Morgunblaðið - 18.03.2004, Blaðsíða 53

MORGUNBLAÐIÐ FIMMTUDAGUR 18. MARS 2004 53
Fáðu úrslitin
send í símann þinn
ÞEGAR einni skákveislu lýkur í
höfuðborginni hefst önnur daginn
eftir. Það markmið að gera Reykja-
vík að skákhöfuðborg heimsins
virðist um þessar mundir vera að-
eins í seilingarfjarlægð. Skákmenn
um víða veröld bera mikla lotningu
fyrir skákmenningu Íslendinga og
það er gleðilegt að Skáksambands
Íslands skuli hafa séð sér fært að
standa fyrir jafnglæsilegum við-
burðum eins og Reykjavíkurskák-
mótinu og Reykjavik Rapid.
Fyrir síðustu umferð Reykjavík-
urskákmótsins sem fram fór sl.
þriðjudag voru fjórir skákmenn
jafnir og efstir með 6 vinninga.
Eins og búist var við þá gerðu þeir
stutt jafntefli sín á milli sem gerði
fjórum öðrum kollegum þeirra
kleift að ná þeim. Engu að síður var
stigahæsti keppandinn, Alexey
Dreev, úrskurðaður sigurvegari
mótsins á grundvelli stigaútreikn-
ings.
Eins og endranær í síðustu um-
ferðum skákmóta var andrúmsloft-
ið þrungið spennu á mörgum víg-
stöðvum. Fyrir þá erlendu
keppendur sem ekki var boðið á
Reykjavik Rapid var mikið í húfi að
ná þeim fjórum sætum sem í boði
voru á Reykjavik Rapid. Þeir fjórir
sem unnu sér inn þátttökurétt á
mótinu með þessum hætti voru
Rússinn Vladimir Epishin, Niður-
lendingurinn Jan Timman, arm-
ensk-ættaði Þjóðverjinn Levon
Aronjan og franski byrjunarsér-
fræðingurinn Igor Nataf. Engir
Íslendingar voru í færi við efstu
sæti en bestum árangri þeirra náðu
stórmeistararnir Hannes Hlífar
Stefánsson og Helgi Ólafsson en
þeir fengu báðir fimm og hálfan
vinning eftir að hafa gert jafntefli
innbyrðis í lokaumferðinni. Þeir
verða báðir á meðal keppenda á
Reykjavik Rapid svo að mikil eft-
irvænting var á meðal annarra ís-
lenskra keppenda hver af þeim
kæmi næst á eftir þeim. Fyrir um-
ferðina voru Stefán Kristjánsson og
Davíð Kjartansson efstir þessara
keppenda með fjóra og hálfan vinn-
ing. Stefán gerði stutt jafntefli við
portúgalska stórmeistarann Luis
Galego á meðan Davíð laut í lægra
haldi fyrir Jan Votava. Taugar
Stefáns hafa án efa verið þandar til
hins ýtrasta þar eð ef Jóni Garðari
Viðarssyni eða Þresti Þórhallssyni
tækist að sigra í sínum skákum þá
myndi hann sjá á eftir boðssætinu
góða. Allt fór hins vegar á besta veg
fyrir hann þegar þeir töpuðu báðir.
Ýmis aukaverðlaun voru í boði á
mótinu og vann Anna Zatonskhi
kvennaverðlaun en Lenka Ptácní-
kova, Davíð Kjartansson og Sigurð-
ur Daði deildu með sér verðlaunum
fyrir skákmenn undir 2.300 stigum.
Jón Viktor Gunnarsson og Dagur
Arngrímsson urðu hlutskarpastir í
flokki skákmanna undir 2.400 stig-
um. Annars varð lokastaða efstu
manna þessi:
1.–8. Alexey Dreev, Vladimir Ep-
ishin, Emil Sutovsky, Jan Timman,
Levon Aronjan, Igor Nataf, Jaan
Ehlvest og Robert Markus 6½
vinning af 9 mögulegum.
9.–11. Oleg Korneev, Sergey
Erenburg og Tiger Hillarp-Persson
6 v.
12.–22. Xiangzhi Bu, Thomas
Luther, Mikhael Krasenkov, Ian
Rogers, Suat Atalik, Jan Votava,
Oleg Romanishin, Anna Zatonskih,
Helgi Ólafsson, Normunds Miezis
og Hannes Hlífar Stefánsson 5½ v.
23.–32. Hikaru Nakamura, Stef-
án Kristjánsson, Florian Handke,
Roland Schmaltz, Sebastien Maze,
Nikola Sedlak, Luis Galego, Jón
Viktor Gunnarsson, Nicolai Ves-
terbaek Pedersen og Dagur Arn-
grímsson 5 v.
Af þessari upptalningu sést að á
meðal 32 efstu keppenda mótsins
voru fimm Íslendingar en fyrirfram
mátti einungis búast við tveimur í
þeim hópi. Óvæntustu úrslit loka-
umferðarinnar urðu þegar Dagur
Arngrímsson gerði sér lítið fyrir og
lagði stórmeistarann Þröst Þór-
hallsson að velli.
Hvítt: Dagur Arngrímsson
Svart: Þröstur Þórhallsson
1. e4 c5 2. c3 Rf6 3. e5 Rd5 4. d4
cxd4 5. Rf3 e6 6. cxd4 d6 7. Bc4
Rc6 8. a3
Helgi Ólafsson, kennari Skák-
skólans, hefur á undanförnum árum
haft mikil áhrif á byrjunarval nem-
enda sinna og kemur það glöggt
fram í skákum Dags og Guðmundar
Kjartanssonar. 2. c3-afbrigðið í Sik-
ileyjarvörn er tiltölulega rólegt og
traust en þessi leikur þykir mér þó
fullrólegur. 8. De2 er algengara og
betra.
8. – Be7 9. 0-0-0 0-0 10. Bd3 Db6
10. – Bd7 er einnig traustur leik-
ur.
11. Rc3?! Rxc3 12. bxc3 dxe5 13.
dxe5 Dc5 14. He1 Hd8
14. – Dxc3 hefði einnig komið til
álita þó að hvítur hafi vissulega færi
fyrir peðið eftir 15. Hb1. Nú bregð-
ur hvítur á það ráð að fórna biskupi
sínum og er það efni í langa rann-
sóknir hvort sú fórn standist.
15. Bxh7+?!!
Að mínu mati stenst þessi fórn
ekki ströngustu kröfur en hins veg-
ar var hún ákaflega klók frá sál-
fræðilegum sjónarhóli. Dagur vissi
sem var að Þröstur þurfti á sigri að
halda til að komast í atskákmótið
sterka. Hann hafði fórnað svona áð-
ur í svipaðri stöðu og leiddi það til
jafnteflis í þeirri skák. Það hefur án
efa verið skoðun hans að fórnin
myndi duga að minnsta kosti til
jafnteflis og það myndi gera Þresti
gramt í geði að fallast á slík mála-
lok. Eftir langa umhugsun lék
svartur
15. – Kf8??
Skelfilegur leikur í alla staði.
Hvítur stendur nú senn peði yfir og
með unnið tafl. Svartur varð að
þiggja fórnina með 15. – Kxh7 og
hefði framhaldið þá getað orðið á
þessa lund: 16. Rg5+ Bxg5 17.
Dh5+ Bh6 (17. – Kg8 kæmi einnig
til álita þar sem eftir 18. Bxg5 Hf8!?
19. Bf6 He8 20. He3 gxf6 21. Hg3+
Kf8 22. Hg7 Rxe5 23. Hxf7+ stend-
ur svartur betur að vígi.) 18. Bxh6
gxh6 19. Dxf7+ Kh8 20. Df6+ og í
þessari stöðu hafa báðir keppendur
talið að hvítur gæti auðveldlega
þráskákað en svo er þó alls ekki eft-
ir 20. – Kg8. Eins og gefur að skilja
gátu keppendur ekki notast við
tölvuheila eins og ritari þessara lína
en engu að síður hefði svörtum átt
að vera ljóst að textaleikurinn
gengur engan veginn upp.
16. Dc2 b6 17. Be4 Bb7 18. Be3
Dc4 19. Bxc6! Bxc6 20. Dh7 f6 21.
Rh4 Be8 22. Bd4 f5
23. Rxf5!
Glæsilegur lokahnykkur sem
gerir svartan endanlega varnar-
lausan.
23. – exf5 24. e6 Bf6 25. Bxf6 og
svartur gafst upp.
Átta erlendir stórmeistar-
ar efstir og jafnir á
Reykjavíkurskákmótinu
Helgi Áss Grétarsson
SKÁK
Ráðhús Reykjavíkur
XXI REYKJAVÍKURSKÁKMÓTIÐ
7. –16. mars 2004.
Húsið er 947 fm og mikið endurnýjað, þ.m.t. allar lagnir og gólfefni.
Húsið hentar vel hvers kyns atvinnustarfsemi eða
félagasamtökum. Verð 78 millj.
Allar nánari upplýsingar ásamt teikningum
fást hjá Ársölum fasteignamiðlun,
sími 533 4200 og í s. 892 0667.

Ársalir - fasteignamiðlun
Ársalir - fasteignamiðlun

Engjateigi 5 • 105 Reykjavík • S. 533 4200 og 892 0667,
arsalir@arsalir.is • Björgvin Björgvinsson, lögg. fasteignasali.
DUGGUVOGUR 6
TIL SÖLU
Fréttir
í tölvupósti