Morgunblaðið - 14.03.2004, Blaðsíða 2

FRÉTTIR
2 SUNNUDAGUR 14. MARS 2004 MORGUNBLAÐIÐ
Framtalsaðstoð
Annast framtalsaðstoð
fyrir einstaklinga
með og án reksturs.
Annast einnig
frestbeiðnir.
Pantið tímanlega
í síma 511 2828 eða með
tölvupósti bergur@fiton.is
Skattaþjónustan ehf.
Bergur Guðnason hdl.
Garðastræti 37 – Sími 511 2828
FÓRNARLÖMB JARÐSETT
Fjöldi manns var viðstaddur útför
margra fórnarlamba hryðjuverk-
anna í Madríd sem fram fór í gær.
Talið er að allt að 12 milljónir manna
hafi tekið þátt í útifundum, sem
haldnir voru um landið allt á föstu-
dag til að minnast hinna látnu og
sýna samstöðu gegn árásarmönn-
unum. 200 manns eru látnir og yfir
1500 særðust í sprengingunum á
fimmtudag. Enn er óljóst hvort að-
skilnaðarsamtök Baska, ETA, eða
íslömsku samtökin al-Qaeda bera
ábyrgð á hryðjuverkunum.
Töpuðu 1.240 milljónum
Tap fjögurra stærstu fyrirtækj-
anna í kjúklingarækt nam um 1.240
milljónum króna á árunum 2000–
2002. Endanlegar tölur um tap fyr-
irtækjanna í fyrra liggja ekki fyrir
en ljóst er að það er mikið. Fyr-
irtæki í svínarækt töpuðu einnig
miklum fjármunum í fyrra.
Öryggisstígvél hefðu bjargað
Öryggisstígvél hefðu getað komið
í veg fyrir að sjómaður, sem lenti í
vinnuslysi á sjó í janúar sl., missti
vinstri fót sinn. Minnstu munaði að
hann missti hægri fótinn líka en von-
ir eru bundnar við að hægt verði að
koma í veg fyrir það. Sjómaðurinn
vill að notkun slíkra öryggisstígvéla
á sjó verði lögleidd.
Hvetja til stil l ingar
Ríkisstjórn Suður-Kóreu hélt í
gær neyðarfund og hvatti lands-
menn til að sýna stillingu en þingið
svipti á föstudag forseta landsins,
Roh Moo-hyun, embætti vegna
meintra brota á stjórnarskrá, van-
hæfni og spillingar. Mörg þúsund
manns söfnuðust saman fyrir utan
þinghúsið á föstudagskvöld til að
mótmæla ákvörðun þingsins.
Fleiri flugferðir frá Japan
Leiguflugferðir frá Japan hingað
til lands á vegum ræðismanns Ís-
lands í Tókýó verða átta eða tíu tals-
ins í ár en í fyrra skipulagði hann
þrjár slíkar ferðir. Hann segist vona
að þetta verði upphafið að beinu
flugi milli landanna á næstu árum.
Vilja óháða stjórnarmenn
Æskilegt er að meirihluti stjórnar
í hlutafélögum sé óháður félaginu.
Þetta er mat Verzlunarráðs Íslands,
Kauphallar Íslands og Samtaka at-
vinnulífsins. Að auki telja þessir að-
ilar æskilegt að a.m.k. tveir stjórn-
armanna séu óháðir stórum
hluthöfum í félaginu.
Y f i r l i t
Í dag
Sigmund 8 Hugvekja 55
Skissa 6 Myndasögur 56
Listir 34/35 Bréf 56/57
Af listum 34 Dagbók 58/59
Forystugrein 36 Auðlesið 60
Reykjavíkurbréf 36 Leikhús 62
Minningar 42/44 Fólk 62/69
Skoðun 44/47 Bíó 66/69
Umræðan 48/49 Sjónvarp 70
Þjónusta 53 Veður 71
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
AUGNALOKIN voru orðin ansi
þung undir það síðasta hjá krökk-
unum í 5. flokki í handbolta í
Íþróttafélagi Reykjavíkur, en þeir
spiluðu handbolta alla aðfaranótt
laugardagsins og fóru ekki að
sofa fyrr en í gærmorgun. Hand-
boltamaraþonið var fjáröflun fyrir
krakkana, en þeir eru að safna
fyrir Húsavíkurferð í apríl, þar
sem þeir koma til með að keppa
við jafnaldra sína víðsvegar að af
landinu í handbolta. Alls tóku um
50 krakkar þátt í maraþoninu.
Þeim var skipt í sex blönduð lið
og var spiluð tvöföld umferð,
þannig að hvert lið lék tíu leiki.
Þá keppti blandað lið krakka á
móti liði foreldra og þjálfara rétt
eftir miðnætti og fóru leikar
þannig að lið foreldranna hafði
betur. Þá voru nokkrar víta-
keppnir teknar og klukkan tvö um
nóttina snæddu krakkarnir pítsur.
„Allir voru orðnir frekar lúnir
og þreyttir undir lokin. Þetta var
orðið gott í restina, þetta var al-
veg í það lengsta,“ segir Hilmar
Guðlaugsson, þjálfari 5. flokks
kvenna, en alls spiluðu krakkarnir
í tíu klukkutíma. Eftir helgina
kemur í ljós hversu mikið safn-
aðist, en krakkarnir fóru í fyr-
irtæki og söfnuðu áheitum.
Hilmar segir að nokkrir hafi
tekið með sér kodda og teppi og
gátu þannig fengið sér kríu á milli
leikja, en þó var aldrei nægur tími
til að sofa. „Það er frí í dag, hjá
stelpunum að minnsta kosti,“ seg-
ir Hilmar, þjálfari stelpnanna,
þegar hann er spurður hvort
krakkarnir verði ekki lengi að
jafna sig eftir að hafa vaka svona
lengi. Þau verða a.m.k. örugglega
búin að hvíla sig vel þegar þau
fara norður til Húsavíkur til að
keppa.
Morgunblaðið/Eggert
Spiluðu handbolta í tíu tíma
Klukkan 7 í gærmorgun höfðu krakkarnir í ÍR leikið handbolta í um níu tíma og sýndu margir þreytumerki.
EKIÐ var á gangandi vegfar-
anda um fertugt þar sem hann
fór yfir Hringbraut um kl. 9 í
gærmorgun. Meiðsli hans eru
ekki talin alvarleg. Að sögn lög-
reglu var maðurinn sem ekið
var á grunaður um ölvun, og
var blóðsýni sent til rannsókn-
ar. Atvikið varð um 100 metr-
um frá ljósastýrðri gangbraut.
Ekið á
gangandi
vegfaranda
TVEIR menn reyndu að brjót-
ast inn í íbúð á fyrstu hæð í
fjölbýlishúsi í Keflavík um sjö-
leytið í gærmorgun. Kona sem
svaf í íbúðinni vaknaði við inn-
brotið og hringdi á lögreglu, en
þegar lögregla kom á staðinn
voru mennirnir hlaupnir á
brott.
Lögregla segir grun beinast
að tveimur mönnum vegna at-
viksins, en hún hafði afskipti af
öðrum mannanna skömmu síð-
ar. Lögreglan telur að menn-
irnir hafi verið verulega ölvaðir
þegar þeir reyndu innbrotið í
íbúðina, en konan sem býr þar
þekkti mennina ekki.
Þá var framin líkamsárás
fyrir utan skemmtistað í Kefla-
vík um sexleytið í gærmorgun
og hópslagsmál urðu við veit-
ingastað í bænum. Eftir slags-
málin var óskað eftir sjúkrabíl
á staðinn vegna manns sem
hafði hlotið áverka í þeim.
Reyndu
innbrot
í ölæði
BJÖRGUNARAÐGERÐIR á
strandstað fjölveiðiskipsins Bald-
vins Þorsteinssonar voru í biðstöðu
fram eftir degi í gær og var þess
beðið að veður lægði. Voru þyrlur
Landhelgisgæslunnar og varn-
arliðsins til taks til að aðstoða við
björgun skipsins.
Dráttartaug sem nota á til að
draga skipið af strandstað er kom-
in um borð í norska björg-
unarskipið, og er stefnt á að fara
með taug um borð í Baldvin með
þyrlu Landhelgisgæslunnar.
Allir björgunarmenn voru kall-
aðir burtu úr Meðallandsfjörum í
gærmorgun enda veður á staðnum
afleitt. Hópurinn beið af sér veðrið
við Bakkakot. Beljandi sandbylur
var á strandstaðnum klukkan sjö í
gærmorgun. Varla var stætt í fjör-
unni og þar að auki ausandi rign-
ing.
Lögregla lokaði veginum frá
Bakkakoti niður að strandstað,
víða á afleggjaranum var mikill
vatnselgur og farið að verða þung-
fært.
Baldvin Þorsteinsson hafði lítið
hreyfst um nóttina.
Veður hamlaði
björgunarstarfi
Morgunblaðið/Jónas Erlendsson
Rok, rigning og sandbylur var í Meðallandsfjörum í gærmorgun. Ýtu- og
gröfumenn frá fyrirtækinu Nesey biðu í vari við bíla og tæki.
FORMLEGAR viðræður Starfs-
greinasambandsins (SGS) við ríkið
hefjast á ný eftir helgi hjá ríkissátta-
semjara. Björn Snæbjörnsson, for-
maður samninganefndar SGS, segir
að hlé hafi verið gert á viðræðunum
vegna samningsins við Samtök at-
vinnulífsins (SA) um síðustu helgi.
„Við ætlum að keyra á þetta aftur
og athuga hvort við sjáum ekki til
lands,“ segir Björn.
Björn segir ágætlega hafa miðað í
viðræðunum þar til að hlé var gert.
Ákveðin bið hafi verið eftir niður-
stöðu í almennu samningunum við
SA og „stóru málin“ að mestu leyti
verið órædd.
Spurður segir Björn helstu kröfu
ófaglærðra ríkisstarfsmanna vera
jöfnun við sambærileg störf, bæði
varðandi launamál og lífeyrisrétt-
indi. Samræming fjölda sérsamn-
inga hafi gengið ágætlega en nú sé
komið að lokasprettinum.
Félagsmenn SGS hjá ríkinu eru á
fjórða þúsund talsins um allt land,
flestir hjá Landspítalanum og öðrum
heilbrigðisstofnunum á vegum ríkis-
ins, en einnig hjá t.d. Vegagerðinni,
Landgræðslunni og Skógræktinni.
Viðræður SGS við ríkið
hefjast á ný eftir helgi