Morgunblaðið - 23.03.2004, Síða 1

Tæknisvindl í spilavíti
London. AP.
LÖGREGLAN í London hefur handtekið þrjár mann-
eskjur, tvo karla og eina konu, en þau eru grunuð um að
hafa beitt brögðum er þau unnu 130 millj. ísl. kr. í spila-
víti í borginni.
Talsmaður lögreglunnar sagði að lagt hefði verið hald
á mikið fé er fólkið, sem er frá Austur-Evrópu, var hand-
tekið en dagblaðið The Daily Mirror sagði að það hefði
unnið féð í spilavíti á Ritz-hótelinu. Kvað það lögregluna
vera að kanna hvort það hefði notað leysiskanna, inn-
byggðan í farsíma, til að reikna út hraða kúlunnar í rúll-
ettuhjólinu og hvar líklegast væri að hún stöðvaðist að
lokum. Hefur lögreglan staðfest að þetta sé til rann-
sóknar.
STOFNAÐ 1913 82. TBL. 92. ÁRG. ÞRIÐJUDAGUR 23. MARS 2004 PRENTSMIÐJA ÁRVAKURS HF. mbl.is
Borðaðu
grænmetið!
Íslenskt grænmeti inniheldur
ýmis plöntuhollefni Daglegt líf
Kínakjólar
og kynþokki
Litið inn á tískusýningar YSL
og Louis Vuitton í París Fólk
Ómur úr
öðrum heimi
Rannveig, Gerrit og Kammer-
sveitin fá frábæra dóma Listir
dagar...
2
Fjórir hand-
teknir á Spáni
Madríd. AFP.
SPÆNSKA lögreglan handtók um helgina
fjóra menn, sem grunaðir eru um að tengj-
ast hryðjuverkunum í Madríd, og eru þá
alls 14 menn í haldi.
Mennirnir voru handteknir í Madríd og
nágrenni og verða leiddir fyrir dómara á
morgun. Ekki hefur verið skýrt frá þjóð-
erni þeirra en sagt er, að þeir séu arabískir
að uppruna.
Yfirmenn leyniþjónustustofnana í Bret-
landi, Þýskalandi, Frakklandi, Ítalíu og á
Spáni komu í gær saman í Madríd til að efla
samvinnu og ákveða hertar aðgerðir gegn
hryðjuverkamönnum í Evrópu.
KOFI Annan, framkvæmdastjóri
Sameinuðu þjóðanna, fordæmdi í
gær stjórn Ariels Sharons í Ísrael
fyrir að láta drepa Sheikh Ahmed
Yassin, andlegan leiðtoga Hamas-
samtakanna, í gærmorgun. „Slíkar
aðgerðir stangast ekki einvörð-
ungu á við alþjóðalög heldur auð-
velda þær með engu móti leitina að
friðsamlegri lausn,“ sagði Annan.
Sharon þakkaði í gær hernum fyrir
verkið og sagði Ísraela hafa rétt til
að verja sig. Fjöldi leiðtoga um all-
an heim fordæmdi hins vegar árás-
ina og herskáir Palestínumenn hót-
uðu grimmilegum hefndum.
Condoleezza Rice, þjóðarörygg-
isráðgjafi George W. Bush Banda-
ríkjaforseta, sagði í gær að stjórn-
völd í Washington hefðu ekki
fengið neitt að vita fyrirfram um
árásina en hvatti menn til að grípa
ekki til frekari aðgerða. Richard
Boucher, talsmaður utanríkisráðu-
neytisins, fordæmdi ekki fremur
en Rice drápið beinum orðum en
sagði það draga úr friðarlíkum.
Yfirlýsing var í gær birt á einni
vefsíðu íslamista og hvetja þar
samtök er kalla sig Abu Hafs al-
Masri-herdeildirnar til þess að
hefnt verði fyrir drápið á Yassin
með árásum á Bandaríkjamenn.
Umrædd samtök, sem talin eru
tengjast al-Qaeda, lýstu yfir
ábyrgð á tilræðinu á Spáni nýverið.
Hóta að hefnaYassins
Reuters
Palestínumenn syrgja Hamas-leiðtoga
Mikill mannfjöldi fylgdi í gær Sheikh Ahmed Yassin, 67 ára gömlum andlegum leiðtoga Hamas-samtakanna í
Palestínu, til grafar á Gaza. Ísraelar drápu hann með flugskeyti í gærmorgun en þeir segja hann hafa árum
saman æst til ódæða. Arabaleiðtogar fordæmdu í gær stefnu Ísraela og Hamas lýstu í gær yfir allsherjarstríði
gegn Ísrael. Utanríkisráðherra Ísraels sagði í gær að ekki stæði til að drepa Yasser Arafat Palestínuleiðtoga.
SÞ, Jerúsalem, Washington, Dubai. AFP, AP.

Hamas/13
DÓTTURFYRIRTÆKI KB
banka í London og Finnlandi hafa
veitt ráðgjöf og fjármagnað yfir-
töku finnska kælitæknifyrirtækis-
ins Huurre á breska kælitæknifyr-
irtækinu WR Refrigeration.
Samanlögð velta fyrirtækjanna
tveggja verður um 21 milljarður
króna, og þar af er velta breska
fyrirtækisins rúmir 8 milljarðar
króna. Samanlagður hagnaður fyr-
ir afskriftir og fjármagnsliði er um
2,3 milljarðar króna.
Helgi Þór Bergs, framkvæmda-
stjóri Kaupthing London, segir að
þetta sé í fyrsta sinn sem KB banki
sjái um yfirtöku þar sem um tvö er-
lend fyrirtæki er að ræða, en bank-
inn hafi áður veitt íslenskum útrás-
arfyrirtækjum á borð við Bakkavör
sambærilega þjónustu.
KB banki á helming í Huurre frá
því hann tók þátt í því ásamt
stjórnendum fyrirtækisins í mars í
fyrra að kaupa fyrirtækið, og mun
bankinn eiga helming í sameinuðu
fyrirtæki. Kaupverðið á WR
Refrigeration er ekki gefið upp.
Í fréttatilkynningu vegna kaup-
anna segir að WR Refrigeration sé
stærsta óháða kælitæknifyrirtækið
í Bretlandi, og helstu viðskiptavin-
ir þess séu smásölukeðjur. Í til-
kynningunni er haft eftir forstjóra
sameinaðs fyrirtækis, Lars Lind-
ell, að þessi yfirtaka breyti Huurre
mikið og sé í samræmi við stefnu
fyrirtækisins um að auka þjónustu-
tekjur upp í 40%–50% af tekjum. Í
tilkynningunni segir ennfremur
með sameiningunni aukist mögu-
leikar á staðbundinni og alþjóð-
legri útvíkkun á starfsemi allra
deilda fyrirtækisins.
Finnska fyrirtækið Huurre er
með starfsemi í Finnlandi, Noregi
og Svíþjóð og viðskiptavini um alla
Evrópu og í Rússlandi. Í tilkynn-
ingu fyrirtækisins segir að það sé
markaðsleiðandi í kælitækni á
Norðurlöndum. WR Refrigeration
er með 26 útibú um allt Bretland,
þar með talið Skotland og Norður-
Írland.
KB banki fjármagnar yfirtöku
finnsks fyrirtækis á bresku
Bankinn með helmingshlut í
sameinuðu kælitæknifyrirtæki

Fyrsta/12
NOKKRIR íslenskir skyrframleiðendur
og aðrir í viðskiptalífinu hafa kannað
möguleika á að framleiða skyr í Manitoba
í Kanada í samstarfi við heimamenn. Þór-
arinn E. Sveinsson, fulltrúi hópsins,
kynnti sér aðstæður í Manitoba í liðinni
viku. „Málið er á algjöru frumstigi en það
er greinilega áhugi á því í íslenska sam-
félaginu í Manitoba og mjólkurbússtjórar
í fylkinu hafa tekið vel í hugmyndina,“
segir Þórarinn. Hann bendir á að nýjar
skyrtegundir hafi slegið í gegn á Íslandi.
Þær séu framleiddar á annan hátt en áður
og nýjar umbúðir með skeið í lokinu hafi
fallið neytendum vel í geð.
Rétti tíminn til markaðssetningar
,,Íslenska skyrið er frábær framleiðsla
og ég held að það sé auðvelt að markaðs-
setja þessa íslensku matarhefð í Kanada
og jafnvel í Norður-Ameríku allri,“ segir
Ivan J. Balenovic, mjólkurbússtjóri hjá
Bothwell í Manitoba. „Þetta er rétti tím-
inn til að markaðssetja skyrið því allir
hugsa um hollt fæði heilsunnar vegna.“
Balenovic segist hugsanlega fara til Ís-
lands í apríl til frekari viðræðna.
Íslenskt
skyr ofan í
Kanadamenn?
Winnipeg. Morgunblaðið.
♦♦♦