Morgunblaðið - 23.03.2004, Page 2

FRÉTTIR
2 ÞRIÐJUDAGUR 23. MARS 2004 MORGUNBLAÐIÐ
Kíktu í heimsókn
Velkomin í ævintýraheim
Holtasmára 1 • 201 Kópavogur
Sími: 5 100 300 • Símbréf: 5 100 309
Netfang: langferdir@langferdir.is
Heimasiða: www.langferdir.is
Opnunartímar skrifstofu: 10:00-17:00 alla virka daga.
KREFJAST HEFNDA
Tugþúsundir Palestínumanna
fylgdu í gær til grafar Sheikh Ahm-
ed Yassin, andlegum leiðtoga sam-
taka bókstafstrúarmanna, Hamas.
Ísraelar drápu hann með flugskeyti í
Gaza-borg í gærmorgun. Krafist var
grimmilegra hefnda og Hamas-
menn hótuðu allsherjarstríði gegn
Ísrael vegna drápsins. Stjórn Ísraels
segir Yassin hafa átt sök á dauða
mörg hundruð saklausra borgara
sem fallið hafi í tilræðum er hann
hafi hvatt til.
KB banki í yfirtöku
Dótturfyrirtæki KB banka í
London og Finnlandi hafa veitt ráð-
gjöf og fjármagnað yfirtöku kæli-
tæknifyrirtækis í Finnlandi á bresku
fyrirtæki í sömu grein. Bankinn mun
eignast helmingshlut í sameinuðu
kælitæknifyrirtæki.
Varnir gegn hryðjuverkum
Utanríkisráðherrar aðildarríkja
Evrópusambandsins komu saman í
Brussel í gær til að ræða leiðir til að
efla samstarf gegn hryðjuverkum.
Er einkum til umræðu að auka sam-
starf lögreglu- og leyniþjónustu-
manna yfir landamærin og eitt af því
sem ráðherrarnir íhuga er að koma á
fót nýju embætti yfirmanns hryðju-
verkavarna í sambandinu. Loka-
ákvörðun um aðgerðir verður síðan
tekin í vikulokin á leiðtogafundi Evr-
ópusambandsins.
Samið án átaka?
Það skýrist væntanlega í dag
hvort samningar takist án átaka í
kjaradeilu Starfsgreinasambandsins
og ríkisins. Samninganefndir munu
hittast og ræða þar stóru málin,
launaliði og lífeyrismál.
Skólagjöldum mótmælt
Á sjötta hundrað stúdentar mót-
mæltu í gær upptöku skólagjalda við
Háskóla Íslands. Stúdentar tóku sér
stöðu fyrir utan aðalbyggingu skól-
ans, á meðan háskólafundur fjallaði
um málið. Afgreiðslu var frestað til
næsta fundar í maí.
Lokað á Hveravöllum
Veðurstofan þarf að draga útgjöld
sín saman um 20–30 milljónir króna
á þessu ári og m.a. hefur verið
ákveðið að leggja niður mannaða
veðurathugunarstöð á Hveravöllum.
Formaður Jeppaklúbbsins 4x4
harmar tíðindin.
Y f i r l i t
Í dag
Sigmund 8 Forystugrein 28
Viðskipti 11/12 Þjónusta 31
Erlent 13/14 Viðhorf 34
Heima 16 Minningar 33/37
Höfuðborgin 17 Kirkjustarf 39
Akureyri 18 Bréf 42/43
Suðurnes 19 Dagbók 44/45
Austurland 20 Sport 46/49
Landið 21 Fólk 50/53
Daglegt líf 25 Bíó 50/53
Listir 24/25 Ljósvakar 54
Umræðan 26/32 Veður 55
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
RISABORINN, sem fluttur var til
landsins í desember sl., er nú að
verða tilbúinn að hefja fyrsta áfanga
aðrennslisganga Kárahnjúkavirkj-
unar. Borinn var settur saman í
skemmu við aðgöng 3 í Glúms-
staðadal og var í gær unnið við að
rífa skemmuna niður og koma born-
um á teina sem liggja inn í göngin.
Borinn er nú í tveimur hlutum að
mestu leyti og er fremri hluti hans,
rúmlega 50 metra langur, farinn að
mjakast inn í aðgöngin. Aftari hlut-
inn ásamt viðbótum verður tengdur
við þegar pláss er orðið fyrir hann
inni í göngunum. Þau eru tæplega
400 metra löng. Það tekur borinn
svo um fjóra daga að mjakast þá
vegalengd að þeim stað þar sem
byrjað verður að tæta bergið niður
með borkrónunni.
Hrönn Hjálmarsdóttir, upplýs-
inga- og kynningarfulltrúi Lands-
virkjunar við Kárahnjúka, fylgdist í
gær með því þegar borinn tók að
mjakast á áfangastað. Hún sagði í
samtali við Morgunblaðið að ferlið
gengi mjög hægt og ætti eftir að
taka þrjá til fjóra daga.
„Borinn fer svo inn á teinum og
fer beint inn í göngin og svo á eftir
að keyra hann þessa vegalengd inn
að bergstálinu þar sem byrjað verð-
ur að bora. Borinn færist u.þ.b. 1,5
metra á klukkustund. Jafnframt á
eftir að tengja aftari hluta borsins
við fremri partinn þegar nægt rými
er orðið í göngunum. Það var ein-
faldlega ekki nóg pláss til að tengja
alla 120 metrana saman hér fyrir ut-
an aðgöngin. Í dag verður vænt-
anlega búið að rífa skemmuna alla
niður. Fulltrúi frá fyrirtækinu sem
smíðaði borinn er á staðnum og hann
segir þetta vandaverk sem gerist
hægt. Þeir gera margt á meðan ver-
ið er að flytja borinn inn göngin,“
sagði Hrönn.
Áætlað var að borinn færi í göngin
eftir rúma viku en undirbúnings-
vinnan gekk svo vel um helgina að
hægt var að byrja að hreyfa hann í
gær. Hrönn sagði í það minnsta
þrjátíu manns vinna við verkið og að
heldur kalsamt væri við Kárahnjúka
um þessar mundir.
Aðgöng 3 í Glúmsstaðadal verða
alls 2.650 metra löng, þar af verða
700 metrar boraðir og sprengdir, en
risaborvélin, sem í daglegu tali er
nefnd gangaborvél, vinnur afgang-
inn.
Ljósmynd/Hrönn Hjálmarsdóttir
Starfsmenn Impregilo virka agnarsmáir við hlið risaborsins sem senn bor-
ar aðgöng 3 í Glúmsstaðadal, alls nærri tveggja kílómetra langan kafla.
Lagður upp í langt og strangt
ferðalag um iður jarðar
FRESTUR til að skila skatt-
framtölum hefur verið lengdur um
tvo daga. Samkvæmt ákvörðun rík-
isskattsstjóra hafa skattgreiðendur
nú frest til morguns, miðvikudag, til
þess að skila framtalinu. Þessi
ákvörðun nær jafnt til þeirra sem
skila rafrænt og þeirra sem skila á
pappír. Ákvörðunin er tekin til þess
að jafna álag í lok frestsins og eins í ljósi þess að dreifing framtala var
aðeins seinni á ferðinni en stefnt var að.
Skil skattframtala hafa verið góð, en um miðjan dag í gær höfðu
um 47.000 manns skilað framtölum á vef ríkisskattstjóra. Rúmlega
44.000 framteljendur höfðu sótt um framlengdan frest til rafrænna
skila og fengið úthlutað lokadegi frá 29. mars til 2. apríl.
Boðið er upp á aðstoð í síma vegna skattamála og tæknimála. Nán-
ari upplýsingar um þessa þjónustu er að finna á vef ríkisskattstjóra,
www.rsk.is.
Meiri tími fyrir skattframtalið
Fresturinn lengdur
til miðvikudags
Sjóprófum
frestað
FRESTAÐ var í gær sjóprófum
vegna strands Baldvins Þorsteins-
sonar í Meðallandsfjörum á dögun-
um en þau áttu að fara fram hjá emb-
ætti Sýslumannsins á Akureyri í
gærmorgun. Var ákveðið að hafa þau
á fimmtudaginn. Ástæða þessa er sú
að hluti áhafnar Baldvins er staddur
í Noregi.
Fyrrverandi
bankastarfs-
maður kærður
FYRRVERANDI starfsmaður
Landsbankans í Keflavík, sem grun-
aður er um stófelld fjársvik í bank-
anum, var kærður til lögreglu í gær.
Málið komst upp í síðustu viku við
eftirlit innri endurskoðunar bankans
sem leiddi til þess að fram kom full-
nægjandi ástæða til að leggja fram
formlega kæru til lögreglunnar.
Grunur beinist að því að hinn kærði
hafi tekið í sínar hendur nokkrar
milljónir króna.
MÁLSTOFA á vegum Alþjóðahúss
undir yfirskriftinni: „Hvar á ég
heima? Menntun barna og fjölmenn-
ingarlíf innflytjenda“ var haldin í gær
þar sem rætt var um mál innflytjenda
frá ýmsum hliðum. Málstofan var
haldin í tilefni af alþjóðlegum bar-
áttudegi gegn kynþáttafordómum.
Amal Tamimi, múslími frá Palest-
ínu, sem á sæti í stjórn samtaka
kvenna af erlendum uppruna, fluttist
til Íslands með fimm börn á aldrinum
fjögurra til sextán ára en sjötta barn-
ið eignaðist hún hérlendis. Hún
fjallaði um varðveislu menningar
heimalandsins í íslensku menningar-
umhverfi og sagði það reynslu sína að
besta leiðarljósið við uppeldi barna
væri að taka það besta úr báðum
menningarheimum. Berta Faber,
verkefnisstjóri tvítyngdra barna,
ræddi um uppeldi tvítyngdra barna
og Nína Hateh, ungur innflytjandi
frá Filippseyjum, fjallaði um það
hvort hún tilheyrði heimalandi sínu
eða Íslandi. Þá ræddi Sölvi Sveins-
son, skólameistari Fjölbrautaskólans
við Ármúla, um hvaða sérþarfir upp-
fylla þyrfti vegna innflytjenda.
Fundarstjóri var Sigríður Margrét
Guðmundsdóttir fréttamaður.
Ræddu um fjölmenn-
ingarlíf innflytjenda
Morgunblaðið/Golli
♦♦♦