Morgunblaðið - 13.03.2004, Blaðsíða 14

VIÐSKIPTI/ATHAFNALÍF
14 LAUGARDAGUR 13. MARS 2004 MORGUNBLAÐIÐ
Frumsýnum í dag
Hardy Angel - nýjasta
fluguhjólið frá House of Hardy
Andy Murray frá House of Hardy er gestur Veiðihornsins í dag, laugardag. Andy
frumsýnir nýjustu veiðivörurnar frá Hardy og Greys í Veiðihorninu, Hafnarstræti 5,
á milli kl. 10 og 14. Ef veður leyfir verður Andy með útikynningu á nýjum flugu-
stöngum. Nánari upplýsingar í Veiðihorninu, Hafnarstræti 5, sími 551 6760 eða á
www.veidihornid.is.
Taktu laugardaginn frá og skoðaðu Hardy og Greys í dag.
KB BANKI hefur fengið einkaleyfi
frá Kauphöll Íslands til að nota
nýja ICEX-15 cap vísitölu til rekst-
urs kauphallarsjóðs (ETF-sjóðs).
Kauphöll Íslands átti frumkvæði
að því að kanna hvort forsendur
væru fyrir ETF-markaði á Íslandi.
Í kjölfarið var óskað eftir tilboðum
markaðsaðila í rekstur ETF-sjóðs
og ákveðið að ganga að tilboði KB
banka.
Þórður Friðjónsson, forstjóri
Kauphallarinnar, sagði á blaða-
mannafundi í gær að markmiðið
væri að efla hlutabréfamarkaðinn
og þetta væri einn liður í því efni.
„Við viljum fá útlendinga meira inn
á markaðinn. Þetta höfðar til
þeirra enda einfalt fyrir útlendinga
að fjárfesta í sjóðum af þessu
tagi.“
Hann sagðist gera sér vonir um
að útlendingar myndu fljótlega
fara að fjárfesta í sjóðnum og
áréttaði mikilvægi þess að fá út-
lendinga inn í kauphallarviðskipti
hér á landi til þess að stuðla að
traustari verðmyndun. „Þetta hef-
ur gerst með skuldabréfin. Á stutt-
um tíma hafa útlendingar orðið
virkir þátttakendur á innlendum
skuldabréfamarkaði. Við gerum
okkur vonir um að svipað muni
gerast með hlutabréfamarkaðinn.“
Eykur seljanleika og styrk
Hrafn Árnason hjá KB banka
sagði innlendan hlutabréfamarkað
einstakan miðað við erlenda mark-
aði, hann sveiflaðist öðruvísi og
byði því upp á góð tækifæri fyrir
erlenda fjárfesta. „Við teljum að
þetta muni auka seljanleika á ís-
lenskum hlutabréfamarkaði og
auka styrk hans.“
KB banki stefnir að opnun sjóðs-
ins 1. maí nk. og verður hann þá
kynntur nánar.
Í Kauphallartíðindum í júlí sl.
segir að ETF-sjóðum hafi fjölgað
hratt í Bandaríkjunum og á síðustu
árum hafi einnig orðið mikill vöxt-
ur á þessu sviði í Evrópu. Segir
jafnframt að sérfræðingar á helstu
mörkuðum þar búist við áfram-
haldandi vexti þar sem sífellt fleiri
verði meðvitaðir um kosti sjóð-
anna. Þórður sagði í gær að þótt
misjafnlega hefði gengið hjá mörg-
um sjóðanna þá væri talsverð velta
með þá. Algengur veltuhraði væri
250–300%.
Kauphöllin mun í framhaldinu
kanna hvort forsendur eru fyrir
sams konar sjóði fyrir skuldabréf
auk þess sem til stendur að kanna
á ný fjárhagslegar forsendur fyrir
afleiðumarkaði á Íslandi.
Morgunblaðið/Sverrir
Klappað og klárt Þórður Friðjónsson og Hrafn Árnason að lokinni und-
irritun samnings um notkun ICEX-15 cap vísitölunnar til reksturs ETF-sjóðs.
KB banki fær einkaleyfi til
að reka kauphallarsjóð
Laðar erlenda
fjárfesta að ís-
lenskum hluta-
bréfamarkaði,
segir forstjóri
Kauphallar
KAUPHALLARSJÓÐUR (e. ETF
eða exchange traded fund) sam-
anstendur af safni verðbréfa sem
endurspeglar samsetningu tiltek-
innar vísitölu, í þessu tilviki Úrvals-
vísitölu Aðallista í Kauphöll Ís-
lands.
Fjárfestir eignast hlutdeild-
arskírteini í sjóðnum og getur átt
viðskipti með það í kauphöll líkt og
um hlutabréf í fyrirtæki væri að
ræða. Fyrir tilkomu kauphall-
arsjóða var þetta ekki hægt.
Meðal helstu kosta sem ETF-
sjóðir eru taldir hafa er skatta-
hagræði, lægri kostnaður og sveigj-
anleiki með viðskiptum í gegnum
kauphöll.
Hvað er
ETF-sjóður?
ICEX-15 cap er ný vísitala sem
Kauphöll Íslands mun reikna og
birta. Svipar henni til ICEX-15 vísi-
tölunnar, þ.e. Úrvalsvísitölu Að-
allista, og verður hún samsett af
sömu félögum.
Munurinn liggur í því að við val í
ICEX-15 cap getur vægi hvers fé-
lags ekki farið upp fyrir ákveðið
hámark en það er gert til að
tryggja lágmarksdreifingu.
Um ICEX-15
cap vísitöluna
BENEDIKT Sveinsson fráfarandi
stjórnarformaður Sjóvár-Al-
mennra trygginga hf. sagði í ræðu
á aðalfundi félagsins sem haldinn
var í gær að allar líkur væru á því
að hin miklu umbrot sem urðu í
viðskiptalífi landsins á síðasta ári
kölluðu á nýja löggjöf sem myndi
breyta leikreglum á markaðnum.
Sagði hann að í stað þess að snú-
ast gegn slíkri löggjöf ættu menn
að reyna að hafa áhrif á lagasetn-
inguna með jákvæðum hætti.
Benedikt sagði einnig að skoða
ætti með opnum huga að krónan
tengdist öðrum gjaldmiðli föstum
böndum, sem í framhaldinu gæti
leitt af sér að hún hyrfi af vett-
vangi, eins og hann orðaði það.
„Meðan landið er með sjálfstæðan
gjaldmiðil og gengi hans ræðst á
frjálsum markaði er hætt við því
að sveiflur geti orðið miklar. Þetta
veldur því að sú festa sem almennt
er nú í atvinnulífinu er minni en
æskilegt væri,“ sagði Benedikt.
Heiðarleiki og traust
hefur hopað
Þá sagði hann að almennur
heiðarleiki og traust í viðskiptum
hér á landi hefði hopað á und-
anförnu ári. „Þjóðfélagið verður
að geta treyst því að viðskiptalífið
sé heilbrigt. Það er mjög mik-
ilvægt að viðskiptavinir, starfs-
menn og eigendur fyrirtækja geti
treyst því að þau starfi í góðu
samræmi við lög og reglur og góða
viðskiptahætti.“
Umbrot kalla
á nýja löggjöf
BJARNI Ármannsson, forstjóri
Íslandsbanka, var í gær kjörinn
formaður stjórnar Sjóvár-Al-
mennra trygginga hf., en félagið
er dótturfélag Íslandsbanka.
Með Bjarna voru kosnir í
stjórn þeir Benedikt Jóhannes-
son varaformaður, Aðalsteinn
Jónasson hrl., Kristján Ragnars-
son fyrrum stjórnarformaður Ís-
landsbanka, og Magnús L.
Sveinsson fyrrum formaður VR.
Allir stjórnarmenn eru nýir í
stjórn.
Stjórnarmenn sem hættu
störfum í gær eru Benedikt
Sveinsson sem verið hefur
stjórnarformaður í 25 ár, Hjalti
Geir Kristjánsson sem verið hef-
ur varaformaður frá stofnun fé-
lagsins, Krist-
inn Björnsson,
Kristján
Loftsson, Guð-
rún Péturs-
dóttir, Garðar
Halldórsson
og Ólafur B.
Thors.
Einar
Sveinsson, frá-
farandi fram-
kvæmdastjóri
Sjóvár-Almennra, sagði spurður
í samtali við Morgunblaðið að
það yrði fyrsta verk nýrrar
stjórnar að ráða nýjan fram-
kvæmdastjóra til félagsins, en
stjórnin mun að hans sögn hitt-
ast á næstunni.
Bjarni Ármanns-
son nýr formaður
Formennska
Bjarni
Ármannsson.
● KB BANKI hefur ákveðið að lækka
vexti verðtryggðra inn- og útlána um
0,10-0,15%. Vextir óverðtryggðra
sparireikninga lækka auk þess um
0,10%. Einnig var ákveðið að hækka
vexti Lífeyrisbókar og Framtíðarbókar,
að því er fram kemur í tilkynningu frá
bankanum.
Kjörvextir verðtryggðra skuldabréfa-
lána lækka t.d. um 0,10 prósentustig.
Þannig lækka kjörvextir verðtryggðra
skuldabréfa úr 5,60% í 5,50%.
Í tilkynningu frá bankanum kemur
fram að frá því í nóvember 2001 hafi
hann lækkað verðtryggða útlánsvexti
um 2,25 prósentustig en verðtryggða
innlánsvexti um 2,00% prósentustig
að jafnaði. Á sama tíma hefur ávöxt-
unarkrafa 25 ára húsbréfa lækkað úr
5,88% í 4,40% eða um 1,48 pró-
sentustig.
KB banki
lækkar vexti
● BIRGIR S. Jóhannsson, sem verið
hefur framkvæmdastjóri SÍF France,
dótturfyrirtækis SÍF hf. í Frakklandi,
hefur látið af
störfum.
Í fréttatilkynn-
ingu frá SÍF er
það orðað svo að
samkomulag hafi
orðið um að Birgir
léti af störfum.
Samkvæmt
heimildum Morg-
unblaðsins er það
óánægja helztu
stjórnenda SÍF
með slaka af-
komu SÍF France, sem er ástæða
starfsloka Birgis.
Í tilkynningu SÍF segir að nýr fram-
kvæmdastjóri verði ráðinn fljótlega.
Birgir hættir
hjá SÍF France
Hættur Birgir Sæv-
ar Jóhannsson hef-
ur látið af störfum
hjá SÍF France.
♦♦♦