Morgunblaðið - 13.03.2004, Blaðsíða 46

MINNINGAR
46 LAUGARDAGUR 13. MARS 2004 MORGUNBLAÐIÐ
✝ Jón Jónassonfæddist á Ytri-
Kotum í Skagafirði
13. júlí 1909. Hann
lést á Heilbrigðis-
stofnun Sauðárkróks
fimmtudaginn 4.
mars síðastliðinn.
Foreldrar hans voru
Stefanía Sigurðar-
dóttir, f. 27.5. 1877,
d. 30.7. 1965, frá
Skagafirði og Jónas
Kristjánsson, f. 15.3.
1880, d. 9.8. 1964, frá
Skagafirði. Jón átti
fimm systkini, þau
eru: Egill, f. 1902, látinn, Ágústa,
f. 1904, Snorri, f. 1905, d. 1987,
Brynhildur, f. 1911, Magnús Þór-
ir, f. 1921, d. 2002.
Hinn 22 .júní 1941 kvæntist Jón
Oddnýju Bergsdóttur frá Kols-
stöðum í Hvítársíðu, f. 5.10. 1915,
d. 17.1. 2004. Foreldrar hennar
voru Kristín Þorkelsdóttir, f. 20.6.
1894, d. 25.11. 1981, frá Reykjavík
og Bergur Sæmundsson, f. 14.12.
1888, d. 27.12. 1915, frá Heiði á
Langanesi, fósturfaðir Sigurður
Guðmundsson, f. 8.4. 1888, d. 14.7.
1982, bóndi á Kolsstöðum í Hvít-
ársíðu. Jón og Oddný eignuðust
fimm börn. Þau eru: 1) Sigurður,
f. 1944, d. 1944. 2) Margrét, f.
1946, d. 1946. 3)Stefanía Kristín,
f. 1947, maki Gylfi Eiríksson, f.
1945, þau eiga þrjú börn, þau eru:
a) Sigríður, maki
Hannes Hauksson, þau
eiga þrjú börn; b)
Sverrir Jón; c) Eiríkur
Óli, sambýliskona Jó-
hanna Dögg Olgeirs-
dóttir. 4) Ágústa Sig-
rún, f. 1950, hún á þrjú
börn, þau eru: a) Jón
Oddur; b) Þorgerður
Eva, á hún eitt barn; c)
Þóra Björk, sambýlis-
maður Orri Hreins-
son. 5) Þorbjörg, f.
1956, maki Gísli Jón
Sigurðsson, f. 1954,
þau eiga þrjú börn,
þau eru: a) Orri Sigurður, sambýlis-
kona Guðrún Halldórsdóttir, þau
eiga tvö börn; b) Arnar Þór, sam-
býliskona Silja Ósk Birgisdóttir; c)
Erna Oddný.
Jón ólst upp í Skagafirði, sem
ungur maður var hann lengi vinnu-
maður á Víðivöllum í Blönduhlíð,
fluttist síðan á Sauðárkrók og
bjuggu þau Oddný á Freyjugötu 44
þar til þau fóru á Heilbrigðisstofn-
un Sauðárkróks árið 2002. Jón
starfaði lengst af í Mjólkursamlag-
inu á Sauðárkróki, síðan sem um-
sjónarmaður við Heilbrigðisstofn-
unina á Sauðárkróki. Jafnframt
störfum sínum var hann alla tíð með
búskap og lengst af með hesta.
Útför Jóns fer fram frá Sauðár-
krókskirkju í dag og hefst athöfnin
klukkan 11.
Þó sorgin sé sár,
og erfitt við hana að una.
Við verðum að skilja,
og alltaf við verðum að muna
að Guð hann er góður,
og veit hvað er best fyrir sína.
Því treysti ég nú,
að hann geymi vel sálina þína.
Þótt farinn þú sért,
og horfinn ert burt þessum heimi.
Ég minningu þína,
þá ávallt í hjarta mér geymi.
Ástvini þína, ég bið síðan
Guð minn að styðja ,
og þerra burt tárin,
Ég ætíð skal fyrir þeim biðja.
(Bryndís Jónsdóttir.)
Elsku pabbi minn, þakka þér fyr-
ir allt sem þú gerðir fyrir mig, allt-
af svo ljúfur og góður.
Þú varst einstakur afi og er það
góð minning fyrir börnin mín hvað
þú varst viljugur og vildir allt fyrir
þau gera. Þakka þér fyrir allar
góðu stundirnar og hvað við vorum
alltaf velkomin til ykkar.
Ég kveð þig með söknuði.
Þín
Þorbjörg.
Á Sauðárkróki er látinn tengda-
faðir minn Jón Jónasson. Góður og
traustur vinur hefur yfirgefið þessa
jarðvist. Hann var búinn að skila
sínu ævistarfi, þreyttur en sáttur
við allt og alla. Þegar Oddný eig-
inkona hans lést í janúar síðast-
liðnum, sáum við sem til þekktum
að stutt yrði á milli þeirra heið-
urshjóna.
Á tímamótun sem þessum leita
margar góðar minningar á hugann.
Ég kynntist Jóni fyrir tæpum þrjá-
tíu árum. Ég var þá að hefja sam-
búð með Þorbjörgu, dóttur hans.
Jón tók mér með hlýju handtaki,
ungum og óreyndum manni. Við
tókum tal saman, ræddum landsins
gagn og nauðsynjar og fengum
okkur í nefið. Þegar afabörnin
komu til sögunnar þótti honum
gaman að þau fengju í nefið og
fylgdu því alltaf smá skemmtileg-
heit og sagði hann við þau að það
væri hraustleikamerki að taka í
nefið. Ég fann fljótt að Jón var vel
lesinn, hafði ákveðnar skoðanir og
var fastur fyrir. Hann var prúður
maður og snyrtilegur, vildi hafa allt
í röð og reglu. Bjó konu sinni og
dætrum gott og hlýlegt heimili,
reyndist dætrum sínum mildur og
góður faðir. Á heimili þeirra var
ætíð gestkvæmt og höfðinglegar
móttökur biðu allra sem þangað
komu jafnt í mat og gistingu.
Jón hafði gaman af búskap og
var með kindur og hesta á húsi. En
síðari ár átti hann einungis hesta
og hafði mikla ánægju af þeim.
Þessu fylgdi heyskapur sem okkur
þótti sjálfsagt og gaman að taka
þátt í. Margar ferðir voru farnar
upp á Heiði þar sem hestarnir voru
í sumarhaga. Var með ólíkindum
hvað hrossin þekktu Jón úr mikilli
fjarlægð, það var nóg að flauta og
láta skrjáfa í brauðpoka, hann kall-
aði til þeirra og nánast á sama and-
artaki voru þau komin til hans.
Þessi minning er mér ógleymanleg.
Jón var mikill og góður spilamað-
ur. Hann spilaði bridge til margra
ára, bæði í keppni og leik. Á seinni
árum var það mikil dægrastytting
hjá þeim hjónum að spila við sína
nánustu og við hvort annað.
Genginn er góður vinur, góður
tengdafaðir, góður afi og þakka ég
honum samfylgdina og hlýju til
fjölskyldu minnar alla tíð.
Ég vil votta fjölskyldunni mína
dýpstu samúð. Lifið í Guðs friði.
Gísli Jón Sigurðsson.
Elsku afi minn, nú er komið að
kveðjustundinni. Þú kveður aðeins
einum og hálfum mánuði á eftir
ömmu. Það var svo gott að koma til
ykkar, þið voru svo hlý og góð. Ég
ólst upp að hluta hjá ykkur og mér
þótti svo vænt um þegar þú sagðir
kvöldið sem amma var jörðuð að
þið ættuð svo mikið í mér og ykkur
þætti svo vænt um mig. Þið vilduð
allt fyrir mig gera og hjá ykkur átti
ég herbergi sem var alltaf tilbúið á
vorin. Þú varst mér meira en bara
afi, þú varst mér faðir þegar ég
dvaldi hjá ykkur. Stundum kom ég
í rútu til ykkar og þá sóttir þú mig í
Varmahlíð. Það fór aldrei á milli
mála að þú varst kominn því þú
keyrðir Löduna þína alltaf í fyrsta
eða öðrum gír. Oft fór ég með þér
upp í Heiði þar sem þú geymdir
hestana þína og þá kom Ljóska
alltaf hlaupandi því hún þekkti
hljóðið og flautið í bílnum þínum.
Hún vissi að þú komst með brauð
og rúgbrauð að gefa þeim. Hest-
arnir þínir voru vel aldir og þú
varst stoltur af þeim. Þú varst
stoltur þegar sögð var sagan um
hestinn Stjörnu en hún var valin
sem brúðargjöf til Danadrottningar
frá íslensku þjóðinni á sínum tíma.
Þú áttir líka kindur og fór ég oft
með þér út á tún að gefa þeim og
heyja. Þér fannst gaman að spila og
snemma kennduð þið amma okkur
að spila vist. Eftir að ég eignaðist
mína fjölskyldu fór ég reglulega til
ykkar og eiga Guðlaug Edda og
Stefanía Ýr góðar minningar um
þig og ömmu. Þú sást Ívar Andra,
litla strákinn minn, í fyrsta skipti
nú í janúar. Hann tók í puttana á
þér og lék sér í þeim og þú brostir
og talaðir um að hann væri mynd-
arstrákur.
Elsku afi, ég vil þakka þér fyrir
allar stundirnar sem við áttum
saman og ég mun varðveita minn-
ingar mínar um þig í hjarta mínu.
Hvíldu í friði, elsku afi minn.
Þín
Sigríður.
Elsku afi, ég vil þakka þér hvað
þú varst alltaf góður við mig og
hafðir alltaf tíma fyrir mig. Alltaf
þegar ég kom fórum við saman í
hesthúsin að gefa hestunum og í
Kaupfélagið að kaupa ýmislegt fyr-
ir ömmu. Ég hlakkaði alltaf til að
koma til ykkar og vera hjá ykkur.
Takk fyrir allar góðu stundirnar
sem við áttum saman.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Guð geymi þig, elsku afi minn.
Þín afastelpa,
Erna Oddný.
Elsku afi, mig langar að minnast
góðu stundanna sem við áttum þeg-
ar ég kom norður, þú tókst alltaf
rosalega vel á móti mér. Við fórum
upp í hesthús eða upp á heiði að
kíkja á hestana. Við fengum alltaf
brauð hjá ömmu til að gefa hest-
unum en við stálumst líka til að
taka nýtt rúgbrauð með okkur og
svo var keyrt upp á heiði á Lödunni
þinni. Þegar þangað var komið þá
flautuðum við bara og hestarnir
þekktu hljóðið í bílnum og komu
hlaupandi til þín. Ég man líka eftir
því þegar ég fékk að fara með hest-
ana frá gamla sýslumannshesthús-
inu og út á tún hjá þér, hvað mér
þótti það gaman að fá að teyma
hestana þína í gegnum bæinn. Ég
heyjaði svo með þér spítalabrekk-
una og ekki þótti mér það leiðinlegt
en erfitt var það því hún var mjög
brött. Svo voru nú mörg kvöldin
sem fóru í spilamennsku, við spil-
uðum oftast vist og þá spiluðum við
tveir saman og svo spiluðum við
líka marías.
Guð geymi þig, afi, og megið þið
amma hvíla í friði saman.
Sverrir Jón Gylfason.
Elsku langafi. Ó, hvað ég sakna
þín sárt. Nú eruð þið langamma
bæði dáin. Það var alltaf svo gaman
þegar ég sat á hnjánum á þér og þú
sagðir: Þú ert Tralli, en þá sagði ég
nei, þú ert Tralli. Ég man þegar ég
kom á Sauðárkrók á Freyjugötuna
og fór í róluna og ég hló og hló.
Hvíldu í friði. Hér er bæn til þín frá
mér.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson.)
Hittumst uppi á himnum.
Þín
Guðlaug Edda.
JÓN
JÓNASSON
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein. Greinarhöfundar eru beðnir að hafa skírnarnöfn sín en ekki
stuttnefni undir greinunum.
Ástkær móðir okkar, tengdamóðir, amma,
langamma, og langalangamma,
LAUFEY JAKOBSDÓTTIR
Hrafnistu, Reykjavík,
áður Grjótagötu 12,
verður jarðsungin frá Víðistaðakirkju í Hafnar-
firði mánudaginn 15. mars kl. 13.30.
Blóm og kransar vinsamlega afþakkaðir, en
þeim, sem vilja minnast hennar, er bent á
líknarstofnanir.
Edda Magnúsdóttir, Páll Jónsson,
Inga Magnúsdóttir, Birgir Björnsson,
Erlendur Finnbogi Magnússon,
Elín Björg Magnúsdóttir, Finnur Torfi Hjörleifsson,
Sigurbjörg Kristín Magnúsdóttir,
Helga Hafdís Magnúsdóttir, Hinrik Einarsson,
Jakob Skafti Magnússon,
Þorleifur Magnús Magnússon, Guðlaug Steinsdóttir,
barnabörnin og fjölskyldur þeirra.
Hjartans þakkir til allra þeirra sem sýndu okkur
samúð, vináttu og hlýhug við andlát og útför
móður okkar, tengdamóður, ömmu og lang-
ömmu,
JÓNASÍNU BJARNADÓTTUR,
Þyrli.
Sérstakar þakkir til starfsfólks dvalarheimilis-
ins Höfða á Akranesi.
Kristján Þorsteinsson, Guðríður Sveinsdóttir,
Böðvar Þorsteinsson, Ásrún Jóhannesdóttir,
Bjarni Þorsteinsson,
Sigríður Þorsteinsdóttir, Örn Hauksson,
barnabörn og barnabarnabörn.
Ástkær eiginkona mín, dóttir okkar, systir,
mágkona, frænka, barnabarn og tengdadóttir,
ÁSTA SYLVÍA BJÖRNSDÓTTIR,
Eskihlíð 35,
Reykjavík,
sem lést á Heilbrigðisstofnuninni Sauðárkróki
miðvikudaginn 3. mars, verður jarðsungin
frá Sauðárkrókskirkju laugardaginn 20. mars
kl. 14.00.
Þeim, sem vilja minnast hennar, er bent á Krabbameinsfélgið.
Kristján Örn Jóhannesson,
Oddný Finnbogadóttir, Björn Friðrik Björnsson,
Emma Sigríður Björnsdóttir, Iain D. Richardson,
Alma Emilía Björnsdóttir og systrabörn,
Emma Hansen,
Friðrik J. Friðriksson,
Þóra Kristjánsdóttir.
Innilegar þakkir til allra þeirra, er sýndu okkur
vináttu og hlýju við andlát og útför okkar ást-
kæra,
BJARNA M. SIGMUNDSSONAR,
Þastarima 7,
Selfossi.
Guðný M. Bergsteinsdóttir,
Bergrún Bjarnadóttir, Guðmundur Guðmundsson,
Magnea Bjarnadóttir, Sigurbjörn T. Gunnarsson,
María E. Bjarnadóttir, Guðmundur Magnússon,
barnabörn og barnabarnabarn.
Öllum þeim fjölmörgu sem auðsýndu okkur
vináttu, hlýhug og samúð vegna fráfalls föður
okkar, tengdaföður, afa, langafa og sambýlis-
manns,
SIGURFINNS EINARSSONAR,
Vestmannaeyjum,
sem lést mánudaginn 23. febrúar, færum við
bestu þakkir. Sérstakar þakkir til starfsfólks
Hraunbúða svo og Heilbrigðisstofnunar Vestmannaeyja
fyrir einstaka umönnun. Guð blessi ykkur öll.
Fyrir hönd fjölskyldunnar,
Sigurfinnur Sigurfinnsson.