Morgunblaðið - 25.05.2004, Blaðsíða 20

AKUREYRI
20 ÞRIÐJUDAGUR 25. MAÍ 2004 MORGUNBLAÐIÐ
ALLS voru 143 brautskráðir frá Verkmennta-
skólanum á Akureyri um helgina, 67 stúdentar
af bóknámsbrautum og listnámsbraut, þá luku
27 stúdentsprófi að loknu starfsnámi og luku
því námi á fleiri en einni braut og 49 braut-
skráðust af starfs- og verknámsbrautum.
„Þeir sem ekki þekkja til gera sér ekki alltaf
grein fyrir hve fjölbreytilegur og breiður nem-
endahópur Verkmenntaskólans er í raun og
veru. Þori ég að fullyrða að breiddin sé hvergi
meiri,“ sagði Hjalti Jón Sveinsson skólameist-
ari við skólaslit, en skólanum var nú slitið í
tuttugasta sinn og var þeim tímamótum í sögu
skólans einnig fagnað nú.
Fram kom í máli skólameistara að nem-
endur dagskóla við upphaf haustannar voru
1.160 talsins og hafa aldrei verið fleiri, en um
var að ræða um 100 nemenda fjölgun frá síð-
asta ára. Heldur færri voru við nám á vorönn,
eða sem nemur um 100 nemendum. Þá stund-
uðu um 650 manns fjarnám við skólann bæði á
haust- og vorönn, en í vetur líkt og áður þurfti
að vísa mörg hundruð áhugasömum umsækj-
endum frá. Fram kom við skólaslit að próf við
skólann hefðu verið þreytt á um 100 stöðum nú
í vor, þar af á 80 stöðum innanlands og 20 víða
erlendis. Nyrsti prófstaðurinn var í Grímsey,
sá syðsti á Spáni, austasti í Kína og vestasti í
Minnesota í Bandaríkjunum.
Langflestir nemendur dagskóla eru á aldr-
inum 16 til 22 ára en ótrúlega margir samt
eldri en 30 ára að því er fram kom í máli Hjalta
Jóns. Hann gat þess einnig til marks um
breiddina að í útskriftarhópnum væri yngsti
stúdentinn 17 ára og elstu nemendur í vél-
stjórn og járnsmíði væru á sextugsaldri.
Írena Sædísardóttur fékk forláta bikar en
hún var með hæstu meðaleinkunn á almennu
verslunarprófi, Sveinbjörg Eva Jóhann-
esdóttir hlaut verðlaun fyrir góðan árangur á
stúdentsprófi af viðskiptasviði, Eilífur Örn
Jónsson hlaut verðalun fyrir framúrskarandi
árangur í málmiðnaðargreinum, Hermann
Daði Hermannsson fékk verðlaun fyrir fram-
úrskarandi árangur í húsasmíði, Hilmar Þór
Guðmundsson fyrir góðan árangur í viðbót-
arnámi að loknu iðnnámi og Ívar Örn Vignis-
son fékk verðlaun fyrir góðan árangur í vél-
stjórnargreinum.
Liðlega 140 nemendur voru brautskráðir frá Verkmenntaskólanum á Akureyri
Próf þreytt á um eitt hundrað stöðum
Morgunblaðið/Kristján
Glaðbeittir útskriftarnemar frá Verkmenntaskólanum á Akureyri við brautskráninguna á laugardaginn.
LÍKNESKI af Þór var afhjúpað á stalli utan
við Verkmenntaskólann á Akureyri við skóla-
slit um helgina, en tilefnið var 20 ára starfs-
afmæli skólans. „Tilkoma þess er sú að starfs-
menn og velunnarar skólans töldu við hæfi að
gera sýnilegt á einhvern hátt að litla nistið
sem talið er af Þór, sem styttan er gerð eftir,
mun hafa fundist hér á Eyrarlandsholtinu um
miðja 19. öld. Töldu menn við hæfi að Þórs
yrði minnst í merki skólans og í skólastarfinu
á einn eða annan hátt,“ sagði Hjalti Jón
Sveinsson skólameistari. Gat hann þess að
nemendafélagið héti Þórduna, einn vefþjóna
skólans bæri nafn Þórs og þá héti hátíð-
armatsalur skólans Þrúðvangur.
Styttan er 1,60 metrar á hæð, hún er úr
bronsi og var steypt í Englandi, en hún er ná-
kvæm eftirmynd nistisins. „Hér skal tekið
fram, ef einhverjum kynni að þykja þetta
orka tvímælis, að með því að hefja Þór á stall
utan við skólann erum við að minna á upp-
runa nistisins,“ sagði skólameistari og eins
„að votta sögu lands og þjóðar virðingu okk-
ar og hinni fornu menningu forfeðranna.“
Morgunblaðið/Kristján
Bernharð Haraldsson, fyrrv. skólameistari VMA, og Hjalti Jón Sveinsson, núverandi skóla-
meistari, eftir að líkneskið af Þór hafði verið afhjúpað í „hofi“ sínu austan við skólann.
Líkneski af
Þór afhjúpað
„ÞETTA var mjög skemmtileg og góð afmælis-
samkoma og tókst vel í alla staði,“ sagði
Erlingur Níelsson hjá Hjálpræðishernum á
Akureyri, en um helgina var því fagnað að 100
ár eru liðin frá því formlegt starf Hjálpræð-
ishersins á Akureyri hófst. Tímamótanna var
minnst í sal hersins við Hvannavelli og troð-
fylltu gestir salinn, „það heiðruðu okkur mjög
margir með nærveru sinni“, sagði Erlingur.
Hjálpræðishernum bárust kveðjur víða að,
blómakarfa kom frá Akureyrarbæ og þá gaf
Hjálpræðisherinn í Reykjavík skjávarpa. Mir-
ima Fredriksen, aðalritari Hjálpræðishersins í
Noregi, Íslandi og Færeyjum, sem var sér-
stakur gestur hátíðarinnar kom færandi hendi,
afhenti 10 þúsund norskar krónur sem eflaust
eiga eftir að koma sér vel. Anne Marie og Har-
old Reinholdtsen, yfirforingjar Hjálpræðis-
hersins á Íslandi, voru einnig sérstakir gestir
hátíðarinnar. Óskar Einarsson stjórnaði gosp-
elkór sem sérstaklega var settur saman af
þessu tilefni, hann var skipaður um 25 söngv-
urum, ungmennum sem sækja fundi hersins og
eins fólki sem sótti fundi í eina tíð, fyrir allt að
20 til 25 árum. „Þetta lukkaðist allt saman
mjög vel,“ sagði Erlingur.
Hjálpræðisherinn á Akureyri fagnar eitt hundrað ára afmæli sínu
Skemmtileg og vel lukkuð samkoma
Morgunblaðið/Kristján
Ungir sem aldnir fjölmenntu á samkomu sem haldin var í tilefni 100 ára afmælisins.
BÆJARSTJÓRN Akureyrar samþykkti til-
lögu á síðasta fundi sínum, þar sem fagnað er
því frumkvæði sem hagsmunaaðilar í mið-
bænum hafa sýnt um mótun framtíð-
arhugmynda um miðbæ Akureyrar. Þróun og
skipulag miðbæjarins er mikilvægur þáttur í
því hvernig Akureyringar vilja sjá bæinn sinn
þróast til framtíðar og því telur bæjarstjórn
að íbúaþing gæti verið kjörinn vettvangur til
að draga fram áherslur íbúa og hagsmunaðila.
Áhugahópurinn um uppbyggingu miðbæj-
arins vinnur að undirbúningi evrópskrar arki-
tektasamkeppni um heildarskipulag miðbæj-
arsvæðisins. Í dag, þriðjudag, boðar
áhugahópurinn til fundar um næstu skref í
verkefninu. Til fundarins mæta fulltrúar
þeirra 12 fyrirtækja sem standa að verkefn-
inu og einnig er bæjarstjórn og forsvars-
mönnum skipulagsmála boðið að sitja fund-
inn. Á fundinum munu fulltrúar frá
ráðgjafarfyrirtækinu Alta kynna nálgunina
við gerð samkeppnislýsingarinnar og fjalla
um hlutverk allra þeirra sem að munu koma,
þ.e. áhugahópsins, bæjaryfirvalda, íbúa og
annarra hagsmunaaðila.
  
Heildarskipulag miðbæjarins
Frumkvæði hags-
munaaðila fagnað
Hlín talar á Amtsbókasafninu | Magn-
ús og Snæfríður – um tvíleik alkóhólismans
er heiti fyrirlestrar sem Hlín Agnarsdóttir,
höfundur bókarinnar ,,Að láta lífið rætast –
ástarsaga aðstandanda“, flytur á Amts-
bókasafninu á Akureyri í dag, þriðjudaginn
25. maí kl. 17. Hún mun fjalla um tilurð
bókar sinnar og speglar reynslu sína sem
aðstandandi alkóhólista í frægum sögu-
persónum Halldórs Laxness, hjónunum
Magnúsi í Bræðratungu og Snæfríði Ís-
landssól. Magnús átti við alvarlega drykkju-
sýki að stríða og Snæfríður fór ekki var-
hluta af henni. Hlín skoðar drykkjumunstur
Magnúsar og viðbrögð Snæfríðar eiginkonu
hans við því. Í fyrirlestrinum talar hún um
kvöl aðstandandans og hvort hún sé óum-
flýjanleg.
  
Nýr slökkvibíll | Framkvæmdaráð hefur,
að tillögu slökkviliðsstjóra, samþykkt að
gengið verði til samninga við MT-bíla ehf. í
Ólafsfirði um kaup á nýrri slökkvibifreið
fyrir Slökkvilið Akureyrar. Tilboðsverð
slökkvibílsins er tæpar 23 milljónir króna
án virðisaukaskatts. Slökkviliðsstjóri mætti
til fundar við framkvæmdaráð og gerði
grein fyrir niðurstöðu útboðs á slökkvi-
bifreið en alls bárust 27 tilboð, aðal- og
frávikstilboð.