Morgunblaðið - 18.03.2004, Blaðsíða 4

FRÉTTIR
4 FIMMTUDAGUR 18. MARS 2004 MORGUNBLAÐIÐ
MJÖG strangar reglur gilda um leyfi fyrir
skammbyssum hér á landi samkvæmt vopnalög-
um nr. 16 frá árinu 1998. Í 5. gr. laganna segir
beinlínis að óheimilt sé að flytja inn eða framleiða
sjálfvirka eða hálfsjálfvirka skammbyssu en að
ríkislögreglustjóri geti heimilað innflutning slíkra
vopna ef þau hafi ótvírætt söfnunargildi vegna ald-
urs þeirra eða tengsla við sögu landsins. Sama
gildi ef slík vopn séu sérhönnuð og sannanlega
ætluð til íþróttaiðkunar.
Í 23. grein laganna segir að eigandi eða vörslu-
aðili skotvopns og skotfæra skuli ábyrgjast vörslu
þeirra með þeim hætti að óviðkomandi aðili nái
ekki til þeirra. Þegar skotvopn og skotfæri séu
ekki í notkun skulu skotvopn annars vegar og
skotfæri hins vegar geymd í aðskildum og læstum
hirslum. Í sérstakri reglugerð um skotvopn og
skotfæri segir enn fremur að við lengri fjarveru
skuli auk þess gera skotvopn óvirkt t.d. með því að
fjarlægja af því nauðsynlega hluta aðra en láshús.
Þá er einstaklingi sem á fleiri en þrjú skotvopn
skylt að geyma þau í sérútbúnum vopnaskáp sem
samþykktur er af lögreglustjóra.
Í greinargerð með frumvarpi til vopnalaga sem
lagt var fram á sínum tíma kemur fram að í öðrum
ríkjum sé það vaxandi vandamál að óviðkomandi
hafi komist yfir skotvopn með ólögmætum hætti
til dæmis í innbroti. Hér á landi séu dæmi um að
einstaklingar komist yfir skotvopn sem varðveitt
séu á heimilum manna og fremji með þeim voða-
verk. Af þessu tilefni, segir í greinargerðinni, er
mælt fyrir um sérstakar geymslur þegar tiltekn-
um skotvopnafjölda er náð.
Skylt að hafa sérhvert vopn
í viðurkenndum vopnaskáp
Að sögn Snorra Sigurjónssonar, lögreglufull-
trúa hjá embætti ríkislögreglustjóra, er íslenska
löggjöfin að mörgu leyti í takt við það sem gerist í
löndunum í kring. Í Danmörku hafi reglunum þó
verið breytt fyrir nokkru þannig að skylt sé að
hafa viðurkenndan vopnaskáp strax við fyrsta
skotvopn og þannig hafi fyrirkomulagið verið í
Svíþjóð nokkuð lengi.
Snorri segir að samkvæmt lögum megi ekki
breyta skotvopni þannig að það hafi áhrif á virkni
þess nema með sérstöku leyfi lögreglustjóra. Í
greinargerð með frumvarpi til vopnalaga er
minnst sérstaklega á hljóðdeyfi og þarf sérstakt
leyfi til að setja hann á vopn og afar fátítt að slík
leyfi séu gefin, að sögn Snorra. Eigi það einkum
við um þá sem hafi þann starfa að eyða vargfugli í
þéttbýli og er leyfið þá skilyrt við ákveðinn ein-
stakling, vopn og tilefni.
Mjög strangar reglur gilda um innflutning á skammbyssum
Skotvopn og skotfæri ber að
geyma í aðskildum hirslum
Morgunblaðið/Sigurður Jónsson
Mikil sorg ríkir á Selfossi vegna andláts drengs-
ins, en lík hans fannst sl. mánudagskvöld.
FRAMKVÆMDASTJÓRN ESB
hefur ákveðið að hefja formlega
rannsókn á því hvort beita eigi
verndarráðstöfunum vegna innflutn-
ingi á eldislaxi til Evrópusambands-
ins, en slíkar aðgerðir, ef af verður,
gætu komið niður á útflutningi Ís-
lendinga á eldislaxi til Evrópusam-
bandsins.
Samkvæmt samningi Alþjóðavið-
skiptastofnunarinar er hægt að beita
verndarráðstöfunum ef innflutning-
ur á tiltekinni vörutegund eykst
verulega af ófyrirséðum ástæðum og
ástæða er til að ætla að aukinn inn-
flutningur valdi innlendum aðilum
skaða. Bretar og Írar hafa fullyrt að
þarlend fiskeldisfyrirtæki fari hall-
oka í samkeppni við innflutning á
eldislaxi frá Noregi og fleiri ríkjum,
að því er fram kemur í vefriti við-
skiptaskrifstofu utanríkisráðuneyt-
isins.
Samráð við hagsmunaaðila
Þar segir ennfremur að verði það
niðurstaða rannsóknarinnar að grip-
ið verði til verndarráðstafana muni
það þýða að takmarkanir verða sett-
ar á innflutning á eldislaxi frá ríkjum
utan Evrópusambandsins, en íslensk
fyrirtæki hafi á undanförnum árum
flutt út eldislax í vaxandi mæli á
markaði í ESB-ríkjunum. Takmark-
anirnar gætu til dæmis falist í hækk-
un tolla eða úthlutun innflutnings-
kvóta.
Utanríkisþjónustan hefur haft ná-
ið samráð við hagsmunasamtök og
landbúnaðarráðuneytið um fram-
vindu málsins, en fram kemur hjá
Grétari Má Sigurðssyni, skrifstofu-
stjóra viðskiptaskrifstofu utanríkis-
ráðuneytisins, að hugsanlegar
verndaraðgerðir af hálfu ESB gætu
komið sérlega hart niður á íslensku
fiskeldi.
Fiskeldi hafi verið í sókn hér á
landi á allra síðustu árum og útflutn-
ingur til ESB hafi aukist að sama
skapi. Íslenskur útflutningur nemi
hins vegar aðeins broti af heildar-
innflutningi á eldislaxi til Evrópu-
sambandsins og á síðasta ári hafi
okkar hlutur ekki verið nema um
0,2% af heildarinnflutningi til Evr-
ópusambandsins.
Útflutningur á eldislaxi
til ESB-landa í hættu
ÞESSI unga stúlka, sem heitir
Hrafnhildur Svala, tók sér smá-
hvíld á göngu sinni með hundana
tvo, þá Sölku Völku og Grím.
Það hefur verið mikil veð-
urblíða á höfuðborgarsvæðinu
undanfarna daga og menn og
málleysingjar á öllum aldri hafa
notið blíðunnar. Vorið er skammt
undan og því fylgja breytingar.
Viðskipti hafa t.d. glæðst í ísbúð-
um síðustu daga.
Morgunblaðið/Eggert
Að hvíla sig með vinum sínum
NÝJUNGAR á þjónustu Og Voda-
fone voru kynntar viðskiptavinum í
gær, sem og ný verðskrá félagsins.
Breytingar á verðskrá eru í sumum
tilvikum til lækkunar, en í öðrum til
hækkunar frá fyrri verðskrá. Í til-
kynningu frá félaginu kemur fram að
meðalreikningur viðskiptavina ætti
að haldast óbreyttur.
Ein af nýjungunum sem Og Voda-
fone kynnti í gær er þjónusta sem
kölluð er „Einn sími“, sem gefur sím-
notendum kost á að vera með einn
farsíma í stað farsíma og heimasíma
áður. Í þessari þjónustu felst m.a. að
símtöl úr farsíma í heimilissíma
lækka úr 15 krónum mínútan í 1,50
krónur mínútan.
Breytt
verðskrá Og
Vodafone
TIL stendur að rífa húsnæði Bíla-
nausts við Borgartún 26 og reisa á
reitnum skrifstofuhúsnæði og íbúðir.
Áætlað er að framkvæmdir hefjist á
fyrrihluta næsta árs.
Íslenskir aðalverktakar og Þyrping
hafa gert með sér samstarfssamning
um kaup Þyrpingar á reitnum, og fel-
ur samstarfið m.a. í sér að fyrirtækin
munu vinna sameiginlega að deili-
skipulagi lóðarinnar með skipulagsyf-
irvöldum Reykjavíkurborgar.
Íslenskir aðalverktakar munu rífa
núverandi bygginar á reitnum og
byggja u.þ.b. 9.000 fermetra skrif-
stofu- og þjónustuhúsnæði. Ennfrem-
ur fær fyrirtækið byggingarrétt á öll-
um íbúðum sem byggðar verða á
lóðinni.
Borgartúnið er í raun og veru að
breytast í hverfi fyrir svona fínni at-
vinnustarfsemi og íbúðabyggð,“ segir
Eyjólfur Gunnarsson, forstöðumaður
sölu- og markaðsmála Íslenskra að-
alverktaka. Hann segir næst á dag-
skrá að vinna deiliskipulag fyrir reit-
inn, og svo verði hægt að fara að vinna
að teikningum af fyrirhuguðum bygg-
ingum.
Að sögn forsvarsmanna Bílanausts
hefur ekki verið tekin ákvörðun um
hvert fyrirtækið muni flytja, en
óbreytt starfsemi verður í Borgar-
túninu á næstunni.
Reisa skrif-
stofur hjá
Bílanausti
STYRKIR og uppbætur vegna bif-
reiðakaupa hreyfihamlaðra hafa
hækkað um 500 milljónir króna milli
áranna 2002 og 2003, en á síðasta ári
fengu tæplega 1.300 einstaklingar
slíka styrki, en um 500 áður.
Þetta kemur fram í frétt frá
Tryggingastofnun ríkisins. Þar segir
að á árinu 2003 hafi verið samþykkt-
ar greiðslur fyrir tæplega 700 millj-
ónir króna vegna bifreiðakaupa
hreyfihamlaðra, en á árinu 2002 voru
samþykktar umsóknir fyrir um 180
milljónir króna.
Breytingar á reglugerð sem tóku
gildi 1. janúar 2003 hafa leitt til mik-
illar fjölgunar styrkja, en ein helsta
breytingin var sú að numin voru úr
gildi takmörk um fjölda uppbóta og
styrkja á ári, auk þess sem tekju- og
eignatengingar voru afnumdar.
Mesti munurinn er í þeim sem fá
500.000 kr. styrk, sem er nú veittur
þeim sem sækja um í fyrsta skipti,
en áður var hann aðeins veittur þeim
sem voru að kaupa bíl í fyrsta skipti.
Einnig munar talsvert um að fjölda-
takmarkanir hafa verið afnumdar,
en árið 2002 var hámarksfjöldi
þeirra sem fengu styrk upp á 1 millj-
ón króna 60 einstaklingar, en eftir að
hámarkið var afnumið urðu þeir
rúmlega 200.
Einnig hefur reglum verið breytt
þannig að nú geta þeir sem eru yngri
en 75 ára sótt um styrk, en áður voru
styrkir aðeins veittir þeim sem voru
yngri en 70 ára.
Reglur um bifreiða-
kaup hreyfihamlaðra
Styrkþeg-
um fjölgar
um 800
milli ára
♦♦♦