Morgunblaðið - 29.04.2004, Blaðsíða 17

HÖFUÐBORGARSVÆÐIÐ
MORGUNBLAÐIÐ FIMMTUDAGUR 29. APRÍL 2004 17
MICRA
Áttu hann í
gulu?
Nýja Micran er bíll sem sker sig
úr. Smábíllinn stóreygði býr yfir
lipurð listdansarans og afli
kraftlyftingamannsins. Micran er
stútfull af hugvitssamlegum
lausnum sem létta þér lífið.
Innanrýmið er svo haglega
hannað að þetta er rúmbesti bíll
í sínum stærðarflokki.
Nissan Micra – æðislegur bíll í
öllum regnbogans litum. Komdu
við hjá Ingvari Helgasyni og
kynntu þér málið nánar.
Sævarhöfða 2 · 525 8000 · ih@ih.is
F
í
t
o
n
/
S
Í
A
0
0
9
2
0
3
Verð frá 1.390.000
www.gimli.is - ww.mbl.is/gimli
Árni Stefánsson viðskiptafræðingur og lögg. fasteignasali
FASTEIGNASALAN
GIMLI GRENSÁSVEGI 13,SÍMI 570 4800 - FAX 570 4810
Traust þjónusta í 20 ár
Með kveðju.
Hákon, sími 898 9396,
lögg. fasteignasali.
EINBÝLI Í GARÐABÆ
ÓSKAST
Mér hefur verið falið að leita eftir einbýlis-
húsi. Æskilegt að það séu að lágmarki
fjögur svefnherb. Um er að ræða fjársterka
aðila, sem eru tilbúnir að veita langan
afhendingartíma sé þess óskað. Verðhug-
mynd 24-28 millj. Áhugasamir vinsamleg-
ast hafið samband og ég mun fúslega
veita nánari upplýsingar.
Garðabæ | Krakkar úr Barnaskóla
Hjallastefnunnar og leikskólanum
Ásum tóku fyrstu skóflustungurnar
að Sjálandsskóla, nýjum grunnskóla í
Garðabæ, í gær, en ætla má að krakk-
arnir verði meðal nemenda í skólan-
um þegar hann tekur til starfa haust-
ið 2005.
„Skólinn er hannaður utan um hug-
myndir um einstaklingsmiðað nám
þannig að skólahúsnæðið sjálft er
mjög sveigjanlegt,“ segir Ásdís Halla
Bragadóttir, bæjarstjóri Garðabæjar.
Þannig verða ekki skólastofur í eig-
inlegum skilningi í skólanum, heldur
verður ákveðið heimasvæði, og svo
misstór rými þangað sem hópar nem-
enda geta farið til að vinna verk sem
krefjast næðis.
Foreldrar velja skólana
„Þarna verður ákveðið nokkur
hundruð fermetra heimasvæði og á
því verða 60–70 börn og kannski 5–7
kennarar. Þessir 5–7 kennarar verða í
teymi til að starfa með þessum barna-
hópi, hver og einn ber ábyrgð á ein-
hverjum hluta hópsins. Svo fara börn-
in inn í þessi minni rými þegar þau
vilja vinna með þannig efni,“ segir Ás-
dís. Fyrsti áfangi skólans mun rúma
um 250 börn í 1.–7. bekk. „Ég er
nokkuð viss um að foreldrar verði
áhugasamir um að fá rými þarna fyrir
börnin sín,“ segir Ásdís. Skólinn mun
eins og aðrir skólar í Garðabæ þjóna
öllu bæjarfélaginu og geta foreldrar
valið hvar þeir kjósa að láta börn sín
ganga í skóla. Skólinn verður því að
sækjast eftir nemendum eins og aðrir
skólar í bæjarfélaginu.
Stefnt er á að skólinn verði vígður
haustið 2005. Síðar verða byggðir
fleiri áfangar fyrir annaðhvort fleiri
nemendur í 1.–7. bekk, eða fyrir eldri
börn.
Framkvæmdir við Sjá-
landsskóla að hefjast
Morgunblaðið/Ásdís
Mokað í sandinn: Leikskólabörnin tóku nokkuð margar fyrstu skóflu-
stungur að Sjálandsskóla í gær, enda af nógu að taka.
Reykjavík | Borgarráðsmenn
munu taka afstöðu til þess
hvort, og þá hvernig, fyr-
irspurn frá Átakshópi gegn
færslu Hringbrautar verður
svarað. Hverjum og einum
borgarráðsmanni var á þriðju-
dag afhent fyrirspurn um af-
stöðu þeirra til frestunar á
færslu Hringbrautar.
Eiríkur Hjálmarsson, að-
stoðarmaður borgarstjóra,
segir Þórólf Árnason borg-
arstjóra ekki hafa tekið af-
stöðu til erindisins, en vænta
megi svars nk. mánudag þegar
borgarfulltrúar hafi ráðið ráð-
um sínum. Aðspurður hvort
borgaryfirvöld hyggist svara
ályktun frá fundi átakshópsins
frá því 30. mars, segir hann að
það sé ekki venjan að svara sé
óskað við slíkum ályktunum,
átakshópurinn hafi komið sín-
um sjónarmiðum til skila til
kjörinna fulltrúa.
Þau mistök urðu við vinnslu
blaðsins í gær að nöfn féllu nið-
ur úr myndatexta þar sem
fulltrúar úr átakshópi gegn
færslu Hringbrautarinnar af-
hentu borgarráðsmönnum fyr-
irspurn. Á myndinni voru þau
Dóra Pálsdóttir og Örn Sig-
urðsson að afhenda Vilhjálmi
Þ. Vilhjálmssyni borgarfull-
trúa Sjálfstæðisflokks fyr-
irspurnina.
Svara
erindi á
mánudag
Grafarvogur | Ástralska listakonan
Tamara Kirby hefur undanfarna
daga unnið með grunnskólakrökkum
í Grafarvogi og kennt þeim að vinna
listaverk úr reyr, pappír og trélími.
Ekki var annað að sjá en krakk-
arnir í 5. og 6. bekk í Ingunnarskóla
skemmtu sér konunglega, útötuð í
trélími og alsæl með tilveruna. Þau
voru að útbúa lampa sem meiningin
er að ganga með í skrúðgöngu við
upphaf Leiklistarhátíðar barna sem
hefst 15. maí.
„Krakkarnir hafa staðið sig alveg
frábærlega,“ segir Kirby. „Kenn-
ararnir höfðu áhyggjur af því að
krakkarnir hegðuðu sér illa, en svo
reyndist alls ekki vera. Þau eru mjög
spennt fyrir þessu verkefni og mjög
áhugasöm um að læra nýjar aðferðir.
Þarna fá þau að virkilega vera með
puttana í verkefninu, verða subbuleg,
og eru hæstánægð með það.“
Alls vinnur Kirby með um 70 börn-
um í þremur skólum í Grafarvogi.
Hún segir mjög mikilvægt fyrir sig
sem listamann að gefa af sér með því
að fá samfélagið í lið með sér við að
gera listaverk, í stað þess að vinna ein
á vinnustofu allan liðlangan daginn.
Kirby segir krakkana á Íslandi
mjög ánægða með það sem hún er að
kenna þeim, og segir að það hljóti að
mega gera meira af listrænum hlut-
um með skólabörnum til að fá þau til
að skapa nýja hluti.
Bjó til hús með þessari aðferð
Aðferðin sem Kirby kennir krökk-
unum í Grafarvoginum felst í því að
útbúa grind úr sveigjanlegum reyr,
gegnbleyta pappír í útþynntu trélími
og leggja yfir grindina. Útkoman
verður ótrúlega sterk, segir Kirby, og
hefur hún m.a. búið til hús með þess-
ari aðferð í Ástralíu. Hún viðurkennir
þó að slík hús myndu eflaust endast
stutt hér á landi.
Afraksturinn af föndri krakkanna
má svo sjá í skrúðgöngu við upphaf
Leiklistarhátíðar barna þann 15. maí.
Kirby vinnur að því ásamt fleirum að
útbúa 3–4 metra hátt naut, landvætt
Suðurlands, sem verður borið fremst
í skrúðgöngunni. Á eftir nautinu
koma svo krakkarnir með lampana
sína, og því næst fjölskyldur þeirra
og aðrir áhorfendur með litla flug-
dreka í líki fugla.
Áströlsk listakona föndr-
ar með skólakrökkum
Morgunblaðið/Ásdís
Listsköpun: Krakkarnir í Ingunnarskóla tóku vel í nýjar aðferðir og hjálp-
uðust að við að gera lampa með aðstoð Tamöru Kirby.