Morgunblaðið - 14.03.2004, Blaðsíða 63
Scissor Sisters skipa DelMarquis, Ana Matronic,Jake Shears, Paddy Boomog Babydaddy, þrír homm-
ar og tvö gagnkynhneigð. Flest til-
heyrðu þau lista og/eða tískuheimi
New York og höfuðpaurinn Jake
Shears, sem semur öll lög sveit-
arinnar og textana með öðrum
liðsmönnum, tók þátt í ýmsum
uppákomum sem ætlað var að
hneyksla áhorfendur. Á einni slíkri
uppákomu hitti hann gamlan fé-
laga, Babydaddy, hljómborðsleik-
ara og framúrskarandi tónlistar-
forritara, en þeir höfðu kynnst í
Kentucky og slæpst saman um
hríð í Seattle áður en þeir héldu
til New York hvor í sínu lagi. Þeir
fóru að troða upp saman með
hljómborðastæðu og tölvur sér til
halds og trausts, meðal annars á
stað í austurbænum sem kallaðist
Knock Off. Nafnið sem þeir völdu,
Scissor Sisters, er New York-
slangur yfir lesbíur.
Skemmtanastjóri Knock Off
kallaði sig Matronic og var ekki
bara hugmyndarík og röggsöm
heldur einnig fyrirtaks plötusnúð-
ur. Eftir að hafa troðið upp á
staðnum nokkrum sinnum tókst
þeim að mana sig upp í að bjóða
henni að vera með í sveitinni sem
hún þáði. Þegar þeir spiluðu í
fyrsta sinn með henni voru á
staðnum Eigendur A Touch of
Class útgáfunnar og voru ekki
seinir á sér að gera við sveitina
samning um tvær smáskífur. Í
kjölfar þess breyttist sveitin í eig-
inlega hljómsveit; næstur inn var
gítarleikarinn Del Marquis og svo
Boom sem tók að sér slagverk.
Þegar hér var komið sögu, 2001,
var hljómborðahommadiskódúett-
inn orðinn að rokksveit, en þó
ólíkri flestum öðrum sveitum sem
nú eru starfandi, lögin hrein-
ræktuð popplög sem iðulega um-
myndast í súrt diskó eða fönkað
glysrokk; minnir um margt á
diskótímann en þó ekki bara diskó
heldur einnig ýmsar gerðir af
rokki og fönki sem þá voru uppi.
Fullt af fínum hugmyndum
Næstu tvö árin fóru í lagasmíð-
ar og upptökur. Fyrsta platan var
tekin upp heima hjá Babydaddy
og hljómar reyndar ótrúlega vel af
heimaupptöku að vera. Flestar
upptökurnar rötuðu á Netið og
hafa gengið þar á milli manna.
Platan sjálf er þó talsvert frá-
brugðin þeirri „plötu“ sem menn
hafa verið að senda sín á milli á
Netinu, hljómar miklu betur og
lagaskipan allt önnur. Hvert lag er
uppfullt af fínum hugmyndum, raf-
hljóð einkar vel valin og smáatriði
nostursamlega unnin. Mikið er líka
lagt í textana sem sumir eru
ádeilulegir, til að mynda Tits on
the Radio, þar sem fyrrverandi
borgarstjóri New York, Rudi Giul-
iani, sem þeir kalla Lady M (per-
sóna í skoska leikritinu sem farn-
ast illa), fær til tevatnsins fyrir
þvingunaraðgerðir gegn hommum
og klæðskiptingum sem hann stóð
fyrir. Í öðru lagi, Return to Oz,
harmar Shears það hvernig neysla
á metamfetamíni, crystal meth,
hefur spillt hommamenningu vest-
anhafs. Almennt eru textarnir þó
bráðfyndnir, oft sprenghlægilegir
og einkar lipurlega samdir.
Fyrsta smáskífa Scissor Sisters
var Laura, mikið stuðlag sem lof-
aði góðu, en lagið á b-hliðinni
vakti svo mikla athygli að það var
gefið út aftur og nú sem aðallag.
Þar var komin arfasnjöll útgáfa á
Pink Floyd-laginu Comfortably
Numb. Breskir tónlistarunnendur
og -blaðamenn tóku laginu og
sveitinni einna best, ekki í fyrsta
sinn sem bandarísk sveit slær
fyrst í gegn þar í landi. (Comfort-
ably Numb í flutningi Scissor Sist-
ers er á safnplötunni A Touch of
Class Sucks sem getið var um á
þessum stað fyrir jól.)
Sveitarmenn hafa skýringu á því
hvers vegna þeim hefur gengið
verr að koma sér á framfæri í
heimalandinu; vestanhafs séu allir
uppteknir af því að vera eins, í
kreppunni vilji plötufyrirtæki bara
gefa það út sem hafi selst áður og
ekki sé það svo til að bæta úr skák
að eftir að rekstur útvarpsstöðva
var gefinn algjörlega frjáls þá eru
nánast allar stöðvar í eigu sama
aðila og fyrir vikið allar eins.
„Kosturinn við Bretland og Evr-
ópu almennt er að fjölbreytnin er
meiri og fólk opnara fyrir nýj-
ungum, hefur meiri áhuga á tónlist
almennt. Heima ákveður fólk ekki
að kaupa disk eftir tónlistinni
heldur eftir fötunum sem söngv-
arinn var í á MTV eða hvort söng-
konan sýndi nógu mikið af brjóst-
unum.“
Sumir gagnrýnendur hafa haft á
orði að þessi frumraun Scissor Sis-
ters sé líkari smáskífusafnplötu en
eiginlegri breiðskífu sem skýrist
að vissu leyti af því hve lengi hún
var í smíðum, tekin upp í smápört-
um, en einnig er tónlistarsmekkur
liðsmanna sveitarinnar svo ólíkur
að hundrað stefnur fá að blómstra,
hundrað hugmyndir keppast um
athyglina í hverju lagi.
Tónlist á sunnudegi
Árni Matthíasson
Súrt diskó og
fönkað glysrokk
Bandaríska glysrokkfönkdiskósveitin Scissor Sist-
ers hefur vakið mikla athygli fyrir túlkun sína á
Pink Floyd-laginu Comfortably Numb. Á nýrri
skífu sveitarinnar kemur í ljós að það gefur aðeins
nasasjón af frumleika og færni sveitarinnar.
FÓLK Í FRÉTTUM
MORGUNBLAÐIÐ SUNNUDAGUR 14. MARS 2004 63
Amerískur ljómi
(American Splendor)
Paul Giamatti og Hope Davis fara á kost-
um í mynd um listina í lífinu og lífið í list-
inni. (H.J.) Háskólabíó.
Hilmir snýr heim
(The Return of the King)
Kvikmyndun Hringadróttinssögu lýkur með
glæsibrag. (H.J.) Smárabíó.
Love Is in the Air
Geggjaður leikhópur í landviningum með
Rómeó og Júlíu og heimildarmyndagerð-
armanninn Ragnar Bragason í farangrin-
um. Full af bjartsýni og ósvikinni gleði –
missið ekki af henni. (S.V.) Háskólabíó.
Hestasaga
Þorfinni tekst að samsama áhorfandann
litla stóðinu og umhverfinu, einangra hann
um sinn frá borgaralegu amstri og hvers-
dagsgráma. (S.V.) Háskólabíó.
Glötuð þýðing
(Lost in Translation)
Í alla staði ein besta mynd ársins. (S.V.)
Smárabíó, Regnboginn.
Kaldaljós
Gullfalleg kvikmynd sem hefur gríðarlega
sterkan tilfinningalegan slagkraft. (H.J.)
Háskólabíó, Sambíóin.
Sá stóri (Big Fish)
Finney fer fyrir mögnuðum leikarahópi í
eftirminnilega hugmyndaríkri og léttgeggj-
aðri paródíu frá Tim Burton. (S.V.)
½
Sambíóin, Regnboginn.
Rokkskólinn
(The School of Rock)
Jack Black og grunnskólastofa full af roll-
ingum sýna fram á að rokkið er grundvall-
aratriðið. Ótrúlega skemmtileg. (S.V.)
Háskólabíó.
Kaldbakur
(Cold Mountain)
Mikilfengleg og vönduð epík úr Þræla-
stríðinu um vonir og drauma sem halda í
okkur lífi á erfiðum tímum. (S.V.) ½
Sambíóin, Háskólabíó.
Leitin að Nemó
(Finding Nemo)
Bullandi sköpunargleði blandast fag-
mennsku á öllum sviðum enda tilnefnd til
fjögurra Óskara. (H.J.) ½
Sambíóin, Háskólabíó.
Dulá (Mystic River)
Stórvirki frá Eastwood og Sean Penn og
Tim Robbins búnir að vinna verðskuldað til
Óskarsverðlaunanna. (S.V.) ½
Háskólabíó.
Ófreskja (Monster)
Trúverðug mynd með Óskarsverðlaunatúlk-
un Charlize Theron. (H.J.) Laugarásbíó.
Gefið eftir
(Something’s Gotta Give)
Keaton og Nicholson eiga frábæran sam-
leik í þessari lipru og hnyttnu gamanmynd.
(H.J.) Sambíóin, Háskólabíó.
Björn bróðir
(Brother Bear)
Náttúruvæn og holl yngstu áhorfendunum.
(S.V.) ½
Háskólabíó, Sambíóin.
Síðan kom Polly
(Along Came Polly)
Stórgóður leikarahópur og glettilega vel
skrifuð gamanatriði er aðalsmerki mynd-
arinnar. (H.J.) Sambíóin, Laugarásbíó, Borgarbíó Ak.
BÆJARINS BESTU
Sæbjörn Valdimarsson/Skarphéðinn Guðmundsson/Heiða Jóhannsdóttir
Meistaraverk Ómissandi Miðjumoð Tímasóun 0 Botninn
loftkastalinn@simnet.is
Fös. 19. mars kl. 20 UPPSELT
Lau. 27. mars kl. 20 örfá sæti
Sýningar á Akureyri í byrjun apríl
Lau. 17. apríl kl. 20 laus sæti
„Frábært-drepfyndin-átakanlegt“
- Ekki við hæfi barna -
Opið virka daga kl. 13-18