Morgunblaðið - 25.05.2004, Page 11
FRÉTTIR
MORGUNBLAÐIÐ ÞRIÐJUDAGUR 25. MAÍ 2004 11
ÚR VERINU
SÍLDVEIÐAR ganga rólega um
þessar mundir en nálægt tugur
skipa er nú að veiðunum nyrst í ís-
lenzku lögsögunni og norður í Síld-
arsmugunni allt norður undir 72.
breiddargráðu austur af lögsögu
Jan Mayen. Aðeins tvö skip hafa
landað afla, Hákon EA kom til Nes-
kaupstaðar nýlega með fullfermi af
frosnum síldarflökum eða á milli
sex og sjö hundruð tonn og var
þetta fyrsta síldin úr norsk-íslenska
síldarstofninum sem berst að landi
þetta vorið. Síðan hefur græn-
lenzka skipið Siku landað um 400
tonnum til bræðslu.
Freysteinn Bjarnason, útgerð-
arstjóri Síldarvinnslunnar, segir að
veiðarnar séu erfiðar og síldin
stygg. Skipin með troll hafi þó verr-
ið að kroppa eitthvað en lítið sem
ekkert gangi hjá nótaksipunum.
Á sunnudaginn var hollenzkt
skip að fá einhvern afla norðarlega
í Síldarsmugunni í ágætis veðri. Ís-
leifur VE var þá nyrstur af skip-
unum á 70. gráðu norður og 2. aust-
ur. Togskipin voru innan íslenzku
lögsögunnar og voru að fá góða síld
eða um 350 grömm að þyngd, en
ekki hefur verið mikill kraftur í
veiðunum.
Morgunblaðið/Ágúst Blöndal
Síld Hákon EA landar síld í Neskaupstað, fyrst íslenzkra skipa í vor.
Rólegt á síldinni
VEIÐAR á kolmunna ganga vel um
þessar mundir. Íslenzku skipin hafa
landað um 88.700 tonnum sam-
kvæmt upplýsingum samtaka fisk-
vinnslustöðva. Erlend skip hafa
landað 34.600 tonnum og því hafa
fiskimjölsverksmiðjurnar tekið á
móti ríflega 123.000 tonnum.
Leyfilegur kvóti íslenzkra skipa er
493.000 tonn á þessu ári og því
standa eftir óveidd um 404.300 tonn.
Langmestu af kolmunna hefur
verið landað hjá Síldarvinnslunni á
Seyðisfirði, um 38.000 tonnum.
Eskja á Eskifirði er næst með 25.800
tonn og í þriðja sætinu er Loðnu-
vinnslan á Fáskrúðsfirði með 21.500
tonn. Síldarvinnslan í Neskaupstað
hefur tekið á móti 14.500 tonnum,
7.200 tonnum hefur verið landað hjá
HB Granda á Akranesi, 6.300 tonn-
um hjá Samherja í Grindavík og
6.000 tonnum hjá Vinnslustöðinni í
Vestmannaeyjum. 2.400 tonn hafa
borizt til Tanga á Vopnafirði, 1.300
tonn til Ísfélagsins í Vestmannaeyj-
um og 135 tonn til Síldarvinnslunnar
í Helguvík.
Góð veiði
á kolmunna
MORGUNBLAÐINU hefur
borist eftirfarandi yfirlýsing frá
Jóni Guðmundssyni, löggiltum
fasteignasala hjá Fasteigna-
markaðinum ehf.:
„Í grein eftir Hannes Hólm-
stein Gissurarson sem birtist í
Mbl. sl. föstudag er gefið í skyn
að í borgarstjóratíð sinni hafi
Ingibjörg Sólrún Gísladóttir
staðið fyrir kaupum borgarinnar
á tilteknum fasteignum á
Laugaveginum af sérstakri
greiðasemi við Jón Ólafsson. Af
þessu tilefni vil ég koma eft-
irfarandi á framfæri:
Sala eignanna fór fram fyrir
milligöngu Fasteignamarkaðar-
ins ehf. sem hafði haft eignirnar
til sölu um langan tíma ásamt
fleiri fasteignasölum í borginni.
Það var að frumkvæði mínu að
þessi viðskipti komust á. Verð-
hugmyndir eigendanna höfðu
lengi verið mun hærri en borgin
var tilbúin að fallast á. Á
ákveðnum tímapunkti taldi ég
mig hafa stöðu til þess að ná
verðinu verulega niður og fékk
þá eigendur fasteignanna til
þess að gera mér tilboð um
kaup á eignunum fyrir það verð
sem mér fannst ásættanlegt fyr-
ir hönd ótilgreinds kaupanda.
Þegar tilboðið lá fyrir hafði ég
samband við Þorstein Inga
Garðarsson hjá Skipulagssjóði
Reykjavíkurborgar og bauð
sjóðnum að ganga inn í kaupin.
Mér vitanlega voru einu af-
skipti Ingibjargar Sólrúnar
Gísladóttur af málinu þau, að
hún hringdi í mig áður en málið
var lagt fyrir borgarráð til að
fullvissa sig um að borgin væri
ekki að greiða hærra verð fyrir
eignirnar en sanngjarnt og eðli-
legt mætti teljast og til að fá
staðfestingu á því að eigend-
urnir hefðu ekki haft vissu um
hver hinn raunverulegi kaup-
andi væri.
Þessar upplýsingar hafa áður
komið fram opinberlega m.a. í
Morgunblaðinu þann 05.03. 2003
þar sem greint er frá vinnuferli
Fasteignamarkaðarins ehf. að
sölunni.
Það er mér því með öllu
óskiljanlegt að gefið skuli í skyn
í framangreindri grein að ann-
arleg sjónarmið eða greiðasemi
hafi ráðið þessum viðskiptum.“
Jón Guðmundsson, löggiltur
fasteignasali, Fasteignamarkað-
inum ehf.
Yfirlýsing frá Jóni Guðmundssyni,
löggiltum fasteignasala
Kaup borgarinnar
á eignum Jóns
Ólafssonar á
Laugaveginum
Deilt um laxinn
vestanhafs
DEILUR eru nú að rísa um það
vestan hafs hvort nýta eigi laxa-
seiði, sem hafa klakizt út og verið
alin upp til sleppinga í klakstöðv-
um, til að byggja upp villta laxa-
stofna, sem eiga undir högg að
sækja. Hugmyndin er runnin und-
an rifjum skógarhöggsmanna,
bænda og fleiri aðila, sem telja um-
svif sín heft vegna skilgreiningar á
því hvaða laxastofnar séu í hættu.
Um þetta hefur meðal annars verið
fjallað í The New York Times.
Alríkisstjórnin hefur nú í fyrsta
sinn íhugað að telja lax sem sleppt
er í ár með, þegar metið er hvort
tilteknir laxastofnar séu í hættu. Sé
þá um að ræða að klaklax hafi verið
tekinn úr sömu ám og nýttur til
seiðaframleiðslu, og seiðunum verði
sleppt í. Vísindasamfélagið hefur
að hluta til brugðizt hart við þess-
um hugmyndum og telja margir
vísindamenn að lax sem klakizt hef-
ur út í keri og komizt þar á legg,
komi hvergi í staðinn fyrir fisk sem
klakizt hefur út við náttúrulegar
aðstæður, jafnvel þó að um sé að
ræða laxa af sama stofni og með
sömu erfðavísa. Vísindamennirnir
telja að þetta sé í andstöðu við
náttúruverndarlög að telja lax
klakinn á landi með villtum laxi, sé
eins og að telja dýr í dýragörðum
með, þegar metinn er fjöldi dýra í
hugsanlegri útrýmingarhættu.
Verði þessi leið farin verði aldrei
hægt að vernda ár og skóga eins og
vera ber.
Ransom A. Myers, doktor í fiska-
líffræði við háskólann í Halifax,
segir að þetta sé hrein pólitísk
ákvörðun, sem sé beint gegn vís-
indunum. Myers var í nefnd á veg-
um yfirvalda til að koma með til-
lögur um stefnu í málefnum laxins.
„Hugmyndum nefndarinnar var
hafnað til að móta stefnu sem er
hagstæðari aðilum í iðnaði, sem eru
á móti því að landrými þeirra verði
skert,“ segir hann.
Stjórnvöld segjast verða að fara
að niðurstöðu dómstóla, sem skyld-
ar þau til að taka fisk úr eldisstöðv-
um með þegar staða einstakra laxa-
stofna sé metin. Staðreyndin sé
einfaldlega sú að vísindamennirnir
séu komnir út fyrir verksvið sitt og
séu að reyna að móta stefnuna í
þessum málum. Það sé ekki hlut-
verk þeirra.
Eins og staðan var höfðu um-
hverfisverndarsinnar náð ákveðnu
forskoti en nú hafa landnýtingar-
menn stigið fram á orrustuvöllinn
og náð þeim árangri að meta verð-
ur fisk úr eldisstöðvum með. Það er
ljóst að veruleg barátta er fram-
undan í málefnum villta laxins vest-
anhafs.
PERSÓNUVERND hefur form-
lega óskað eftir því að Vátrygg-
ingafélag Íslands upplýsi fyrir 24.
júní nk. hvernig það muni tryggja
að upplýsingar um lyfjanotkun ein-
staklinga úr gagnagrunni Lyfju hf.
verði ekki notaðar í ólögmætum til-
gangi. VÍS segist hvorki hafa
áhuga né ástæðu til að sækjast eft-
ir slíkum upplýsingum.
Í bréfi Persónuverndar til VÍS
er minnt á aukna ásókn í heilsu-
farsupplýsingar, þar á meðal um
erfðaeiginleika, lyfja-, áfengis- og
vímuefnanotkun. Segir að nýjar
tækniframfarir hafi gert slíkar
upplýsingar verðmætari en flestar
aðrar persónuupplýsingar og
þeirrar þróunar hafi orðið vart er-
lendis að m.a. tryggingafélög, vilji
komast yfir heilsufarsupplýsingar
t.d. til að útiloka viðskipti við ein-
staklinga, sem hafa tiltekna erfða-
eiginleika eða sjúkdóma. Ekki sé
verið að gefa í skyn að slíkt vaki
fyrir Vátryggingafélagi Íslands,
heldur verið að benda á hættuna
sem fylgir því að heilsufarsupplýs-
ingar um einstaklinga séu misnot-
aðar.
Jafnaðskilin og fyrir kaupin
Í yfirlýsingu sem VÍS sendi frá
sér „vegna umræðna á opinberum
vettvangi um meðferð persónuupp-
lýsinga í tengslum við kaup óstofn-
aðs hlutafélags VÍS og fleiri á
Lyfju hf.“ segir m.a. að fyrirtækið
verði minnihlutaeigandi í félaginu.
Í yfirlýsingunni kemur fram að
aldrei hafi komið til álita að reka
VÍS og Lyfju sameiginlega að
neinu leyti og verði Lyfja rekin
áfram sem sjálfstætt fyrirtæki.
„Upplýsingakerfi VÍS og Lyfju
verða jafnaðskilin hér eftir sem
hingað til eins og lög kveða á um.
Því er auðvitað óheimilt með öllu
að VÍS nýti sér á einhvern hátt
persónuupplýsingar sem Lyfja býr
yfir og ætti að vera óþarft að taka
fram að slíkt hefur ekki hvarflað að
nokkrum manni sem að málinu
kemur af hálfu VÍS enda hvorki
áhugi né ástæða fyrir félagið að
sækjast eftir slíkum upplýsingum,“
segir í yfirlýsingu VÍS.
Tekið er fram að bæði VÍS og
Lyfja starfi í samræmi við reglur
sem lög um meðferð persónuupp-
lýsinga kveði á um og hafi sett sér
nákvæmar öryggisreglur um með-
ferð persónuupplýsinga.
„VÍS verður minnihlutaeigandi í
væntanlegu félagi um rekstur
Lyfju. Félagið lítur einfaldlega á
Lyfju sem góðan fjárfestingarkost
og ætlar að stuðla að áframhald-
andi farsælum rekstri fyrirtækis-
ins,“ segir í yfirlýsingu VÍS.
Persónuvernd
vill tryggja
verndun gagna-
grunns Lyfju
Þekkst hefur að erlend trygginga-
félög ásælist heilsufarsupplýsingar
þeir lofa fyrir kosningar,“ sagði
Steingrímur.
Fela eigið dugleysi
Þorgerður Katrín Gunnarsdóttir
menntamálaráðherra vitnaði í um-
mæli þingmanna stjórnarandstöð-
unnar þar sem þeir lýstu áhyggjum
af fákeppni og samþjöppun valds.
Sagði hún von að fólk spyrði af
hverju þessi umpólun hefði orðið í
afstöðu þeirra til samþjöppunar
valds á fjölmiðlamarkaði.
Sagði hún að stjórnmálamenn
hefðu orðið að spyrja sig þeirrar
samviskuspurningar um síðustu
áramót hvort bregðast ætti við
þessari samþjöppun eins og gert
hefði verið í öðrum vestrænum ríkj-
um. Við þessu hefði þurft að bregð-
ast.
HELSTU nýmælin í lögum um
breytingu á útvarpslögum og sam-
keppnislögum, fjölmiðlalögin svo-
nefndu, sem samþykkt voru á Al-
þingi í gær, eru að skorður eru
settar við útgáfu útvarpsleyfa til
fyrirtækja að því er varðar mark-
mið, starfsemi, markaðsstöðu og
eignarhald þeirra. Þótt lögin taki
gildi þegar í stað er útvarpsrétt-
arnefnd þó heimilt að framlengja
útvarpsleyfi sem falla úr gildi innan
tveggja ára en þó ekki lengur en til
júní 2006 jafnvel þótt leyfishafinn
uppfylli ekki skilyrði nýju laganna
eða m.ö.o. fresturinn til að laga sig
að lögunum getur verið liðlega tvö
ár.
Um leið er gerð breyting á því
hvernig skipað skuli í útvarpsrétt-
arnefnd. Í nefndinni sátu áður sjö
menn sem kosnir voru hlutfalls-
kosningu á Alþingi en þeir verða nú
þrír og á menntamálaráðherra að
skipa tvo þeirra samkvæmt tilnefn-
ingu Hæstaréttur en ráðherra skip-
ar síðan þann þriðja án tilnefningar
og verður hann formaður nefnd-
arinnar.
Aðeins almenn skilyrði áður
Í fyrri lögum má segja að veiting
útvarpsleyfa hafi aðeins verið háð
mjög almennum skilyrðum. Sam-
kvæmt breytingunum á lögunum er
óheimilt að veita fyrirtæki útvarps-
leyfi sem hefur að meginmarkmiði
rekstur sem er óskyldur fjölmiðla-
rekstri. Í annan stað má heldur
ekki veita útvarpsleyfi til félags ef
markaðsráðandi fyrirtæki eða fyr-
irtækjasamstæða á einhverju sviði
á meira en 5% í því nema því aðeins
að velta þess sé minna en tveir
milljarðar á ári. Í þriðja lagi er svo
óheimilt að veita útvarpsleyfi til
fyrirtækis ef annað fyrirtæki eða
fyrirtæki í sömu fyrirtækja-
samstæðu eiga meira en 35% eign-
arhlut í því. Í fjórða og síðasta lagi
má ekki veita útvarpsleyfi til fyr-
irtækis ef það tengist útgáfu dag-
blaðs.
Útvarpsréttarnefnd getur þó vik-
ið frá skilyrðunum að því er varðar
leyfi til svæðisbundins hljóðvarps.
Samkeppnisstofnun er falið meta
hvort fyrirtæki teljist vera í mark-
aðsráðandi stöðu. Þau hafa þó frest
til andmæla og atugasemda og geta
kært niðurstöðu Samkeppnisstofn-
unar til áfrýjunarnefndar sam-
keppnismála.
En hvað tákna þessar breytingar
á lögunum? Ljóst er að skilyrðin um
eignarhald munu snerta rekstur
Norðurljósa, þar sem Baugur
Group er stærsti einstaki hluthaf-
inn en miðað við núverandi eign-
arhald munu þau ekki snerta rekst-
ur Íslenska sjónvarpsfélagsins sem
rekur Skjá 1.
Eftir 1. júní 2006 getur Baugur
ekki átt meira en 5% hlut í Norður-
ljósum í óbreyttri mynd.
Liðlega tveggja
ára frestur
til aðlögunar