Morgunblaðið - 14.03.2004, Blaðsíða 55
HUGVEKJA
MORGUNBLAÐIÐ SUNNUDAGUR 14. MARS 2004 55
1. Hvaðan er tónlistarmaðurinn
Jón Sigurður?
2. Hvert er aðalstarf Joaquín Cort-
es?
3. Hvað hét veitingastaðurinn
Jón forseti áður fyrr?
4. Hvað heita sjónvarpsþættir
Jóns Ólafssonar?
5. Hvar fara tónleikar Damien
Rice fram?
6. Í hvaða hljómsveit er maðurinn
sem Jack White (úr White Stri-
pes) réðst á og hefur verið
dæmdur fyrir?
7. Hver fer með hlutverk Leð-
urblökumannsins í nýjustu
myndinni um þann slá-
klædda?
8. Hvað er sérstakt við safnplöt-
una Jarðarber?
9. Gítarleikari Sálarinnar hans
Jóns míns er að fara að gefa
út sólóplötu. Hvað heitir gít-
arleikarinn?
10. Hver leikur aðalhlutverkið í
Rokkskólanum (School of
Rock)?
11. Hjá hvaða tískufyrirtæki starf-
ar John Galliano?
12. Í hvaða tríói er Heidi Range?
13.Hver leikstýrði kvikmyndinni
Kaldaljós?
14. Hvernig tónlist leikur hljóm-
sveitin Changer?
15. Hvaða grallarar eru þetta?
1. Hann er frá Bíldudal. 2. Hann er dansari. 3. Vídalín. 4. Af fingrum fram. 5. Á NASA. 6. Von
Bondies. 7. Christian Bale. 8. Diskarnir lykta af jarðarberum. 9. Guðmundur Jónsson. 10. Jack
Black. 11. Christian Dior. 12. Sugababes. 13. Hilmar Oddsson. 14. Þungarokk. 15. Westlife,
einum meðlimi færri en Bryan McFadden hætti nýlega í sveitinni.
Spurt er Spurningakeppni um efni sem finna má
á síðum Fólks í fréttum í Morgunblaðinu.
Hinn 27. janúar 2004verður sjónvarps-áhorfendum lengiminnisstæður. Þanndag gaf nefnilega
William Hung dómurum í Amer-
ísku stjörnuleitinni – og líka öllum
öðrum, sem telja sig hafa vit á
þessum málum – langt nef. Og þó
ekki. Hann var stöðvaður í miðjum
flutningi lagsins, með þessum orð-
um eins dómarans: „Þú getur ekki
sungið, þú getur ekki dansað; hvað
viltu að ég segi þá jákvætt um
þessa frammistöðu?“ Svarið var
hlýtt og blátt áfram: „Ég gerði
þetta eins vel og ég mögulega gat,
og sé ekki eftir neinu.“ Síðan
kvaddi hann og gekk á braut. Þar
var enginn hroki á ferð, ekkert yf-
irlæti, ekkert mont.
Ég var sjálfur einn af þeim
mörgu sem hlógu að frammistöðu
þessa 21 árs kínverska manns,
sem árið 1993 flutti til Bandaríkj-
anna úr Hong Kong, og er nú á 3.
ári í byggingaverkfræði við Kali-
forníuháskóla í Berkeley. En á
sama tíma var eitthvað í loftinu
sem gaf til kynna að þetta hefði
verið merkilegt augnablik, þrátt
fyrir allt, eittvað sem ætti eftir að
hafa áhrif út í samfélagið. A.m.k.
gleymdist þetta ekki eins og hitt
flest sem þar bar fyrir augu, held-
ur varð eitt af því eftirminnileg-
asta sem í keppninni hafði gerst til
þessa. En ég skynjaði ekki hvað
það var, fyrr en löngu síðar. Hins
vegar áttuðu þúsundir manna sig
á þessu undir eins: Ný stjarna var
fædd.
Ekki var hann fyrr kominn úr
augsýn myndavélanna en búið var
að stofna aðdáendaklúbba vítt og
breitt. Einn kom sér umsvifalaust
á Netið og er þar enn. Þetta var
www.williamhung.net. Heimsókn-
ir inn á þá síðu voru um 4 milljónir
bara fyrstu vikuna; núna margföld
sú tala.
Óhætt er að segja að þetta hafi
allt saman verið dálítið óvænt og
mest undrandi af öllum varð Hung
sjálfur. En einkum mun það hafa
verið svar hins unga kínverska
nemanda við hryssingslegum og
niðurlægjandi tóni dómarans sem
kallaði fram þessi jákvæðu við-
brögð áhorfenda. Þarna birtist
gjörvöllum heiminum og barst til
eyrna alveg fáheyrð kurteisi og
hreinskilni, engin afsökun vegna
getuleysisins (en seint verður
hann talinn í hópi bestu söngvara),
enginn skætingur – bara heiðarleg
útskýring: „Þetta er framlag mitt.
Ég gat ekki betur en þetta.“
Og þessi sama einlægni og
heillandi framkoma þá og síðar,
hefur enn frekar aukið hróður
þessa unga manns. Í nýlegu viðtali
á www.rollingstone.com sagði
hann:
Allt í lagi, ég er ekki frægur vegna tónlist-
arhæfileika minna… heldur þvert á móti;
ég er brandari í augum fólks. Það særir
mig vissulega, því ég er tilfinningavera, en
ég læt þetta ekki brjóta mig niður, því að
ég er sá sem ég er… Og ég verð alltaf bara
ég sjálfur, get aldrei orðið neinn annar.
Nú veit ég ekki hverrar trúar
William Hung er en hitt er nokkuð
ljóst að hann er okkur betri kenn-
ari í góðum siðum en margur ann-
ar sem kristinn þó vill heita. Og
minnir okkur jafnframt á ýmislegt
af þessum toga sem í hinni góðu
bók er ritað. Þar má nefna orð
Jesú í Fjallræðunni, 5. kafla
Matteusarguðspjalls: „Sælir eru
hógværir, því að þeir munu jörð-
ina erfa“ og „sælir eru hjarta-
hreinir, því að þeir munu Guð sjá.“
Og jafnframt koma fram í hugann
orð Páls í Rómverjabréfinu 1:16:
„Ég fyrirverð mig ekki fyrir fagn-
aðarerindið.“ Og í Efesusbréfinu,
4. kafla, segir aukinheldur: „Verið
í hvívetna lítillátir og hógværir.
Verið þolinmóðir, langlyndir og
umberið hver annan í kærleika.“
Þannig ættum við líka að hugsa,
kristnir einstaklingar 21. aldar.
Við erum öll mjög svo ófullkomin í
augum samferðamanna okkar, en
hann sem öllu ræður – skapari
okkar, lausnari og helgari – biður
ekki um annað en að við komum
fram eins og við erum og gerum
okkar besta með þeim tækjum.
Enda getum við ekki meira en
það, ekki frekar en William Hung.
Við eigum að leyfa almættinu að
móta okkur og það er svolítið erf-
itt ef við erum stíf og þver, hörð og
sjálfumglöð.
Séra Jóhann Briem sagði í ræðu
árið 1947:
Hógværðin er andlegur máttur – hún beitir
aldrei hávaða eða mætti stormsins. Áhrifa-
máttur hennar byggist einmitt á því, að hún
fer hægt og er hljóðlát í störfum. Henni er
eigi að líkja við hið sterka, háreista fossins
fall, heldur við lindina lygnu, tæru, og við
hina hóglátu sólar geisla. Hún hræðir eng-
an, gerir engum bilt við með snöggum átök-
um, svo að varfærin mannssál leiti inn í
fylgsni sín, er hún tekur til starfa... Hún er
máttur kærleikans til þess að lægja og sefa
reiðina, og breyta stríði og deilum í frið og
eindrægni …
Það þarf oftast meiri sálarstyrk til þess að
líða möglunarlaust angur og erfiðleika en
að leysa af hendi djarflegt þrekvirki …
Hógværðin er kraftur, sem alls ekki má án
vera í heimi þessum, þar sem menn eru oft-
ast svo harðhentir, stíga niður svo þungum
fæti og hirða svo lítt um, hvar þeir stíga,
láta sig það litlu skipta, þótt þeir brjóti hinn
brákaða reyr og slökkvi hið veika, dapra
ljós …
Þetta eru orð að sönnu, einnig
núna, rúmri hálfri öld síðar. Og
verða það um ókominn tíma.
Hinn 6. apríl næstkomandi
verður nýrri hljómplötu Williams
Hung dreift í verslanir. Ég ætla að
ná mér í eintak, þó að ekki væri
nema til áminningar um það sem
hinn ungi Kínverji er með fram-
göngu sinni búinn að gera fyrir
okkur hin, alla þessa venjulegu
liðsmenn konungsríkisins eilífa, en
þó svo mikilvæga í augum Guðs.
William Hung
Það er ekki oft sem ein-
lægni og hógværð ná fót-
festu í veröld skemmt-
anaiðnaðarins en gerðist
þó eftirminnilega fyrir
ekki löngu. Sigurður
Ægisson lítur í dag á sögu
ungs manns sem var hafn-
að í fyrstu umferð Amer-
ísku stjörnuleitarinnar.
sigurdur.aegisson@kirkjan.is
Græni rétthyrningurinn er 12 x 7 m.
Göngustígurinn umhverfis hann er 92 fer-
metrar. Hve breiður er stígurinn?
Síðasti skiladagur fyrir réttar lausnir er á
hádegi föstudaginn 19. mars. Ný þraut
birtist sama dag kl. 16 ásamt lausn þess-
arar og nöfnum vinningshafanna.
Lausn síðustu þrautar er: 45 ár (45,09)
Slóðin á heimasíðu Digranesskóla er: www.digranesskoli.kopavogur.is
Stærðfræðiþraut Digranes-
skóla og Morgunblaðsins