Morgunblaðið - 13.03.2004, Blaðsíða 8
FRÉTTIR
8 LAUGARDAGUR 13. MARS 2004 MORGUNBLAÐIÐ
Nei, nei Sigga, þú átt ekki að hlusta á blaðrið, það er plommpið. Hann hefur svo dásamlegt
plommp, plommp.
Háskólakynningin 2004
Mikil orka og
eftirvænting
Allir hérlendu skól-arnir sem bjóða núupp á nám á há-
skólastigi kynna valkosti
sína á sameiginlegri kynn-
ingu nú um helgina. Af því
tilefni ræddi Morgunblað-
ið við Björk Håkansson,
sem starfar hjá markaðs-
og kynningardeild Há-
skóla Íslands, en kynning-
in fer fram á umráðasvæði
skólans.
– Segðu okkur fyrst frá
stað og stund …
„Háskólakynningin fer
fram á svæði Háskóla Ís-
lands á morgun, sunnu-
daginn 14. mars kl. 11–17.
Allir háskólar á landinu
standa að þessari kynn-
ingu þ.e. Garðyrkjuskól-
inn, Háskólinn á Akureyri,
Háskólinn í Reykjavík, Háskóli
Íslands, Hólaskóli, Kennarahá-
skóli Íslands, Landbúnaðarhá-
skólinn á Hvanneyri, Listaháskóli
Íslands, Tækniháskóli Íslands og
Viðskiptaháskólinn á Bifröst.“
– Er þetta orðið að föstum lið í
skólastarfinu hér á landi?
„Já, það er komin viss hefð á
kynningu á námsframboði háskól-
anna. Hún hefur verið til í ýmsum
myndum í gegnum árin og verður
stöðugt umfangsmeiri, eftir því
sem skólunum fjölgar. Háskólarn-
ir eiga jafnframt í góðu samstarfi
við framhaldsskólana um þennan
viðburð, til þess að hann nýtist
nemendum þeirra sem best, og
gera til dæmis námsráðgjafar
framhaldsskólanna ráð fyrir þess-
ari kynningu í sínu skipulagi.
En það eru ekki einungis fram-
haldsskólanemar sem sækja
kynninguna, hingað kemur fólk á
öllum aldri, jafnvel heilu fjölskyld-
urnar. Af þeim sem skrá sig í há-
skóla ár hvert er aðeins um 65%
að koma beint úr framhaldsskól-
um. Allir hinir er fólk á öllum aldri
og það er í takt við tímann, sam-
félagið þarf á háskólamenntuðu
fólki að halda.“
– Hvað eru þetta margir há-
skólar?
„Í dag eru skólar á háskólastigi
10 talsins, sá nýjasti er Garð-
yrkjuskólinn. Skiptingin milli höf-
uðborgar og landsbyggðar er
hnífjöfn, 5 eru í Reykjavík en 5 á
Norður- og Vesturlandi.“
– Hvernig verður kynningin
sett upp?
„Hver háskóli verður með til-
tekið svæði á kynningunni og þar
munu fulltrúar skólanna, kennar-
ar, nemendur og námsráðgjafar
taka á móti gestum, svara fyrir-
spurnum og miðla upplýsingum
og kynningarefni. Leiðbeiningar
um staðsetningu hvers skóla og
námsgreinarnar sem þeir bjóða
verður dreift á kynningarsvæðinu
auk þess sem ýmsar hagnýtar
upplýsingar varðandi kynninguna
er að finna á vefslóðinni www.ha-
skolar.is“
– Er hægt að segja frá ein-
hverju nýju eða athyglisverðu?
„Allir skólarnir brydda upp á
einhverjum nýjungum,
Viðskiptaháskólinn á
Bifröst býður til dæmis
nýtt meistaranám í
mennta- og menning-
arstjórnun og lögfræði,
við Háskólann á Akur-
eyri verður nú í fyrsta
sinn diplómanám í frumkvöðla-
fræði og kennsla er að hefjast í
samfélags- og hagþróunarfræði
og fjölmiðlafræði. Hvað varðar
nýjungar við Tækniháskólann má
nefna fjarnám í iðnfræði og fjar-
nám er að hefjast í rekstrardeild
og við Háskólann í Reykjavík
verður í fyrsta sinn í boði tungu-
málatengt viðskiptanám. Listahá-
skólinn fitjar nú upp á kennara-
réttindanámi fyrir tónlistarfólk og
mun kynna nýtt fræðinám í leik-
listardeild sem nefnist Fræði og
framkvæmd. Hvað varðar nýjung-
ar við Háskóla Íslands kemur mér
í hug safnfræði, menningarfræði,
upplýsingatækni í heilbrigðisvís-
indum og heilsuhagfræði. Þetta
voru bara nokkur dæmi um þær
nýjungar sem verða kynntar 14.
mars og er þá ótalið allt sem há-
skólinn á Hólum, Landbúnað-
arháskólinn á Hvanneyri og Garð-
yrkjuskólinn hafa nýtt á sinni
námskrá.“
– Er aðsókn á svona kynningar
góð og standa þær undir vænting-
um?
„Mikil aðsókn hefur verið á há-
skólakynninguna og hún eykst ár
frá ári. Þarna gefst tilvonandi há-
skólastúdentum tækifæri til þess
að ná persónulegu sambandi við
bæði kennara og nemendur, þeir
hafa möguleika á að bera saman
námsleiðir milli skóla og geta
safnað miklu magni kynningar-
efnis og upplýsinga á einum stað.
Það er ekki annað að sjá en að
gestir séu hæstánægðir með þetta
fyrirkomulag, stemningin er ein-
stök. Það er mikil orka og eftir-
vænting á svona stað, þar sem fólk
er að taka stórar ákvarðanir um
framtíðina.“
– Hvernig kemur það út að
þessir samkeppnisaðilar samein-
ist á þennan hátt?
„Sameiginleg kynn-
ing háskólanna er fyrst
og fremst hugsuð sem
þjónusta fyrir tilvon-
andi nemendur og sam-
starfsnefndin sem
stendur að kynning-
unni er einfaldlega
þeirra skoðunar að sú þjónusta sé
best veitt með því að standa sam-
an að viðburðinum. Hvað sam-
keppnina varðar þá er hún vissu-
lega fyrir hendi, það er alveg ljóst.
Í þessu samhengi má samt ekki
gleyma því að milli háskólanna er
einnig mikið samstarf með einum
eða öðrum hætti.“
Björk Håkansson
Björk Håkansson er Reykvík-
ingur af sænsku bergi brotin.
Hún lauk BA-prófi í fjölmiðla-
fræðum frá Háskólanum í Ála-
borg í Danmörku og MA-námi í
milliríkjasamskiptum frá West-
minster-háskólanum í Lund-
únum. Björk starfar nú sem
verkefnastjóri í markaðs- og
samskiptadeild Háskóla
Íslands.
Sambýlismaður er Þiðrik Ch.
Emilsson kvikmyndagerð-
armaður og eiga þau samanlagt
þrjú börn, Freyju, Diljá og
Hákon.
Ekki einungis
framhalds-
skólanemar
sem sækja
kynninguna
„MIKLUM áfanga er náð í okkar
réttindabaráttu,“ segir Kjartan
Kristjánsson, sjóntækjafræðingur
og eigandi Optic Studíó, sem fagnaði
á fimmtudagsmorgun ásamt starfs-
fólki sínu, samþykkt Alþingis á lög-
um sem gera sjóntækjafræðingum
kleift að stunda sjónmælingar.
„Starfsréttindabarátta okkar er
nánast á enda, því við erum búin að
fá þessi lög samþykkt og getum farið
að starfa eins og kollegar okkar á
Norðurlöndum, um það vorum við
fyrst og fremst að biðja, enda höfum
við menntunina til þess,“ segir hann.
Alþingi samþykkti lögin, með öll-
um greiddum atkvæðum, hinn 8.
mars síðastliðinn og taka þau gildi
15. júní næstkomandi. „Við væntum
þess að reglugerðir með lögunum
verði með sama hætti og í nágranna-
löndum okkar þar sem við sóttum
okkar nám. Það má segja að sjón-
mælingar hafi verið stundaðar hér á
landi í mörg ár, því aldrei hefur verið
amast við því að fólk fengi mælingu
fyrir linsum hjá sjóntækjafræð-
ingum,“ segir Kjartan.
Sjóntækjafræðingar hér á landi
eru um 50 talsins. „Margir eru búnir
að vera með þessa menntun til
margra ára en hafa mátt búa við það
að geta ekki starfað við sitt fag. Við
fögnum því að sjá fyrir endann á því.
Það má kannski segja að þetta hafi í
sjálfu sér verið mjúk og góð lending,
því á tímabili virtist vera harka í
þessu, en í raun varð nokkuð góð
sátt um málið,“ segir hann.
Morgunblaðið/Jim Smart
Sjóntækjafræðingar fögnuðu samþykkt laga á Alþingi sem gefa þeim réttindi til sjónmælinga.
Miklum áfanga náð í réttinda-
baráttu sjóntækjafræðinga
HÆSTIRÉTTUR hefur ómerkt
dóm Héraðsdóms Reykjavíkur frá
30. júní 2003 og vísað honum heim í
hérað til munnlegs málflutnings og
dómsálagningar, en málið höfðaði
Júlíus Sólnes, prófessor í verkfræði
við HÍ, gegn íslenska ríkinu og HÍ.
Stefnandi krafðist endurgreiðslu á
128 þúsund krónum sem teknar
höfðu verið af honum til greiðslu
launatengdra gjalda, ásamt vöxtum.
Þá krafðist hann að viðurkennt yrði
að stefndu væri óheimilt að draga
launatengd gjöld, samtals 19,68% frá
úthlutunum til hans af heildarfram-
lagi ritlauna- og rannsóknasjóðs pró-
fessora, sem stofnaður var með
ákvörðun kjaranefndar 2. júlí 1998.
Meginmálsástæða stefnanda var
sú að launatengdu gjöldin væri gjöld
sem stefnu bæri að greiða án frá-
dráttar frá launum hans og væru
gjöldin því honum óviðkomandi. Með
þessu væri hann sem launþegi látinn
bera gjöld sem hann ætti ekki að
greiða heldur stefndu, launagreið-
endur hans. Fyrir því væri engin
lagaheimild. Héraðsdómur hafnaði
þessari málsástæðu og komst að
þeirri niðurstöðu að kjaranefnd hefði
verið skylt að sjá til þess að launa-
tengdum gjöldum væri skilað til lög-
mætra viðtakanda af þeim fjármun-
um sem hún úthlutaði sem launum
og námu árlegu ráðstöfunarfé henn-
ar.
Hæstiréttur segir í dómi sínum að
skort hafi á í héraðsdómi að tekin
hafi verið rökstudd afstaða til ann-
arra málsástæðna stefnanda. Ekki
heldur hafi verið tekin afstaða til
varakröfu hans. Samkvæmt því var
dómurinn talinn vera þeim ann-
mörkum háður að ekki yrði hjá því
komist að ómerkja hann og vísa mál-
inu aftur heim í hérað.
Málið dæmdu hæstaréttardómar-
arnir Gunnlaugur Claessen, Garðar
Gíslason, Ólafur Börkur Þorvalds-
son og Pétur Kr. Hafstein og Þor-
geir Ingi Njálsson héraðsdómari.
Atli Gíslason hrl. og Guðmundur B.
Ólafsson hdl. fluttu málið fyrir stefn-
anda og Skarphéðinn Þórisson hrl.
og Jón R. Pálsson hdl. fyrir stefnda
ríkið, og Hörður Felix Harðarson
hrl. fyrir stefnda HÍ.
Dómur í máli prófessors ómerktur