Morgunblaðið - 13.03.2004, Blaðsíða 26
SUÐURNES
26 LAUGARDAGUR 13. MARS 2004 MORGUNBLAÐIÐ
Fást í verslunum um land allt
H. Blöndal ehf.
Sími 517 2121
www.hblondal.com
Purga-T sjálfvirku
slökkvitækin fyrir
sjónvörp
• Alltaf á vakt
• Slekkur eldinn strax
• Fullkomlega öruggt
Keflavík | Ákveðið hefur verið að framlengja
sýningu á verkum Árna Johnsen í Gryfjunni í
Duushúsum í Keflavík um viku. Sýningu
Carlosar Barao í sýningarsal Listasafns
Reykjanesbæjar lýkur á morgun, sunnudag.
Portúgalski listmálarinn Carlos Barao sýn-
ir þrettán verk í Listasafni Reykjanesbæjar.
Síðasti sýningardagur er á sunnudag og af
því tilefni er aðgangur endurgjaldslaust um
helgina. Sýningin er opin frá kl. 13 til 17 báða
dagana Á morgun hefjast tónleikar í salnum
klukkan 16 og er selt inn á þá.
Sýningu Árna Johnsen í Gryfjunni í Duus-
húsum var ætlað að ljúka um næstu helgi en
vegna mikillar aðsóknar verður hún fram-
lengd um viku, að því er fram kemur í frétt
frá menningarfulltrúa Reykjanesbæjar, og
stendur hún því til sunnudagsins 21. mars.
Sýningin er opin alla daga frá klukkan 13 til
18.
Í Duushúsum er einnig sýningin Bátafloti
Gríms Karlssonar og er hún opin alla daga
frá kl. 13 til 18.
Sýning Árna framlengd
um eina viku
Sandgerði | Fulltrúar meirihluta
bæjarstjórnar Sandgerðisbæjar
samþykktu á fundi bæjarstjórnar að
gerast hluthafi í Fasteignafélaginu
Fasteign hf. og ganga til samninga
við félagið um sölu á skóla- og
íþróttamannvirkjum og samkomu-
húsi bæjarins og um viðhald og frá-
gang á þessum byggingum. Fulltrú-
ar minnihlutans greiddu atkvæði á
móti.
Fulltrúar bæjarstjórnar hafa um
tíma verið í viðræðum við fulltrúa
Fasteignafélagsins Fasteignar hf.
um aðild að félaginu sem Íslands-
banki, Reykjanesbær og fleiri
standa að. Var þessi ráðstöfun sam-
þykkt á sérstökum aukafundi í bæj-
arstjórn síðastliðinn miðvikudag.
Jafnframt var ákveðið að ganga til
samninga við félagið um yfirtöku á
tilteknum eignum og sérfræðingum
falið að yfirfara og sannreyna end-
anlegan samning.
300 milljónir í bæjarsjóð
Þau drög að samningum sem gerð
hafa verið fela það í sér að Fasteign
hf. kaupir skólabygginguna í Sand-
gerði ásamt íþróttahúsi og sundlaug
og öðrum mannvirkjum á skólalóð
og samkomuhús bæjarins. Sam-
komuhúsið er í niðurníðslu og mun
Fasteign hf. gera það upp og ganga
frá lóð. Sömuleiðis mun félagið ráð-
ast í nýframkvæmdir og viðhald á
skólamannvirkjunum. Þannig verð-
ur framkvæmdum við skólann lokið
og gengið frá lóð hans. Gerður verð-
ur gervigrasvöllur á skólalóðinni og
sett nýtt gólf á sal íþróttahússins.
Áætlað er að þessar framkvæmdir
kosti Fasteignafélagið rúmar 100
milljónir kr.
Bæjarsjóður leggur 15% af sölu-
andvirði eignanna fram sem hlutafé
í Fasteign hf.
Komið hefur fram í bókunum á
fundum um málið að gert er ráð fyr-
ir að Sandgerðisbær fái um 300
milljónir kr. við yfirfærslu eignanna
til Fasteignar. Sigurður Valur Ás-
bjarnarson bæjarstjóri segir að þeir
fjármunir verði notaðir til að greiða
upp óhagstæðari lán sem bærinn
skuldi, meðal annars vegna Sand-
gerðishafnar. Sigurður Valur segir
að vonir séu bundnar við að við
þetta fyrirkomulag fáist betri vaxta-
kjör og að með þeirri sérhæfingu í
rekstri fasteigna sem verið sé að
koma á takist betur til um viðhald
viðkomandi eigna og það kosti
minna.
Aðildin að Fasteign hf. var sam-
þykkt með atkvæðum fulltrúa meiri-
hlutans, Samfylkingar og óháðra og
Sjálfstæðisflokks. Fulltrúar Fram-
sóknarflokks og Sandgerðislistans
greiddu atkvæði á móti.
Í bókun fulltrúa Framsóknar-
flokks kemur meðal annars fram að
framkvæmdirnar sem ráðist verði í
á skólalóð og við samkomuhúsið
kalli á aukin útgjöld og auknar
skuldir og þeirri skoðun jafnframt
lýst að nú þegar sé of langt gengið í
því. Bent er á að frá 1998 hafi tekjur
sveitarfélagsins aukist um 50% en
skuldir um 100%. „Það að selja og
endurleigja léttir greiðslubyrði bæj-
arins tímabundið en til langframa er
ávinningurinn enginn,“ segir í bók-
un framsóknarmanna.
Fulltrúi Sandgerðislistans segist
ekki sannfærður um að samning-
urinn verði Sandgerðisbæ til hags-
bóta. Hann sjái ekki stóran mun á
því að eiga eða leigja opinbert hús-
næði því í báðum leiðum felist
skuldbindingar og útgjöld fyrir bæj-
arsjóð. Erfitt sé að gera sér grein
fyrir því hvor leiðin sé hagkvæmari
til lengri tíma litið.
Fulltrúar meirihlutans vísuðu á
bug þeim skoðunum sem fram komu
í bókunum minnihlutans. Benda
þeir á að miklir möguleika séu fram-
undan í að greiða niður lán á næstu
árum, eða um og yfir fimmtíu millj-
ónir kr. á ári. Allt tal um skulda-
aukningu vegna aukins rekstrar sé
byggt á misskilningi eða sett fram
til að koma í veg fyrir eðlilega upp-
byggingu í Sandgerðisbæ. „Það vek-
ur furðu að bæjarfulltrúi í Sand-
gerðisbæ leggist gegn öllum
framfaramálum og allri uppbygg-
ingu í sveitarfélaginu,“ segir enn-
fremur í bókun meirihlutans en þar
er vísað til oddvita Framsóknar-
flokksins.
Bæjarstjórn Sandgerðis samþykkir aðild að Fasteignafélaginu Fasteign hf.
Selja skóla og
samkomuhús
Uppbygging: Samkomuhúsið verður endurbyggt í höndum nýrra eigenda.
Ofsahraði | Sextán ökumenn voru kærðir á
fimmtudag fyrir hin ýmsu brot á umferð-
arlögum í umdæmi lögreglunnar í Keflavík.
Meðal annars voru sex ökumenn kærðir
fyrir hraðakstur á Reykjanesbraut. Sá sem
hraðast fór var á 154 km þar sem hámarks-
hraði er 90 km. Einn ökumaður var kærður
fyrir hraðakstur á Grindavíkurvegi.
Sex ökumenn voru kærðir fyrir að vera
ekki með öryggisbelti við aksturinn og einn
fyrir að tala í farsíma við aksturinn án þess
að nota handfrjálsan búnað. Einn ökumaður
var kærður fyrir að aka hægra megin fram úr
bifreið á Reykjanesbraut.
Keflavík | Málmblásarakvintettinn
Kventett heldur tónleika í sýning-
arsal Listasafns Reykjanesbæjar í
Duushúsum á morgun, sunnudag,
klukkan 16. Kventett er fyrsti ís-
lenski málmblásarakvintettinn
sem eingöngu er skipaður konum.
Kventett er skipaður þeim Kar-
en Sturlaugsson trompetleikara,
Ásdísi Þórðardóttur trompetleik-
ara, Lilju Valdimarsdóttur horn-
leikara, Vilborgu Jónsdóttur bás-
únuleikara og Þórhildi
Guðmundsdóttur túpuleikara.
Tvær þeirra, Karn og Lilja, kenna
við Tónlistarskóla Reykjanesbæjar
þar sem Karen er aðstoðarskóla-
stjóri. Gestaspilarar á tónleikunum
eru Rebekka B. Björnsdóttir á
bassa og Þorvaldur Halldórsson á
slagverk.
Uppistaðan í efnisskrá tón-
leikanna er tónlist sem samin var
sérstaklega fyrir málmblásara-
kvintetta á 20. öldinni. „Við leit-
umst við að spila tónlist með léttu
yfirbragði og gjarnan með smá
jassívafi og því mun verkefnavalið
litast af því,“ segir í fréttatilkynn-
ingu Kventett um tónleikana.
Kventett með tónleika í Duushúsum
Kventett: Kvenblásararnir hafa æft af kappi fyrir tónleikana um helgina,
f.v. Þórhildur Guðmundsdóttir, Ásdís Þórðardóttir, Lilja Valdimarsdóttir,
Karen Sturlaugsson og Vilborg Jónsdóttir.
Fimm konur blása
Grindavík | Það tilheyrir á vorönn að gestagangur
sé mikill í skólum landsins.
Krökkunum í Grunnskóla Grindavíkur þótti ekki
leiðinlegt að fá jafn góðan gest og Kalla Bjarna
Idol-stjörnu í heimsókn og heyra hann syngja
nokkur lög.
„Það er búið að vera nóg að gera. Ég var að
hitta Þorvald, Vigni í Írafári og Eið í Skífunni
vegna plötunnar. Við hlustuðum á einhver 25 lög
og fundum mörg góð lög og þar á meðal voru tvö
eftir mig. Ég hef verið að kíkja í skólana og
syngja og í dag er ég einnig að gefa eiginhand-
aráritanir. Þetta tekur mikinn tíma því að ég vil
hafa
þetta persónulegt og skrifa því til viðkomandi og
frá Karli B.“, sagði Kalli Bjarni.
Stjarna kemur í heimsókn
Morgunblaðið/Garðar Páll Vignisson
Eiginhandaráritanir: Krakkarnir söfnuðust að Karli B. sem skrifaði kveðju til hvers og eins.
Keflavík | Samkomulag náðist um
einn lista við kjör stjórnar Spari-
sjóðsins í Keflavík á aðalfundi sem
haldinn var í Stapanum síðdegis í
gær. Þrír nýir menn koma í stjórn.
Óskað var eftir hlutfallskosningu
við stjórnarkjör í byrjun vikunnar og
tveir listar komu fram, listi stjórnar
og annað framboð. Forystumenn
Sparisjóðsins leituðu sátta og á aðal-
fundinum í gær voru báðir listarnir
dregnir til baka og einn listi lagður
fram. Var hann sjálfkjörinn.
Í stjórn eru Guðjón Stefánsson,
framkvæmdastjóri Samkaupa, Karl
Njálsson, útgerðarmaður, og Kristj-
án Gunnarsson, formaður Verka-
lýðs- og sjómannafélags Keflavíkur
og nágrennis. Karl var í fráfarandi
stjórn en Guðjón og Kristján eru ný-
ir fulltrúar. Í varastjórn voru kosnir
Eðvarð Júlíusson, formaður Lífeyr-
issjóðs Suðurnesja, Árni Björgvins-
son starfsmaður Sparisjóðsins og
Eysteinn Jónsson, aðstoðarmaður
landbúnaðarráðherra.
Sveitarfélögin skipa tvo menn til
viðbótar í stjórn. Óskar Gunnarsson,
formaður bæjarráðs Sandgerðis, tók
þar sæti á aðalfundinum. Þorsteinn
Erlingsson, bæjarfulltrúi í Reykja-
nesbæ, er þar fyrir.
Stjórnin skiptir með sér verkum á
fyrsta stjórnarfundi sem haldinn
verður síðar.
Samkomu-
lag við
stjórnarkjör