staðið
sig vel og mér finnst hún verðskulda
landsliðssætið.“
Helena Ólafsdóttir landsliðsþjálfari um leikinn gegn Skotum í Egilshöll
Góður undirbúningur
fyrir stóru leikina
Morgunblaðið/Jim Smart
Helena Ólafsdóttir, landsliðsþjálfari í knattspyrnu kvenna, stjórnar hér landsliðsæfingu í Fífunni.
ÍSLENSKA kvennalandsliðið í
knattspyrnu mætir Skotum í
vináttuleik í dag og fer viður-
eignin fram innandyra, nánar
tiltekið í Egilshöllinni í Grafar-
vogi kl. 14 – aðgangur er ókeyp-
is. Þetta verður í fyrsta sinn
sem A-landsleikur fer fram und-
ir þaki hér á landi og þá er þetta
fyrsti vináttulandsleikur A-
landsliðs kvenna á íslenskri
grund síðan 1986. Fyrsti lands-
leikur íslenska kvennalands-
liðsins var gegn Skotum fyrir 23
árum þar sem Skotar fögnuðu
sigri, 3:2.
Guðmundur
Hilmarsson
skrifar