Pressan - 02.07.1992, Qupperneq 65

FIMMTUDAGUR PRESSAN 2. JÚLI 1992
25
SUÐURNES ua
Fyrir höfuðborgarbúa er stutt að
skreppa til Grindavíkur, einnar stærstu
verstöðvar landsins, og heyra þorsk-
hjartað slá. Þar snýst allt um fiskveiðar
og fiskvinnslu, enda kaupstaðurinn ein
stærsta verstöð landsins. Þar er árlega
landað afla að verðmæti milljarða
króna. Sjósókn frá Grindavík var löng-
um erfið og hættuleg, þar sem kaup-
staðurinn liggur fyrir opnu hafi. Inn-
siglingin til Grindavíkur er enn í dag
oft í fréttum enda óárennileg þegar illa
viðrar. Ný hafnarmannvirki voru reist í
kringum 1950 og stöðugt hefur verið
unnið að endurbótum hafnarinnar síð-
an. Hún er nú talin í hópi betri fiski-
hafna landsins.
Grindavík varð ein af lögskipuðum
verslunarhöfnum landsins þegai' einok-
unarverslunin komst á árið 1602. Mörg
ömefni á staðnum má rekja til siglinga
og verslunar íýrr á öldum.
KEFLAVÍK
Kaupstaðurinn Keflavík stendur við
samneftida vík sem gengur inn úr vest-
anverðum Stakksfirði í sunnanverðum
Faxaflóa. Óljóst er hvenær byggð hófst
í Keflavík. Verslun er talin hafa verið
þar lfá því um 1500. Mikið útræði var
frá Keflavík fyrr á öldum og framyfir
aldamótin 1900, einvörðungu á opnum
árabátum.
Fyrsti vélbáturinn kom til Keflavíkur
1908 og markaði upphaf nýrra og betri
tíma í sögu staðarins sem enn byggir að
verulegu leyti á útgerð og fiskvinnslu.
REYKJANESFÓLKVANÚUR
Reykjanesfólkvangur er ákjósanlegt
útivistarsvæði. Hann er í nálægð
stærsta þéttbýlissvæði landsins og ætti
því að vera borgarbúum kærkomið at-
hvarf frá erli og þvargi þéttbýlisins.
Landslag fólkvangsins er stórbrotíð og
fjölbreytt og er raunar stöðugt að breyt-
ast því mótunartíma þess er ekki lokið.
Reykjanesfólkvangur var stofnaður ár-
ið 1975 og standa að honum Garða-
kaupstaður, Grindavík, Hafnarljörður,
Keflavík, Kópavogur, Njarðvík,
Reykjavík, Seltjamames og Selvogur.
Fólkvangurinn er 300 ferkílómetrar að
stærð og er langstærsta friðlýsta land
sinnar tegundar á landinu. Mörk hans
eru Vesturháls að vestan, sýslumörk
Gullbringusýslu og Ámessýslu að aust-
an, að sunnan til sjávar og norðurlendi
fólkvangsins tengist öðmm friðlýstum
svæðum, svo sem Bláfjallafólkvangi og
Heiðmörk.
AKVECIR UM FÓLKVANCINN
Helstu akvegir um Reykjanesfólk-
vang eru Krísuvíkurvegur af Reykja-
nesbraut, skammt sunnan Hafnarfjarð-
ar, en norðan álversins í Straumsvík.
Krísuvíkurvegur liggur yfir Kapellu-
hraun og Óbrynnishólabruna, um
Vatnsskarð og áfram meðfram Kleifar-
vatni, suður í Krísuvík og Selvog, en
skammt sunnan Krísuvfkur skiptist
vogurinn og liggur þar annar vegur tíl
Grindavíkur. Akvegur er einnig í Kald-
ársel ffá kirkjugarðinum í Hafnarfirði.
Til að sem flestir getí fengið að njóta
þeirrar náttúmfegurðar sem fólkvang-
urinn hefúr upp á að bjóða var lagfærð
og bætt jeppaslóð sú, sem liggur um
Móhálsadal, en svo nefnist svæðið
milli Sveifluháls og Vesturháls, þannig
að nú er hann fólksbílafær yfir sumar-
mánuðina. Með þessum vegi hefur
opnast skemmtileg hringleið innan
fólkvangsins.
Með tilkomu nýs vegar úr Bláfjöll-
um opnaðist norðurhluti fólkvangsins
og tengdist hann þá Bláfjallafólkvangi.
Þar með opnaðist önnur hringleið, en
allt of fáir hafa gert sér grein fyrir því
að Bláfjallafólkvangurinn býður upp á
ýmislegt fleira en aðstöðu til vetrar-
íþrótta.
CÖNCUFERÐIR í REYKJANES-
FÓLKVANCI
Möguleikar til gönguferða í Reykja-
nesfólkvangi eru nánast óþrjótandi.
Nokkrar leiðir eru þó öðrum vinsælli
vegna útsýnis, sögu og náttúruminja
eða sérkenna í landslagi.
Hér verða nefndar nokkrar göngu-
Ieiðir, sem auðvelt ætti að átta sig á
með því að hafa gott landabréf af svæð-
inu til hliðsjónar.
BÚRFELL
Búrfell er eldgígur eða eldborg unt
7,5 kílómetra austsuðaustur frá Hafnar-
firði. Frá Búrfelli hafa runnið hraun
niður í Hafnarfjörð og Skerjafjörð.
Hraunin heita ýmsum nöfnum, sem
sem Hafnarfjarðarhraun, Garðahraun,
Gálgahraun, Urriðakotshraun, Grá-
helluhraun og Smyrlabúðahraun, en
samheiti allra er Búfellshraun. Þau eru
alls um átján ferkílómetrar að stærð.
Frá gígnum liggja miklar hrauntiað-
ir, en svo nefnast farvegir apalhrauna á
VELKOMIN A
Suðumes

Anægjuleg ferð um skemmtilegan landshluta þar sem fjöldi
forvitnilegra staða bíða ykkar.
ELDSTÖÐVAR • HRAUN • FUGLABJÖRG • FJÖRUR • VITAR
FORVITNILEGAR MINJAR • BLÁA LÓNIÐ • VEIÐI • HESTALEIGA
GOLF • GÖNGULEIÐIR • TJALDSTÆÐI • SVEFNPOKAPLÁSS
HÓTEL • VEITINGASTAÐIR • BÍLALEIGUR
LEIGUBÍLAR • HÓPFERÐABILAR
-Góður valkostur-
-Skemmtiferð um Suðurnes-
-Fjölbreytt ferðaþjónusta-
Bókin Suöur meö efó er hinn kjörni leiðsögumaður.
Góða ferð!
Samband
Sveitarfélaga á
Suðurnesjum
E3
FERÐAMÁLASAMTÖK
SUÐURNESJA
■<
o
■<
DC
CD