Morgunblaðið - 14.03.2004, Blaðsíða 72

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 14. MARS 2004 VERÐ Í LAUSASÖLU 300 KR. MEÐ VSK.
DR. EYÞÓR Eyjólfsson, ræðismaður Ís-
lands í Tókýó, hefur unnið að flugrekstri og
ferðaþjónustu síðastliðið eitt og hálft ár. Í
haust sem leið skipulagði hann þrjú bein
leiguflug milli Tókýó og Keflavíkur. Mun
slíkum ferðum fjölga enn frekar á þessu
ári, úr þremur í átta eða tíu. Þetta kemur
fram í viðtali við Eyþór í Tímariti Morg-
unblaðsins í dag.
„Mér fannst þetta spennandi ... og for-
vitnilegt að reyna að selja sitt eigið land ...
Vonandi er þetta upphafið að beinu flugi
milli Japans og Íslands á næstu árum. Nú
hef ég líka stofnað ferðaskrifstofuna Is-
landia með þekktum ferðamálafrömuði í
Japan, Fumiyasu Sakata, og fyrrverandi
verkefnastjóri Ferðamálaráðs Skandinavíu
í Japan rekur fyrirtækið sem sér um ferðir,
bókanir og hótel. Einnig hef ég gefið út
ferðahandbók um Ísland á japönsku, þá
fyrstu sinnar tegundar. Aukningin hefur
orðið nokkur fyrir vikið og framhaldið lofar
góðu,“ segir Eyþór.
Japanar hafa áður hafnað loftferðasamn-
ingi við Íslendinga og er Eyþór spurður
hvort það sé rétt, að þeir vilji ekki eiga við-
skipti við smáþjóðir. „Ég myndi ekki taka
svo djúpt í árinni, en margir eru þessarar
skoðunar. Við erum ekki þeir einu sem vilj-
um fá loftferðasamning við Japana, það eru
35 þjóðir að reyna slíkt hið sama og flug-
vellir í Japan eru þéttsetnir.“
Morgunblaðið/Kristinn
Japönsku ferðamennirnir fóru beint í
Bláa lónið eftir flugferðina frá Japan.
Leiguflugferð-
um frá Japan
fjölgar úr
þremur í átta
 Tímaritið/10
LOÐNUSKIPIN sem legið hafa mestalla
vikuna í höfn í Vestmannaeyjum fóru að tín-
ast út í gærmorgun þrátt fyrir að veðrið hafi
ekki verið að fullu gengið niður og ekki hafi
fundist loðna.
„Við erum nýkomnir út,“ sagði Grímur
Jón Grímsson, skipstjóri á loðnuskipinu
Antares, þegar rætt var við hann rétt fyrir
klukkan 11.00. „Það er varla veiðiveður
ennþá, átta til níu vindstig, en það gæti ver-
ið ágætt í kverkinni hérna rétt austan við.
Eins hef ég heyrt að það sé betra fyrir vest-
an Eyjar. Hákon fann loðnu yfir leiðslunum
til Eyja í nótt en nú finnst ekkert en það er
fljótt að breytast.“
Brælan, sem nú sér loks fyrir endann á,
hefur staðið látlaust frá því á sunnudag en
Grímur segir að það sé ekkert einsdæmi.
„Ég er nú búinn að standa í þessu lengur en
elstu menn muna og þó þessi bræla sé búin
að vera óvenju lengi hefur þetta gerst áður.“
Loðnuskipin
tínast úr höfn
Morgunblaðið/Sigurgeir
Loðnuskipin lögðu hvert af öðru úr höfn
frá Vestmannaeyjum í gærmorgun.
„ÉG LAMAÐIST alveg, en hugsun
mín varð strax sú að ég ætlaði
ekki að fara í sjóinn með færinu,
þá vissi ég að allt væri búið.“
Þannig lýsir Sigmar Óttarsson
sjómaður fyrstu viðbrögðum sín-
um við því að hann festi vinstri
fótinn í færi þar sem hann var að
leggja net á netabátnum Eld-
hamri frá Grindavík hinn 4. jan-
úar síðastliðinn.
Í slysinu missti Sigmar vinstri
fótinn ofan við ökkla og hægri fót-
ur hans marðist og brotnaði svo
illa að minnstu munaði að taka
þyrfti hann líka. Um tíma var afar
tvísýnt um líf hans því slysið leiddi
m.a. til þess að annað lunga hans
féll saman og hann fékk gall-
blöðrubólgu.
Færið sem Sigmar festi fótinn í
var að hans sögn afar stíft og ekki
náðist að skera á það áður en það
fór fyrir borð. Það sem hins vegar
bjargaði honum var að hann hélt
sér af öllu afli við borðstokkinn
auk þess sem félagar hans komu
honum til hjálpar. Þegar loks
tókst að skera á færið var hann
búnn að missa annan fótinn.
„Vinstri fóturinn kubbaðist af en
sá hægri mölbrotnaði og marðist
svo illa að mjög tvísýnt hefur ver-
ið hvort ég héldi honum. Nú eru
allar líkur taldar á að svo verði,“
segir Sigmar.
Farinn að venja stúfinn
við gervifót
„Ég geri mér vonir um að halda
hægri fætinum og að hann verði
styrkur þegar hann er vel gró-
inn,“ heldur hann áfram en hann
er þegar farinn að venja stúfinn
við hulsu og gervifót sem sérfræð-
ingar frá stoðtækjafyrirtækinu
Össuri hafa smíðað fyrir hann.
Sigmari er mikið í mun að koma
þeim skilaboðum áleiðis til sjó-
manna að nota öryggisstígvél og
telur að þau hefðu breytt miklu
fyrir hann. „Ég var í linum stíg-
vélum þannig að ég gat ekki
smeygt mér úr stígvélinu. Hefði
ég verið í sérstaklega styrktum
öryggisstígvélum hefði ég getað
náð fætinum upp úr stígvélinu og
hefði ekki misst fótinn,“ segir
hann.
Sigmar Óttarsson missti vinstri fót í slysi í netabátnum Eldhamri
Vonast til að halda hægri fætinum
Morgunblaðið/Árni Sæberg
Sigmar segist þurfa að taka gervifótinn í sátt: „Skrýtið þykir mér þó að hann fær hvíld á nóttunni.“
 Öryggisstígvél/28
VERZLUNARRÁÐ Íslands, Kauphöll Íslands
og Samtök atvinnulífsins telja æskilegt að
meirihluti stjórnar í hlutafélögum sé óháður
félaginu. Að auki telja þessir aðilar æskilegt
að a.m.k. tveir stjórnarmanna séu óháðir
stórum hluthöfum í félaginu. Þetta kemur
fram í nýjum leiðbeiningum Verzlunarráðsins
um stjórnarhætti í fyrirtækjum, sem unnar
eru í samstarfi við Kauphöllina og SA. Leið-
beiningarnar verða kynntar opinberlega á
morgun, mánudag.
Í leiðbeiningunum kemur fram að skylda
stjórnar hlutafélags sé að hafa eftirlit með
þeim sem annast daglegan rekstur félagsins.
Því sé æskilegt að meirihluta stjórnar skipi
óháðir stjórnarmenn og að innan þess meiri-
hluta séu að minnsta kosti tveir stjórnarmenn
sem séu óháðir stórum hluthöfum í fyrirtæk-
inu. Er þá miðað við fimm manna stjórn.
Stjórnir meti sjálfar hvort
stjórnarmenn séu óháðir
Samkvæmt skilgreiningu í leiðbeiningunum
er stór hluthafi hver sá sem ræður yfir að
minnsta kosti 10% af heildarhlutafé í félaginu,
einn eða í samstarfi við sér nátengda aðila.
Stjórnarmaður telst óháður félagi ef hann er
t.d. ekki starfsmaður fyrirtækisins, þiggur
ekki greiðslur frá því, á ekki aðild að árang-
urstengdu umbunarkerfi og tengist ekki
stjórnendum fjölskylduböndum.
Lagt er til að stjórnir meti sjálfar hvort
stjórnarmaður sé óháður og skýri frá nið-
urstöðu sinni í ársskýrslu félagsins. Sé meiri-
hluti stjórnar ekki óháður félaginu sé mik-
ilvægt að þess sé getið í ársskýrslu.
Leiðbeiningar Verzlunarráðs, Kauphallarinnar og Samtaka atvinnulífsins
Æskilegt að meirihluti
stjórnarmanna sé óháður
PÁLMI Haraldsson, aðaleigandi
Fengs, gekk á föstudag frá kaup-
um Fengs á Skeljungi af KB
banka, en um-
svif hans í við-
skiptalífinu
hafa aukist
mjög á skömm-
um tíma. Pálmi
er einnig
stjórnarfor-
maður bresku
verslanakeðj-
unnar Julian
Graves, sem hann keypti í fyrra í
félagi við Baug. Í viðtali við
Morgunblaðið segir hann frá því
að sú keðja fari ört vaxandi og
nú séu uppi áform um að Julian
Graves yfirtaki aðra breska
verslanakeðju.
Pálmi keypti hlutabréf í Flug-
leiðum árið 2001 og er nú vara-
formaður félagsins eftir aðalfund
á fimmtudag. Í viðtalinu segir
hann einnig frá því að árið 2002
hafi hann reynt yfirtöku á Flug-
leiðum og gengi bréfanna þá hafi
aðeins verið brot af gengi þeirra
nú. Fyrirætlanir um yfirtöku hafi
strandað á því að bankarnir hafi
ekki haft næga trú á kaupunum.
Pálmi, sem er í stjórn Eim-
skipafélagsins, hyggst hætta í
stjórn þess á aðalfundi næstkom-
andi föstudag.
Hlutafé Skeljungs hefur skipt
ört um hendur á skömmum tíma
en í ágúst í fyrra stofnuðu KB
banki, Sjóvá-Almennar trygging-
ar og Burðarás hlutafélagið
Steinhóla sem keypti Skeljung
að fullu og skráði félagið af
markaði. Í lok janúar síðastliðn-
um eignaðist KB banki allt
hlutafé fyrirtækisins eftir að
Sjóvá-Almennar tryggingar og
Burðarás, sem hvort um sig áttu
25% hlutafjárins, seldu bankan-
um hluti sína. Nú er aftur kom-
inn nýr eigandi með kaupum
Fengs á Skeljungi.
„Við förum inn í Skeljung fyrst
og fremst vegna þess að við
sjáum þetta sem langtímafjár-
festingu,“ segir Pálmi sem bætir
því við að stefnt sé að því að losa
starfsemina við hliðarfjárfesting-
ar. „Við munum einbeita okkur
að kjarnastarfsemi félagsins,
sem er sala á eldsneyti og tengd-
um vörum.“
Pálmi Haraldsson hefur keypt
hlutabréf KB banka í Skeljungi
 Hlutirnir/24
Pálmi Haraldsson