Morgunblaðið - 18.03.2004, Blaðsíða 19

HÖFUÐBORGARSVÆÐIÐ
MORGUNBLAÐIÐ FIMMTUDAGUR 18. MARS 2004 19
Ofnæmisprófað.
Svo léttur að hann finnst varla á.
Samt ljær hann húðinni
einstaklega eðlilega og nánast
fullkomna áferð. Hvernig þá? Jú,
með örspeglandi litarefnistækni
og sjónrænni yfirborðsbreytingu
húðarinnar.
Láttu sérmenntaða ráðgjafa
Clinique í Debenhams finna
rétta farðann fyrir þig.
Kaupauki: 5 hlutir í tösku!
Ef þú kaupir 2 hluti frá CLINIQUE
þá er þessi gjöf til þín.*
• Repairwear day cream 7 ml
• 7 day scrub cream 30 ml
• Colour surge varalitur Sassy spice
• High impact augnskuggi South beach
• Happy 4 ml
*Meðan birgðir endast.
Algjör fullkomnun
Perfectly Real farði
Hafnarfjörður | Viðamiklar endur-
bætur standa nú til á Reykjanes-
braut, frá Álftanesvegi að Lækjar-
götu. Í þessum breytingum felst
breikkun Reykjanesbrautar í fjórar
akreinar á öllum kaflanum, breikkun
Fjarðarhrauns og Hlíðarbergs og
breytingar á Lækjargötu. Þessar
endurbætur koma í framhaldi af
framkvæmdum við flutning Reykja-
nesbrautar suður fyrir Hvamma-
braut, en markmið þeirra er að auka
umferðaröryggi og bæta flæði um-
ferðarinnar. Þessar fyrirhuguðu
framkvæmdir voru kynntar á fundi í
Hafnarborg í gær auk tillögu að nýju
deiliskipulagi fyrir Reykjanesbraut
og Kaplakrika, íþróttasvæði FH.
Flæði umferðar
batnar til muna
Í endurbótunum felst auk þess að
gatnamótum Fjarðarhrauns og
Flatahrauns verður breytt úr ljósa-
gatnamótum í tveggja akreina hring-
torg, svo og gatnamótum Reykjanes-
brautar, Lækjargötu og Hlíðarbergs.
Einfalt hringtorg verður einnig á
gatnamótum Lækjargötu og Hring-
brautar. Gatnamót Reykjanesbraut-
ar og Fjarðarhrauns verða áfram
ljósagatnamót og verður akreinum
þar fjölgað og munu allir umferðar-
straumar fá sérljós. Þetta er talið
leiða til þess að tafatími umferðar
styttist um 70% á gatnamótunum og
slysum fækki um 30–35%.
Einnig kom fram á fundinum að
tækifærið verður notað til þess að
bæta hljóðvist eins og tök eru á.
Hljóðveggur verður reistur vestan
Reykjanesbrautar og Fjarðarhrauns
auk þess sem hljóðmönin milli
Reykjanesbrautar og Setbergshverf-
is verður hækkuð lítillega frá Eini-
bergi að Kvistabergi. Þá verður einn-
ig gerð ný hljóðmön við Vörðuberg.
Þessar ráðstafanir eru taldar koma
flestum húsum á svæðinu á ákjósan-
legt hljóðstig, um 55 db.
Talið er að framkvæmdum verði að
mestu lokið fyrir lok ársins, ef þær
hefjast snemma, þó megi gera ráð
fyrir því að lokafrágangur, t.d. plönt-
un trjáa, geti þurft að bíða til næsta
vors. Kostnaður við framkvæmdirn-
ar er áætlaður á bilinu 500–600 millj-
ónir króna og ber Vegagerðin um
sextíu prósent kostnaðar en Hafnar-
fjarðarbær fjörutíu. Talið er að fram-
kvæmdakostnaður sparist á innan
við fimm árum, þar sem arðsemi
framkvæmdarinnar sé mikil.
Bráðabirgðalausn gagnrýnd
Nýtt deiliskipulag fyrir Kapla-
krika, sem kynnt var á fundinum,
gerir ráð fyrir að byggð verði við nú-
verandi íþróttahús FH, félags- og
búningsaðstaða ásamt stúku. Einnig
er gert ráð fyrir byggingu knatt-
spyrnuhúss og húss fyrir frjáls-
íþróttaiðkun. Alls er gert ráð fyrir
nýbyggingum í kringum 13.600 fer-
metra. Þá er gert ráð fyrir því að
Urriðakotsvatnslækur verði endur-
mótaður á kafla. Nokkrar breytingar
verða gerðar á Reykjanesbraut á
kaflanum sem liggur að skipulags-
reitnum og felast þær aðallega í
bættum tengingum gangandi og hjól-
andi vegfarenda og hljóðtálmum auk
þess sem Reykjanesbrautin verður
breikkuð í tvær akreinar í hvora átt.
Á fundinum komu fram allmargar
spurningar og ábendingar og voru
fundarmenn ekki allir sáttir við út-
færsluna. Þannig töldu nokkrir að
ekki væri nógu langt gengið með
framkvæmdunum við Reykjanes-
braut og vildu mislæg gatnamót og
lækkun Reykjanesbrautar. Magnús
Einarsson, deildarstjóri hjá Vega-
gerðinni, sagði þar um bráðabirgða-
lausn að ræða til næstu tólf ára, en þá
væri gert ráð fyrir að setja mislæg
gatnamót og lækka Reykjanesbraut-
ina, en þarna væri verið að slá á
brýnasta vandann.
Þá fagnaði Ingvar Viktorsson, for-
maður FH, deiliskipulaginu, sem
hann sagði afar jákvætt skref til
áframhaldandi þróunar starfs félags-
ins. Undir þetta tóku fleiri fundar-
menn.
Tillögurnar eru til sýnis í Þjón-
ustuverinu, Strandgötu 6, og er at-
hugasemdafrestur til 26. mars.
Framkvæmdir við Reykjanesbraut og breytingar á deiliskipulagi kynntar í Hafnarborg
Áformaðar framkvæmdir við Reykjanesbrautina munu draga úr hávaða á svæðinu auk þess sem umferð gangandi
og hjólandi vegfarenda verður greiðari. Þá er gert ráð fyrir greiðari umferð og mikilli fækkun slysa.
Slysum fækkar,
biðtími styttist
Morgunblaðið/Jim Smart
Fundargestir skoðuðu framkvæmdahugmyndirnar af miklum áhuga.